රමණීය අරණ :::: Ramaneeya Arana

රමණීය අරණ :::: Ramaneeya Arana ඒ භාග්‍යවත් වූ අරහත් වූ සම්මා සම්බුදු රජාණන් වහන්සේට නමස්කාර වේවා..!

පින්බර පොහෝ දිනක් වේවා...
12/04/2025

පින්බර පොහෝ දිනක් වේවා...

🙏🏻🙏🏻🙏🏻
11/04/2025

🙏🏻🙏🏻🙏🏻

#භූමිකම්පා ඇතිවීමට හේතු...☸️පින්වත් ආනන්ද, මහත් වූ භූමි චලනයක හටගැනීමට මේ කරුණු අටක් හේතු වෙනවා ප්‍රත්‍යය වෙනවා. ඒ කරුණ...
04/04/2025

#භූමිකම්පා ඇතිවීමට හේතු...☸️

පින්වත් ආනන්ද, මහත් වූ භූමි චලනයක හටගැනීමට මේ කරුණු අටක් හේතු වෙනවා ප්‍රත්‍යය වෙනවා. ඒ කරුණු අට කුමක් ද ?

1. පින්වත් ආනන්ද, මේ මහා පෘථිවිය ජලයෙහි පිහිටලයි තියෙන්නෙ. ජලය වාතයෙහි පිහිටලයි තියෙන්නෙ. වාතය ආකාසයෙහි පිහිටලයි තියෙන්නෙ. පින්වත් ආනන්ද, යම් කරුණකින් මහා වාතයෝ හමනවා නම්, එබඳු කාල තියනවා. මහා වාතයෝ හමද්දී ජලය කම්පා වෙනවා. කම්පනය වූ ජලය පෘථිවිය සොළවනවා. පින්වත් ආනන්ද, මහත් වූ භූමි චලනයක හටගැනීමට මේක තමයි පළවෙනි හේතුව වෙන්නෙ. පළවෙනි ප්‍රත්‍යය වෙන්නෙ.

2. තව ද පින්වත් ආනන්ද, ඉර්ධිමත් වූ චිත්ත වශීප්‍රාප්ත වූ ශ්‍රමණයෙක් හරි බ්‍රාහ්මණයෙක් හරි, මහත් ඉර්ධිමත් වූ මහත් ආනුභාව ඇති දෙවියෙක් හරි සිටියි ද, ඔහු විසින් පෘථිවි සංඥාව ස්වල්ප වශයෙන් වඩනවා. ජල සංඥාව අප්‍රමාණ කොට වඩනවා. ඔහු මේ පෘථිවිය සොළවනවා. හාත්පසින් සොළොවනවා. බලවත් ව සොළොවනවා. පින්වත් ආනන්ද, මහත් වූ භූමි චලනයක හටගැනීමට මේක තමයි දෙවෙනි හේතුව වෙන්නෙ. දෙවෙනි ප්‍රත්‍යය වෙන්නෙ.

3. තව ද පින්වත් ආනන්ද, යම් කලක බෝසතාණන් වහන්සේ නමක් තුසිත දෙව්ලොවින් චුත ව මනා සිහි නුවණින් යුතුව මව් කුසෙහි පිළිසිඳගන්නවා ද, ඒ මොහොතේ මේ පොළොව සෙළවෙනවා. හාත්පසින් සෙළවෙනවා. බලවත් ව සෙළවෙනවා. පින්වත් ආනන්ද, මහත් වූ භූමි චලනයක හටගැනීමට මේක තමයි තුන්වෙනි හේතුව වෙන්නෙ. තුන්වෙනි ප්‍රත්‍යය වෙන්නෙ.

4. තව ද පින්වත් ආනන්ද, යම් කලක බෝසතාණන් වහන්සේ මනා සිහි නුවණින් යුතුව මව් කුසින් බිහිවෙනවා ද, ඒ මොහොතේ මේ පොළොව සෙළවෙනවා. හාත්පසින් සෙළවෙනවා. බලවත් ව සෙළවෙනවා. පින්වත් ආනන්ද, මහත් වූ භූමි චලනයක හටගැනීමට මේක තමයි සිව්වෙනි හේතුව වෙන්නෙ. සිව්වෙනි ප්‍රත්‍යය වෙන්නෙ.

