Watpah Nadi

25/05/2026

Ep13. ທັມມະບັນຍາຍ ເລື່ອງ: ກາຣໃຫ້ທັມມະ ຊະນະກາຣໃຫ້ທັງປວງ... ເປັນຕົ້ນ (ລາຍລະອຽດມີຢູ່ໃນ ສຸຕຕັນຕະ. ຂຸ.ຄາຖາ.ຕັນຫາວັຄ. ເຫຼັ້ມທີ ໒໕) ໂດຍ: ພມ. ກຽດຕິສັກ (ດາວ) ຂັນຕິສາໂຣ ທີ່ວັດປ່າ ສຸວັນນະປະດິດ, ບ.ນາດີ, ມ.ນາຊາຍທອງ, ນະຄອນຫຼວງວຽງຈັນ
#ໄຮໄລທ໌
#ທັມມະບັນລະຍາຍ
#ກາຣຈະເລີນບຸ໙ກຸສົລ&ລະບາປອະກຸສົລ
#ວັດປ່າ ນາດີ Watpah Nadi 🛞📚∆🌳🌲🙏🏻

24/05/2026

👉🏻 ມີເນື້ອຫາສາຣະປະກິນນະກະທັມບາງສ່ວນຈາກພຣະສູດ ທີ່ເວົ້າກ່ຽວກັບເລື່ອງຂອງສີນ ມາປະກອບເປັນຂໍ້ຄິດແນບກັບຄິບນີ້ນຳ...

