Մխիթարեան Մայրավանք Սուրբ Ղազար - Monastero Armeno Mechitarista San Lazzaro

14/09/2026

Երանաշնորհ Մխիթար Աբբահօր ծննդեան 350-ամեակին նուիրուած հանդիսութիւններու երրորդ օրը՝ Փատովա քաղաքի Սուրբ Ֆրանչիսկոս եկեղեցւոյ մէջ
__________________________

Կիրակի՝ 13.09.2026-ին, Մխիթար Աբբահօր ծննդեան 350-ամեակին նուիրուած սեպտեմբերեան եռօրեայ ձեռնարկներու վերջին օրը սկսաւ Մխիթարեան Մայրավանքին մէջ՝ Խաչվերացի տօնին առիթով մատուցուած Սուրբ եւ Անմահ Պատարագով։

Սուրբ Պատարագէն ետք, միաբան հայրերու առաջնորդութեամբ, խումբը ուղղուեցաւ դէպի Փատովա քաղաք, ուր Սուրբ Ֆրանչիսկոս եկեղեցւոյ մէջ «Սաղմոսերգու» եւ «Գեղարդ» երգչախումբերու կատարմամբ տեղի ունեցաւ հանդիսաւոր համերգային յայտագիր։

Երգչախումբերը սկիզբը՝ առանձին-առանձին, ապա՝ միասնաբար, երկսեռ երգեցողութեամբ հանդիսատեսին ներկայացուցին հայ հոգեւոր եւ ժողովրդական երգերու զանազան կատարումներ։
Ընտրուած էին թէ՛ անցեալի եւ թէ՛ ներկայի հայ տարբեր երգահաններու ստեղծած ու մշակած նշանաւոր գործեր։

Եկեղեցին լեփ-լեցուն էր հայ խմբերգային երաժշտարուեստի գոհարները ունկնդրելու եկած հանդիսատեսով, որուն յոտնկայս ծափահարութիւններուն ներքեւ ալ իրենց աւարտին հասան Երանաշնորհ Մխիթար Աբբահօր ծննդեան նուիրուած հանդիսութիւններու այս փուլը։

Կրկին շնորհակալութիւն կը յայտնենք այն բոլոր բարերարներուն, որոնց աջակցութեամբ հնարաւոր եղաւ իրականացնել այս գեղեցիկ հանդիսութիւնները։

12/09/2026

Վենետիկի մէջ կը շարունակուին Երանաշնորհ Մխիթար Աբբահօր ծննդեան 350-ամեակին նուիրուած հանդիսութիւնները
_______________________
Շաբաթ՝ 12.09.2026-ին, Սուրբ Մարկոսի հնադարեան տաճարին մէջ, Վենետիկի Պատրիարք Արհիապատիւ Ֆրանչեսքօ Մորալիայի հանդիսապետութեամբ, մատուցուեցաւ հայածէս Սուրբ Պատարագ՝ Կոմիտաս Վարդապետի մշակած երկսեռ երգչախմբային երգեցողութեամբ։

Պատարագիչ՝ Վենետիկի Սուրբ Ղազար վանքի վանահայր Հ. Համազասպ Վարդապետ Քէշիշեան
Արական երգչախումբ՝ «Սաղմոսերգու» (գեղարոըեստական ղեկավար և դիրիժոր` Վահէ Բեգոյեան)
«Գեղարդ» երգեցիկ խումբ (Խմբավար` Անահիտ Պապայեան)։

Մեր շնորհակալութիւնը կը յայտնենք բոլոր այն մեկենասներուն, որոնց աջակցութեամբ կարելի եղաւ իրականացնել այս հոգեպարար հանդիսութիւնները։

10/09/2026

Երեքշաբթի 8 Սեպտեմբեր 2026, առաւօտեան ժամը 11ին, Աստուածածնի ծննդեան տօնին, Մխիթարեան Միաբանութեան հիմնադրութեան տարեդարձին, եւ Մխիթար Աբբահօր ծննդեան 350 ամեակի հոբելեանին՝ Ս. Ղազարու Մայրավանքի եկեղեցւոյ մէջ Մատուցուեցաւ ձայնաւոր Ս. Պատարագ, ներկայութեամբ հաւատացեալներու հոծ բազմութեան,
Մասնակցութեամբ «Սաղմոսերգու» եւ Գեղարդ երգչախումբերուն, որ առաջին անգամ հնչեցուցին Կոմիտաս Վարդապետի երկսեռ Պատարագի երգեցողութիւնը։
Պատարագի աւարտին տեղի ունեցաւ Եղբ. Նշանի նորընծայութեան արարողութիւնը։

08/09/2026

Տօն Ծննդեան Սուրբ Աստուածածնի
Ձայնաւոր Ս. Պատարագ
Նորընծայութեան արարողութիւն եղբ. Նշանի

Տօն Վերափոխման Ս. Կուսին ՄարիամուՋայնաւոր ՊատարագThis stream is c...

