30/05/2026
💥ដំណឹងល្អ៖ #អ្នកណាដែលជឿដល់ព្រះយេស៊ូវគ្រីស្ទទោះបើស្លាប់នឹងរស់ឡើងវិញ។
👉ព្រះយេស៊ូវមានបន្ទូលថា "អ្នកណាមានត្រចៀកឲ្យអ្នកនោះស្តាប់ចុះ"
ព្រះបានផ្តល់ឱកាសឲ្យមនុស្សទាំងអស់បានឮដំណឹងល្អអំពីនគរព្រះ និង ជីវិតអស់កល្បជានិច្ច។ ពីព្រោះព្រះស្រឡាញ់មនុស្សលោក ទ្រង់ចង់ឲ្យឱកាសមនុស្សដែលត្រូវស្លាប់ក្នុងអំពើបាបអស់កល្បជានិច្ច ឲ្យបានជីវិតអស់កល្បជានិច្ចវិញ។ ប៉ុន្តែអ្នកណាដែលបដិសេធដំណឹងល្អ អ្នកនោះប្រៀបដូចជាបដិសេធជីវិតខ្លួន ជ្រើសរើសសេចក្តីស្លាប់។
💥មានសេចក្តីមួយដែលគួរយំសោក ដ្បិតដំណឹងល្អនៅក្នុងផ្ទះខ្កួន គ្មានអ្នកណាស្តាប់បទ បានជាដំណឹងល្អត្រូវបង្វែរទៅអ្នកដទៃ អ្នកក្រៅ ភូមិ ស្រុកជាមុន។ មើល៍...ហោរាក្នុងស្រុកក៏គ្មានអ្នកណាជឿដែរ គឺសម្រាប់អ្នកក្រៅស្រុកវិញ។
👉 #កម្មវិធីប្រកាសដំណឹងល្អនៅឃុំសំបូរស្រុកប្រាសាទសំបូរខេត្តកំពង់ធំ។
📕យ៉ូហាន ១១.២៥
ព្រះយេស៊ូវមានបន្ទូលទៅនាងថា ខ្ញុំជាសេចក្ដីរស់ឡើងវិញ ហើយជាជីវិត អ្នកណាដែលជឿដល់ខ្ញុំ ទោះបើបានស្លាប់ហើយ គង់តែនឹងរស់ឡើងវិញដែរ។
📕កូរិនថូសទី១ ១៥.៣៥-៤០
មុខជានឹងមានអ្នកណាមួយសួរថា ឯពួកមនុស្សស្លាប់ នឹងរស់ឡើងវិញយ៉ាងណា តើមកវិញមានរូបកាយដូចម្តេច ឱមនុស្សកំឡៅអើយ គ្រាប់ពូជដែលអ្នកព្រោះទៅ បើមិនងាប់ នោះមិនពន្លកដុះឡើងទេ ហើយគ្រាប់ដែលអ្នកព្រោះនោះ មិនមែនដូចជាដើមដែលពន្លកឡើងនោះដែរ គឺជាគ្រាប់សុទ្ធ ដូចជាគ្រាប់ស្រូវ ឬពូជណាទៀតក្តី តែព្រះទ្រង់ប្រទានឲ្យមានដើមទីទៃពីគ្នារៀងរាល់ពូជ តាមព្រះហឫទ័យទ្រង់ គ្រប់ទាំងសាច់ក៏មិនដូចគ្នាដែរ គឺមាន១របស់មនុស្ស ១របស់សត្វ ១របស់ត្រី ហើយ១របស់សត្វហើរ ក៏មានរូបកាយសំរាប់ស្ថានសួគ៌ ហើយមានរូបកាយសំរាប់ផែនដីដែរ តែសិរីរបស់រូបកាយនៅស្ថានសួគ៌ នឹងរបស់រូបកាយនៅផែនដីនោះទីទៃពីគ្នា។
📕ថែស្សាឡូនីចទី១ ៤.១៦-១៨
ព្រោះព្រះអម្ចាស់ទ្រង់នឹងយាងចុះពីស្ថានសួគ៌មក ដោយស្រែកបង្គាប់១ព្រះឱស្ឋ ទាំងមានឮសំឡេងមហាទេវតា នឹងត្រែរបស់ព្រះផង នោះពួកស្លាប់ក្នុងព្រះគ្រីស្ទនឹងរស់ឡើងវិញជាមុនបង្អស់ រួចយើងរាល់គ្នាដែលកំពុងតែរស់នៅ ក៏នឹងបានលើកឡើង ទៅក្នុងពពកជាមួយគ្នាទាំងអស់ ដើម្បីឲ្យបានជួបជុំនឹងព្រះអម្ចាស់នៅនាអាកាស យ៉ាងនោះ យើងនឹងនៅជាមួយនឹងព្រះអម្ចាស់ជាដរាបទៅ ដូច្នេះ ចូរកំសាន្តចិត្តគ្នាទៅវិញទៅមក ដោយដំណើរនេះចុះ។
📕វិវរណៈ ២១.១, ៤-៥, ៧-៨
រួចខ្ញុំឃើញផ្ទៃមេឃថ្មី នឹងផែនដីថ្មី ដ្បិតផ្ទៃមេឃមុន នឹងផែនដីមុនបានកន្លងបាត់ទៅហើយ ក៏គ្មានសមុទ្រទៀតឡើយ
ព្រះទ្រង់នឹងជូតអស់ទាំងទឹកភ្នែក ពីភ្នែកគេចេញ នឹងគ្មានសេចក្ដីស្លាប់ ឬសេចក្ដីសោកសង្រេង ឬសេចក្ដីយំទួញ ឬទុក្ខលំបាកណាទៀតឡើយ ដ្បិតសេចក្ដីមុនទាំងប៉ុន្មាន បានកន្លងបាត់ទៅហើយ។
ឯព្រះអង្គ ដែលគង់លើបល្ល័ង្ក ទ្រង់មានបន្ទូលថា មើល អញធ្វើទាំងអស់ឡើងជាថ្មី រួចទ្រង់មានបន្ទូលមកខ្ញុំថា ចូរសរសេរទុកចុះ ដ្បិតពាក្យទាំងនេះពិតប្រាកដ ហើយគួរជឿ
ឯអ្នកណាដែលឈ្នះ នោះនឹងបានគ្រងសេចក្ដីទាំងនេះទុកជាមរដក អញនឹងធ្វើជាព្រះដល់អ្នកនោះ ហើយអ្នកនោះនឹងធ្វើជាកូនរបស់អញ តែត្រង់ពួកខ្លាច ពួកមិនជឿ ពួកគួរខ្ពើម ពួកកាប់សំឡាប់គេ ពួកកំផិត ពួកមន្តអាគម ពួកថ្វាយបង្គំរូបព្រះ ហើយគ្រប់ទាំងមនុស្សកំភូត គេនឹងមានចំណែក នៅក្នុងបឹងដែលឆេះជាភ្លើងនឹងស្ពាន់ធ័រ គឺជាសេចក្ដីស្លាប់ទី២វិញ។