5. තව ද පින්වත් ආනන්ද, යම් කලක තථාගතයන් වහන්සේ අනුත්තර වූ සම්මා සම්බෝධිය අවබෝධ කරන සේක් ද, ඒ මොහොතේ මේ පොළොව සෙළවෙනවා. හාත්පසින් සෙළවෙනවා. බලවත් ව සෙළවෙනවා. පින්වත් ආනන්ද, මහත් වූ භූමි චලනයක හටගැනීමට මේක තමයි පස්වෙනි හේතුව වෙන්නෙ. පස්වෙනි ප්‍රත්‍යය වෙන්නෙ.

6. තව ද පින්වත් ආනන්ද, යම් කලක තථාගතයන් වහන්සේ අනුත්තර වූ ධර්ම චක්‍රය ප්‍රවර්තනය කරන සේක් ද, ඒ මොහොතේ මේ පොළොව සෙළවෙනවා. හාත්පසින් සෙළවෙනවා. බලවත් ව සෙළවෙනවා. පින්වත් ආනන්ද, මහත් වූ භූමි චලනයක හටගැනීමට මේක තමයි සයවෙනි හේතුව වෙන්නෙ. සයවෙනි ප්‍රත්‍යය වෙන්නෙ.

7. තව ද පින්වත් ආනන්ද, යම් කලක තථාගතයන් වහන්සේ මනා සිහි නුවණින් යුතුව කල්පයක් වැඩසිටිය හැකි ආයුසංස්කාරය අත්හරින සේක් ද, ඒ මොහොතේ මේ පොළොව සෙළවෙනවා. හාත්පසින් සෙළවෙනවා. බලවත් ව සෙළවෙනවා. පින්වත් ආනන්ද, මහත් වූ භූමි චලනයක හටගැනීමට මේක තමයි සත්වෙනි හේතුව වෙන්නෙ. සත්වෙනි ප්‍රත්‍යය වෙන්නෙ.

8. තව ද පින්වත් ආනන්ද, යම් කලක තථාගතයන් වහන්සේ අනුපාදිශේෂ පරිනිර්වාණ ධාතුවෙන් පිරිනිවන් පාන සේක් ද, ඒ මොහොතේ මේ පොළොව සෙළවෙනවා. හාත්පසින් සෙළවෙනවා. බලවත් ව සෙළවෙනවා. පින්වත් ආනන්ද, මහත් වූ භූමි චලනයක හටගැනීමට මේක තමයි අටවෙනි හේතුව වෙන්නෙ. අටවෙනි ප්‍රත්‍යය වෙන්නෙ.

පින්වත් ආනන්ද, මහත් වූ භූමි චලනයක හටගැනීමට මේ කරුණු අට තමයි හේතු වෙන්නෙ. ප්‍රත්‍යය වෙන්නෙ...

☸️ භූමිචාල සූත්‍රය - අංගුත්තර නිකාය ☸️

☸️ බ්‍රාහ්මණ සූත්‍රය ☸️(සැබෑම බ්‍රාහ්මණයා ගැන වදාළ දෙසුම)භාග්‍යවතුන් වහන්සේ තමයි මේ කාරණය වදාළේ. අරහත් මුනිඳාණන්මයි මෙය ...
31/03/2025

☸️ බ්‍රාහ්මණ සූත්‍රය ☸️

(සැබෑම බ්‍රාහ්මණයා ගැන වදාළ දෙසුම)

භාග්‍යවතුන් වහන්සේ තමයි මේ කාරණය වදාළේ. අරහත් මුනිඳාණන්මයි මෙය වදාළේ. මේ විදිහටයි මට අසන්නට ලැබුනේ.

