វត្តមុនីសុវណ្ណ ហៅចំពុះក្អែក

វត្តមុនីសុវណ្ណ ហៅចំពុះក្អែក The Buddhist Temple of Cambodia

សម្តេចព្រះមហាសុមេធាធិបតីអំ លីមហេង សម្តេចព្រះសង្ឃនាយក គណៈមហានិកាយ នៃព្រះរាជាណាចក្រកម្ពុជា សព្វព្រះរាជហឫទ័យ ប្រោសព្រះរាជទា...
14/09/2026

សម្តេចព្រះមហាសុមេធាធិបតី
អំ លីមហេង សម្តេចព្រះសង្ឃនាយក គណៈមហានិកាយ នៃព្រះរាជាណាចក្រកម្ពុជា សព្វព្រះរាជហឫទ័យ ប្រោសព្រះរាជទាននូវព្រះរាជអំណោយ រួមមានបច្ច័យ និងទេយ្យទានមួយចំនួនជូនដល់ ឧបាសិកា មុី គង់ និងឧបាសិកា ជា យ៉ាន ដែលមានវ័យជរា និងកំពុងមានជម្ងឺប្រចាំប្រាណ តាមរយៈព្រះសិរីសម្មតិវង្ស ទេព ផាន ជាព្រះរាជតំណាងដ៏ខ្ពង់ខ្ពស់ ។
________________
ថ្ងៃចន្ទ ៣កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៤ ខែកញ្ញា ឆ្នាំ២០២៦ ៕
#វត្តមុនីសុវណ្ណហៅចំពុះក្អែក

សម្តេចព្រះមហាសុមេធាធិបតីអំ លីមហេង សម្តេចព្រះសង្ឃនាយក គណៈមហានិកាយ នៃព្រះរាជាណាចក្រកម្ពុជា សព្វព្រះរាជហឫទ័យ ប្រោសព្រះរាជទា...
13/09/2026

សម្តេចព្រះមហាសុមេធាធិបតី
អំ លីមហេង សម្តេចព្រះសង្ឃនាយក គណៈមហានិកាយ នៃព្រះរាជាណាចក្រកម្ពុជា សព្វព្រះរាជហឫទ័យ ប្រោសព្រះរាជទាននូវបច្ច័យបួនមួយចំនួនដល់ ព្រះគ្រូ គ្រូ ដែលបង្រៀននៅសាលាពុទ្ធិកបឋមសិក្សា ប៊ុន ស៊ាងលី ចំពុះក្អែក និងសមណសិស្ស ដែលកំពុងសិក្សានៅសាលាពុទ្ធិកបឋមសិក្សា ប៊ុន ស៊ាងលី ចំពុះក្អែក ស្ថិតក្នុងវត្តមុនីសុវណ្ណ ហៅចំពុះក្អែក ដើម្បីទំនុកបម្រុង បំពេញបន្ថែម ដល់ការសិក្សាប្រចាំថ្ងៃ ។

ស្របពេលនោះដែរ សម្តេចជាអម្ចាស់ ទ្រង់បានប្រោសព្រះរាជទាន នូវព្រះរាជឱវាទ ផ្តាំផ្ញើ ដ៏មានអត្ថន័យ និងខ្លឹមសារយ៉ាងជ្រាលជ្រៅ ដល់សមណសិស្ស គ្រប់អង្គទាំងអស់ដោយត្រូវតែបន្តយកព្រះទ័យទុកដាក់ខិតខំសិក្សារៀនសូត្រគ្រប់មុខវិជ្ជា ទាំងផ្នែកពុទ្ធចក្រ ទាំងផ្នែកអាណាចក្រ
និងអនុវត្តឱ្យបានខ្ជាប់ខ្ជួន នូវបទបញ្ជាផ្ទៃក្នុងរបស់សាលា ដើម្បីឈានទៅដល់ការទទួលបានលទ្ធផលត្រចះត្រចង់ នាពេលខាងមុខ
ហើយជាពិសេស ត្រូវបន្តគោរពប្រតិបត្តិទៅតាមធម៌វិន័យរបស់ព្រះសម្មាសម្ពុទ្ធជាម្ចាស់ ឱ្យបានគត់មត់ ដើម្បីជាសេចក្តីថ្លៃថ្នូ ក្នុងនាមជាបព្វជិត ជាសាវ័ករបស់ព្រះសម្មាសម្ពុទ្ធជាម្ចាស់ និងជាស្រែបុណ្យរបស់ពុទ្ធបរិស័ទ ។