08/09/2026

Տօն Ծննդեան Սուրբ Աստուածածնի
Ձայնաւոր Ս. Պատարագ

Տօն Վերափոխման Ս. Կուսին ՄարիամուՋայնաւոր Պատարագ

07/09/2026

Ձայնաւոր Սուրբ Պատարագ 'ի տօնի Ծննդեան Սրբոյ Կուսին Մարիամու Աստուածածնին

08.09.2026, ժամը 11.00-ին

16/08/2026

Տօն Վերափոխման Ս. Կուսին Մարիամու

Ձայնաւոր Պատարագ

Տօն Վերափոխման Ս. Կուսին ՄարիամուՋայնաւոր Պատարագ

10/07/2026

Երուսաղէմի Լատիններու Պատրիարք Նորին Ամենապատուութիւն Կարդինալ Փիերպաթթիսթա Փիցցապալլա Սուրբ Ղազար կ'այցելէ։

Հինգշաբթի 9 Յուլիս 2026ին, յետմիջօրէին Երուսաղէմի Լատինաց Պատրիարք` Կարդինալ Փիերպաթթիսթա Փիցցապալլա Ս. Ղազար Մխիթարեան Մայրավանք այցելեց, ընկերակցութեամբ Վենետիկի Պատրիարք Ֆրանչեսքօ Մորալիայի։ Վանաբնակ Հայրերն ու եղբայրները զինք դիմաւորեցին նաւամատոյցին, ապա զինք առաջնորդեցին Եկեղեցի ուր տէրունական աղօթքէն ետք Հ. Վահան Վարդապետ Օհանեան բարեգալուստի խօսքը ուղղեց Ծիրանաւորին, շեշտելով իր դերակատարութիւնը Սուրբ երկրի մէջ որպէս պատգամաւոր Խաղաղութեան, համամիութեան խթան, անարդարութեան դէմ պայքարող, մխիթարանք տարաբախտներուն եւ յոյս ներշնչող տարածաշրջանի մարդոց, մաղթելով ամենաբարին մանաւանդ Աստուծոյ օրհնութիւնները եւ Տիրամօր հովանին։
Ապա յատուկէն կատարուեցաւ խաղաղութեան աղօթք հայցելով Աստուածածնի բարեխօսութիւնը։
Որմէ ետք Ծիրանաւորը շրջայցով մը ծանօթացաւ Մայրավանքի հոգեւոր եւ մշակութային ժառանգութեան այցելելով թանգարանը, մատենադարանը եւ ձեռագրատունը։
Հուսկ Միաբաններու հետ հանդիպում ունեցաւ որուն ընթացքին իր տպաւորութիւնը եւ ստորագրութիւնը արձանագրեց արծաթեայ մատեանին մէջ։ Որմէ ետք հրաժեշտ առնելով մեկնեցաւ օդակայան։

27/06/2026

ՄԽԻԹԱՐԵԱՆ ՄԻԱԲԱՆՈՒԹԵԱՆ ՄԱՅՐԱՎԱՆՔ ՍՈՒՐԲ ՂԱԶԱՐԻ ՀԱՅԿԱԿԱՆ ՆԿԱՐՉԱԿԱՆ ՀԱՒԱՔԱԾՈՆ

Ուսումնասիրութիւն, թուայնացում եւ ցանկագրում



Մխիթարեան միաբանութիւնը հայ հասարակութեան մտապատկերին մէջ կը ներկայանայ որպէս դարեր շարունակ ձեռագիրներ պահապանող, հայկական տպագրական ժառանգութիւն ստեղծող եւ ուսումնասիրութիւններ իրականացնող հաստատութիւն։

Այնուհանդերձ Մխիթարեան մայրավանքը ազնիւ հայորդիներու թանկարժէք նուէրներով ճոխացած է եկեղեցական, թանգարանային եւ գեղարուեստի նմոյշներով։

ԺԹ. դարավերջին սկսած է ձեւաւորուիլ պատկերասրահը ամենատարբեր նկարչական դպրոցներու պատկանող կտաւներով։

Այս հաւաքածոյին մէջ իրենց ուրոյն տեղը կը գրաւեն հայ նկարիչներու վրձինած կտաւները, որոնց թիւը մի քանի հարիւրի կը հասնի։ Ներառուած են ԺԹ. դարէն մինչեւ մերօրեայ հայրենաբնակ եւ աշխարհասփիւռ հեղինակներ, որոնք շատ անգամ անձամբ եւ կամ իրենց սերունդներու ձեռքով նուիրաբերած են կտաւներ՝ իրենց ներկայութիւնը յաւերժացնելու համար մայրավանքէն ներս։