පින්වත් මහණෙනි, මමත් (සියලු පව් බැහැර කළ අරුතින්) බ්‍රාහ්මණයෙක්. මගෙන් සදහම් ඉල්ලන්න සුදුසුයි. හැම වෙලාවෙම ධර්ම දානය දෙන්න සෝදා ගත් අත් ඇතුවයි මම ඉන්නේ. අන්තිම සිරුරයි මේ දරන්නේ. ‘දුක’ නමැති හුල උදුරා දමන උත්තරීතර ශල්‍ය වෛද්‍යවරයා මමයි. ඔබ තමයි මගේ දරුවෝ. මා ළයෙහි ඔබ උපන්නේ. දහම් මුවින් ඉපදිලා ඉන්නේ. ධර්මයෙන් ඉපදිලා ඉන්නේ. ධර්මයෙන් නිර්මිත වෙලා ඉන්නේ. ධර්මය දායාද කොටයි ඉන්නේ. ආමිසය දායාද කරගෙන නම් නොවෙයි.

පින්වත් මහණෙනි, මේ දාන දෙකක් තියෙනවා. ඒ තමයි ආමිස දානයත්, ධර්ම දානයත්. පින්වත් මහණෙනි, මේ දාන දෙක අතර මේ ධර්ම දානය තමයි අග්‍ර වෙන්නේ.

පින්වත් මහණෙනි, මේ බෙදා හදා ගැනීමත් දෙකක් තියෙනවා. ඒ තමයි ආමිසය බෙදා හදා ගැනීමත්, ධර්මය බෙදා හදා ගැනීමත්. පින්වත් මහණෙනි, මේ බෙදා හදා ගැනීම් දෙක අතර අග්‍ර වෙන්නේ ධර්මය බෙදා හදා ගැනීම ම තමයි.

පින්වත් මහණෙනි, අනුග්‍රහයනුත් දෙකක් තියෙනවා. ඒ තමයි ආමිසයෙන් කරන අනුග්‍රහයත්, ධර්මයෙන් කරන අනුග්‍රහයත්. පින්වත් මහණෙනි, මේ අනුග්‍රහයන් දෙක අතර අග්‍ර වෙන්නේ මේ ධර්මයෙන් කරන අනුග්‍රහය ම යි.

පින්වත් මහණෙනි, මේ යාග දෙකක් තියෙනවා. ඒ තමයි ආමිස යාගයත්, ධර්ම යාගයත්. පින්වත් මහණෙනි, මේ යාග දෙක අතරින් වඩාත්ම අග්‍ර වෙන්නේ මේ ධර්ම යාගයමයි.

මේ අර්ථය භාග්‍යවතුන් වහන්සේ වදාළ සේක. එය මේ අයුරිනුත් පවසන්න පුළුවනි.

යම් කෙනෙක් ධර්ම යාගය කොට වදාළා නම්, එහිලා නොමසුරු නම්, ඒ සියලු සතුන් කෙරෙහි අනුකම්පා ඇති තථාගත බුදුරජාණන් වහන්සේ තමයි. හැම භවයෙන්ම එතෙරට වැඩි, දෙව් මිනිසුන් අතර ශ්‍රේෂ්ඨ වූ, එබඳු වූ තථාගතයන් වහන්සේට ලෝ සතුන් වන්දනා කරනවා.

මේ අර්ථය වදාරණ ලද්දේ භාග්‍යවතුන් වහන්සේ විසින්මයි. මේ විදිහට මා හට අසන්නට ලැබුනා.

☸️ ඛුද්දක නිකාය - ඉතිවුත්තක පාළි ☸️

#භික්ඛුමිත්ත සූත්‍රය(මිත්‍ර භික්ෂුව ගැන වදාළ දෙසුම)සැවැත් නුවර දී ය ….. මහණෙනි, කරුණු සතකින් සමන්විත වූ මිත්‍ර භික්ෂුව ...
31/03/2025

#භික්ඛුමිත්ත සූත්‍රය
(මිත්‍ර භික්ෂුව ගැන වදාළ දෙසුම)

සැවැත් නුවර දී ය …..

මහණෙනි, කරුණු සතකින් සමන්විත වූ මිත්‍ර භික්ෂුව තමා ව බැහැරට එළවන්නේ නමුත් ඇසුරු කළ යුත්තේ ය. භජනය කළ යුත්තේ ය. පයුරුපාසන කළ යුත්තේ ය. ඒ කවර කරුණු සතකින් ද ?

01. ප්‍රිය වූයේ ද වෙයි. මනාප වූයේ ද වෙයි.

02. ගරු කටයුතු ද වෙයි.

03. සම්භාවනීය ද වෙයි.

