09/09/2026
தமாம் வைபவமும் கௌரவிப்பு நிகழ்வும்.
09-09-2026
அகிலத்திற்கோர் அருட்கொடையாகவும் மனிதகுலத்திற்கு ஓர் முத்தாகவும் அனுப்பப்பட்ட எம் உயிரிலும் மேலான கண்மணி நாயகம் ஸல்லல்லாஹூ அலைஹி வஸல்லம் அன்னவர்களின் பிறந்த வசந்த மாதத்தை சிறப்பிக்கும் வகையில்
அகில இலங்கை ஜம்இய்யத்துல் உலமா மதவாக்குளம் கிளை ஏற்பாடு செய்து நடாத்திய "அஷ்ஷமாஇலுல் முஹம்மதிய்யா" பெருமானாரின் நேர்முக வர்ணனை ஹதீஸ் விளக்கவுரை நிகழ்வு கடந்த 28-08-2026 ஆம் திகதி முதல் தொடராக இடம்பெற்று அதன் தமாம் வைபவமும் கௌரவிப்பு நிகழ்வும் இன்று 09-09-2026 புதன் கிழமை மஃரிப் தொழுகை தொடர்ந்து மதவாக்குளம் முஹியித்தீன் ஜும்ஆ பள்ளி வாசலில் இடம்பெற்றது.
இந்நிகழ்வில் தொடராக "அஷ்ஷமாயிலுத் திர்மிதீ" ஹதீஸ் விளக்கவுரை நிகழ்வை திறம்பட தொகுத்து மக்களுக்கு இலேசாக விளங்கும் முறையில் தெளிவாக விளக்கமளித்த மதவாக்குளம் ஜும்ஆ பள்ளி வாசல் பிரதம இமாமும், ஜம்மியத்துல் உலமா மதவாக்குளம் கிளையின் கௌரவ செயலாளருமான மௌலவி ஏ.எம்.மிஜ்வாத் அஜ்வாதி அவர்களுக்கு நினைவுச்சின்னம் மற்றும் பொன்னாடை போர்த்தி கௌரவிக்கப்பட்டது.
அத்துடன் மதவாக்குளம் கிளை கடந்த மூன்றாண்டு காலமாக முன்னெடுத்துச் செல்லும் சேவைகளை பாராட்டி கௌரவ தலைவர் மௌலவி ஏ.எம் றனீஸ் றவாஹி அவர்களுக்கு நினைவுச்சின்னம் மற்றும் பொன்னாடை போர்த்தி கௌரவிக்கப்பட்டது.
மற்றும் எமது நிகழ்வுகளில் ஆரம்ப நாள் முதல் இன்றைய தமாம் வைபவம் வரை எமக்கு பூரண ஒத்துழைப்பு வழங்கிய ஜும்ஆ பள்ளி வாசலின் பிரதம முஅத்தின் அல் ஹாபிழ் அஜ்மீர் மற்றும் துணை முஅத்தின் நுபைத் லுக்மானி அவர்களுக்கும் பரிசில்கள் வழங்கி கௌரவிக்கப்பட்டனர்.
இன்றைய நாள் தமாம் நிகழ்வுகளை அழகிய முறையில் ஏற்பாடு செய்த மதவாக்குளம் கிளை சமூக சேவை பிரிவுக்கும், அதன் ஒருங்கிணைப்பாளர் மௌலவி சித்தீக் ரஷீதி அவர்களுக்கும் எமது ஏற்பாட்டுக் குழுவினருக்கும் எமது இதயப்பூர்வமான நன்றிகளையும் பிரார்த்தனை களையும் தெரிவித்துக்கொள்கிறோம்.
இன்றைய தமாம் நிகழ்வில் அதிகளவான ஆண்கள் மற்றும் பெண்களும் கலந்து சிறப்பித்தனர்.
ஊடகப் பிரிவு
அகில இலங்கை ஜம்இய்யத்துல் உலமா மதவாக்குளம் கிளை
