សហគមន៍គ្រីស្ទបរិស័ទគណៈនិកាយប្រូតេស្តង់កម្ពុជា - CCPC

15/08/2023

ព្រះយេស៊ូវគ្រីស្ទ ជាព្រះអង្គសង្គ្រោះតែមួយគត់ ដែលអាចរំដោះមនុស្សលោកឲ្យរួចពីអំណាចនៃអំពើបាបបាន។ មនុស្សជាច្រើនបានឃើញនូវពលីកម្មរបស់ព្រះយេស៊ូវ ដែលទ្រង់បានសុគត់ដើម្បីជាថ្លៃសងនូវអំពើបាបមនុស្ស ហើយគ្រីស្ទបរិស័ទគ្រប់សម័យកាលក៏ធ្វើជាស្មរបន្ទាល់ពីការនេះផងដែរ។​
បើលោកអ្នកចង់រួចពីអំពើបាប និងបានជីវិតអស់កល្បជានិច្ចជាមួយព្រះ សូមទទួលជឿព្រះយេស៊ូវចុះ។​

សូមព្រះយេស៊ូវប្រទានពរ

21/06/2023

ដំណឹងល្អនៃការរួបរួម និងដំណឹងល្អនៃសេចក្តីពិត!

បងប្អូនអើយ! យើងជាគ្រីស្ទានត្រូវស្រលាញ់ការរួបរួមអោយបានច្រើន តែមិនត្រូវរួបរួមជាមួយសេចក្តីដែលបង្ខូចសេចក្តីជំនឿនិងសេចក្តីពិតដែលជាព្រះបន្ទូលឡើយ សូម្បីតែ១ភ្លេតក៏មិនត្រូវចុះចូលចំពោះពួកនោះដែរ ព្រោះយើងជាមនុស្សដែលព្រះហៅមកក្នុងសេចក្តីពិត ប្រកាសសេចក្តីពិត ហើយត្រូវរស់ក្នុងសេចក្តីពិតនោះ យ៉ាងនោះសេចក្តីពិតនឹងនៅជាជាមួយយើងជាដរាប។
កុំអោយចាញ់បញ្ឆោតល្បិចកល្បសាតាំងឡើយ យើងមិនត្រូវរួបរួមជាមួយសេចក្តីដែលបង្ខូចជំនឿឡើយ ដ្បិតសេចក្តីក្បត់សាសនាត្រូវតែមក តែវេទនាដល់អ្នកដែលបង្កើតនិងចូលរួមជាមួយសេចក្តីនោះ។

04/04/2023

សន្និបាតគ្រូគង្វាល សមាជិក C.C.P.C
ភ្នំពេញថ្ងៃទី២៨-២៩ ខែមីនា ឆ្នាំ២០២៣
សហគមន៍គ្រីស្ទបរិស័ទគណៈនិកាយប្រូតេស្តង់កម្ពុជា ហៅកាត់ C.C.P.C បានជួបសំណេះសំណាលថ្នាក់ដឹកនាំ និង គ្រូគង្វាលជាសមាជិកចំនួនប្រមាណ១៦០រូប ដែលបានអញ្ជើញចូលរួមមកពីគ្រប់ខេត្តក្រុងនៃព្រះរាជាណាចក្រកម្ពុជា។