04. පිළිගත හැකි වචන කියන්නේ ද වෙයි.

05. අනුන්ගේ වචන ඉවසන්නේ ද වෙයි.

06. ගැඹුරු ධර්ම කථාව කරන්නේ ද වෙයි.

07. කෙනෙකු ව නොමගට නොයොදවන්නේ ද වෙයි.

මහණෙනි, මේ කරුණු සතෙන් සමන්විත වූ මිත්‍ර භික්ෂුව තමා ව බැහැරට එළවන්නේ නමුත් ඇසුරු කළ යුත්තේ ය. භජනය කළ යුත්තේ ය. පයුරුපාසන කළ යුත්තේ ය.

(ගාථා)

පියෝ ච ගරු භාවනීයෝ
වත්තා ච වචනක්ඛමෝ,
ගම්භීරඤ්ච කථං කත්තා
නෝ චට්ඨානේ නියෝජයේ

ප්‍රිය වූයේ ත්, ගරු කටයුතු වූයේ ත්, සම්භාවනීය වූයේ ත්, වචනයෙහි දක්ෂ වූයේ ත්, වචන ඉවසන්නේ ත්, ගැඹුරු කථා පවසන්නේ ත්, නොමගට නොයොදවන්නේ ත් වෙයි ද,

යස්මිං ඒතානි ඨානානි
සංවිජ්ජන්තීධ පුග්ගලේ,
සෝ මිත්තෝ මිත්තකාමේන
අත්ථකාමානුකම්පකෝ,
අපි නාසියමානේන
භජිතබ්බෝ තථාවිධෝති

මෙහිලා යම් පුද්ගලයෙකු කෙරෙහි මේ ලක්ෂණයන් දකින්නට ලැබෙයි නම් හේ මිතුරෙකි. යහපත කැමත්තාට අනුකම්පා කරන එබඳු මිත්‍රයා නෙරපනු ලැබුව ද, මිත්‍රයෙකු කැමති තැනැත්තා විසින් ඇසුරු කළ යුත්තේ ය.

☸️ අංගුත්තර නිකාය ☸️

යෝ වේ උප්පතිතං කෝධංරථං භන්තං’ව ධාරයේතමහං සාරථිං බ්‍රෑමිරස්මිග්ගාහෝ ඉතරෝ ජනෝ යමෙක් තමන් තුළ හටගත් ක්‍රෝධය නැති කරලා දැම්ම...
24/03/2025

යෝ වේ උප්පතිතං කෝධං
රථං භන්තං’ව ධාරයේ
තමහං සාරථිං බ්‍රෑමි
රස්මිග්ගාහෝ ඉතරෝ ජනෝ

යමෙක් තමන් තුළ හටගත් ක්‍රෝධය නැති කරලා දැම්මොත්, ඔහු වේගයෙන් ගමන් කරන රථයක් පාලනය කරලා, නියම පාරට දාගත්තා වගේ. ඔහුට තමයි මං නියම රියදුරා කියන්නෙ. අනිත් උදවිය නිකං රැහැන්පට අල්ලගෙන ඉන්නවා විතරයි.

(අග්ගාලව චේතියේදී එක්තරා භික්ෂුවක් අරභයා වදාළ ගාථාවකි.)

☸️ධම්ම පදය - කෝධ වග්ගය☸️

නමෝ බුද්ධාය..!මේ උදා වී තිබෙන නවම් පුන් පොහෝ දිනය වැනිම පින්බර දිනයක් මීට වසර ගණනාවකට පෙර උදාවිය. ඒ තුන් ලොව ජයගත් මහාවී...
11/02/2025

නමෝ බුද්ධාය..!

මේ උදා වී තිබෙන නවම් පුන් පොහෝ දිනය වැනිම පින්බර දිනයක් මීට වසර ගණනාවකට පෙර උදාවිය. ඒ තුන් ලොව ජයගත් මහාවීර සම්මා සම්බුදුරජාණන් වහන්සේ ජීවමානව ලොව වැඩසිටි සමය යි.

