12/10/2020
උපුටාගැනීම - මහරහතුන් වැඩි මග ඔස්සේ ☸️
ගෞරවණීය ස්වාමීන් වහන්ස, දැන් වර්තමානයේ මේ ලෝකයටම බලපාල තියෙනව මේ කොරෝනා කියල වසංගතයක්..., ඒකෙන් මිදීමට බෞද්ධයන් වශයෙන් අපි කුමක් කල යුතුද...??
පිළිතුර :-
මෙහෙමයි පුතේ ඉතින් මිදීමට, මිදීමට කියල හරියන්නෙ නෑ ඉතින් නේද... මේ ඇතිවීමට අදාල ඔක්කොම දේවල් රැස් කර ගත්තට පස්සේ, මිදෙන්න පාර හොයන්න කොහොමද.. තේරුණාද.. හරි කතාවක් නේද... ඇතිවීමට අදාල සියළුම දේවල් රැස් කරලා, රැස් කරලා දැන් ඒක ඇති වෙනකොට, මිදීමට මොකක්ද, පාර කියල අහනව.. ඉතින් ඒක දකින්න ඕන පුතේ මේ රැස් කරන වෙලාවේ.. තේරුණාද..?
දෙයියනේ මේ විදිහට මේ දස අකුසල් අපි කරගත්තොත්, මෙච්චර ශීලයෙන් දුර්වල භාවයට පත් වුණොත්, කාය අකුසල්, වචී අකුසල් සිද්ධ කර ගත්තොත්, මනෝ අකුසල් සිද්ධ කරගත්තොත්, මේ වල විපාක මෙහෙම වෙයි කියන කාරණය අපි ඕව කරගන්න වෙලාවෙ හිතන්න ඕන.. තේරුණාද..
දැන් ඉතින් අකුසල් විපාකයට එනවා හොඳේ.. දැන් අකුසල් විපාකයට එනවා.. ඉතින් දැන් අකුසල් විපාක දෙද්දි නම්, රෝග දුක කියන්නේ මොකක්ද..? බුදුරජාණන් වහන්සේ දේශනාකලා වූ චතුරාර්ය සත්යයේ සුන්දර පලවෙනි ආර්ය සත්යයයි. දුක්ඛ සත්යය..!!! තේරුණාද..?
මේ කොරෝනා වසංගතය කියන්නේ වෙන දෙයක් නෙවෙයි.. ඕක බුදුරජාණන් වහන්සේගේ ධර්මයට අදාළව කොරෝනා වසංගතය කියන්නේ මහත්තයෝ බුදුරජාණන් වහන්සේ දේශනා කළා වූ චතුරාර්ය සත්ය ධර්මයන් ගේ මුල්ම සුන්දර ආර්ය සත්යයයි.. තේරුනාද.. මොකක්ද ජරා, ව්යාධි, මරණ, ශෝක පරිදේව, දුක්ඛ, දෝමනස්සයන්, ඔය ඔක්කොම ඕකෙ අස්සෙ තියනවා. එහෙනම් මේ සකස් වෙන්නෙ පලවෙනි ආර්ය සත්යය. එහෙනම් මේ සුන්දර ධර්මයක් ද, අධර්මය ද, අපි දකින්නේ...සුන්දර ධර්මයක්..!!!
චතුරාර්ය සත්යයේ මුල් ආර්ය සත්යය. වෙන දෙයක් නෙවෙයි. චතුරාර්ය සත්යයේ මූල් ආර්ය සත්යය නම් අපි දකින්නේ..., අපි දකින්න ඕන මේ ජාති, ජරා, ව්යාධි, රෝග බියට හේතුව මොකක්ද කියලා.. හේතුව මොකක්ද..? පංච උපාදානස්කන්ධය කෙරෙහි තෘෂ්ණාව. ඔච්චරයි...! එතකොට ඔතන පැහැදිලි හේතුවක් තියනවා. ධර්මයෙන් හේතුවක් තියෙනව. ඉතින් එහෙම නම් මේ දුක සකස් වුණේ පංච උපාදානස්කන්ධය කෙරෙහි තෘෂ්ණාවෙන් නම්, දුක නැති කරන්න නම් මොකක්ද කරන්න ඕන...? තෘෂ්ණාව නැති කරන්න ඕන... එච්චරයි....! එහෙනම් ඕක තමයි කරන්න තියෙන්නේ.. තේරුණාද...!!!
