10/04/2026
BARUMSOOTA SOBAA WALDAA KIRISTIYAANAA ISHEE DURII QORAN!
Namoonni kutaa 1ffaa-4ffaa hin dubbisne profile koo jalaa argachuu dandeessu!
1) NOOSTIISIZIMII (GNOSTICISM)
Noostisiizimiin barumsaa sobaa balaafamaa jaarraa 2ffaa keessa waldaa kiristiyaanaa qoredha.
"Gnosis" jechuun jecha afaan giriikii yoo ta'u hiikuun isaas " " jechuudha. Nostiizistoonni "fayyinni kan argamu hojii fayyisuu yesus kiristoositti amanuudhaan utuu hin taane;beekumsa gadi fagoo namoota muraasaaf qofa ifuunidha" jedhanii amanu ture. Barumsi kun dhugaawaan bu'uuraa amantii kiristiyaanaa falaasama giriikii fi amantiiwaan iccitii warra bahaa aadaa giriikiitiin waliin makuudhaan eenyummaa booressuuf yaaleera.
Barumsi kun bu'uurumaan ilaalacha addunyaalessaa "Dualism" jedhamudha.
Akka Noostisiizimootaatti:- Addunyaa kanarra wantoota faallaa 2tu jiru. isaanis:- Hafuuraa fi Meeshaa(matter) dha. Hafuurri eenyummaa isaatiin qulqulluu,Ifaafi gaarii yoo ta'u; meeshaan immoo Foon dabalatee eenyummaa isaatiin xuraa'aa,dukkana'aafi hamaadha.
Bu'uura falaasama kanaatiin lubbuun isheen nama keessa jirtu calaqqee waaqummaa xiqqoo yoo taatu;foon hamaa keessatti hidhamtee jirti. galmi ilmaan namaa inni guddaan lubbuu hidhaa hamaa kana keessaa bilisoomsee gara addunyaa ifaattii deebisuudha .
Nostisiizimoonni "waaqayyo inni gaariin biyya lafaa hamaafi xuraa'aa kana uumuu hin danda'u" jedhanii amanu.
"kanaafiyyuu addunyaa kana kan uume humna xiqqaafi dogoggoraa 'Demiyurjii (Demiurge)' jedhamudha" jedhu. Noostisiizimoonni baayyeen waaqayyoo kakuu moofaa Demiyurjii kanaa wajjiin wal qabsiisu. kanaaf jedhanii kakuu moofaa akka macaafa gad-aanaa,seera isaas lubbuu foon keessatti hidhuuf kan kenname godhanii ilaalu!
Noostisiizimoonni " Kiristoos fayyisaadha; garuu fayyisuunsaa cubbuu namootaa baachuudhaan utuu hin taane namoonni qaanqee waaqummaa keessa isaanii jiru akka beekaniifi hidhaa foonii jalaa akka miliqaniif beekumsa dhokataa kennuu irratti kan xiyyeeffatedha jedhu.
"Kiristoos qulqulluu raawwatee qulqulluu waan ta'eef tasumaa foon uffachuu hin danda'u" amantii jedhu waan qabaniif nama guutuu ta'uu kiristoos jabeessanii ganu! Ilaalchi isaanii kunis "Doosetiizimii(Docetism" jedhama. kunis "kristoos nama fakkaatee mul'ate malee foon isa dhugaa hin turre jedhanii ganuun isaaniiti.
Ilaalchi Noostisiizimootaa fayyinni Cubbuuttii qullaa'uu utuu hin taane wallaalummaa(ignorance) keessaa bahuudha. namni tokko fayyina kan argatu du'uuf du'aa ka'uu kiristoositti amanuudhaan utuu hin taane gaaffiiwwan "ani eenyu?,eessaan dhufe?,eessan deema?" jedhaniif deebii dhokatoo yoo argatedha. beekumsi kunis nama hundaaf utuu hin taane. "namoota hafuuraa(pneumatics)" warra jedhamanij filataman muraasaaf akka ifutti amanu.
Noostisiizimiin kiristiyaanummaa gara falaasamaafi gara dhaabbata iccitii dhokataatti jijjiiruuf yoo yaaleyyuu waldaan kiristiyaana garuu uumuu Waaqayyootiin nam dhugaa ta'uu Kristoosiin,addunyaalesummaa Wangeelaatiin ejjennoo isheetti jabaattee moo'atteetti.