බිම්බිසාර රජු විසින් පූජා කළ දඹදිව රජගහනුවර වේළුවනාරාමයේ අපගේ තිලෝගුරු සම්බුදුරජාණන් වහන්සේ උරුවේල කාශ්‍යප, නදී කාශ්‍යප, ගයා කාශ්‍යප යන භික්ෂූන් වහන්සේලා ප්‍රමුඛ දහසක් භික්ෂූන් ද, එමෙන්ම සාරිපුත්ත හා මොග්ගල්ලාන යන භික්ෂූන් ප්‍රමුඛ දෙසිය පනහක් භික්ෂූන් වහන්සේලා ද පිරිවරා වැඩ සිටි සේක. ඒ මේ ගෞතම බුදු සසුනේ ප්‍රථම මහා සංඝ සන්නිපාතය යි.

ඒ එක්දහස් දෙසිය පණහක් වූ මහා සඟ පිරිස මධ්‍යයට වැඩම කළ බුදුරජාණන් වහන්සේ දහම් කථාවෙන් ඒ සියළු දෙනා සතුටු කොට, සාරිපුත්ත මහරහතන් වහන්සේට දකුණත් අග්‍රශ්‍රාවක පදවියත්, මහා මොග්ගල්ලාන රහතන් වහන්සේට වමත් අග්‍රශ්‍රාවක පදවියත් පිරිනැමූ සේක.

එමෙන්ම එදින රැස් වූ 1250 ක මහා සංඝයා හට බුදුරජාණන් වහන්සේ විසින් ප්‍රථම වරට ඕවාද ප්‍රාතිමෝක්ෂය උදෙසන ලදී. ඕවාද ප්‍රාතිමෝක්ෂය යනු ශික්ෂා පද නොපැණවූ දීර්ඝ ආයුෂ ඇති බුදුවරුන්ගේ ශාසනවල දී ශ්‍රාවකයන්ට කෙරෙන අවවාදයයි. අපගේ ගෞතම බුදුරජුන්ගේ ශාසනය ද විසි වසරක් පුරාම නොකැළැල්ව පැවැතිණි. එහෙයින් ශික්ෂා පැණවීමක් විසිවසරක් පුරා නොපැණවිණි. මුල්ම වරට ශ්‍රාවකයින් හට ඕවාද ප්‍රාතිමෝක්ෂය දේශනා කරනු ලැබුවේ ද උතුම් නවම් පොහෝ දිනයේ දී ය.

ඛන්තී පරමං තපෝ තිතික්ඛා
නිබ්බානං පරමං වදන්ති බුද්ධා
න හි පබ්බජිතෝ පරූපඝාතී
සමණෝ හෝති පරං විහේඨයන්තෝ

ඉවසීම තමයි පරම තපස කියල කියන්නේ. ඒ අමා මහ නිවන සියල්ලට ම වඩා උතුම් බව, බුදුරජාණන් වහන්සේලා දේශනා කරනවා. අනුන් නසන කෙනා පැවිද්දෙක් වෙන්නෙ නෑ. අනුන් ව වෙහෙසන කෙනාත් පැවිද්දෙක් වෙන්නෙ නෑ.

සබ්බපාපස්ස අකරණං
කුසලස්ස උපසම්පදා
සචිත්තපරියෝදපනං
ඒතං බුද්ධානසාසනං

සියලු පව් නො කිරීමත්, කුසල් දහම් උපදවා ගැනීමත්, තමන් ගේ සිත පිරිසිදු කිරීමත්, යන මේවා බුදුරජාණන් වහන්සේලාගේ අනුශාසනය යි.

අනූපවාදෝ අනූපඝාතෝ
පාතිමොක්ඛේ ච සංවරෝ
මත්තඤ්ඤුතා ච භත්තස්මිං
පන්ත’ඤ්ච සයනාසනං
අධිචිත්තේ ච ආයෝගෝ
ඒතං බුද්ධානසාසනං

අන් අයට නින්දා අපහාස නො කිරීමත්, අනුන්ට පීඩා නො කිරීමත්, ප්‍රාතිමෝක්ෂ සංවර සීලයෙන් යුතු වීමත්, භෝජනයේ පමණ දැන ගෙන වැළඳීමත්, දුර ඈත සෙනසුන් සේවනය කිරීමත්, සමථ විදර්ශනා භාවනාවේ යෙදීමත් යන මේ කරුණු තමයි බුදුරජාණන් වහන්සේලාගේ අනුශාසනය වන්නේ.