Հայրենանուէր անձերու եւ Մխիթարեան հայրերու համագործակցութեամբ ստեղծուած է մասնագիտական խումբ մը՝ ուսումնասիրելու համար Ս. Ղազարի հայկական նկարչական հաւաքածոն։ Այս արդէն երկրորդ տարին է որ մասնագիտական զննման հետազօտական աշխատանքներ կը կատարուին։ Խումբը արդէն արժէքաւոր յայտնագործութիւններ կատարած է, որ նոր լոյս կը սփռեն հայ արուեստի պատմութեան վրայ։

Ցանկագրման եւ թուայնացման աշխատանքներուն պիտի յաջորդեն գիտական եւ պատկերագիրք հրատարակութիւններ, որոնք նոյնպէս ընթացքի մէջ են։

Զգայացունց նորութիւններու եւ ուսումնասիրութիւններու ընթացքի մասին հրապարակումներ պիտի կատարենք նաեւ այս հարթակով։

Մխիթարեան միաբանութիւնը յատուկ շնորհակալութիւն կը յայտնէ նուիրեալ մասնագէտներու անձնուէր եւ ազգօգուտ աշխատանքին համար ինչպէս նաեւ բոլոր մեկենասներուն որոնք կ՚աջակցին այս աշխատանքը իրականացնելու համար։

28/05/2026

ՕՐՀՆԷ՛ ՏԷՐ ՀԱՅ ԺՈՂՈՎՈՒՐԴԸ

Օրհնէ՛ Տէր Աստուած, մեր սիրելի ժողովուրդը, որ առաջին քրիստոնեայ ազգը եղաւ եւ քու Որդիիդ ետեւէն քալեց դարերու ընթացքին:
Տուաւ մարդկութեան ու սուրբ Եկեղեցիիդ, մեծամեծ հայրապետներ, ճգնասուն վանականներ, մարտիրոսներ ու զօրականներ, որոնք ապրեցան աստուածային սիրովդ ու մեռան սրբութեամբ:
Օրհնէ՛ Տէր մեր Հայրենիքը, եւ տուր որ օրէ օր աւելի զարգանայ նիւթական եւ գիտական ասպարէզներու մէջ, բայց մանաւանդ հոն աճի եւ ծաւալի Քրիստոսի Աւետարանին լոյսը: Տուր որ մեր եղբայրներն ու քոյրերը նմանին հին դարերու մեր հաւատացեալ ժողովուրդին ու կանգնեն տաճարներ ու մատուռներ:
Օրհնէ՛ Տէր աշխարհի չորս ծագերուն ցրուած մեր հայրենակիցները, մանաւանդ անոնց զաւակները եւ շնորհէ որ ապրին երջանիկ ու լի քու շնորհքներովդ: Օրհնէ մեր կայտառ երիտասարդները եւ կոյսերը, որ ըլլան իմաստուն, բարեպաշտ ու մաքուր բարքերով:
Օրհնէ՛ Տէր մեր բոլոր կրօնաւորները, Կաթողիկոսներէն սկսեալ, մինչեւ ամենահամեստ աբեղան ու քահանան եւ տուր որ մնան իրենց կարգի բարձրութեան վրայ եւ հովուեն Հայ ժողովուրդը սրբութեամբ ու եռանդուն հոգիով:
Օրհնէ՛ Տէր մեր բոլոր ղեկավարները եւ ազգին առաջնորդները. Տուր մեր ազգին իմաստո'ւն, աստուածավախ եւ հայրենանուէր կառավարիչներ որ կանգուն եւ ապահով պահեն մեր հայրենի երկիրը ու կերտեն մեր ժողովուրդի բարօր ու երջանիկ ապագան:
Տո՛ւր Տէր որ հասնինք մեր ազգային արդար երազներուն: Տիրանանք մեր հայրենի հողերուն եւ իրաւունքներուն եւ ցոյց տանք աշխարհի որ Աստուած կը սիրէ առաջին քրիստոնեայ Հայ ժողովուրդը: Ցոյց տանք բոլորին թէ արդարութիւնը ուշ կամ կանուխ կը յաղթանակէ:
Տո՛ւր Տէր որ աշխարհի բոլոր Հայերը, Հայրենիքի, թէ Սփիւռքի մէջ, ապրին միաբան ու համերաշխ եւ անկեղծ սիրով:
Այս բոլորը կը խնդրենք Տէր, Քրիստոսի չարչարանքներուն ու Խաչին անունով, որոնց կը միացնենք մեր բիւրաւոր Նահատակներու արեան ձայնը: Մեր Ցեղասպանութեան Մարտիրոսներու բարեխօսութեամբ, որ սուրբերու դասին բարձրացան, կը խնդրենք Տէր, օրհնէ մեր փառապանծ ժողովուրդը եւ դրախտավայր Հայաստանը: Ամէն