අලවතුගොඩ සමන් දේවාලය - Alawathugoda Saman Dewalaya

28/01/2026

නිදුක් නීරෝගිමත් පින්බර ජන්ම දිනයක් වේවා! අනුනායක හාමුදුරුවනේ 🙏🙏

18/01/2026

ඓතිහාසික මහනුවර ශ්‍රී මහා පත්තිනි දේවාලය,හගුරන්කෙත ශ්‍රී මහා පත්තිනි දේවාලය යන දේවාලයන්හී බස්නායක නිලමේ තැන්පත් හේමන්ත බණ්ඩාර හේරත් නිලමේතුමන්ට සිරි දළදා සමිඳුන්ගේ සරණින්, ශ්‍රී සුමන සමන් දිව්‍යරාජෝත්තමයාණන් වහන්සේගේ පිහිට ආශිර්වාදයෙන් සුබ ජන්ම දිනයක් වේවායි ප්‍රාර්ථනා කරමු !

මාධ්‍ය කාර්යාංශය | Media Bureau

03/01/2026

අලුත් සහල් මංගල්‍යය !

පුරාණ චාරිත්‍රානුකූලව සිදු කරනු ලබන අලුත් සහල් මංගල්‍යය සඳහා සහල් සහ වී බෙදා දීම 2025 දෙසැම්බර් 29 වෙනි සදු දින ප.ව 3:00 ට මහනුවර පල්ලෙකැලේ පිහිටි ශ්‍රී දළදා මාළිගාවේ වී අටුවේ දී බෙදාදීම සිදුවිය.

ඒ සමගාමීව අලවතුගොඩ ශ්‍රී සුමන සමන් දේවාලය සඳහා ලැබූ අලුත් සහල් ගෞරවාන්විත පෙරහරකින් 2025 දෙසැම්බර් 30 වෙනි දින දේවාලය වෙත වැඩම වීම මෙසේ සිදු කරන ලදී.

2026 ජනවාරි 03 වන දින පෙරවරු 10:03 ට එම සහල් සහ වී පිලියෙල කර සුමන සමන් දිව්‍යරාජෝත්තමයාණන් වහන්සේහට පූජා කරන ලදි

ඔබ සැමට සුමන සමන් දිව්‍යරාජෝත්තමයාණන් වහන්සේගේ පිහිටයි !

මාධ්‍ය කාර්යාංශය | Media Bureau






゚

03/01/2026

ඔබ සැමට පින්බර දුරුතු පුන් පොහෝදිනයක් වේවා...!

බෞද්ධ ඉතිහාසයේ සිදු වූ වැදගත්ම සිදුවීම සිදු වී ඇත්තේ පොහොය දිනයන්හිදීය. එම නිසා පොහොය දිනය බෞද්ධයන්ට බෙහෙවින් වැදගත් වේ. අපට පමණක් නොව ලොව සිටින සියලුම බෞද්ධයන්ට පොහොය දිනය අතිශයින්ම වැදගත්ය.

දුරුතු පොහොය (ජනවාරි පොහොය) වර්ෂයේ මුල්ම මාසය මෙන්ම ලංකාවාසී අපට ඉතාමත් වැදගත්ම පොහොයක් වන්නේ බුදුන් වහන්සේ ලංකාවට පළමු වරට වැඩියේ දුරුතු පොහොය දිනයේ වන නිසාය. මහියංගණයෙහි පිහිටි “මහානාග” නම් උයනේ යක්ෂ සහ නාග ගෝත්‍රිකයන් දෙපිරිසක් අතර අරගලයක් හට ගෙන තිබිණි.

බුදුන් වහන්සේ එහි වැඩම කොට ඔවුන් ඇමතීමට උත්සාහ දැරුව ද තමන්ගේ පරිසරයට පැමිණි අමුත්තා කරදරයක් යයි සිතූ යක්ෂයෝ අවි අමෝරා ගෙන බුදුන් වහන්සේට එරෙහිව නැඟී සිටියහ. යක්ෂයින් දමනයට නම් ඔවුන් බියට පත් කර සිටිය යුතු බව සිතූ බුදුන් වහන්සේ වර්ෂාව, අකුණු සහ මහා මේඝයක් ඇති කර යක්ෂයින් බිය වද්දවා පසුව ඔවුන්ගේ බිය පහ කළ අතර පසුව යක්ෂයෝ ගිරි දිවයිනට පලා ගියහ. එහි පැමිණ සිටි සුමන (සමන්) නම් දෙවියන් පූජාවට සුදුසු දෙයක් ඉල්ලා සිටි විට බුදු හිමියන් කෙස් මිටක් දී ඇති අතර සුමන දෙවියන් විසින් බුදුරජුන් වැඩ සිටි ස්ථානයෙහිම එම කේශ ධාතු තැන්පත් කොට අඩි 10ක් උස ස්තූපයක් කර වූ අතර මියුගුණ හෙවත් මහියංගණ චෛත්‍ය එම ස්තූපයයි.

