វត្តចន្ទគិរីវនារាម-ភ្នំច័ន្ទ

04/04/2026

បដិច្ចសមុប្បាទធម៌= ធម៌ដែលកើតឡើងព្រោះអាស្រ័យគ្នា។
បច្ចយុប្បន្នធម៌= ធម៌ដែលកើតព្រោះបច្ច័យ។
បច្ចយាការធម៌= ធម៌ដែលជាអាការនៃបច្ច័យញ៉ាំងឱ្យកើត។
មហាសីហនាទសូត្រ= សូត្រនៃសម្រែកសត្វសិង្ហរោទិ៍។
នេះមាន ព្រោះនោះមាន នេះរលត់ព្រោះនោះរលត់។
កងច្រវាក់១២កងដែលចងសត្វលោកឱ្យនៅក្នុងវដ្តសង្សារ។

04/04/2026

04/04/2026

«សុភាសិត»
«ឈើកោងវល្លិព័ទ្ធ មនុស្សខ្ចាត់ព្រាត់កុំយកខ្លួនបៀត»
គឺជាការដាស់តឿនឱ្យយើងមានស្មារតីប្រុងប្រយ័ត្នខ្ពស់ក្នុងការសេពគប់មនុស្ស ឬការចូលទៅជិតដិតនឹងបុគ្គលដែលមានប្រវត្តិមិនច្បាស់លាស់ ឬមានចរិតលក្ខណៈស្មុគស្មាញ។ ខាងក្រោមនេះគឺជាការបកស្រាយលម្អិត៖
👉🏻 ១. ន័យចំ (តាមបែបធម្មជាតិ) • ឈើកោងវល្លិព័ទ្ធ៖ ដើមឈើដែលមានលក្ខណៈកោងវៀច ហើយមានវល្លិព័ទ្ធរុំជុំវិញច្រើន គឺជាកន្លែងដែលគ្រោះថ្នាក់បំផុត។ ក្នុងព្រៃ ឈើប្រភេទនេះច្រើនតែជាជម្រកនៃសត្វអាសិរពិស ដូចជា ពស់ ក្អែប ឬខ្ទួយ ដែលពួនសម្ងំនៅក្នុងក្រហែងឈើ ឬចន្លោះវល្លិ។ ប្រសិនបើយើងចូលទៅជិត ឬទៅប៉ះពាល់ យើងអាចនឹងត្រូវសត្វទាំងនោះចឹក ឬទិចស្លាប់បាន។
👉🏻២. ន័យធៀប (ការសេពគប់មនុស្ស) • មនុស្សខ្ចាត់ព្រាត់៖ សំដៅលើមនុស្សដែលគ្មានប្រភពកំណើតច្បាស់លាស់ មនុស្សដែលគេបណ្ដេញចេញពីស្រុកភូមិ មនុស្សដែលរត់ចោលស្រែចម្ការមកដោយសារអំពើមិនល្អ ឬមនុស្សដែលមានចរិតបាតផ្សាយ កោងកាច និងល្បិចកល (ដូចឈើកោង)។ • កុំយកខ្លួនបៀត៖ កុំទៅស្និទ្ធស្នាល កុំយកខ្លួនទៅពាក់ព័ន្ធ ឬកុំយកមកធ្វើជាមិត្តជិតដិត ឬជាសមាជិកក្នុងគ្រួសារដោយងាយៗពេក។
👉🏻៣. ហេតុអ្វីបានជាលោកអប់រំបែបនេះ? សុភាសិតនេះចង់បង្ហាញពីគ្រោះថ្នាក់ដែលអាចកើតមាន៖ • គ្រោះថ្នាក់ដោយសារល្បិចកល៖ មនុស្សដែលមានចរិត "វៀច" ច្រើនតែមានល្បិចកលពិសពុល (ដូចពស់ពួនក្នុងវល្លិ)។ ពេលយើងនៅជិត គេអាចនឹងធ្វើបាប ឬក្បត់យើងនៅពេលណាមួយ។ • ការនាំទុក្ខទោសមកឱ្យយើង៖ មនុស្សដែល "ខ្ចាត់ព្រាត់" មក ជួនកាលអាចជាអ្នកទោស ឬជាអ្នកបង្កបញ្ហាពីកន្លែងផ្សេង។ បើយើងយកគេមកជ្រកកោន ឬបៀតបង់ជាមួយ ទុក្ខទោសទាំងនោះអាចនឹងរាលដាលដល់យើងដែរ។ • ភាពស្មុគស្មាញ៖ វល្លិព័ទ្ធតំណាងឱ្យភាពសាំញ៉ាំនៃបញ្ហា។ មនុស្សខ្លះនាំមកតែរឿងរ៉ាវស្មុគស្មាញដែលយើងមិនអាចដោះស្រាយបាន។
👉🏻៤. តម្លៃអប់រំ និងការយកទៅប្រើប្រាស់ • ការចេះសង្កេតមនុស្ស៖ មុននឹងរាប់អាននរណាម្នាក់ ត្រូវដឹងពីប្រវត្តិរូប និងចរិតមារយាទគេឱ្យច្បាស់ជាមុនសិន។ • ការការពារខ្លួន៖ មិនមែនមានន័យថាឱ្យយើងរើសអើងមនុស្សដែលធ្លាក់ខ្លួនលំបាកនោះទេ ប៉ុន្តែត្រូវមាន "ព្រំដែន" ក្នុងការរាប់អាន ដើម្បីកុំឱ្យគេមកបោកប្រាស់ ឬនាំទុក្ខដាក់ខ្លួន។ • ភាពថ្លៃថ្នូរ៖ ចូររាប់អានមិត្តដែល "ត្រង់" និងមាន "ប្រភពច្បាស់លាស់" នាំមកនូវសេចក្ដីសុខ។ សរុបមក៖ សុភាសិតនេះបង្រៀនឱ្យយើង «ប្រុងប្រយ័ត្ននឹងមនុស្សលាក់ពុត»។ កុំឱ្យតែឃើញគេស្លូតត្រង់ ឬឃើញគេកំពុងលំបាក ក៏ប្រញាប់យកខ្លួនទៅជិតដិតភ្លាមៗឡើយ ព្រោះ "ឈើកោង" តែងមាន "អាសិរពិស" លាក់ខ្លួន។ #សុភាសិតខ្មែរ #វប្បធម៌ខ្មែរ🇰🇭🇰🇭