໘. ສີລະສູດ
ວ່າດ້ວຍໂທດແຫ່ງຄວາມທຸສີນ ແລະ ຄຸນແຫ່ງຄວາມມີສີນ
[168] ໃນທີ່ນັ້ນ ພຣະສາຣີບຸດເອີ້ນພິກຂຸທັງຫຼາຍມາກ່າວວ່າ “ຜູ້ມີອາຍຸທັງຫຼາຍ ສັມມາສະມາທິຂອງບຸກຄົນຜູ້ທຸສີນ ມີສີນວິບັດ ຊື່ວ່າມີເຫດຖືກກຳຈັດແລ້ວ ເມື່ອສັມມາສະມາທິບໍ່ມີ ຍະຖາພູຕະຍານະທັດສະນະຂອງບຸກຄົນຜູ້ມີສັມມາສະມາທິວິບັດ ຊື່ວ່າມີເຫດຖືກກຳຈັດແລ້ວ ເມື່ອຍະຖາພູຕະຍານະທັດສະນະບໍ່ມີ ນິບພິທາ ແລະ ວິຣາຄະຂອງບຸກຄົນຜູ້ມີຍະຖາພູຕະຍານະທັດສະນະວິບັດ ຊື່ວ່າມີເຫດຖືກກຳຈັດແລ້ວ ເມື່ອນິບພິທາ ແລະ ວິຣາຄະບໍ່ມີ ວິມຸດຕິຍານະທັດສະນະຂອງບຸກຄົນຜູ້ມີນິບພິທາ ແລະ ວິຣາຄະວິບັດ ຊື່ວ່າມີເຫດຖືກກຳຈັດແລ້ວ
ສັມມາສະມາທິຂອງບຸກຄົນຜູ້ມີສີນ ມີສີນວິບັດ ຊື່ວ່າມີເຫດຖືກກຳຈັດແລ້ວ ເມື່ອສັມມາສະມາທິບໍ່ມີ ຍະຖາພູຕະຍານະທັດສະນະຂອງບຸກຄົນຜູ້ມີສະມາທິວິບັດ ຊື່ວ່າມີເຫດຖືກກຳຈັດແລ້ວ ເມື່ອຍະຖາພູຕະຍານະທັດສະນະບໍ່ມີ ນິບພິທາ ແລະ ວິຣາຄະຂອງບຸກຄົນຜູ້ມີຍະຖາພູຕະຍານະທັດສະນະວິບັດ ຊື່ວ່າມີເຫດຖືກກຳຈັດແລ້ວ ເມື່ອນິບພິທາ ແລະ ວິຣາຄະບໍ່ມີວິມຸດຕິຍານະທັດສະນະຂອງບຸກຄົນຜູ້ມີນິບພິທາ ແລະ ວິຣາຄະວິບັດ ຊື່ວ່າມີເຫດຖືກກຳຈັດແລ້ວ ປຽບເໝືອນຕົ້ນໄມ້ທີ່ມີງ່າ ແລະ ໃບວິບັດແລ້ວ ເກັດ ເປືອກ ມອກ ແມ່ນແກນຂອງຕົ້ນໄມ້ນັ້ນຍ່ອມບໍ່ເຖິງຄວາມໄພບູນ ສັນນັ້ນ
ສັມມາສະມາທິຂອງບຸກຄົນຜູ້ມີສີນ ສົມບູນດ້ວຍສີນ ຊື່ວ່າມີເຫດສົມບູນ ເມື່ອສັມມາສະມາທິມີ ຍະຖາພູຕະຍານະທັດສະນະຂອງບຸກຄົນຜູ້ສົມບູນດ້ວຍສັມມາສະມາທິ ຊື່ວ່າມີເຫດສົມບູນ ເມື່ອຍະຖາພູຕະຍານະທັດສະນະມີ ນິບພິທາແລະວິຣາຄະຂອງບຸກຄົນຜູ້ສົມບູນດ້ວຍຍະຖາພູຕະຍານະທັດສະນະ ຊື່ວ່າມີເຫດສົມບູນ ເມື່ອນິບພິທາແລະວິຣາຄະມີ ວິມຸດຕິຍານະທັດສະນະຂອງບຸກຄົນຜູ້ສົມບູນດ້ວຍນິບພິທາແລະວິຣາຄະ ຊື່ວ່າ ມີເຫດສົມບູນ
ຜູ້ມີອາຍຸທັງຫຼາຍ ສະມາທິຂອງບຸກຄົນຜູ້ມີສີນ ສົມບູນດ້ວຍສີນ ຊື່ວ່າມີເຫດສົມບູນ ເມື່ອສັມມາສະມາທິມີ ຍະຖາພູຕະຍານະທັດສະນະຂອງບຸກຄົນຜູ້ສົມບູນດ້ວຍສັມມາສະມາທິ ຊື່ວ່າມີເຫດສົມບູນ ເມື່ອຍະຖາພູຕະຍານະທັດສະນະມີ ນິບພິທາແລະວິຣາຄະຂອງບຸກຄົນຜູ້ສົມບູນດ້ວຍຍະຖາພູຕະຍານະທັດສະນະ ຊື່ວ່າມີເຫດສົມບູນ ເມື່ອນິບພິທາແລະວິຣາຄະມີ ວິມຸດຕິຍານະທັດສະນະຂອງບຸກຄົນຜູ້ສົມບູນດ້ວຍນິບພິທາ ແລະ ວິຣາຄະ ຊື່ວ່າມີເຫດສົມບູນ ປຽບເໝືອນຕົ້ນໄມ້ທີ່ມີງ່າ ແລະ ໃບສົມບູນ ເກັດ ເປືອກ ມອກ ແມ່ນແຕ່ແກນຂອງຕົ້ນໄມ້ນັ້ນ ຍ່ອມເຖິງຄວາມໄພບູນ ສັນນັ້ນ.
ສີລະສູດທີ 8 ຈົບ

☝🏻ອ້າງອີງມາຈາກ: ສຸຕຕັນຕະປິດົກ ອັງຄຸຕຕະຣະນິກາຍ ປັ໙ຈະກະນິບາຕ ຈະຕຸຕຖະປັນນາສ ອາຄະຕະວັກ ສີລະສູດ ເຫຼັ້ມທີ ໒໒ ຂໍ້ທີ ໑໖໘ ໜ້າທີ ໒໕໘.