2) DOSETIIZIMII (DOCETISM):- Dosetizimiin seenaa waldaa kristiyaanaa ishee durii keessatti barumsoota sobaa ka'an keessaa isa tokkodha. maqaansaa jecha giriikii "Dokeo" jedhamu irraa kan dhufe yoo ta'u ; hiikuun isaammoo "Fakkaachuu" jechuudha.
Barumsi kun irra caalaatti kaninni ganuufi mormu 'uu_isaati. Nama ta'uu Sagalee waaqayyoo(Incarnation) morma.
Barumsi kun kan madde falaasama giriikii yeroo sana ture kan "DUALISM" jedhamu irraati. Jarri kun "Hafuurri gaariifi qulqulluudha Qaamni(foon) hamaafi xuraa'aadha" kan jedhu barumsaa jabaa qabu.
Ilaalcha falaasama isaaniitiiniis "waaqni qulqulluun akkamitti foon xuraa'aa uffachuu danda'a? akkamittis waliif galuu danda'a?" jedhanii yaadu.
akka jedhanitti "Yesus kiristoos yeroo biyya lafaarra turetti akka nama dhugaatti kaninni mul'ate ija namaatti qofaadha. inni nama fooniifi dhiiga qabu utuu hin taane Akka gaadidduu ykn Hafuuraa(Phantom) qaama gadi fagoo wayiiti" jedhu.
Eenyummaan namummaa isaa wangeelota keessatti barreeffaman hundi,fakkeenyaaf :- beela'uu,dheebochuu,dadhabuufi rafuunsaa nama ta'uusaa utuu hin ta'iin,namoonni akka isa amananiif taateewwan agarsiifamanidha" jedhanii barsiisu.
Barumsa sobaa kana balaafamaa kan jsa godhu ammoo akkamitti akka inni dhiphinaafi fannoorratti du'uu Gooftaa hiikudha.
Jarri kun " waaqayyo dhiphachuu hin danda'u,akkasumas foon hin qabu(waaqayyo foon miti). kanaafuu fannoorratti kan du'e gaadidduudha" jedhu.
Kaan isaaniimmo " fannoorratti kan du'e nama kan biraa(Simoon nama qareenaa) dha hanga jedhanitti gahaniiru!
barumsa kana humnashee guutuudhaan ganamummaan mormiteetti. "1yoh 4:3 kan barreeffame Dosetiizimii mormuufi" jechuudhaan. Hayyoonni seenaa ni tilmaamu.
Jaarraa 2ffaa keessa kan ture barumsa dosetiizimii warra morman keessaa adda duree ture. Yeroo ajjeefamuudhaaf gara roomaatti geeffamaa turettis ergaawwan isaa keessa "Dhugumatti/dhugaadha/" jechi jedhu irra deddeebiidhaan fayyadameera. "Kiristoos dhugumatti dhalateera,dhugumatti beela'ee dheeboteera,dugumatti fannifamera,dhugumatti du'eera" jechuun dhoksaa namummaa Yesus Kristoos dubbateera.
3) MAARKONIIZIMII(marconism) :-
Barumsi kun naannoo naannoo bara 144 kan ka'e yoo ta'u,barumsi isaa kiristiyaanummaa kakuu moofaarraa guutummaa guutuutti kutuudhaaf kan karoorfatedha.
"Waaqni kakuu moofaa gara jabeessaafi xiiqeffataa kan seeraan kan nama garboomsu uumqq addunyaa fooniiti. Kakuu haaraatti garuu Yesuus abbaa jaalalaafi araaraati" barumsa jedhu qabu.
Akkasumas macaafota kakuu haaraa keessaas caaffata yihuudota wajjiin walitti dhufeenya qaban hir'isuudhaan,Wangeela luqaasiifi ergaawwan phaawuloos kudhan (10) kan qabu macaafa qulqulluu qopheeffatan! kunis sagalee waaqayyoo akka ta'e waldaan kiristiyaanaa akka murteessituuf dhiibbaa guddaa uumaniiru.