ក្នុងកម្មវិធីសន្និបាតគ្រូគង្វាលនេះ ឯកឧត្តម អ៊ុង ទី ទីប្រឹក្សាផ្ទាល់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងជាប្រធានសហគមន៍គ្រីស្ទបរិស័ទគណៈនិកាយប្រូតេស្តង់កម្ពុជា ក៏បានសំណេះសំណាល និងបានផ្តល់អនុសាសន៍ណែនាំដល់ថ្នាក់ដឹកនាំក្នុងការរក្សាឱ្យខានតែបាននូវសុខដុមនីយកម្មសាសនានៅកម្ពុជាស្របតាមអនុសាសន៍ដ៏ខ្ពង់ខ្ពស់របស់ សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដោយមិនជ្រៀតជ្រែក បង្កជម្លោះ ឬធ្វើសកម្មភាពណាមួយនាំឱ្យប៉ះពាល់ដល់ជំនឿសាសនាដទៃ ពិសេសព្រះពុទ្ធសាសនាដែលជាសាសនារដ្ឋ ពោលគឺអនុវត្តនូវជំនឿរបស់ខ្លួនអោយបានត្រឹមត្រូវតាមគោលជំនឿប្រូតេស្តង់ ដោយយកព្រះគម្ពីរប៊ីបជាគោលនៃជំនឿ។ លើសពីនេះទៅទៀត ឯកឧត្តម ក៏បានជម្រុញដោយទទូចឱ្យថ្នាក់ដឹកនាំ និងគ្រូគង្វាលនៅតាមតំបន់នានា មិនត្រូវយកព្រះវិហារ ឬគ្រីស្ទបរិស័ទធ្វើជាឧបករណ៍បម្រើឱ្យគណបក្សនយោបាយណាមួយឡើយ ពោលគឺឱ្យស្មោះត្រង់ក្នុងការប្រត្តិបត្តិជំនឿសាសនារបស់ខ្លួនតែប៉ុណ្ណោះ ព្រមទាំងចុះចូលនូវគ្រប់ទាំងច្បាប់រដ្ឋ ដូចដែលព្រះបន្ទូលព្រះយេស៊ូវមានចែងក្នុងព្រះគម្ពីរប៊ីប ហើយមេត្តាចូលរួមទប់ស្កាត់នូវរាល់អំពើទាំងឡាយណាដែលផ្ទុយនឹងច្បាប់របស់រាជរដ្ឋាភិបាលកម្ពុជា ជាពិសេសទប់ស្កាត់ឱ្យខានតែបាននូវអំពើជួញដូរមនុស្ស ជួញដូរគ្រឿងញៀន និងល្បែងស៊ីសងគ្រប់ប្រភេទ តាមការណែនាំ ក៏ដូចជាយុទ្ធនាការរបស់ក្រសួងមហាផ្ទៃតាមប្រសាសន៍ដ៏ខ្ពង់ខ្ពស់របស់ សម្តេចក្រឡាហោម ស ខេង នាយករដ្ឋមន្ត្រីស្តីទី ក្នុងកម្មវិធីអបអរសាទរទិវាជាតិប្រយុទ្ធប្រឆាំងអំពើជួញដូរមនុស្ស ១២ ឆ្នូ ២០២២ នៅសាលមហោស្រពកោះពេជ្រនាពេលកន្លងទៅនេះ។ ក្នុងកម្មវិធីនេះផងដែរ ឯកឧត្តម អ៊ុង ទី ក៏បានលើកទឹកចិត្តដល់ថ្នាក់ដឹកនាំ និងគ្រូគង្វាលទាំងអស់ឱ្យចូលរួមសហការណ៍យ៉ាងពេញទំហឹងជាមួយអាជ្ញាធរតាមតំបន់ក្នុងការរក្សានូវ ភូមិឃុំមានសុវត្ថិភាព តាម យុទ្ធសាស្ត្ររបស់រាជរដ្ឋាភិបាល។

អរគុណព្រះយេស៊ូវគ្រីស្ទ!
អរគុណសន្តិភាព! សូមព្រះប្រទានពរ!
អាម៉ែន!

24/02/2023

ឱក្រុងយេរូសាឡិមអើយ

នេះជាសម្លេងទួចសោក ដែលចេញពីក្នុងព្រះទ័យរបស់ព្រះចំពោះក្រុងយេរូសាឡិម ដែលមិនព្រមមើលឃើញពីព្រះទ័យស្រលាញ់របស់ទ្រង់ដែលចង់ការពារ ថែរក្សាពួកគេសោះ បែរជាបណ្តោយខ្លូនទៅតាមព្រះដទៃដែលគ្មានអំណាច មិនមែនព្រះពិត បណ្តាលអោយខ្លួនគេត្រូវវិនាស។
ចុះយើង តើយើងកំពុងយកអ្វីធ្វើជាព្រះរបស់យើងជាជាងព្រះយេស៊ូវ ដោយមិនព្រមចូលមកក្រោមការគ្រប់គ្រងរបស់ទ្រង់?
ចូរទុកចិត្តនឹងទ្រង់ ចូរមកក្រោមចំអេងស្លាបទ្រង់ ដោយថ្វាយការគ្រប់គ្រងដល់ទ្រង់ពេញទី។ អាម៉ែន