ជាការពិតណាស់ ចំណេះវិជ្ជាទាំងផ្នែកពុទ្ធចក្រ និងអាណាចក្រ គឺជាសម្បត្តិទ្រព្យដ៏មានតម្លៃ មិនអាចខ្វះបានសម្រាប់មនុស្សម្នាក់ៗ ព្រោះថាចំណេះវិជ្ជា តែងច្នៃមនុស្សឱ្យមានអនាគតភ្លឺស្វាង ខ្ពង់ខ្ពស់ ពោរពេញដោយសមត្ថភាព និងគុណធម៌ ទោះឋិតក្នុងកាលៈទេសៈណាក៏ដោយ ។

ហើយក៏អាចមានលទ្ធភាពខ្ពស់ក្នុងការចូលរួមចំណែកជាមួយរាជរដ្ឋាភិបាល លើការបណ្តុះបណ្តាលធនធានមនុស្ស ប្រកបដោយគុណភាពខ្ពង់ ថ្វាយ-ជូនដល់ព្រះពុទ្ធសាសនា និងសង្គមជាតិរបស់យើងផងដែរ ។
_____________
ថ្ងៃអាទិត្យ ២កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៣ ខែកញ្ញា ឆ្នាំ២០២៦ ៕
#វត្តមុនីសុវណ្ណហៅចំពុះក្អែក

សម្តេចព្រះមហាសុមេធាធិបតីអំ លីមហេង សម្តេចព្រះសង្ឃនាយក គណៈមហានិកាយ នៃព្រះរាជាណាចក្រកម្ពុជា សព្វព្រះរាជហឫទ័យ ប្រោសព្រះរាជទា...
12/09/2026

សម្តេចព្រះមហាសុមេធាធិបតី
អំ លីមហេង សម្តេចព្រះសង្ឃនាយក គណៈមហានិកាយ នៃព្រះរាជាណាចក្រកម្ពុជា សព្វព្រះរាជហឫទ័យ ប្រោសព្រះរាជទាននូវបច្ច័យបួនមួយចំនួនដល់សមណសិស្ស សមណនិស្សិត វត្តមុនីសុវណ្ណ ហៅចំពុះក្អែក ដែលសព្វថ្ងៃកំពុងសិក្សានៅឯសាលាពុទ្ធិកអនុវិទ្យាល័យ ពុទ្ធិកវិទ្យាល័យ និងពុទ្ធិកសាកលវិទ្យាល័យ ដើម្បីទ្រទ្រង់ដល់ការសិក្សាប្រចាំថ្ងៃ ។

ជាមួយគ្នានោះសម្តេចជាអម្ចាស់ ទ្រង់បានប្រោសព្រះរាជទាន នូវព្រះរាជឱវាទ ផ្តាំផ្ញើ ដ៏មានអត្ថន័យ និងខ្លឹមសារយ៉ាងជ្រាលជ្រៅ ដល់សមណសិស្ស សមណនិស្សិត គ្រប់អង្គទាំងអស់ ដើម្បីធានាដល់ការសិក្សា ប្រកបដោយភាពជោគជ័យ ។