4)MONAARKIYAANIIZIMII(monarchianism)
Jaarraa 2ffaafi 3ffaa keessa barumsa og-waaqummaa sobaa waldaa kiristiyaanaa raasedha. mqaansaa jecha giriikii "monarchia" jedhu irraa kan dhufe yoo ta'u,hiikuun isaas "Geggeeffama tokko"yookiin "bu'uura tokko" akka jechuuti. ka'umsi barumsa kanaafi kaayyoonsaa tokkummaa eeguu yookiin mormii "kiristiyaanummaan waaqolii sadii(3) waaqessuudha" jedhu qopachuudhaaf yo ta'eyyuuu adeemsa keessaa barumsa sadan tokkummaa fi eenyummaa kiristoos ganuutti geesse.
Monaarkiizimiin bu'uura faallaa lamaan(2) ibsama:-
4.1 monaarkiyazimii( dynamic monarchiasm/Adoptionism)
Barumsi inni kun tokkummaa waaqayyummaa eeguuf jecha waaqayyummaa Yesus kiristoosiin gadi buusa. akka amantii jara kanaatti " Yesus kiristoos kan dhalate akkuma nama salphaa wayiitti. garuu baayyee qulqulluufi qajeelaa waan ta'eef yero inni cuuphame humni waaqayyoo irra bu'e. kanarraan kan ka'e waaqayyoo (adoption) mucaasaa godhate malee durumaan kan tureefi abbaa wajjiin walqixa kan ta'e miti." jedhu.
Kanas waldaan kiristiyaanaa ni balaaleffatti.
4.2 ( modalistic monarchianism/modalism)
- Barumsi inni kunimmoo waaqayyummaa Yesuusiin ni fudhata. garuu garummaa qaamolee sadan tokkummaa waaqayyoo (sillaasee) gidduu jiru ni gana. akka amantii kanaatti waaqayyo qaama tokko qofaadha. qaamni tokkichi kunis yeroo garaa garaatti fuula garaa garaatiin(modes) of ibse malee Abbaa,Ilma fi Hafuura Qulqllulluu n qaama of danda'e ta'ee hin jiru.
Akka hiikaa Moodaalistootaatti:- Waaqayyo abbaan kakuu moofaatti uumaa,seera kan kenne ta'ee mul'ate.
Kakuu haaraatti immoo ilma yookiin fayyisaa ta'ee dhufe.
Du'aa ka'uufi Ol ba'uu yesus booda immoo Hafuura Qulqulluu ta'ee dhufe.
Barumsi kun karaa nama jedhamuu waan dhufeef jedhama.
Dogoggora moodaaliizimiin fide " (Patrpassianism) " jedhama. hiikuun isaas "Abbaan fannoorratti dhiphateera" jechuudha.
Kanas waldaan kiristiyaanaa ni balaaleffatti!
5) MAANEKAYIZIMII( manichaeism)
Barumsi inni kunimmoo walakkeessa jaarraa 3ffaa naannoo bara 240 Faares (Iraan ammaa)keessatti jalqabee hamma Roomaatti babal'atee waldaa kiristiyaanaa baayyee qoree ture. maqaansaa kan dhufe hundeessaa isaanii "Mani" jedhamurraa yoo ta'u,kiristiyaanummaa Zooraastaran Faaris,Budhizimii fi Noostiisizimii waliin wal makanii amantii burjaajessaa uumuudhaaf falaasama qophaa'eedha.
Maanekayizimiin Kiristoosiin akka isa guddichaatti fudhata.
Hordoftoonni isaas bakka 2tti qoodamu.
1) Warra filatame!
Warri kun jreenya baayyee jabaataa ta'e gaggeessu. foon hin nyaatan,dhugaatii wayinii hin dhugan,gaa'ela hin dhaabbatan,qabeenya hin horatan.
Kaayyoon isaanii Ifa keessa isaanii jiru utuu hin balleessiin tursuudha.
2) Warra dhaga'an!
warri kunimmoo jireenya baratamaa kan geggeeffatanidha. warra filataman gargaaruudhaan suuta gara addunyaa ifaatti dhufuuf warra abdatanidha.
Maanekayizimummaan bu'uura amantii kiristiyaanummaa kan diigu ta'uusaatiinbwaldaan kiristiyaanaa jabeessitee mormiti.
Waldaan kiristiyaanaa Waaqayyo qofaasaa Humna raawwatee seexanniifi dukkanni bira gahuu hin dandeenyee fi barumsi sobaa Maaniin kufaa akka ta'e gadi fageenyaan barsiisti.
ittti fufa!BARUMSOOTA SOBAA WALDAA KIRISTIYAANAA ISHEE DURII QORAN!