කැලණි පෙරහර පැවැත්වෙන්නේ දුරුතු මාසයේදීය.

දුරුතු පොහොය දින සිදු වූ අනෙකුත් වැදගත් සිදුවීම්...

බුදුන් වහන්සේ මහා ප්‍රඥාව ලෝක සත්ත්වයා හට දේශනා කිරීමේ මුල් පියවර තබන ලද්දේ ද දුරුතු පොහෝ දිනකදීය. ඒ උරුවෙල දනව්වට වැඩම කොට අහංකාර තුන්බෑ ජටිලයන් වූ උරුවෙල කාශ්‍යප, නදී කාශ්‍යප, ගයා කාශ්‍යප ඇතුළු දහසක් පමණ දෙනාට සදහම් මාර්ගය පහදා දෙමිනි.

තමා විසින් දහම් දේශනා කොට අරහත් භාවයට පත් තුන් බෑ ජටිල තෙරුන් සහ ඔවුන්ගේ පිරිවර සමඟ මගධය වෙත වැඩම කළ බුදුරජාණන් වහන්සේ බිම්බිසාර රජුට දහම් දෙසා රජු සහ ඒ නුවර වැසියන් තෙරුවන් සරණ ගිය බෞද්ධයන් බවට පත් කළේ ද දුරුතු මාසයේදීය.

බිම්බිසාර රජු විසින් බුදුන් ඇතුළු මහ සඟරුවනට වේළුවනාරාමය පූජා කළේ ද මෙම පොහොය දිනයේය.

දොළොස් පොහොයේ සමාරම්භක පොහොය වන්නේ දුරුතු පොහොයයි. මේ පොහොය ඉතාම වැදගත් වන්නේ සියලු පොහොයන්ට වස්තු විෂය වන පරිසරය සැකසීම අනුවය.

වසරක් ගෙවී තවත් වසරක් උදා වන මේ මොහොතේ පසුගිය වසරේ ලත් අත්දැකීම් සම්බන්ධව අවලෝකනය කොට නව වසරට ඒ අත්දැකීම් කොතරම් දුරට බලපාන්නේ ද යන්න සම්බන්ධව මෙනෙහි කළ යුතු හොඳම කඩඉමකි.

එමෙන්ම දුරුතු පොහොය වඩාත් වැදගත් වන්නේ අප සම්මා සම්බුදු තිලෝගුරු බුදු පියාණන් වහන්සේ දුකේ වෙළී - පැටලී සිටින සියලු සත්ත්වයා එම විමුක්ති මාර්ගයෙන් ගලවා ගැනීමට ප්‍රථම පියවර තබන ලද්දේ ද දුරුතු පෝයදාය.

බුදු බව ලබා නව මසකින් පසු උරුවෙල් දනව් පියසෙහි තුන්බෑ ජටිල‍යන් වන උරුවෙල කාශ්‍යප නදී කාශ්‍යප, ගයා කාශ්‍යප ප්‍රධාන කොටගත් දහසක් පමණ සව්වන් සදහම් මාර්ගයට යොමු කරවන ලද්දේ දුරුතු පෝදා බැවිනි.

මහියංගණයට වැඩම කොට යක්ෂ ගෝත්‍රිකයන්ට දහම් දෙසා විමුක්ති මාර්ගය හෙළි කිරීම ද මේ පොහෝ දා සිදු වූ තවත් වැදගත් සිදුවීමකි.

බුදුරජුන්ගේ කේශ ධාතු නිදන් කිරීම මත දෙවියකු විසින් ඉදි කරන ලද ප්‍රථම දාගැබ වන්නේත් මහියංගණ දාගැබයි.

දුරුතු පෝදා අපට ලැබුණු අති උත්තම දායාදයකි. අප රටට වැඩම කළ බුදුරදුන් නිසා අපේ සමා‍ජයේ පෙර නොවූ විරූ පෙරළියක් උදා විය.