ដោយហេតុថាចំណេះវិជ្ជាទាំងផ្នែកពុទ្ធចក្រ និងអាណាចក្រ គឺជាសម្បត្តិទ្រព្យដ៏មានតម្លៃ មិនអាចខ្វះបានសម្រាប់មនុស្សម្នាក់ៗក្នុងជិវិតរស់នៅប្រចាំថ្ងៃ ពោលគឺដើម្បីជាប្រយោជន៍ផ្ទាល់ខ្លួនផង និងដើម្បីជាឧត្តមប្រយោជន៍ ក្នុងការរួមចំណែកជាមួយរាជរដ្ឋាភិបាល លើការបណ្តុះបណ្តាលធនធានមនុស្ស ប្រកបដោយគុណភាពខ្ពង់ ថ្វាយ-ជូនដល់ព្រះពុទ្ធសាសនា និងសង្គមជាតិរបស់យើង ។
_____________
ថ្ងៃសៅរ៍ ១កើត ខែភទ្របទ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១២ ខែកញ្ញា ឆ្នាំ២០២៦ ៕
#វត្តមុនីសុវណ្ណហៅចំពុះក្អែក

សម្តេចព្រះមហាសុមេធាធិបតីអំ លីមហេង សម្តេចព្រះសង្ឃនាយក គណៈមហានិកាយ នៃព្រះរាជាណាចក្រកម្ពុជា យាងជាព្រះរាជាធិបតីភាពដ៏ខ្ពង់ខ្ព...
11/09/2026

សម្តេចព្រះមហាសុមេធាធិបតី
អំ លីមហេង សម្តេចព្រះសង្ឃនាយក គណៈមហានិកាយ នៃព្រះរាជាណាចក្រកម្ពុជា យាងជាព្រះរាជាធិបតីភាពដ៏ខ្ពង់ខ្ពស់ក្នុងពិធីបញ្ចុះបឋមសិលាកសាងអគារសាលបដិសណ្ឋារកិច្ច នៅក្នុងបរិវេណវត្តនិគ្រោធវ័ន គល់ទទឹង ជាមួយគ្នានោះក៏មានវត្តនៃការអញ្ជើញជាអធិបតីភាពដ៏ខ្ពង់ខ្ពស់អំពីសំណាក់សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ជាដំណាងដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ផងដែរ ។
____________
ថ្ងៃសុក្រ ១៤រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១១ ខែកញ្ញា ឆ្នាំ២០២៦ ៕

បុគ្គល មិនគួរមើលងាយបាបថា មានប្រមាណតិច នឹងមិនឱ្យផលដូច្នេះឡើយ ប្រៀបដូចក្អមទឹក រមែងពេញបានដោយដំណក់ទឹក ដែលធ្លាក់ចុះយ៉ាងណា បុគ...
10/09/2026

បុគ្គល មិនគួរមើលងាយបាបថា មានប្រមាណតិច នឹងមិនឱ្យផលដូច្នេះឡើយ ប្រៀបដូចក្អមទឹក រមែងពេញបានដោយដំណក់ទឹក ដែលធ្លាក់ចុះយ៉ាងណា បុគ្គលពាល កាលសន្សំបាប សូម្បីបន្តិចម្តងៗក៏គង់តែនឹងពេញបានដោយបាប យ៉ាងនោះដែរ ។
#ថ្ងៃសីល #វត្តមុនីសុវណ្ណហៅចំពុះក្អែក

នរជននោះឯង ឱ្យទានរួចហើយ ក៏ដល់នូវសេចក្តីសម្រេច នៃភោគសម្បត្តិ និងអាយុវែង តែងមានសូរសៀងពិរោះ និងមានរូបសម្បត្តិស្អាត អាស្រ័យនៅ...
04/09/2026

នរជននោះឯង ឱ្យទានរួចហើយ ក៏ដល់នូវសេចក្តីសម្រេច នៃភោគសម្បត្តិ និងអាយុវែង តែងមានសូរសៀងពិរោះ និងមានរូបសម្បត្តិស្អាត អាស្រ័យនៅក្នុងវិមានទាំងឡាយដែលពួកហ្វូងសត្វក្ងោកគួរឱ្យពេញចិត្តច្រើនប្រភេទ បន្លឺសំឡេងវាឱ្យរងំ ទាយកនោះតែងលេងកម្សាន្តជាមួយពួកទេវតាក្នុងឋានសួគ៌ ។
#ថ្ងៃសីល #វត្តមុនីសុវណ្ណហៅចំពុះក្អែក