මේ ලෝකයට කළාතුරකින් පහළ වන තථාගත වූ අරහත් සම්මා සම්බුදුරජාණන් වහන්සේ නම් වූ එකම එක උත්තමයාණන් වහන්සේගේ පිරිනිවන් පෑම යනු බොහෝ දෙවි මිනිසුන් හට ශෝකය තැවීම උපදවන දෙයයි. ඒ වන විට ගෞතම බුදු සසුන පිහිටුවා පන්සාළිස් වසරක් ගෙවී ගොස් තිබිණි. ගෞතම බුදු රජුන්ගේ වයස අවුරුදු 80 ක් විය.

ආනන්ද ස්වාමීන් වහන්සේත් සමඟ රජගහ නුවරින් නික්මී භාග්‍යවතුන් වහන්සේ චාපාල චෛත්‍යස්ථාන වෙත වැඩම කළ සේක. එහිදී බුදුරජාණන් වහන්සේ මනා සිහියෙන් යුතුව, නුවණින් යුතුව කල්පයක් වැඩ සිටිය හැකි ආයු සංස්කාරය අත්හළ සේක. එකල්හී මේ මහත් පෘථිවිය චලනය වූයේ ය. බිහිසුණු වූ ලොමු දහගැනීමක් වූයේ ය. අහස ගුගුරා වැහි පොද වැටුණේ ය. එකල්හී ඒ සම්බුදු මුව මඬලින් උදානයක් පහළ කළ සේක.

තුලමතුලඤ්ච සම්භවං
භව සංඛාරමවස්සජී මුනි
අජ්ඣත්තරතෝ සමාහිතෝ
අභින්දි කවචමිවත්තසම්භවන්ති

”ආධ්‍යාත්මයෙහි වූ නිවනෙහි ඇලුණු සිත් ඇති, එකඟ වූ සිත් ඇති, ශාක්‍ය මුනීන්ද්‍රයාණෝ හටගත් තුල්‍ය වූ අතුල්‍ය වූ භව සංස්කාරයන් අත්හළ සේක. තමන් වහන්සේ තුළ පැවැති කල්පයක් වැඩ සිටීමෙහි ආයු සංස්කාරය යුධ ඇඳුමක් බිඳින පරිද්දෙන් බිඳහළ සේක.”

මෙසේ උතුම් ශාසනික සංසිද්ධීන් සිදු වූ නවම් පුන් පොහෝ දිනය යි. මේ උතුම් පොහෝ දිනයේ අපි සතුටු සිතින් පෙහෙවස් සමාදන් වෙමු. ධර්මයේ හැසිරෙන්නට මහන්සි වෙමු. ජීවිතයට පින් රැස් කර ගන්නට අප්‍රමාදී වෙමු.

උතුම් ත්‍රිවිධ රත්නයේ සරණයි...!

හෙට නවම් පුන් පොහෝ දිනනයි...උතුම් රහතන් වහන්සේලා අනුගමනය කරමින්හෙට දවස පුරා උපෝසථ සිල් සුරකිමු 🤗
11/02/2025

හෙට නවම් පුන් පොහෝ දිනනයි...
උතුම් රහතන් වහන්සේලා අනුගමනය කරමින්
හෙට දවස පුරා උපෝසථ සිල් සුරකිමු 🤗

සැබෑ නිදහස නම්...
04/02/2025

සැබෑ නිදහස නම්...

#සප්ප සූත්‍රය ☸️(සර්පයා ගැන වදාළ දෙසුම)මා හට අසන්නට ලැබුනේ මේ විදිහටයි. ඒ දිනවල භාග්‍යවතුන් වහන්සේ වැඩසිටියේ රජගහ නුවර ...
03/02/2025

#සප්ප සූත්‍රය ☸️
(සර්පයා ගැන වදාළ දෙසුම)

මා හට අසන්නට ලැබුනේ මේ විදිහටයි. ඒ දිනවල භාග්‍යවතුන් වහන්සේ වැඩසිටියේ රජගහ නුවර වේළුවනය නම් වූ කලන්දක නිවාපයේ. එදා භාග්‍යවතුන් වහන්සේ රෑ ඝන අඳුරේ එළිමහනේ වැඩසිටියා. වැහි පොදත් එක දෙක වැටෙනවා.
එතකොට පවිටු මාරයාට මේ වගේ කැමැත්තක් ඇතිවුනා. ‘භාග්‍යවතුන් වහන්සේව භය කරවන්න ඕන. තැති ගන්වන්න ඕන. මවිල් කෙළින් කරවන්න ඕන’ කියලා...