මානව සමාජය විවිධ ආකල්පවල එල්බ ගෙන සිටි හෙයින් නිසි මාර්ගය නැත්නම් විමුක්ති මාර්ගය කුමක්ද යන්න සොයා ගැනීමට නොහැකිව මංමුළා වූ පිරිසක් බවට පත්ව සිටියහ.

මිනිසා ගස්වලට වන්දනය කළේය. තවත් පිරිසක් ගල්වලට වැඳුම් පිදුම් කළහ. ඇතැමෙක් හිරුට වන්දනය කළහ. තවත් සමහරෙක් සඳුට වැඳුම් පිදුම් කළහ. සමහරු අනංගයාට වැඳුම් පිදුම් කළහ. අනංගයා යනු ආදරයට අධිපතියාය. ආදරයට අධිපති අනංගයාට වැඳුම් පිදුම් කළ හොත් තමන්ට විමුක්ති මාර්ගය ලැබේ යැයි සිතූහ.

සමහරු නාගයා සංකේතයක් කොට ගෙන වන්දනය කළහ. රාගයෙන් කෙරෙන්නේ තමන්ගේ ඇලීම් - ගැලීම් තවත් පෝෂණය කිරීමකි. ඇලීම් ප්‍රහීණ කළ යුතුව තිබියදී තවදුරටත් එහි එල්බ ගන්නේ නම් සිදු වන්නේ සසරේ දිගුවීම පමණි. අපට අවශ්‍ය වන්නේ සංසාරය කෙටි කර ගැනීමය. නාගයාට වන්දනය කිරීමෙන් හැඟී යන්නේ එය කෙටි කර ගැනීම නොව තව තවත් එයට එල්බ ගැනීමකි. නාග වන්දනය එදා කොතරම් ජනප්‍රිය වීද යත් රජවරුන්ගේ නමේ අගට නාග යන පදය යෙදෙන්නට පුරුදු වූහ.

චෞරනාග, මහානාග, වීරනාග, ඉල නාග ආදී නම් එයට හොඳම නිදසුන්ය.

මෙවන් පරිසරයක සිටි ජනකායට බුදුවරුන් ලක්දිවට වැඩම කළ එම අඳුරු වලාකුළු පටලයෙන් නැති නම් භව කඩතුරාවෙන් වැසුණු ජනකාය යහමඟට ගන්නට දැරූ තැතද ඉතා ප්‍රශංසනීයයි.

ඉන් අනතුරුව උගත් පරපුරක් බිහි වී මහ කැලෑව එළිපෙහෙළි වී ගල් ලෙන්වලට වී සඟරුවන දහම් පොත් ලියන්නට පෙලඹුණේ ද මේ දුරුතු පුන් පොහෝදාය.

බුද්ධිමත් කැටයම් ශිල්පියා මේ මඟින් කළේත් බුදු මහිමය කියාපෑමය. අදත් එම කැටයම්වලින් ජීවමාන වන්නේ බුදු ගුණයි. බුද්ධ චරිතයයි. බුද්ධ ධර්මයයි. මේ දක්වා පැමිණි ගමන් මඟට ප්‍රවේශයක් වූයේ දුරුතු පොහොයයි.

31/12/2025

ලැබුවා වූ 2026 නව වසර
ඔබගේ සියලු පැතුම් ඉටුවන
සෞභාග්‍යය සපිරි නිරෝගිමත්
සුබ නව වසරක් වේවා!!!!

ඔබ සැමට සුමන සමන් දෙවි පිහිටයි...!

මාධ්‍ය කාර්යාංශය | Media Bureau

30/12/2025

29/12/2025

අලුත් සහල් මංගල්‍යය !

පුරාණ චාරිත්‍රානුකූලව සිදු කරනු ලබන අලුත් සහල් මංගල්‍යය සඳහා සහල් සහ වී බෙදා දීම 2025 දෙසැම්බර් 29 වෙනි සදු දින ප.ව 3:00 ට මහනුවර පල්ලෙකැලේ පිහිටි ශ්‍රී දළදා මාළිගාවේ වී අටුවේ දී බෙදාදීම සිදුවිය.

ඔබ සැමට සුමන සමන් දිව්‍යරාජෝත්තමයාණන් වහන්සේගේ පිහිටයි !

මාධ්‍ය කාර්යාංශය | Media Bureau






゚

08/12/2025

සහන සත්කාර......