රූප, වේදනා, සංඥා, සංඛාර, විඤ්ඤාණයන් කෙරෙහි තියෙන තෘෂ්ණාව අඩු කරගන්න ඕන. ඉතින් අඩු කිරීමේ මාර්ගය මොකක්ද.. ආර්ය අෂ්ටාංගික මාර්ගය.. ඕක තමයි බෙහෙත.. තේරුණාද...? ධර්මානුකූලව ඉතින් කොරෝනා වසංගතයට අකමැති නම්, ඒක හැම වෙලාවෙම ධර්මය තුළ විසුරුවන්න... චතුරාර්ය සත්යය තුළ විසුරුවන්න... චතුරාර්ය සත්යය තුළ විසුරුවද්දි, කොරෝනා වසංගතය කියන දුක්ඛ සත්යයේ කැඩපත. ඒ නිසා අනිවාර්යයෙන්ම ඒ දුක්ඛ සත්යයට ඇතිවීමට එකම එක හේතුව තමයි පංච උපාදානස්කන්ධය කෙරෙහි තෘෂ්ණාව. තේරුණාද.. ඉතින් ඒ තෘෂ්ණාව මිදීමේ මාර්ගය තුල ශක්තිමත් වෙන්න. ආර්ය අෂ්ඨාංගික මාර්ගය.. තේරුණාද..? ඉතින් ඕක තමයි එකම බෙහෙත.
එහෙනම් අපි කොරෝනා වසංගතය හැදුනා කියලා මහත්තයෝ අපි තව, තව තෘෂ්ණාව වැඩි කරගන්නවා නම්, රූපය කෙරෙහි, වේදනාව කෙරෙහි, සංඥා කෙරෙහි, සංස්කාර කෙරෙහි, විඤ්ඤාණ කෙරෙහි, මොකක්ද වෙන්නේ..? කොරෝනා විසබීජය පැතිරීමට අදාළ සංස්කාර හේතු ධර්මයන් අපි තව තව රැස්කරගන්නව. තේරුණාද.. ඒ නිසා දැන් බලන්නකෝ කොච්චර මනුෂ්යයෝ බය වෙලා ඉන්නවාද කියලා.. තේරුණාද.. සමහරු බය වෙලා ගෙවල් ඇතුළට වෙලා ඉන්නව. පාරට බහින් නෑ.. සමහරු අර සුපිරි මාකට් වල තියෙන බඩු ටික ඔක්කොම අරන් ගිහින් ගෙවල් වල රැස් කරගන්නවා. මොනවද ඕවායින් වැඩෙන්නේ. තෘෂ්ණාව..! එච්චරයි.. තෘෂ්ණාව වැඩෙන්නේ..
දැන් අපි මොකක්ද කරන්න ඕන.. තෘෂ්ණාව ක්ෂය කරන්න ඕන... තේරුණාද..? එහෙනම් පුතේ තෘෂ්ණාව ක්ෂය කරන්න තියෙද්දී, අපි ගිහිල්ලා වෙළෙඳ සල්වල තියෙන බඩු ගෙනල්ල ගෙවල් ඇතුලෙ තොග ගහ ගන්නවා නම් මොකක්ද වෙන්නෙ... අතන බඩු තොග ගහගන්න.. ගහගන්න.. මොකක්ද වෙන්නෙ.. අපිට අපේ සුපිරි මාකට් එකක් තියෙනවා.. තේරුණාද..., අපි, ඔබලා හැම කෙනෙක්ම, අපි තුළ සුපිරි වෙළඳ සලක් තියෙනවා. මොකක්ද ඒ සුපිරි වෙළඳසල..? පස්සය කියන සුපිරි වෙළෙඳසල.. එතකොට ඔබලා හන්දි වල තියෙන වෙළඳසල් වලින් බඩු ගෙනිහිල්ලා ගෙදර ගොඩ ගහගන්න, ගොඩ ගහගන්න, ඔබ තුළ තියෙන්නා වූ පස්සය නැමැති සුපිරි වෙළඳසැලේ වේදනා, සංඥා, සංඛාර, විඤ්ඤාණ බඩු ගොඩ ගැහෙනවා. තේරුණාද.. ඒ බඩු ගොඩ ගැහෙනවා. තේරුණාද... ඔය වේදනා, සංඥා, සංඛාර, විඤ්ඤාණ, කියන බඩු මොකටද අයිති වෙන්නෙ... දුක උදෙසා අත්යාවශ්ය භාණ්ඩ බවටයි පත් වෙන්නෙ..