អ្នកទាំងឡាយ ចូរឃើញនូវកោសជ្ជៈ ថាជាភ័យផង ឃើញនូវវិរិយៈ ថាជាធម៌ក្សេមផង ហើយចូរជាអ្នកប្រារព្ធព្យាយាមឡើង នេះជាអនុសាសនី របស់ព្រះ...
27/08/2026

អ្នកទាំងឡាយ ចូរឃើញនូវកោសជ្ជៈ ថាជាភ័យផង ឃើញនូវវិរិយៈ ថាជាធម៌ក្សេមផង ហើយចូរជាអ្នកប្រារព្ធព្យាយាមឡើង នេះជាអនុសាសនី របស់ព្រះសម្មាសម្ពុទ្ធជាម្ចាស់ ។
#ថ្ងៃសីល #វត្តមុនីសុវណ្ណហៅចំពុះក្អែក

យថាបិ រហទោ គម្ភីរោ វិប្បសន្នោ អនាវិលោ ឯវំ ធម្មានិ សុត្វាន វិប្បសីទន្តិ បណ្ឌិតា ។ អន្លង់ទឹកដែលជ្រៅ រមែងថ្លាមិនល្អក់ យ៉ាង...
20/08/2026

យថាបិ រហទោ គម្ភីរោ វិប្បសន្នោ អនាវិលោ ឯវំ ធម្មានិ សុត្វាន វិប្បសីទន្តិ បណ្ឌិតា ។
អន្លង់ទឹកដែលជ្រៅ រមែងថ្លាមិនល្អក់ យ៉ាងណា បណ្ឌិតទាំងឡាយ បើបានស្តាប់ធម៌ទេសនាហើយ រមែងជ្រះថ្លាស៊ប់សួនយ៉ាងនោះ ។
#ថ្ងៃសីល #វត្តមុនីសុវណ្ណហៅចំពុះក្អែក

មហាឧបាសិកា ឃុន សុីម និង លោកជំទាវ មហាឧបាសិកា លោកស្រីៗ ជាញាតិព្រះធម៌ ជាច្រើនរូបមានសទ្ធាជ្រះថ្លា បានតាក់តែងនូវអង្ករចំនួន២តោ...
19/08/2026

មហាឧបាសិកា ឃុន សុីម និង លោកជំទាវ មហាឧបាសិកា លោកស្រីៗ ជាញាតិព្រះធម៌ ជាច្រើនរូប
មានសទ្ធាជ្រះថ្លា បានតាក់តែងនូវអង្ករចំនួន២តោន ព្រមទាំងបរិក្ខារផ្សេងៗ ដើម្បីវេរថ្វាយ ចំពោះសម្តេចព្រះមហាសុមេធាធិបតី អំ លីមហេង សម្តេចព្រះសង្ឃនាយក គណៈមហានិកាយ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់ ដើម្បីឧបត្ថម្ភដល់ព្រះសង្ឃសមណៈសិស្ស ដែលកំពុងតែគង់ចាំព្រះវស្សាក្នុងរយៈកាល៣ខែ ក្នុងព័ទ្ធសីមា នៃវត្តមុនីសុវណ្ណ ហៅចំពុះក្អែក។

ដោយអំណាច នៃមហាកុសលដ៏ថ្លៃថ្លាដែលបានចម្រើនឡើងហើយ សូមឱ្យដួងវិញ្ញាណក្ខន្ធ លោកអ្នកដ៏មានគុណទាំងឡាយ មានមាតាបិតា ជីដូនជីតា និងញាតការទាំង៧សន្តាន ក្នុងនោះមានដួងវិញ្ញាណក្ខន្ធវីរៈកងទ័ពជួរមុខដែលបានពលីក្នុងបុព្វហេតុការពារទឹកដីជាដើម បានចាប់បដិសន្ធិក្នុងសុគតិភពជាភិយ្យោភាពតរៀងទៅ ។