22/02/2023

ក្លិនក្រអូបនៃជីវិត

យើងម្នាក់ៗសុទ្ធជាស្ថាបនិកប្រវត្តិសាស្ត្រ គ្រប់គ្នាតែងបន្សល់ទុកនូវរឿងរាវដែលមនុស្សនិងដំណាលដល់កូនចៅច្រើនដំណរ។ តើយើងនឹងកសាងនូវប្រវត្តិសាស្ត្រដ៏ក្រអូប​ឬប្រវត្តិសាស្ត្រដែលពេញដោយភាពអាមាស់ដល់កូនចៅជំនាន់ក្រោយ? ប្រវត្តិសាស្ត្រដ៏ក្រអូបបំផុត គឺជាការដំណាលពីសេចក្តីល្អក្នុងជំនឿដ៏ត្រឹមត្រូវ​ និងការតតាំងដ៏ស្វិតស្វាញក្នុងសេចក្តីពិត។​
ការរស់នៅដោយផ្សាយភាយនូវក្លិនក្រអូប នោះសេចក្តីស្លាប់របស់យើងនិងត្រលប់ជាកម្រៃនៅចំពោះព្រះនិងមនុស្ស។​

សូមព្រះយេស៊ូវប្រទានពរ
សគបក

21/02/2023

តើយើងគ្មានតម្លៃជាងសត្វទេ?​

សំនួរនេះ គឺមានអត្ថន័យល្មមអោយយើងកាត់បន្ថយការព្រួយបារម្មណ៍និងចិត្តខ្វល់ខ្វាយរបស់យើងបាន។ ព្រោះបើសត្វស្លាប ដែលជាស្នាព្រះហស្តតូចមួយ គ្មានសេចក្តីស្ថិតស្ថេរសោះ ព្រះទ្រង់ចិញ្ចឹមវា ចុះទំរាំយើងជាស្នាព្រះហស្តដែលទ្រង់បង្កើតមកអោយមានភាពដូចអង្គទ្រង់ ព្រមទាំងហៅយើងថាជាកូនស្ងួនភ្ងារ នោះតើមានទំនងអ្វីដែលទ្រង់មិនផ្គត់ផ្គង់យើងលើសជាងសត្វទាំងនោះ។​
ចូរអោយយើងថ្វាយការព្រួយបារម្ភ ភាពខ្វល់ខ្វាយរបស់យើងទៅព្រះយេស៊ូវ ដែលទ្រង់អាចនឹងទំនុកបម្រុងយើងលើសពីសេចក្តីត្រូវការទៀតផង។ អាម៉ែន

20/02/2023

នំម៉ានាប្រចាំថ្ងៃ

ដ្បិតអ្នករាល់គ្នាលះចោលបញ្ញត្តរបស់ព្រះ ទៅកាន់តាមសណ្តាប់មនុស្សវិញ។ ម៉ាកុស ៧:៨មានពេលមួយ ស្ត្រីជាម្តាយវ័យក្....

17/02/2023

សូមជម្រាបជូនលោកគ្រូអ្នកគ្រូ ដែលជាគ្រូគង្វាលក្នុងគណៈនិកាយប្រូតេស្តង់ មេត្តាជ្រាប។
សូមព្រះយេស៊ូវប្រទានពរបរិបូរ

17/02/2023

សេចក្តីមេត្តា និងសេចក្តីពិត គឺជាភាពទន់នឹងភាពរឹងមាំរបស់គ្រីស្ទបរិស័ទ ក៏ជាលក្ខណៈរបស់ព្រះដែលគ្រីស្ទានកំពុងជឿ។ ព្រះអង្គពេញដោយសេចក្តីមេត្តា ដែលទ្រង់មិនបានបំផ្លាញមនុស្សតាមអំពើបាបរបស់គេទេ តែទ្រង់បានប្រទានអោយមានផ្លូវ១ដើម្បីមនុស្សអាចរួចផុតពីទណ្ឌកម្មនៃអំពើបាប គឺដោយការទទួលជឿព្រះយេស៊ូវ នេះហើយគឺជាសេចក្តីពិតដ៏រឹងមាំរបស់ព្រះយេស៊ូវ ដែលគ្មានតួអង្គណាមួយឲ្យដូចទ្រង់ឡើយ។​
ព្រះទ្រង់សព្វព្រះទ័យឲ្យអស់អ្នកដែលជឿដល់ទ្រង់ រស់ក្នុងជីវិតដែលរក្សានូវសេចក្តីមេត្តានិងសេចក្តីពិតជាប់តាមខ្លួនជានិច្ច ហើយផ្តល់ឲ្យនូវសេចក្តីទាំង២នេះដល់មនុស្សគ្រប់គ្នាដែលយើងជួបនឹងស្គាល់ផងដែរ កុំឲ្យភ្លេច ក៏កុំឲ្យយើងឈប់ផ្តល់ឲ្យផងដែរ។ អាម៉ែន

សូមព្រះយេស៊ូវប្រទានពរ