ගංවතුර තත්වයට මුහුණ දුන් මහනුවර දියකපනාතොට විහාරස්ථානයට ආලේප කිරීම සදහා තීන්ත ලබාදීම කැනඩාවේ භාවනා සංගමය සහ කැනඩාවේ වැඩවසන නාලන්දේ ජිනාරාම නායක ස්වාමීන්වහන්සේ, ඕස්ට්‍රේලියාවේ සිටින හෂිණිකා කුලතුංග මෙනෙවිය, අලවතුගොඩ ශ්‍රී සුමන සමන් දේවාලයේ බස්නායක නිලමේතුමා,වල්ලහගොඩ කතරගම දේවාලයේ බස්නායක නිලමේතුමා එක්ව සහන සත්කාර වැඩ සටහන.

මාධ්‍ය කාර්යාංශය | Media Bureau

08/12/2025

සහන සත්කාර......

ගම්පොළ කුරුදුවත්ත ප්‍රාදේශීයේ;
ගංවතුරෙන් හා නාය යෑමෙන් පීඩාවිදින පුද්ගලයන් හට පිගන්, කෝප්ප සහ එදිනෙදා ජීවිතයේ භාවිතයට ගන්නා අත්‍යවශ්‍ය උපකරණ හා පිරිසිදු පානීය ජල බෝතල් හා වියලි ආහාර බෙදාදීමට කටයුතු සිදු කිරීම කැනඩාවේ භාවනා සංගමය සහ කැනඩාවේ වැඩවසන නාලන්දේ ජිනාරාම නායක ස්වාමීන්වහන්සේ, අලවතුගොඩ ශ්‍රී සුමන සමන් දේවාලයේ බස්නායක නිලමේතුමා,වල්ලහගොඩ කතරගම දේවාලයේ බස්නායක නිලමේතුමා එක්ව සහන සත්කාර වැඩ සටහන.

මාධ්‍ය කාර්යාංශය | Media Bureau

07/12/2025

සහන සත්කාර......

ගංවතුරෙන් හා නාය යෑමෙන් පීඩාවිදින පුද්ගලයන් හට පිගන්, කෝප්ප සහ එදිනෙදා ජීවිතයේ භාවිතයට ගන්නා අත්‍යවශ්‍ය උපකරණ හා පිරිසිදු පානීය ජල බෝතල් බෙදාදීම කැනඩාවේ භාවනා සංගමය සහ කැනඩාවේ වැඩවසන නාලන්දේ ජිනාරාම නායක ස්වාමීන්වහන්සේ, අලවතුගොඩ ශ්‍රී සුමන සමන් දේවාලයේ බස්නායක නිලමේතුමා,වල්ලහගොඩ කතරගම දේවාලයේ බස්නායක නිලමේතුමා එක්ව සහන සත්කාර වැඩ සටහන.

මාධ්‍ය කාර්යාංශය | Media Bureau

07/12/2025

සහන සත්කාර......

ගංවතුරෙන් හා නාය යෑමෙන් පීඩාවිදින පුද්ගලයන් හට පිගන්, කෝප්ප සහ එදිනෙදා ජීවිතයේ භාවිතයට ගන්නා අත්‍යවශ්‍ය උපකරණ බෙදාදීම කැනඩාවේ භාවනා සංගමය සහ කැනඩාවේ වැඩවසන නාලන්දේ ජිනාරාම නායක ස්වාමීන්වහන්සේ, අලවතුගොඩ ශ්‍රී සුමන සමන් දේවාලයේ බස්නායක නිලමේතුමා,වල්ලහගොඩ කතරගම දේවාලයේ බස්නායක නිලමේතුමා එක්ව සහන සත්කාර වැඩ සටහන.

මාධ්‍ය කාර්යාංශය | Media Bureau

06/12/2025

සහන සත්කාර......

ගම්පොළ බෝතලාපිටිය ප්‍රාදේශීයේ ගංවතුරෙන් හා නාය යෑමෙන් පීඩාවිදින පුද්ගලයන් හට පිරිසිදු පානීය ජල බෝතල් බෙදාදීම අලවතුගොඩ ශ්‍රී සුමන සමන් දේවාලයේ බස්නායක නිලමේතුමා ,වල්ලහගොඩ කතරගම දේවාලයේ බස්නායක නිලමේතුමා එක්ව සහන සත්කාර වැඩ සටහන.

මාධ්‍ය කාර්යාංශය | Media Bureau