សូមប្រសិទ្ធពរជ័យជូនដល់សាមីទាន និងក្រុមគ្រួសារ ញាតិព្រះធម៌
បានសមប្រកបដោយនូវពុទ្ធមង្គលពរ៤ប្រការគឺ ៖ អាយុ វណ្ណៈ សុខៈ ពលៈ កុំបីអាក់ខានឡើយ ។
______________
ថ្ងៃពុធ ៦កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៩ ខែសីហា ឆ្នាំ២០២៦ ៕
#វត្តមុនីសុវណ្ណហៅចំពុះក្អែក

មហាឧបាសិកាពុទ្ធសាសនូបត្ថម្ភក៍ ទូច សារុន ឯកឧត្តម អគ្គមហាឧបាសកពុទ្ធសាសនូបត្ថម្ភក៍ ឧទ័យសិរីសេនាធម្មញាណ គង់ សោភ័ណ្ឌ និងលោកជ...
18/08/2026

មហាឧបាសិកាពុទ្ធសាសនូបត្ថម្ភក៍ ទូច សារុន
ឯកឧត្តម អគ្គមហាឧបាសកពុទ្ធសាសនូបត្ថម្ភក៍ ឧទ័យសិរីសេនាធម្មញាណ គង់ សោភ័ណ្ឌ និងលោកជំទាវ ថេង ពុទ្ធិតា ព្រមទាំងបុត្រ មានសទ្ធាជ្រះថ្លា បានតាក់តែងនូវទៀនចំណាំព្រះវស្សា ប្រេងព្រះវស្សា ព្រមទាំងបរិក្ខារផ្សេងៗ ដើម្បីវេរថ្វាយ-ប្រគេន ចំពោះសម្តេចព្រះមហាសុមេធាធិបតី អំ លីមហេង សម្តេចព្រះសង្ឃនាយក គណៈមហានិកាយ នៃព្រះរាជាណាចក្រកម្ពុជា និងព្រះសង្ឃគ្រប់អង្គ ដើម្បីឧបត្ថម្ភដល់ព្រះសង្ឃសមណៈសិស្ស ដែលកំពុងតែគង់ចាំព្រះវស្សាក្នុងរយៈកាល៣ខែ ក្នុងព័ទ្ធសីមា នៃវត្តមុនីសុវណ្ណ ហៅចំពុះក្អែក។

ដោយអំណាច នៃមហាកុសលដ៏ថ្លៃថ្លាដែលបានចម្រើនឡើងហើយ សូមឱ្យដួងវិញ្ញាណក្ខន្ធ លោកអ្នកដ៏មានគុណទាំងឡាយ មានមាតាបិតា ជីដូនជីតា និងញាតការទាំង៧សន្តាន ក្នុងនោះមានដួងវិញ្ញាណក្ខន្ធវីរៈកងទ័ពជួរមុខដែលបានពលីក្នុងបុព្វហេតុការពារទឹកដីជាដើម បានចាប់បដិសន្ធិក្នុងសុគតិភពជាភិយ្យោភាពតរៀងទៅ ។

សូមប្រសិទ្ធពរជ័យជូនដល់សាមីទាន និងក្រុមគ្រួសារ ញាតិព្រះធម៌
បានសមប្រកបដោយនូវពុទ្ធមង្គលពរ៤ប្រការគឺ ៖ អាយុ វណ្ណៈ សុខៈ ពលៈ កុំបីអាក់ខានឡើយ ។
__________________
ថ្ងៃអង្គារ ៥កើត ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១៨ ខែសីហា ឆ្នាំ២០២៦ ៕
#វត្តមុនីសុវណ្ណហៅចំពុះក្អែក

Address

Phnom Penh

Website

Alerts

Be the first to know and let us send you an email when វត្តមុនីសុវណ្ណ ហៅចំពុះក្អែក posts news and promotions. Your email address will not be used for any other purpose, and you can unsubscribe at any time.

Shortcuts

Share