Namoonni kutaa 1ffaa-4ffaa hin dubbisne profile koo jalaa argachuu dandeessu!
1) NOOSTIISIZIMII (GNOSTICISM)
Noostisiizimiin barumsaa sobaa balaafamaa jaarraa 2ffaa keessa waldaa kiristiyaanaa qoredha.
"Gnosis" jechuun jecha afaan giriikii yoo ta'u hiikuun isaas " " jechuudha. Nostiizistoonni "fayyinni kan argamu hojii fayyisuu yesus kiristoositti amanuudhaan utuu hin taane;beekumsa gadi fagoo namoota muraasaaf qofa ifuunidha" jedhanii amanu ture. Barumsi kun dhugaawaan bu'uuraa amantii kiristiyaanaa falaasama giriikii fi amantiiwaan iccitii warra bahaa aadaa giriikiitiin waliin makuudhaan eenyummaa booressuuf yaaleera.
Barumsi kun bu'uurumaan ilaalacha addunyaalessaa "Dualism" jedhamudha.
Akka Noostisiizimootaatti:- Addunyaa kanarra wantoota faallaa 2tu jiru. isaanis:- Hafuuraa fi Meeshaa(matter) dha. Hafuurri eenyummaa isaatiin qulqulluu,Ifaafi gaarii yoo ta'u; meeshaan immoo Foon dabalatee eenyummaa isaatiin xuraa'aa,dukkana'aafi hamaadha.
Bu'uura falaasama kanaatiin lubbuun isheen nama keessa jirtu calaqqee waaqummaa xiqqoo yoo taatu;foon hamaa keessatti hidhamtee jirti. galmi ilmaan namaa inni guddaan lubbuu hidhaa hamaa kana keessaa bilisoomsee gara addunyaa ifaattii deebisuudha .
Nostisiizimoonni "waaqayyo inni gaariin biyya lafaa hamaafi xuraa'aa kana uumuu hin danda'u" jedhanii amanu.
"kanaafiyyuu addunyaa kana kan uume humna xiqqaafi dogoggoraa 'Demiyurjii (Demiurge)' jedhamudha" jedhu. Noostisiizimoonni baayyeen waaqayyoo kakuu moofaa Demiyurjii kanaa wajjiin wal qabsiisu. kanaaf jedhanii kakuu moofaa akka macaafa gad-aanaa,seera isaas lubbuu foon keessatti hidhuuf kan kenname godhanii ilaalu!
Noostisiizimoonni " Kiristoos fayyisaadha; garuu fayyisuunsaa cubbuu namootaa baachuudhaan utuu hin taane namoonni qaanqee waaqummaa keessa isaanii jiru akka beekaniifi hidhaa foonii jalaa akka miliqaniif beekumsa dhokataa kennuu irratti kan xiyyeeffatedha jedhu.
"Kiristoos qulqulluu raawwatee qulqulluu waan ta'eef tasumaa foon uffachuu hin danda'u" amantii jedhu waan qabaniif nama guutuu ta'uu kiristoos jabeessanii ganu! Ilaalchi isaanii kunis "Doosetiizimii(Docetism" jedhama. kunis "kristoos nama fakkaatee mul'ate malee foon isa dhugaa hin turre jedhanii ganuun isaaniiti.
Ilaalchi Noostisiizimootaa fayyinni Cubbuuttii qullaa'uu utuu hin taane wallaalummaa(ignorance) keessaa bahuudha. namni tokko fayyina kan argatu du'uuf du'aa ka'uu kiristoositti amanuudhaan utuu hin taane gaaffiiwwan "ani eenyu?,eessaan dhufe?,eessan deema?" jedhaniif deebii dhokatoo yoo argatedha. beekumsi kunis nama hundaaf utuu hin taane. "namoota hafuuraa(pneumatics)" warra jedhamanij filataman muraasaaf akka ifutti amanu.
Noostisiizimiin kiristiyaanummaa gara falaasamaafi gara dhaabbata iccitii dhokataatti jijjiiruuf yoo yaaleyyuu waldaan kiristiyaana garuu uumuu Waaqayyootiin nam dhugaa ta'uu Kristoosiin,addunyaalesummaa Wangeelaatiin ejjennoo isheetti jabaattee moo'atteetti.
