01/06/2026
អ្នកណាកើតជាថ្មីខាងវិញ្ញាណក្នុងព្រះគ្រីស្ទ នោះជាកម្មសិទ្ធផ្តាច់មុខរបស់ព្រះគ្រីស្ទ មានត្រកូលតែ១ គឺនាមយេស៊ូវគ្រីស្ទ ទោះនៅផែនដី និង ឋានសួគ៌។
អំពើបាប គ្មានអំណាចគ្រប់គ្រងលើអ្នកបានទ្បើយ ប៉ុន្តែ បើអ្នកជាកូនព្រះមិនដឹងពីតម្លៃនៃការសុគត ដែលទ្រង់បានយកឈាមទ្រង់ទិញអំពើបាបរបស់អ្នកនោះទេ នោះអ្នកនឹងបន្តរស់នៅក្រោមអំណាចបញ្ឆោតរបស់អំពើបាបដដែល។
កូល៉ុស ១.១២-១៣
ព្រមទាំងអរព្រះគុណ ដល់ព្រះវរបិតាដែលទ្រង់បានប្រោស ឲ្យយើងបានគួរនឹងទទួលចំណែកកេរ្ដិ៍អាករ ក្នុងពួកបរិសុទ្ធនៅទីភ្លឺផង ទ្រង់បានប្រោសឲ្យយើងរួចពីអំណាចនៃសេចក្ដីងងឹត ហើយផ្លាស់យើងមកក្នុងនគររបស់ព្រះរាជបុត្រាស្ងួនភ្ងានៃទ្រង់
យើងក្លាយជាកូនរបស់ព្រះ នៅថ្ងៃដែលយើងផ្លាស់ប្រែចិត្តជឿព្រះយេស៊ូវ និង បានកើតជាថ្មី គឺកើតពីទឹក និង ពីព្រះវិញ្ញាណ។ យើងទទួលបានជីវិតរបស់ព្រះ ជាជីវិតដែលឈ្នះអំពើបាប។ កូនព្រះទៅស្ថានសួគ៌ កូនអារក្សនៅស្ថាននរក ពីព្រោះ យើងមានឪពុកខុសគ្នា។