#ໄຮໄລທ໌
#ທັມມະບັນລະຍາຍ
#ກາຣຈະເລີນບຸ໙ກຸສົລ&ລະບາປອະກຸສົລ
#ວັດປ່າ ນາດີ Watpah Nadi 🛞📚∆🌳🌲🙏🏻

23/05/2026

Ep12. ທັມມຮັບອະຣຸນ ເລື່ອງ: ອະນາຖະບິນດິກະເສດຖີແລະ ລູກຊາຍ ໂດຍ: ພອ. ສຸກສະຫວັນ ສຸ໙ໂ໙ ທີ່ວັດປ່າ ຫ້ວຍຊາຍ, ບ.ຈຸ້ມ, ມ.ທຸລະຄົມ, ຂ.ວຽງຈັນ
#ໄຮໄລທ໌
#ທັມມະບັນລະຍາຍ
#ກາຣຈະເລີນບຸ໙ກຸສົລ&ລະບາປອະກຸສົລ
#ວັດປ່າ ນາດີ Watpah Nadi 🛞📚∆🌳🌲🙏🏻

22/05/2026

Ep11. ທັມມະເທສນາກ່ອນສັນພັດຕາຫາຣເພນ ເລື່ອງ: ສັນຕິພາບໂລກ-ຈັກກະວາລ ໂດຍ: ພອ. ວິຈິຕ ວິຈິຕໂຕ ທີ່ວັດປ່າ ຫ້ວຍຊາຍ, ບ.ຈຸ້ມ, ມ.ທຸລະຄົມ, ຂ.ວຽງຈັນ
#ໄຮໄລທ໌
#ທັມມະບັນລະຍາຍ
#ກາຣຈະເລີນບຸ໙ກຸສົລ&ລະບາປອະກຸສົລ
#ວັດປ່າ ນາດີ Watpah Nadi 🛞📚∆🌳🌲🙏🏻

13/05/2026

3. ປະຖະມະອັບປິຍະສູດ
ວ່າດ້ວຍທັມທີ່ເປັນເຫດໃຫ້ເປັນທີ່ຮັກແລະບໍ່ເປັນທີ່ຮັກ ສູດທີ 1
[3] ພິກຂຸທັງຫຼາຍ ພິກຂຸປະກອບດ້ວຍທັມ 8 ປະການ ຍ່ອມບໍ່ເປັນທີ່ຮັກ ບໍ່ເປັນທີ່ພໍໃຈບໍ່ເປັນທີ່ເຄົາລົບ ແລະ ບໍ່ເປັນທີ່ຍ້ອງຍໍຂອງເພື່ອນພົມມະຈາຣີທັງຫຼາຍ
ທັມ 8 ປະການ ມີຫຍັງແດ່ ຄື
ພິກຂຸໃນທັມວິນັຍນີ້
1. ສັນລະເສີນຜູ້ບໍ່ເປັນທີ່ຮັກ (ຂອງເພື່ອນພົມມະຈາຣີ)
2. ຕິຕຽນຜູ້ເປັນທີ່ຮັກ (ຂອງເພື່ອນພົມມະຈາຣີ)
3. ມຸ່ງລາບ, 4. ມຸ່ງສັກກາຣະ, 5. ບໍ່ມີຫິຣິ, 6. ບໍ່ມີໂອດຕັບປະ
7. ມີຄວາມປາດຖະໜາຊົ່ວ, 8. ເປັນມິດສາທິດຖິ
ພິກຂຸທັງຫຼາຍ ພິກຂຸປະກອບດ້ວຍທັມ 8 ປະການນີ້ແລ ຍ່ອມບໍ່ເປັນທີ່ຮັກ ບໍ່ເປັນທີ່ພໍໃຈບໍ່ເປັນທີ່ເຄົາລົບ ແລະ ບໍ່ເປັນທີ່ຍ້ອງຍໍຂອງເພື່ອນພົມມະຈາຣີທັງຫຼາຍ
ພິກຂຸທັງຫຼາຍ ພິກຂຸປະກອບດ້ວຍທັມ 8 ປະການ ຍ່ອມເປັນທີ່ຮັກ ເປັນທີ່ພໍໃຈ ເປັນທີ່ເຄົາລົບ ແລະ ເປັນທີ່ຍ້ອງຍໍຂອງເພື່ອນພົມມະຈາຣີທັງຫຼາຍ
ທັມ 8 ປະການ ມີຫຍັງແດ່ ຄືພິກຂຸໃນທັມວິນັຍນີ້
1. ບໍ່ສັນລະເສີນຜູ້ບໍ່ເປັນທີ່ຮັກ (ຂອງເພື່ອນພົມມະຈາຣີ)
2. ບໍ່ຕິຕຽນຜູ້ເປັນທີ່ຮັກ (ຂອງເພື່ອນພົມມະຈາຣີ),
3. ບໍ່ມຸ່ງລາບ, 4. ບໍ່ມຸ່ງສັກກາຣະ, 5. ມີຫິຣິ
6. ມີໂອດຕັບປະ, 7. ມີຄວາມມັກໜ້ອຍ, 8. ເປັນສັມມາທິດຖິ
ພິກຂຸທັງຫຼາຍ ພິກຂຸປະກອບດ້ວຍທັມ 8 ປະການນີ້ແລ ຍ່ອມເປັນທີ່ຮັກ ເປັນທີ່ພໍໃຈ ເປັນທີ່ເຄົາລົບ ແລະ ເປັນທີ່ຍ້ອງຍໍຂອງເພື່ອນພົມມະຈາຣີທັງຫຼາຍ.
ປະຖະມະອັບປິຍະສູດທີ 3 ຈົບ