2) DOSETIIZIMII (DOCETISM):- Dosetizimiin seenaa waldaa kristiyaanaa ishee durii keessatti barumsoota sobaa ka'an keessaa isa tokkodha. maqaansaa jecha giriikii "Dokeo" jedhamu irraa kan dhufe yoo ta'u ; hiikuun isaammoo "Fakkaachuu" jechuudha.
Barumsi kun irra caalaatti kaninni ganuufi mormu 'uu_isaati. Nama ta'uu Sagalee waaqayyoo(Incarnation) morma.
Barumsi kun kan madde falaasama giriikii yeroo sana ture kan "DUALISM" jedhamu irraati. Jarri kun "Hafuurri gaariifi qulqulluudha Qaamni(foon) hamaafi xuraa'aadha" kan jedhu barumsaa jabaa qabu.
Ilaalcha falaasama isaaniitiiniis "waaqni qulqulluun akkamitti foon xuraa'aa uffachuu danda'a? akkamittis waliif galuu danda'a?" jedhanii yaadu.
akka jedhanitti "Yesus kiristoos yeroo biyya lafaarra turetti akka nama dhugaatti kaninni mul'ate ija namaatti qofaadha. inni nama fooniifi dhiiga qabu utuu hin taane Akka gaadidduu ykn Hafuuraa(Phantom) qaama gadi fagoo wayiiti" jedhu.
Eenyummaan namummaa isaa wangeelota keessatti barreeffaman hundi,fakkeenyaaf :- beela'uu,dheebochuu,dadhabuufi rafuunsaa nama ta'uusaa utuu hin ta'iin,namoonni akka isa amananiif taateewwan agarsiifamanidha" jedhanii barsiisu.
Barumsa sobaa kana balaafamaa kan jsa godhu ammoo akkamitti akka inni dhiphinaafi fannoorratti du'uu Gooftaa hiikudha.
Jarri kun " waaqayyo dhiphachuu hin danda'u,akkasumas foon hin qabu(waaqayyo foon miti). kanaafuu fannoorratti kan du'e gaadidduudha" jedhu.
Kaan isaaniimmo " fannoorratti kan du'e nama kan biraa(Simoon nama qareenaa) dha hanga jedhanitti gahaniiru!
barumsa kana humnashee guutuudhaan ganamummaan mormiteetti. "1yoh 4:3 kan barreeffame Dosetiizimii mormuufi" jechuudhaan. Hayyoonni seenaa ni tilmaamu.
Jaarraa 2ffaa keessa kan ture barumsa dosetiizimii warra morman keessaa adda duree ture. Yeroo ajjeefamuudhaaf gara roomaatti geeffamaa turettis ergaawwan isaa keessa "Dhugumatti/dhugaadha/" jechi jedhu irra deddeebiidhaan fayyadameera. "Kiristoos dhugumatti dhalateera,dhugumatti beela'ee dheeboteera,dugumatti fannifamera,dhugumatti du'eera" jechuun dhoksaa namummaa Yesus Kristoos dubbateera.
3) MAARKONIIZIMII(marconism) :-
Barumsi kun naannoo naannoo bara 144 kan ka'e yoo ta'u,barumsi isaa kiristiyaanummaa kakuu moofaarraa guutummaa guutuutti kutuudhaaf kan karoorfatedha.
"Waaqni kakuu moofaa gara jabeessaafi xiiqeffataa kan seeraan kan nama garboomsu uumqq addunyaa fooniiti. Kakuu haaraatti garuu Yesuus abbaa jaalalaafi araaraati" barumsa jedhu qabu.
Akkasumas macaafota kakuu haaraa keessaas caaffata yihuudota wajjiin walitti dhufeenya qaban hir'isuudhaan,Wangeela luqaasiifi ergaawwan phaawuloos kudhan (10) kan qabu macaafa qulqulluu qopheeffatan! kunis sagalee waaqayyoo akka ta'e waldaan kiristiyaanaa akka murteessituuf dhiibbaa guddaa uumaniiru.
