30/04/2026
🏛️✨ කනුවන ශුද්ධ වූ ජුසේ තුමන්ගේ දේවස්ථානයේ ඉතිහාසය ✨🏛️
කම්කරුවන්ගේ අනුශාසක මුනිවරයා සහ කතෝලික සභාවේ ආරක්ෂක මුනිවරයා වන ශුද්ධ වූ ජුසේ තුමන්ට කැපකළ ජාඇල කනුවන දේවස්ථානය, ශ්රී ලංකාවේ ආගමික හා සංස්කෘතික වටිනාකමකින් යුත් පූජනීය ස්ථානයකි.
1945 වර්ෂයේදී ජපන් ගුවන් ප්රහාරවලින් ආරක්ෂාව සොයා කොළඹ ප්රදේශයෙන් කනුවනට පැමිණි භක්තිමත් පිරිසක් විය. ක්රමයෙන් ජනතාව වැඩිවීමත් සමග 1950 දී අක්කර 4ක භූමියක් මිලදීගෙන පාසලක් ඉදිකර, එය ශුද්ධ වූ ජුසේ තුමන්ට කැප කළහ. පසුව එම ස්ථානයේ ජන වන්දනා කටයුතු ආරම්භ වූ අතර, කාලයත් සමඟ කුඩා දේවස්ථානයක් ලෙස වර්ධනය විය.
ආරම්භයේදී තුඩැල්ල මීසමට අයත් වූ කණුවන දේවස්ථානය, පසුව විශාකාවත්ත දේවස්ථානයත් සමග ස්වාධීන මීසමක් ලෙස නම් කෙරිණි. වර්ෂ 1989 දී එහි ප්රථම මීසම් සේවක වූ ගරු ජෝශප් පෙරේරා පියතුමන් විසින් නව දේවස්ථානයක් ඉදිකිරීම ආරම්භ කරන ලදී. 1995 දී එය කොළඹ අගරදගුරු නික්ලස් මාකස් හිමිපාණන් විසින් ආසිරි ගන්වා ඇත.
මෙම දේවස්ථානයේ විශේෂත්වය වන්නේ, මහනුවර යුගයේ ගොඩනැගිලි සම්ප්රදායට අනුව සහ දෙවන වතිකාන සභාවේ මාර්ගෝපදේශ අනුව එය නිර්මාණය කර තිබීමයි. එය ලංකාවේ ශුද්ධ වූ ජුසේ තුමන්ට කැප කළ දේවස්ථාන අතර වැදගත් ස්ථානයක් ගන්නා අතර, එවැනි සම්ප්රදායකට අනුව ඉදිකළ දේවස්ථාන අතරින් එකක් ලෙසද පවතී.
කාලයත් සමඟ විවිධ මීසම් පාලකයන්ගේ නායකත්වය යටතේ දේවස්ථානය සංවර්ධනය වී, ගරු ජෝසප් පෙරේරා, ගරු නිශාන් විලත්ගමුව.ගරු නිකලස් බටේපොළ, ගරු ලෙස්ට නෝනිස්, ගරු නොයෙල් නෝනිස්, ගරු සරත් තිරිමාන්න ආදී පියතුමන්ලාගේ සේවාවන් මගින් එය ආධ්යාත්මිකව හා ගොඩනැගිලිමය වශයෙන් වර්ධනය කරනු ලැබීය.
වර්තමානයේ, ගරු එර්නස්ට් ද මෙල් පියතුමන්ගේ නායකත්වය යටතේ, දේවස්ථානය විශාල ලෙස නවීකරණය කර, අතිශයින් අලංකාරවත් හා ගෞරවණීය දේව මන්දිරයක් බවට පත් කර ඇත. අලුතින් ටයිල් අතුරා ඉතා හොද තත්වයේ Sounds System එකක් ස්තාපිත කර අල්තාරයේ ඉහල කොටසද ඉතා අලංකාරව ප්රතිසංස්කරණය අර ඇත.💒 අද වන විට, විවාහ උත්සව පවා පැවැත්වීමට සුදුසු,
ඉතා සුන්දර හා ගෞරවණීය දේවස්ථානයක් ලෙස කනුවන පල්ලිය පත්වී ඇත.
🙏 අද වන විට, කනුවන ශුද්ධ වූ ජුසේ තුමන්ගේ දේවස්ථානය,
භක්තිමත් ජනතාවගේ ආධ්යාත්මික මධ්යස්ථානයක් පමණක් නොව,
ඓතිහාසික හා සංස්කෘතික වටිනාකමකින් යුත් අභිමානවත් දේවස්ථානයක් ලෙස දිදුලයි.
(සටහන - ජාඇල ටවුම)
අද එනම් වර්ෂ 2026 අප්රියෙල් මස 30 වන දින, 75 වන ජුබිලි සන්ධ්යා මෙහෙය පවත්වන අපගේ ප්රධාන දේවස්ථානය වන කණුවන දේවස්ථානයට විශාකාවත්ත කිතුනු සංඝයේ සුභපැතුම්ද මෙසේ එක්කරමු !