02/04/2026

ធម្មទាននានា🌻
សម្រាប់សិក្សាស្វែងយល់ខ្លះៗ🙏

31/03/2026

លក្ខណៈរបស់អ្នកបួស

អ្នកបួសគឺជាអ្នកស្វែងរកសន្តិភាពឲ្យខ្លួនឯង ទុកដាក់ខ្លួនជាមនុស្សធម្មតាម្នាក់ មិនតម្កើងខ្លួនឯងដោយសារបានបួស មិនជំពាក់ទាក់ចិត្តនៅត្រង់ការគោរពបូជា ថ្វាយបង្គំរបស់អ្នកដទៃ អាស្រ័យខ្លួនជាអ្នកបួសនោះទេ ព្រះសម្មាសម្ពុទ្ធទ្រង់ត្រាស់សម្ដែងថា អ្នកបួសដែលបៀតបៀនបុគ្គលដទៃ សម្លាប់សត្វដទៃ មិនមែនជាបព្វជិត មិនមែនជាសមណៈឡើយ។

ដំណើរជីវិតរបស់អ្នកបួស គឺដើរក្នុងផ្លូវដ៏ស្ងប់ស្ងាត់ ស្ងាត់ជ្រងំ មានមេត្តា មានការមិនបៀតបៀន មិនមានការអាល័យជារុក្ខជាតិអមសងខាងផ្លូវ មានសេចក្ដីព្យាយាមជាជើងដើរទៅមានការឃើញត្រូវនិងការត្រិះរិះជាចក្ខុទាំងគូ មានបណ្ដាំរបស់ព្រះសម្មាសម្ពុទ្ធបរមគ្រូជាអ្នកនាំផ្លូវ ទ្រោលនូវប្រទីបបំភ្លឺក្នុងទឺងងឹត សន្តិបូរីជាដែកដីស្អាត មានក្លិនក្រអូប ប្រាសចាកក្លិនឆ្អាបសម្បូណ៌ឥតខ្វះនូវរបស់ជាភោគផល អ្នកបានទៅដល់មានតែសេចក្ដីក្សេមប៉ុណ្ណោះ ភ័យស្រណោះ អាឡោះអាល័យបន្តិចបន្តួចកុំមានសោះឡើយ កន្លេងនេះជាទិសដៅ ជាទីបំផុតនៃផ្លូវ ដែលអ្នកបួសខំដើរទៅ ទើបបានដល់។