4)MONAARKIYAANIIZIMII(monarchianism)
Jaarraa 2ffaafi 3ffaa keessa barumsa og-waaqummaa sobaa waldaa kiristiyaanaa raasedha. mqaansaa jecha giriikii "monarchia" jedhu irraa kan dhufe yoo ta'u,hiikuun isaas "Geggeeffama tokko"yookiin "bu'uura tokko" akka jechuuti. ka'umsi barumsa kanaafi kaayyoonsaa tokkummaa eeguu yookiin mormii "kiristiyaanummaan waaqolii sadii(3) waaqessuudha" jedhu qopachuudhaaf yo ta'eyyuuu adeemsa keessaa barumsa sadan tokkummaa fi eenyummaa kiristoos ganuutti geesse.
Monaarkiizimiin bu'uura faallaa lamaan(2) ibsama:-
4.1 monaarkiyazimii( dynamic monarchiasm/Adoptionism)
Barumsi inni kun tokkummaa waaqayyummaa eeguuf jecha waaqayyummaa Yesus kiristoosiin gadi buusa. akka amantii jara kanaatti " Yesus kiristoos kan dhalate akkuma nama salphaa wayiitti. garuu baayyee qulqulluufi qajeelaa waan ta'eef yero inni cuuphame humni waaqayyoo irra bu'e. kanarraan kan ka'e waaqayyoo (adoption) mucaasaa godhate malee durumaan kan tureefi abbaa wajjiin walqixa kan ta'e miti." jedhu.
Kanas waldaan kiristiyaanaa ni balaaleffatti.
4.2 ( modalistic monarchianism/modalism)
- Barumsi inni kunimmoo waaqayyummaa Yesuusiin ni fudhata. garuu garummaa qaamolee sadan tokkummaa waaqayyoo (sillaasee) gidduu jiru ni gana. akka amantii kanaatti waaqayyo qaama tokko qofaadha. qaamni tokkichi kunis yeroo garaa garaatti fuula garaa garaatiin(modes) of ibse malee Abbaa,Ilma fi Hafuura Qulqllulluu n qaama of danda'e ta'ee hin jiru.
Akka hiikaa Moodaalistootaatti:- Waaqayyo abbaan kakuu moofaatti uumaa,seera kan kenne ta'ee mul'ate.
Kakuu haaraatti immoo ilma yookiin fayyisaa ta'ee dhufe.
Du'aa ka'uufi Ol ba'uu yesus booda immoo Hafuura Qulqulluu ta'ee dhufe.
Barumsi kun karaa nama jedhamuu waan dhufeef jedhama.
Dogoggora moodaaliizimiin fide " (Patrpassianism) " jedhama. hiikuun isaas "Abbaan fannoorratti dhiphateera" jechuudha.
Kanas waldaan kiristiyaanaa ni balaaleffatti!
5) MAANEKAYIZIMII( manichaeism)
Barumsi inni kunimmoo walakkeessa jaarraa 3ffaa naannoo bara 240 Faares (Iraan ammaa)keessatti jalqabee hamma Roomaatti babal'atee waldaa kiristiyaanaa baayyee qoree ture. maqaansaa kan dhufe hundeessaa isaanii "Mani" jedhamurraa yoo ta'u,kiristiyaanummaa Zooraastaran Faaris,Budhizimii fi Noostiisizimii waliin wal makanii amantii burjaajessaa uumuudhaaf falaasama qophaa'eedha.
Maanekayizimiin Kiristoosiin akka isa guddichaatti fudhata.
Hordoftoonni isaas bakka 2tti qoodamu.
1) Warra filatame!
Warri kun jreenya baayyee jabaataa ta'e gaggeessu. foon hin nyaatan,dhugaatii wayinii hin dhugan,gaa'ela hin dhaabbatan,qabeenya hin horatan.
Kaayyoon isaanii Ifa keessa isaanii jiru utuu hin balleessiin tursuudha.
2) Warra dhaga'an!
warri kunimmoo jireenya baratamaa kan geggeeffatanidha. warra filataman gargaaruudhaan suuta gara addunyaa ifaatti dhufuuf warra abdatanidha.
Maanekayizimummaan bu'uura amantii kiristiyaanummaa kan diigu ta'uusaatiinbwaldaan kiristiyaanaa jabeessitee mormiti.
Waldaan kiristiyaanaa Waaqayyo qofaasaa Humna raawwatee seexanniifi dukkanni bira gahuu hin dandeenyee fi barumsi sobaa Maaniin kufaa akka ta'e gadi fageenyaan barsiisti.
ittti fufa!