එහෙනම් ඔබල අතන හිස් කරලා මෙතනට ගෙනල්ලා.. හරි දැන් අපි බෝඩර් ගැහුවා.. මොනවා ආවත් කමක් නෑ කියලා ඔබලා සතුටු වෙද්දී.. ඔබලාගේ පස්සය කියන වෙළඳසැලේ වේදනා, සංඥා, සංඛාර, විඤ්ඤාණ දුකට අත්යාවශ්ය භාණ්ඩ ගොඩගැහිලා තියෙනවද.. නැද්ද..? තියෙනවා..., එහෙනම් ඉතින් දුකෙන් මිදෙයිද..? නැහැ...! එහෙනම් තෘෂ්ණාවයි අයින් කරන්න ඕන.. තෘෂ්ණාව, අයින් කරන්න නම් ආර්ය අෂ්ටාංගික මාර්ගයට යන්න.. සම්මා දිට්ඨිය තියෙන්න ඕන. තෙරුවන් කෙරෙහි ශ්රද්ධාව තියෙන්න ඕන. අන්න කරන්න ඕන දේ.. මාර්කට් එකට ගිහිල්ලා සීනි, පරිප්පු, සැමන්,ගෙනල්ලා ගොඩ ගහගන්න එක නෙමෙයි...!
හිත ළඟ බුදුරජාණන් වහන්සේ නවත්ත ගන්න. තේරුණාද.. හිත ළඟ ධර්මය රත්නය නවත්ත ගන්න. හිත ළඟ සංඝරත්නය නවත්තගන්න.. තේරුණාද.. ඒ නවත්ත ගත්ත තැන, බුදුරජාණන් වහන්සේ ඔබේ හිත ළඟ නතර කර ගත්තනම්, ධර්ම රත්නයේ ගුණයන්, සංඝ රත්නයේ ගුණයන්, ඒ විශ්වාසය ඔබේ හිත ලඟ නතර කරගත්තා නම්, ඔබ තුළ කවදාක්වත් පංචනීවරණයක් සකස් වෙන්නේ නැහැ. ගැටෙන සිතක්, බියක්, විසිරුණු සිතක් සකස් වෙන්නේ නැහැ. සකස් වෙන්නේ ප්රීතියක්මයි. සකස් වෙන්නේ ඵස්සද්දියක්මයි. තේරුණාද...?
එතකොට ප්රීතිය, ඵස්සද්දිය කියන්නේ සප්ත බොජ්ජංගයක්.... ප්රීති සම්බොඡ්ඣංගය, ඵස්සද්දි සම්බොඡ්ඣංගය. එතකොට ඔබ තුළ ප්රීතිය, ඵස්සද්දිය සකස් වෙද්දි, ඊළඟට ඔබ තුළ සකස් වෙන්නේ අර පංචනීවරණ තුනී වූ සුන්දර සමාධිමත් සිතක්මයි. ඒ සමාධිමත් සිත ළඟ ඔබ තුළ සකස් වෙන්නේ, ඇලීම් ගැටීම්වලින් තොර උපේක්ෂා සහගත සිතක්මයි. ඒ උපේක්ෂා සහගත හිත තමයි ඔබට මේ කොරෝනා වසංගතය සදහටම මිදීමට අවශ්ය මාර්ගය අපිට සකස් කරල දෙන්නෙ. තේරුණාද..., සදහටම මිදීමේ මාර්ගය...!
ඒ නිසා මේ මොහොතේ අපි කොරෝනා වසංගතයෙන් ගැලවුනත්, සංසාරිකව කවදාකවත් අපි මේ වසංගත වලින් බේරිලා නැහැ. තේරුණාද.. ඒ නිසා අපි උත්සාහ ගන්න ඕන කොරෝනා වසංගතයෙන් ගැලවෙනවා කියන තැන ඉඳන්, තෘෂ්ණාව වඩ වඩා, තව තවත් කොරෝනා වසංගත වලට අවශ්ය ධර්මතාවයන් සකස්කර ගැනීම නොවේ. ඒ නිසා ඔබ දකින්න ඕන කොරෝනා රෝගය හැදිලා මම මැරුණත්, ඒ මැරෙන්නේ සංස්කාරයන්ගේ අනිත්යභාවය දකිමින් නම්, ඒ මරණය මේ ලෝක ධාතුවේ සුන්දර මරණයක්. එච්චරයි තේරුණාද....! කොරෝනා රෝගය හැදිලා ඊළඟ මොහොතේ, ලෙඩ ඇඳේ දුක් විඳලා මැරුණත් ඒ මැරෙන මොහොතේ ඔබ මැරෙන්නේ, "සියලු සංස්කාරයෝ අනිත්යයි" කියලා දැකලා නම්, ඒ ඔබේ මරණය මේ ලෝක ධාතුවේ ශ්රේෂ්ඨම, සදහටම වසංගත රෝගයන් ගෙන් මිදුණා වූ ශ්රේෂ්ඨ මරණයයි.