ឈ្មោះថាបព្វជិត គឺជាអ្នកវៀរចាកបាបទាំងពួងឈ្មោះថា សមណៈ គឺជាអ្នកស្ងប់រម្ងាប់ ដូច្នេះវត្ថុបំណងរបស់អ្នកបួស គឺវៀរចាកបាបទាំងពួង និងសេចក្ដីស្ងប់រម្ងាប់។ អ្នកបួសជាអ្នកស្វែងរកសន្តិភាពឲ្យជីវិតរបស់ខ្លួន និង សង្គមសត្វលោក ជាអ្នកធ្វើសង្គ្រាមជាមួយសត្រូវគឺកិលេសក្នុងចិត្តរបស់ខ្លួន ជាអ្នកយកឈ្នះខ្លួនឯងដែលបានធ្លាប់ជាចោរ ឲ្យមកជាអ្នកបួសពិតប្រាកដម្នាក់ ជាសមណៈស្ថិតនៅក្នុងមគ្គដ៏ប្រសើរ មានខន្តីជាទង់ជ័យ។🏠វត្តចន្ទគិរីវនារាម ភ្នំចន្ទ

31/03/2026

អ្នកបួស៤ប្រភេទដែលព្រះសម្មាសម្ពុទ្ធសម្តែងថានាំឱ្យចង្រៃដល់សាសនា:
១. អ្នកបួសមានប្រពន្ធ
២. អ្នកបួសផឹកស្រា
៣.អ្នកបួសស្រវឹងលាភសក្ការ:
៤.អ្នកបួសរៀនមន្តអាគម ធ្វើស្នេហ៍ធ្វើយន្តគាថាជាដើម៕ ចំពោះអ្នកបួស៤ប្រភេទនេះគឺទី៤ប៉ះពាល់ដល់សាសនាខ្លាំងបំំផុត៕រឿងធ្វើមន្តអាគមធ្វើស្នេហ៍យន្តគាថា៕

31/03/2026

នាមនិងបារមីរបស់ព្រះពោធិសត្វទាំង១០គឺ៖

១. វេស្សន្តរ ៖ ទានបារមី = ការធ្វើទាន (ថ្នាក់បរមត្ថ)

២. ភូរិទត្ត ៖ សីលបារមី = ការគោរពវិន័យតាំងចិត្តឲ្យបានល្អ (ក្នុងសីល)

៣. តេមិយ ៖ នេក្ខកម្មបារមី = ការចេញចាកបួស

៤. មហោសថ ៖ បញ្ញាបារមី = ឈ្លាសវៃ អាចដោះស្រាយបញ្ហាបានដោយស្រួល

៥. មហាជនក ៖ វិរយបារមី = ការព្យាយាម

៦. ចន្ទកុមារ ៖ ខន្តីបារមី = ការមានចិត្តអំណត់ អត់ធ្មត់

៧. វិធូរបណ្ឌិត ៖ សច្ចាបារមី = ការនិយាយពាក្យពិត ស្មោះត្រង់ ទៀងត្រង់

៨. នេមិរាជ ៖ អធិដ្ឋានបារមី = ការតាំងចិត្តមាំចំពោះអ្វីមួយ (រក្សាសីល)

៩. សុវណ្ណសាម ៖ មេត្តាបារមី = ការមានចិត្តអាណិតអាសូរ ចំពោះសព្វសត្វទាំងឡាយ (ទោះបីសម្លាប់ខ្លួនឯងក៏ដោយ)។

១០. នារទ ៖ ឧបេក្ខាបារមី = ការប្រកាន់យកផ្លូវកណ្តាល ការតាំងចិត្តជាកណ្តាល។

22/03/2026

អាត្មាភាពចម្រើនពរថា វត្តចន្ទគិរីវនារាម-ភ្នំច័ន្ទ ឆ្នាំនេះ មិនបានធ្វើសង្ក្រាន្តធំដុំដូចឆ្នាំកន្លងមកនោះទេ ដូច្នេះសូមញាតិញោមជ្រាបជាតំណឹង🙏

20/03/2026

ទេសភាពពីក្លោងទ្វារចូលមកវត្តភ្នំច័ន្ទ🌴🌳
#រូបភាពកាលពីឆ្នាំ២០២៥

12/03/2026

🌷🌷🌷សំវេជនីយគាថា🌷🌷 🌷
———————————
ប្រែលោតប្រយោគ សម្ពន្ធ និងពន្យល់វេយ្យាករណ៍
#នៃធម៌សំវេជនីយគាថា