پایگاه اینترنتی مذهبی مادحین

  • Home
  • Iran
  • Marand
  • پایگاه اینترنتی مذهبی مادحین

پایگاه اینترنتی مذهبی مادحین پایگاه اینرتنتی مذهبی مادحین،اولین فروشگاه مذهبی دارای نماد اعتماد در ایران،

12/05/2015

سندندی هر آزاده لیق درک ایلسه اهل ولا

اما عجبدور کیم اوزون اولدون اسیر ابتلا

اولدی نصیبون چرخدن زنجیر و زندان بلا

سالدی فشاره قلبوی جور گروه بد شیم

بام و در زندان غم شاهددی سوز و سازوه

هم آشنادور گوش جان بانگ بیان رازوه

مجذوبیدی مسحوریدی ذرات کون آوازوه

سسلردون اول موقعده کیم یا ذوالمعالی والکرم

چوخ امتنانیم وار خدا اولدی نصیبیم مدعا

حال رضا و سلم ده عشاقه نعمتدور بلا

بو من بو زنجیر ستم بو گوشه ی زندان سرا

نه نوع شکر ایلوم سنه ای خالق لوح و قلم

زنجیر کین هرگز دیمم طوق عبودیتدی بو

احباب آرا معمول اولان سررشته ی الفتدی بو

جانیله هم آوازدور قلبیله هم صحبتدی بو

بیجا دگول وار الفتیم هر حلقه سیله دمبدم

من عرض حاجات ایلرم یا حق دیر هر دانه سی

قلبیمده شور ایلر فزون جانبخش و روح افزا سسی

بیر لحظه اولموب ترک ایده زندانده من بی کسی

همدمدی جسم و جانیله هر شامگاه و صبحدم

عاشق اولان بو رسمدور بیر بزم خلوت آختارار

دلداریله بیگانه سیز هنگام صحبت اختارار

خلوتسرای انس دور بو یر نه زندان ستم

بولمم هارا یتدی جفا ای شهریار انس و جان

بالمرّه تاراج ایلدی قلبوندن آرام و توان

ایلردون اوزگه طرزیله ذکر و مناجاتون بیان

سویلردون ایلردی گوزون دامانوی اشگیله یم

ظلمات بطن حوتدن ای یونسی آزاد ایدن

سجن بلادن یوسفی آزاد ایدوب دلشاد ایدن

هر عامله بیر لفظله امکان ویروب ایجاد ایدن

قورتار بو زندااندان منی یوخ دلده یارای الم

شاعر عابد خیابانی

12/05/2015

ئولورم تنگه دوشوب روح و روانیم آنا گل
یغشوب سینمه ایستور چیخا جانیم آنا گل

دئمورم منله گلوب سجن محنده اولاسان
دئمورم پیک اجل داده گلنده اولاسان
دیـورم باشیم اوستنـده ئولنـده اولاسان

گورم اوّل سنی اوندان چیخا جانیم آنا گل

آخرین دم باخا یورقون گوزوم آغلارگوزوه
قـولاقیم سامع اولا سن دانشـانـدا سوزوه
گورسدیم قمچیلرین ردّینی بیـر بیر اوزوه

چوخ یوبانما قوتاروب تاب و توانیم آنا گل

قوری یرده دونورم صاق صولا جان اوسته اوزوم
ولی دوندوقجه گوزتلور در زنـدانی گوزوم
ئوزوجودیم کیمی زندانی اولوب دلده سوزوم

دیـه بلمـور سـوزومی اوتلـی زبانیم آنا گل

آدوی ورد ایلیوب راز و نیاز ایلیورم
در امیدی بو پاک آدیله باز ایلیورم
گر چه پیرم گنه احساس نیاز ایلیورم

سسلنور جسمیده یورقون ضربانیم آنا گل

حبسیده پیکریم آزقالدی که جاندان دوشسون
یورولوب مرغک روحیم طیراندان دوشسون
شریانیمده کی قانیم جـریاندان دوشسون

هله شـریانیده سیرینـده دی قانیم آنا گل

بـو قرانلوقـدا نـه احوالیمی دل اهلی بلور
نگران گوزلریمون اشگینی بیر کیمسه سیلور
نفسیم تنگه دوشوب گاه گلور گه کسیلور

قصدون اولسا گله سن آزدی زمانیم آنا گل

سن که یاده سالوسان غربیـده بیگانه لری
روحون آواره گزور شرقیـده ویرانه لری
آدوی یوزده یازوب گوزیاشیمون دانه لری

من سنون ئوز بالوام دلـده فغانیم آنا گل

نگرانم اودی که ترک ایلمور جسمیمی جان
اینجدور ئوز نفسیم روحیمی چیخمور آسان
رو بـه قبلـه ایلیـن وار نـه الیمـدن یاپشان

واردی نه قاری ، نه ده فاتحه خوانیم آنا گل

چوخ ائلیم واردی وار آغلیانیم کیم اولاجاق
گوروب احوالیمی دل داغلیانیم کیم اولاجاق
جان چخاندا گوزومی باغلیانیم کیم اولاجاق

سنه چاتدی گنه جان اوسته گمانیم آنا گل

من او ماهم باتورام تاپمورام اولدوزلاریمی
قویمشام گوزلری یوللاردا آدامسیزلاریمی
سالمورام یادیمـه حتی نگـران قیزلاریمی

انتظـارم سنـه آی نـام و نشانیـم آنا گل

او قـدر آغلامیشـام غم قاریشوبدور قانما
قصـد لله ائـله جان اوستـه نـنه گـل یانما
نجه گور رخنه ایدوب رنج رطوبت جانیما

سالدی دلدن بو رطوبتلی مکانیم آنا گل

شاعر:غلامرضا هادی اردبیلی

Address

امام
Marand
1111111111

Telephone

+989144923514

Website

Alerts

Be the first to know and let us send you an email when پایگاه اینترنتی مذهبی مادحین posts news and promotions. Your email address will not be used for any other purpose, and you can unsubscribe at any time.

Shortcuts

Share

Category