14/08/2026
අද අගෝස්තු 14වන දින, ශුද්ධ වූ මැක්සිමිලියන් කෝල්බේ මුනිඳුන්ගේ මංගල දිනයයි.
මැක්සිමිලියන් කෝල්බේ තුමන් උපත ලබන්නේ 1894 වසරේ ජනවාරි 08 වන දින පෝලන්තයේ ස්ඩුනිස්කා වෝලා නම් නගරයේදීය. පිරිමි දරුවන් හතර දෙනෙකුගෙන් යුත් හතර දෙනෙකුගෙන් යුත් පවුලේ දෙවෙනි දරුවා වූ මෙතුමන්ගේ පියා රෙදි වියන්නකු වූ ජූලියස් කෝල්බේ වූ අතර මව වින්නඹු මාතාවක් වූ මරියා ඩබ්රොස්කා නම් විය. 1906 වසරේ, වයස දොළහේදී ඔහු අත්දුටු දේව දේවමාතා දර්ශනය ඔහුගේ ජීවිතයට බෙහෙවින් බලපෑවේය.
එම දර්ශනය මෙසේය; 'එදින රාත්රියේ මම, දේවමාතාවන් ගෙන් මම කවුරුන් විය යුතු දැයි ඇසුවෙමි. එවිට එතුමිය තම දෙඅතින් ඔටුනු දෙකක් අරගෙන පැමිණියාය. එකක් සුදු පැහැති වූ අතර අනෙක රතුපැහැති එකකි. ඉන් එකක් තෝරා ගන්නා මෙන් එතුමිය මාගෙන් මගෙන් ඉල්ලා සිටියාය. සුදු පැහැති ඔටුන්නෙන් අදහස් කරන ලද්දේ ජීවිතයේ පිවිතුරු භාවය රැකීමයි; රතු පැහැති ඔටුන්නෙන් අදහස් කරනු ලැබූයේ ප්රාණ පරිත්යාගී වීමයි. මම ඔටුනු දෙකම පිළිගන්නා බව එතුමියට කීවෙමි.
1907 වසරේදී ඔහු සහ ඔහුගේ වැඩිමහල් සොහොයුරු වූ ෆ්රැන්සිස් ෆ්රැන්සිස්කානු නිකායේ කණිෂ්ඨ දෙව්සහලට ඇතුළත් වූ අතර 1910 වසරේදී එතුමන්ව එම නිකායේ ආධුනික ආරාමයට ඇතුලත් කර ගන්නා ලදි.එතුමන් තම පළමු පොරොන්දු 1911 වසරේදී දෙන ලද අතර අවසන් පොරොන්දු දෙන ලද්දේ 1914 වසරේදීය.
කෝල්බේ මුනිඳුන් 1915 වසරේදී රෝමයේ ශුද්ධාසනීය ග්රෙගෝරියන් විශ්ව විද්යාලයෙන් දර්ශනවාදය පිළිබඳ ආචාර්ය උපාධියක් ලබා ගන්නා අතර 1919 වසරේ දී සාන්ත බොනවෙන්චර් විශ්වවිද්යාලයේදී දේව ධර්ම ශාස්ත්රය පිළිබඳ ආචාර්ය උපාධියක් ලබා ගන්නා ලදී. මෙතුමන් තම මිතුරන් 6 දෙනෙකු සමග නිර්දෝෂි දේවමාතාවන්ට කැපවූ සංගමයක් පිහිටුවා ගන්නා ලදී. එමගින් දේව දේව මාතා භක්තිය ප්රචලිත කිරීමට ඔවුන් මහත් සේ කැපවී කටයුතු කළෝය. ඔවුන්ගේ අරමුණ වූයේ පව් කරුවන් ගේ සහ ශුද්ධවූ සභාවට විරුද්ධව කටයුතු කරන්නන් ගේ සිත් හැරීම වෙනුවෙන් සේවය කිරීමයි.