4. ທຸຕິຍະອັບປິຍະສູດ
ວ່າດ້ວຍທັມທີ່ເປັນເຫດໃຫ້ເປັນທີ່ຮັກແລະບໍ່ເປັນທີ່ຮັກ ສູດທີ 2
[4] ພິກຂຸທັງຫຼາຍ ພິກຂຸປະກອບດ້ວຍທັມ 8 ປະການ ຍ່ອມບໍ່ເປັນທີ່ຮັກ ບໍ່ເປັນທີ່ພໍໃຈບໍ່ເປັນທີ່ເຄົາລົບແລະບໍ່ເປັນທີ່ຍ້ອງຍໍຂອງເພື່ອນພົມມະຈາຣີທັງຫຼາຍ
ທັມ 8 ປະການ ມີຫຍັງແດ່ ຄື
ພິກຂຸໃນທັມວິນັຍນີ້
1. ມຸ່ງລາບ, 2. ມຸ່ງສັກກາຣະ, 3. ມຸ່ງຊື່ສຽງ 4. ບໍ່ຮູ້ຈັກການ, 5. ບໍ່ຮູ້ຈັກປະມານ, 6. ບໍ່ສະອາດ, 7. ເວົ້າຫຼາຍ 8. ດ່າເພື່ອນພົມມະຈາຣີ
ພິກຂຸທັງຫຼາຍ ພິກຂຸປະກອບດ້ວຍທັມ 8 ປະການນີ້ແລ ຍ່ອມບໍ່ເປັນທີ່ຮັກ ບໍ່ເປັນທີ່ພໍໃຈບໍ່ເປັນທີ່ເຄົາລົບແລະບໍ່ເປັນທີ່ຍ້ອງຍໍຂອງເພື່ອນພົມມະຈາຣີທັງຫຼາຍ
ພິກຂຸທັງຫຼາຍ ພິກຂຸປະກອບດ້ວຍທັມ 8 ປະການ ຍ່ອມເປັນທີ່ຮັກ ເປັນທີ່ພໍໃຈ ເປັນທີ່ເຄົາລົບແລະເປັນທີ່ຍ້ອງຍໍຂອງເພື່ອນພົມມະຈາຣີທັງຫຼາຍ
ທັມ 8 ປະການ ມີຫຍັງແດ່ ຄື
ພິກຂຸໃນທັມວິນັຍນີ້
1. ບໍ່ມຸ່ງລາບ, 2. ບໍ່ມຸ່ງສັກກາຣະ, 3. ບໍ່ມຸ່ງຊື່ສຽງ, 4. ຮູ້ຈັກການ, 5. ຮູ້ຈັກປະມານ, 6. ສະອາດ, 7. ບໍ່ເວົ້າຫຼາຍ, 8. ເປັນຜູ້ບໍ່ດ່າເພື່ອນພົມມະຈາຣີ
ພິກຂຸທັງຫຼາຍ ພິກຂຸປະກອບດ້ວຍທັມ 8 ປະການນີ້ແລ ຍ່ອມເປັນທີ່ຮັກ ເປັນທີ່ພໍໃຈ ເປັນທີ່ເຄົາລົບ ແລະ ເປັນທີ່ຍ້ອງຍໍຂອງເພື່ອນພົມມະຈາຣີທັງຫຼາຍ.
ທຸຕິຍະອັບປິຍະສູດທີ 4 ຈົບ