විශාල නාග රාජයෙකුගේ වේශයක් මවාගත්තා. භාග්‍යවතුන් වහන්සේ ළඟට ගියා. උගේ ඇඟ තනි ගස් කඳකින් හදාපු ඔරුවක් වගේ. උගේ පෙණය රා පෙරන විශාල පෙරහන්කඩයක් වගේ. උගේ ඇස් කොසොල් රටේ තියෙන විශාල පිඟන් වගේ. වැස්ස වහිනකොට විදුලි එළිය නික්මෙනවා. ඌ කටින් දිව එළියට දානකොට අන්න ඒ වගෙයි. කම්මලේ මයිනහම පිඹිනකොට මහා සද්දයක් එනවා. ඌ ආශ්වාස ප්‍රශ්වාස කරන කොට එන්නෙත් ඒ විදිහේ සද්දයක් තමයි.

ඒ මොහොතේ භාග්‍යවතුන් වහන්සේ මේ ඉන්නේ ‘පාපී මාරයා’ කියල හඳුනගත්තා. පාපී මාරයාට ගාථාවලින් මෙහෙම වදාළා.

යෝ සුඤ්‌ඤගේහානි සේවති
සෙය්‍යා ස මුනි අත්‌තසඤ්‌ඤතෝ
වොස්‌සජ්‌ජ චරෙය්‍ය තත්‌ථ සෝ
පතිරූපං හි තථාවිධස්‌ස තං

“සමහර උදවිය පාළු කුටිවල ඉන්නවා. පාළු කුටිවල සැතපෙනවා. අන්න ඔහු මුනිවරයෙක්. තමාව සංවර කරගෙනයි ඉන්නෙ. ඔහු හැමදේකම ආශාව දුරුකරලයි ඉන්නෙ. එබඳු අයට පාළු තැන් කදිමයි.

චරකා බහූ භේරවා බහූ
අථෝ ඩංසසිරිංසපා බහූ
ලෝමම්‌පි න තත්‌ථ ඉඤ්‌ජයේ
සුඤ්‌ඤාගාරගතෝ මහාමුනි

භයානක වන සතුන් හරියට ඉන්නවා. බිහිසුණු අරමුණු ඕනතරම් තියෙනවා. ලේ බොන මැසිමදුරුවොත්, සර්පයොත් ඕනතරම් ඉන්නවා. නමුත් ඒ පාළු කුටියට වඩින මුනිවරයාගේ ලොම් ගසක්වත් සොලවන්න ඒ එක අරමුණකටවත් බෑ.

නභං ඵලෙය්‍ය පඨවී චලෙය්‍ය
සබ්‌බේ ච පාණා උද සන්‌තසෙය්‍යුං
සල්‌ලම්‌පි චේ උරසි පකප්‌පයෙය්‍යුං
උපධීසු තාණං න කරොන්‌ති බුද්‌ධාති.

ආකාසය පුපුරා ගියත්, පොළොව පුපුරා ගියත්, සකළ සත්ව ප්‍රජාවම භීතියෙන් වෙලී ගියත්, පපුවට තියුණු උල්වලින් ඇන්නත්, බුදුවරයන් වහන්සේලා කෙලෙස්වලින් රැකවරණයක් හොයන්නෙ නෑ.”

එතකොට පවිටු මාරයා ‘භාග්‍යවතුන් වහන්සේ මාව දැනගත්තා නෙව. සුගතයන් වහන්සේ මාව දැනගත්තා නෙව’ කියල දුක් වුනා. අසතුටට පත් වුනා. එතනම නොපෙනී ගියා.