1918 වසරේ දී එතුමන් පූජකවරය ලබන අතර 1919 වසරේ දී එතුමන් නැවතත් පෝලන්තය බලා පිටත් වී ගියේය. 1930 වසරේ පටන් මෙතුමන් ආසියාවේ ධර්මදූත සේවයේ යෙදෙන අතර චීනය ජපානය සහ ඉන්දියාව යන රටවල සේවය කළේය.1933 වසරේදී නැවතත් පෝලන්තය බලා පැමිණෙන මෙතුමන් පුවත්පතක් නිකුත් කිරීමට සහ ගුවන් විදුලි සේවාවක් ඇරඹීමටද මුලපිරුවේය.
දෙවන ලෝක යුද්ධය ආරම්භවීමත් සමගම තාපසාරාමය තුළ රැඳුණු එතුමන් එම ස්ථානය තාවකාලික රෝහලක් බවට පත් කරන ලදී. එය පිහිටි නගරය ජර්මානු හමුදා විසින් අත්පත් කර ගැනීමෙන් කරගැනීමෙන් පසු 1939 සැප්තැම්බර් 19 දින එතුමන්ව අත්අඩංගුවට පත් කරගත්ත ද ජර්මානු සම්භවයක් ඇති නිසා දෙසැම්බර් 08 වන දින නිදහස් කරන ලදි .
ඉන් අනතුරුව එතුමන් තාපසාරාමය තුළ පුවත්පත් ප්රකාශණ කටයුතු ආරම්භ කරන ලද අතර නැවතත් 1941 පෙබරවාරි 17 දි ජර්මානු අධිකාරිය විසින් තාපසාරාමය වසා දමා කෝල්බේ මුනිදුන් සහ හතරදෙනකු අත්අඩංගුවට ගන්නා ලදී.
සිර කඳවුරේ දී ද පූජක තුමකු ලෙස කටයුතු කළ එතුමන්ට බොහෝ වද වේදනාවන් විදීමට සිදු වීය. බංකරයක දමා සාගින්නේ මරා දැමීමට සිරකරුවන් දස දෙනකු තෝරා ගත් අවස්ථාවේදී ඉන් එක් සිරකරුවෙකු හඬා වැලපෙද්දී ඔහු වෙනුවෙන් එතුමන් ඉදිරිපත් විය. බංකරය තුළ අනෙකුත් සිරකරුවන්ව එතුමන් විසින් යාඥාවට යොමුකරන ලදී.
සාගින්නෙන් හා පිපාසයෙන් අනෙකුත් සිරකරුවන් මරණයට පත් වුවද කෝල්බේ මුනිඳුන් ජීවත්ව සිටිනවා දුටු ජර්මන් හමුදාව ශරීරයට ඇසීඩ් එන්නත් කර 1941 අගෝස්තු 14 වන දි එතුමන් ද මරණයට පත් කරන ලදී.
ශු. කෝල්බේ මුනිතුමන් භාග්යවරයට එසවීම 1971 ඔක්තෝබර් 17 දින අති උතුම් වි වන පාවුළු ශුද්ධෝත්තම හිමිපාණන් විසින් සිදුකල අතර ශුද්ධවරභාවයට එසවීම 1982 ඔක්තෝබර් 10 දින අති උතුම් දෙවන ජුවාම් පාවුළු ශුද්ධෝත්තම හිමිපාණන් විසින් සිදු කරන ලදි.
මෙතුමන් පවුල්වලද ,මත්ද්රව්ය වලින් මිදෙන්නන්ගේ ද, මාධ්යවේදීන්ගේ සහ දේශපාලන සිරකරුවන්ගේද නාම සාන්තුවරයා ලෙස හදුන්වනු ලැබේ. එතුමන් වෙනුවෙන් කැපකරන ලද ශ්රී ලංකාවේ පළමු සහ එකම දෙව්මැදුර වන්නේ ඒකල විශාකාවත්ත ග්රාමයේ ඇති ශු.මැක්සිමිලියන් කෝල්බේ මුනිතුමන්ගේ දේවස්ථානයයි. ⛪