_________________
☝🏻ອ້າງອີງຈາກ: ພຣະໄຕປິດົກສະບັບພາສາລາວ ສຸຕຕັນຕປິດົກ ອັງຄຸຕຕຣນິກາຍ ອັຕຖກນິບາຕ ປຖມປັນາສ ເມຕຕາວັຄ ປຖມ-ທຸຕິຍອັປປິຍສູຕ. ຂໍ້ 3-4 ໜ້າ 185-186.

10/05/2026

Ep10. ທັມມະບັນລະຍາຍ ເລື່ອງ: ເຮັດແບບນີ້ຈະບໍ່ເສຍດາຍໃນພາຍຫຼັງ ໂດຍ: ພອ. ເພັດ ໂພທິລາດ ທີ່ວັດປ່າ ຫ້ວຍຊາຍ ຫຼື ວັດປ່າ ສາສະນະພຣົຫມະຈັຣຍ໌, ບ. ຈຸ້ມ, ມ. ທຸລະຄົມ, ຂ. ວຽງຈັນ
#ໄຮໄລທ໌
#ທັມມະບັນລະຍາຍ
#ກາຣຈະເລີນບຸ໙ກຸສົລ&ລະບາປອະກຸສົລ
#ວັດປ່າ ຫ້ວຍຊາຍ ຫຼື ວັດປ່າ ສາສະນະພຣົຫມະຈັຣຍ໌
#ວັດປ່າ ນາດີ Watpah Nadi 🛞📚∆🌳🌲🙏🏻

08/05/2026

ສາທຸໆ...สาธุๆ...Sādhu... 💐👏🏻🙏🏻

ตอบคำถาม เรื่อง #โยมมาขอไม้เป็นต้นในวัด พระควรทำอย่างไร? โดย พระมหาอัมพร อาภสฺสโร สนทนาธรรมวินัย ณ สำนักปฏิ....

08/05/2026

Ep9. ໃຫ້ທັມມະເປັນທານ ສັມໂມທະນີຍະກະຖາ ປະກິນນະກະທັມ ພາກເຊົ້າ ກ່ອນສັນເພນ ໂດຍ: ພອ. ແມ້ມ ກັນຕະທັມໂມ ທີ່ວັດປ່າ ຫ້ວຍຊາຍ ຫຼື ວັດປ່າ ສາສະນະພຣົຫມະຈັຣຍ໌, ບ້ານຈຸ້ມ, ມ. ທຸລະຄົມ, ຂ. ວຽງຈັນ
#ໄຮໄລທ໌
#ປະກິນນະກະທັມຕ່າງໆ
#ກາຣຈະເລີນບຸ໙ກຸສົລ
#ກາຣລະບາປອະກຸສົລ
#ກາຣມີສ່ວນຮ່ວມໃນກິຈຈະກັມບຸ໙ກຸສົລ
#ວັດປ່າ ນາດີ Watpah Nadi 🛞📚∆🌳🌲🌷💐👏🏻🙏🏻