🌸 සංයුක්ත නිකාය 01 - මාර සංයුක්තය 🌸

#සබ්බකාමී තෙරුන් වදාළ ගාථා☸️ දිපාදකෝයං අසුචි දුග්ගන්ධෝ පරිහීරතිනානාකුණපපරිපූරෝ විස්සවන්තෝ තතෝ තතෝ ඇවිද ඇවිද යන මේ ශරීරය...
31/01/2025

#සබ්බකාමී තෙරුන් වදාළ ගාථා☸️

දිපාදකෝයං අසුචි
දුග්ගන්ධෝ පරිහීරති
නානාකුණපපරිපූරෝ
විස්සවන්තෝ තතෝ තතෝ

ඇවිද ඇවිද යන මේ ශරීරය පරිහරණය කරන්න තියෙන්නෙ දුගඳ හමන අශුචිත් එක්කයි. මේ කයේ හැම දොරටුවකින්ම ගලන්නේ ජරාවෙන් යුතු අශුචිමයි.

මිගං නිලීනං කූටේන
බළිසේනේව අම්බුජං
වානරං විය ලේපේන
බාධයන්ති පුථුජ්ජනං

ඒ වුණාට පෘථග්ජන සත්වයා මේ ශරීරයට රැවටිලා දුක් විඳිනවා. උගුලකට අහුවෙච්ච මුවෙක් වගේ. ඇම ගිලගත්තු මාළුවෙක් වගේ. ලාටුවලට අහුවෙච්ච වඳුරෙක් වගේ.

රූපා සද්දා රසා ගන්ධා
ඵොට්ඨබ්බා ච මනෝරමා
පඤ්චකාමගුණා ඒතේ
ඉත්ථිරූපස්මිං දිස්සරේ

කාන්තාවකගේ රූපයක් තුළ සිත් ඇදගන්නා වූ රූප, ශබ්ද, ගන්ධ, රස, ස්පර්ශ යන කාම ගුණ පහම තියෙනවා.

යේ ඒතා උපසේවන්ති
රත්තචිත්තා පුථුජ්ජනා
වඩ්ඪෙන්ති කටසිං ඝෝරං
ආචිනන්ති පුනබ්භවං

පෘථග්ජන සත්වයා රාග සිතින් තමයි ඒ කාන්තාව ඇසුරු කරන්නෙ. අන්තිමේදී පුරවලා තියෙන්නෙ ගොහොර වූ සංසාරයේ සොහොන විතරයි. ආයෙමත් භවයට කර්ම රැස්කර ගන්නවා.

යෝ චේතා පරිවජ්ජේති
සප්පස්සේව පදා සිරෝ
සෝ‘මං විසත්තිකං ලෝකේ
සතෝ සමතිවත්තති

භයානක සර්පයෙකුගේ හිස පැත්ත ඈතට පයින් වීසි කරනවා වගේ ස්ත්‍රිය කෙරෙහි ඇති ඇල්ම දුරු කරගත්තොත්, එයා ඉතා හොඳ සිහියක පිහිටලා, ජීවිතයේ වෙලා ගෙන තියෙන තණ්හාවෙන් නිදහස් වෙනවා.

කාමේස්වාදීනවං දිස්වා
නෙක්ඛම්මං දට්ඨු ඛේමතෝ
නිස්සටෝ සබ්බකාමේහි
පත්තෝ මේ ආසවක්ඛයෝ‘ති

කාමයන් නිසා විඳින දුක් පීඩා තේරුම් අරගෙන ඒ කාමයෙන් නිදහස් වීමම ක්ෂේම භූමියක් වගේ දැකලයි, මම ඔක්කොම අත්හැරලා පැවිදි වුණේ. ඉතින් මට අරහත්වය ලබා ගන්ට පුළුවන් වුණා.

මෙය වනාහී සබ්බකාමී නම් රහත් මුනිඳුන් වදාළ ගාථාවන්ය.

🌸 ඛුද්දක නිකාය - ථේරගාථා 🌸

Address

Neeraviya, Pahala Giribawa
Colombo
60735

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00
Saturday 08:00 - 17:00
Sunday 08:00 - 17:00

Website

Alerts

Be the first to know and let us send you an email when රමණීය අරණ :::: Ramaneeya Arana posts news and promotions. Your email address will not be used for any other purpose, and you can unsubscribe at any time.

Shortcuts

Share

Category