31/12/2025
2025 වසර පුරාම හෙල බොදු සිසිල සෙනසුන මූලික කරගෙන , උතුම් වූ සම්මා සම්බුදු පියානන් වහන්සේලා අග්ර කරගනිමින් සම්බුද්ධ පූජාවට ද අප්රමාදිව මේ බව කතර තරණය කරන්නට වෙර දරණ භික්ෂූන් වහන්සේලා ද අරමුණු කරගෙන දානය,ගිලන්පස සහ අනෙකුත් පහසුකම් වෙනුවෙන් ද
සෙනසුනේ ඉදිකිරීම් කටයුතු, සහ නඩත්තු කටයුතුවලට මෙන්ම විදුලි බිල ආදී අනෙකුත් සියලුම දෑ වෙනුවෙන් තම තමන්ගේ විෂේශ හැඳුනුම්කම් ද නොමැතිව ,
ලාබ,කීර්ති, ප්රශංසා කිසිවක් බලාපොරොත්තු නොවී, ඉතාමත් සුපිරිසිදු සිතින් යුක්තව මුදල් ආධාර සහ විවිධාකාරයෙන් උදව් උපකාර කල සෑම මෙසේ සිහිපත් කර, ඒ සෑම සියලුදෙනා ඇතුලුව එම පවුල්වල සෑමට,
ලබන්නා වූ 2026 වසර සාසන පිහිට රැකවරණ මැද උතුම් වූ ආර්ය මාර්ගය පූර්ණය කර ගනිමින්
සුභ යයි ගන්නට කිසිවක් නොමැති මේ භයංකාර සසර ගමනින් නිදහස් වන්නට අවැසි උතුම් වූ ධර්මාවබෝධය ලබා නිවන් සාක්ෂාත් කරගන්නටම හේතු වාසනා පහල වේවා !!!
ඒ වාගේම කිසිකලකවත් නැත යන වදනක් අසන්නට නොලැබෙන සේ සියලුම යහපත අභිවෘද්ධිය ද උදා වේවා !!!
ඇතිබව, භවභෝග සැපත, ණයනැතිබව, වරදක් නැතිබව කියන කරුණු කාරනා පූර්ණභාවයට පත්වේවා !!!
ඔබ සැම ඉතාමත් ඤානවන්ත, ගුණවන්ත, ප්රඥාවන්ත පිරිසක් බවටම පත්වේවා !!!
ඒ වාගේම ඔබ සැම නමින් මිය පරලොව ගිය දිව්ය බ්රහ්ම, මනුෂ්ය, අමනුෂ්ය සතර වරිගයේ සියලුම ඤාති හිතවතුන් සිහිකර ,
ඒ සැම අතරේ දුගතිගාමී සැමට සන්දිටු සුගති අත්බැව් ලබමින් , සුගති බව ලැබූ සැමට කිසිකලෙකවත් පිරිහීමක් නොවීමටද ,
ඒසේම සියලු දෙනාටම සංසාර දුක් කෙළවර කරගන්නටම ඔබ සැම විසින් කල අප්රමාණ පිං කුසල් හේතුවාසනා වේවා !!!
ඒ වාගේම ජිවත්ව සිටින ඔබ සැමට ආයුෂ, වර්ණ, සැප, බල පටිභාන නුවණ ද පහල වේවා !!!
සියලුම කායික මානසික පීඩා දුරින් දුරුවේවා !!!
මෙයට,
මුරුතමුරේ ධම්මින්ද හිමි.
තෙරුවන් සරණයි !!!