06/05/2026

ສາທຸໆ...💐👏🏻🙏🏻

… ຂໍເຊີນຊວນ ຮ່ວມກັນສຶກສາທັມມະວິນັຍ …
“ขอเชิญชวนร่วมกันศึกษาธรรมะวินัย”
~~~ ແຊຣ໌ຕໍ່ເປັນທັມມະທານ ແດ່ເດີ່ ~~~

ຂໍເຊີນຊວນ ພຣະສົງຄ໌ສາມະເນນ ແລະຍາດໂຍມ ຜູ້ທີ່ມີໃຈໄຝ່ໃນການສຶກສາພຣະທັມວິນັຍ ທີ່ພຣະສາສະດາປະກາດໄວ້ດີແລ້ວ ເພື່ອໃຫ້ໄດ້ເຂົ້າໃຈເລິກເຊີ່ງຂື້ນຕື່ມ ມາຮ່ວມກັນສຶກສາທັມມະວິນັຍ ( ວິນັຍ - ພຣະສູຕ - ອະພິທັມ - ພາສາບາລີ ) ແລະເພື່ອເປັນການສົ່ງເສີມ ຮັກສາ ເຜີຍແຜ່ພຣະສັດທັມຄຳສັ່ງສອນຂອງພຣະພຸດທະເຈົ້າ.
ທີ່ວັດປ່ານາຂາມ ຈະໄດ້ມີການຈັດໃຫ້ມີການສຶກສາ ວິນັຍ - ພຣະສູດ - ອະພິທັມ ແລະ ພາສາບາລີ ໃນໂຊກປີ 2026-2027 ນີ້ ຈຶ່ງຂໍເຊີນຊວນທຸກໆ ທ່ານ ມາຮ່ວມກັນສຶກສາ ເຜີຍແຜ່ຮ່ວມກັນ
ສະຖານທີ່ຮຽນ ວັດປ່ານາຂາມ ບ້ານນາແຖ ເມືອງໄຊທານີ ນະຄອນຫຼວງວຽງຈັນ [ ພັກສະເພາະວັນພຣະ ]
~ ວັນທີ່ 07/05/2026 ເປີດສອນ ວິນັຍເບື້ອງຕົ້ນ ພາສາບາລີເບື້ອງຕົ້ນ ແລະອະພິທັມມັຕຖະສັງຄະຫະ
~ ວັນທີ່ 14/05/2026 ເປີດສອນ ວິນັຍກັງຂາວິຕະຣະນີ ແລະບາລີມູລກັຈຈາຍ-ປະທະຣູປະສິດທິ.

#ຄຸນະສົມບັດຜູ້ຮຽນ : ມີໃຈຮັກແລະເຄົາລົບຕໍ່ພຣະທັມມະວິນັຍ ເຊື່ອຟັງຄູບາອາຈານ ມີໃຈເອື້ອເຟື້ອຕໍ່ຫມູ່ຄະນະ ແລະບໍ່ມີກິດທີ່ຕ້ອງເດີນທາງໄປໃສມາໃສດຸໆ (ເວັ້ນເຫດຈຳເປັນ) ແລະສາມາດປະພຶດຕາມກົດລະບຽບຂອງວັດໄດ້ຢ່າງເຄັ່ງຄັດ.

#ຫມາຍເຫດ :- ຫ້ອງຮຽນ ວັນເສົາ-ອາທິດ ສຳຫຼັບຍາດໂຍມທີ່ບໍ່ມີເວລາ ຈະເປີດຮຽນ ວັນເສົາ-ອາທິດ ທີ່ 09-10/05/2026 ນີ້.

___ ປະຣິຍັຕຕິເຍວະ ສາສນັສສະ ມູລໍ ___
ການສຶກສາເທົ່ານັ້ນ ເປັນຮາກເຫງົ້າຂອງສາສນະ

… ຕິດຕໍ່ສອບຖາມລາຍລະອຽດ ໂທ 020 020 96 720 699 ຫຼື ທາງເພດວັດປ່ານາຂາມ