නමුත් ඔබ කොරෝනා රෝගය හැදිලා ඔබ මැරෙන මොහොතේ, "අනේ.. මේ මට මොකක්ද වුනේ.. අනේ මේ මොකක්ද මේ වුනේ..." කියලා ගැටෙන සිතින් මැරුණොත් ඒ මරණය මහත්තයෝ මේ ලෝක ධාතුවේ තියෙන දුර්වලම මරණයයි.. තේරුණාද...? ඒ නිසා ඉතිං අපි සංස්කාර හේතුවෙන් සම්මා දිට්ඨියට අදාළව සංස්කාරයන් හේතුවෙන්ම ඒ රෝගී භාවය, නිරෝගිභාවය දෙකම සකස් වන්නේ. ඒ නිසා අතීත සංස්කාරයක් විපාකයට ඇවිල්ල, අපට ඒක යටපත් කරගන්න බැරුව, ඒ සංස්කාර හේතුවෙන් අපි මියදුනත්..., මියදුනත් මහත්තයෝ ඒ මරණය මේ ලෝක ධාතුවේ සුන්දරම මරණයක් බවට පත් කර ගැනීමේ මාර්ගය බුදුරජාණන් වහන්සේ අපට දේශනා කරලා තියෙනවා. තේරුණාද....!
ඒ නිසා නිරතුරුවම දකින්න කොරෝනා රෝගයට ඔච්චර බය නම් අනාගතයේ ඇතිවෙන මෘග සංඥා ලෝකයට ඔබ කොච්චර භය වෙයිද කියන කාරණය. තේරුණාද.. අනාගතයේ ඇතිවෙන මෘග සංඥා ලෝකයට ඔබ කොච්චර බය වෙයිද, කියන කාරණය. මෘග සංඥා ලෝකය කියන්නේ කොරෝනා රෝගය වගේ දෙයක් නෙමේ.
මනුස්සයා අල්ලලා බඳිනවා ගහක. මරාගෙන කන්න, බෙල්ල කපන්නේ නෑ.. කැපුනොත් මොකද මස් ටික නරක් වෙනවා. ඉස්සෙල්ලාම ඇඟිලි ටික අද දවසේ උයාගෙන කනවා. අර මනුස්සයා මරණ වේදනාවෙන් හෙට දවසෙ ඉන්නව. හෙට දවසේ අත්දෙක කපාගෙන උයාගෙන කනවා, මිනිහ මැරිලා නෑ. මොකද, මරන්නෙ නැහැ, මැරුණොත් මස් ටික කුණු වෙනවා. තේරුණාද .... ඊළඟට කකුල් දෙක කපාගෙන කනව...
පුතේ... මෘග සංඥාව කියන්නේ මනුස්සයා අමු අමුවේ, කෑලි කෑලි කපා ගෙන, දවසින් දවස පණ තියෙද්දි මරාගෙන කන, ලෝකයක් අනාගතයේදී එනවා. ඔබලා කොරෝනා රෝගයට ඔහොම බය නම්, එදාට එන මෘග සංඥා ලෝකය තුළ ඔබට මොනවා වෙයිද කියලා ඔබට හිතන්නත් බෑ... ඒ නිසා මේ කොරෝනා රෝගියෙක් වෙලා හරි, මේ සංස්කාරයන්ගේ අනිත්ය භාවය දැකලා, ලෝකයෙන් මිදෙන්න... ඒ මිදීම මේ ලෝක ධාතුවේ තියෙන සුන්දරම මිදීමක් කියලා බුදුරජාණන්වහන්සේ දේශනා කරනවා...!!!
සාධු සාධු සාධු ....!!!
තෙරුවන් සරණයි...!!!
උපුටා ගැනීම - පූජ්ය රාජගිරියේ අරියඥාණ ස්වාමීන්වහන්සේ සමඟ පැවැත් වූ ධර්ම සාකච්ඡාවක් ඇසුරෙනි.
