08/10/2026
🌸 ගුරු ගුණ සුවඳින් පිදුණු අභිමානවත් දිනයක්...!
🙏 නැණ පහන් දැල්වූ ගුරු පරපුරට බැතිබර ප්‍රණාමය!
අකුරු කියා දී නැණැස පාදන, දහමින් සිත් සනසන, ගුණයෙන් ජීවිත හැඩගස්වන ගුරු උතුමන් යනු පරපුරක අනාගතය නිහඬව ගොඩනඟන අසමසම පහන් ටැඹයන්ය.
ඒ උතුම් ගුරු මෙහෙවරේ අගය සිහිපත් කරමින්, ලෝක ගුරු දිනයට සමගාමීව දඹුල්ල සිරි වළගම්බා මහ පිරිවෙනේ ශිෂ්‍ය පිරිස විසින් සංවිධානය කරන ලද ගුරු උපහාර සැමරුම ගුරු ගෞරවයත්, කෘතවේදීත්වයත්, පිරිවෙන් සම්ප්‍රදායේ උදාරත්වයත් එක්තැන් කළ සුවිශේෂී අවස්ථාවක් විය.
මෙම ගෞරවනීය අවස්ථාව සඳහා ගරු කටයුතු කෘත්‍යාධිකාරී නාහිමිපාණන් වහන්සේ ප්‍රමුඛව, රංගිරි දඹුලු රජමහා විහාරය හා ශ්‍රී විෂ්ණු මහා දේවාලයේ භාරකාර, දඹුල්ල සිරි වළගම්බා මහ පිරිවෙනෙහි සම්මාන පරිවේණාධිපති හා පරිවේණාධ්‍යක්ෂ, දඹුල්ල ශාසනාරක්ෂක බලමණ්ඩලයේ ලේඛකාධිකාරී අතිපූජ්‍ය දඬුබැඳිරුප්පේ මහින්ද නාහිමිපාණන් වහන්සේ ඇතුළු ගෞරවනීය පැවිදි හා ගිහි ආචාර්ය මණ්ඩලයත්, සමස්ත පැවිදි හා ගිහි ශිෂ්‍ය ප්‍රජාවත් එක්වූහ.
🌺 අතීතයට ගෞරවය... අනාගතයට ආශීර්වාදය...
පිරිවෙන් අධ්‍යාපනයේ උදාර මෙහෙවර වෙනුවෙන් තම දිවිය කැප කළ ආදිකර්තෘන් වහන්සේලා බැති සිතින් සිහිපත් කරමින් පුෂ්පෝපහාර දැක්වීම ද මෙහිදී සිදු කෙරිණි.
එය හුදෙක් ගුරු දිනයක් සැමරීමක් පමණක් නොව, ගුරු ගෞරවය, ශිෂ්‍ය කෘතවේදීත්වය සහ සදාතනික පිරිවෙන් උරුමය මතු පරපුරට දායාද කළ අරුත්බර සැමරුමක් විය.
✨ ගුරුවරයා යනු දැනුම ලබා දෙන්නෙකු පමණක් නොව, ජීවිතයට නිවැරදි මඟ පෙන්වන උතුම් මාර්ගෝපදේශකයෙකි.
අපගේ නැණැස පාදා, දහමින් හා ගුණයෙන් අප පෝෂණය කරමින්, යහපත් හෙට දවසක් වෙනුවෙන් නිහඬව කැපවන සියලු ගුරු උතුමන් වෙත අපගේ හෘදයාංගම ගෞරවයත්, අපරිමිත කෘතවේදීත්වයත්, බැතිබර ප්‍රණාමයත් පුද කර සිටිමු! 🙏
🌷 ගුරු ගුණ සුවඳ සදාකල් ලොව සුවඳවත් වේවා!
📍 දඹුල්ල සිරි වළගම්බා මහ පිරිවෙන
#ලෝකගුරුදිනය #ගුරුඋපහාර #සිරිවළගම්බාමහපිරිවෙන #දඹුල්ල
