Tamil Bible Words

25/09/2026

Pray and Participate 🙏

19/09/2026

Jesus is with you. Nothing to worry

13/09/2026

12/09/2026

Glory to God 🙌🙌🙌

10/09/2026

இன்றைய தியானம் 10-09-2026

மன்னிப்பு

"தேவரீர் சகலத்தையும் செய்ய வல்லவர்;..." -யோபு 42:2

2026 மே மாதம் மணிப்பூரில் நடந்த கலவரத்தில் மூன்று பாஸ்டர்கள் கொல்லப்பட்டனர். அவர்கள் அந்த பகுதியில் பல நாட்கள் ஊழியம் செய்தவர்கள். இந்த காரியத்திற்காக நீதி வேண்டும் என்று புகார் தெரிவிப்பதற்காக விசுவாச மக்கள் காவல் நிலையம் செல்ல புறப்பட்டனர். அப்பொழுது பாஸ்டர். சீட்டல்ஹீ அவர்களின் மகன் சொன்ன வார்த்தை, "என் கர்த்தரும் இரட்சகருமாகிய இயேசு கிறிஸ்துவின் நாமத்தில் என் அப்பாவை கொலை செய்தவர்களை நான் மன்னிக்கிறேன்" என்றார். தன் தகப்பனைக் கொன்ற மனிதர்களை மன்னித்த இந்த நபரைப் போல நாமும் மன்னிக்க வேண்டும் என்று இயேசு கிறிஸ்து நமக்கு போதிக்கின்றார். நம்மைக் குறித்து என்ன? நமக்கு தீங்கு செய்த, விரோதமாய் பேசின, நமக்கு வரும் உயர்வுகளை தடை செய்த நபர்களை நாம் மன்னிக்கிறோமா?

“என் குடும்பத்தில் என்னை ஒதுக்கி விட்டார்கள். நியாயமாய் வரவேண்டிய என்னுடைய சொத்தை அபகரித்து விட்டார்கள்” என்று நீங்களும் புலம்புகிறீர்களா? யோபுவுக்கு விரோதமாய் அவனுடைய நண்பர்கள் பேசினார்கள். ஆனால் யோபு அவர்களை வெறுக்கவோ, அவர்களுக்கு விரோதமாய் பேசவோ இல்லை. கர்த்தர் யோபுவிடம் அவனுடைய சினேகிதருக்காக வேண்டுதல் செய்யச் சொல்கிறார். காரணம் அவர்களை மன்னித்தால் தான் அவர்களுக்காக மன்றாட முடியும். யோபு தன்னை அர்ப்பணித்தார். கர்த்தர் அவரது வாழ்க்கையை மாற்றினார்.

இதை வாசிக்கும் நீங்கள் யாராயிருந்தாலும் தேவன் உங்களை ஆசீர்வதிக்க ஆயத்தமாயிருக்கிறார். மனிதர்களின் துரோகங்களை மனதில் வைத்து மன்னிக்க முடியாமல் போராடிக் கொண்டிருக்காமல், அதை தேவனுடைய பாதத்தில் வைத்து நமக்கு விரோதமாய் செயல்பட்ட நபர்களுக்காக தேவனிடத்தில் மன்றாடுவோம். நம்முடைய பாவங்களை தேவன் மன்னித்து இருக்கிறார் என்ற நிச்சயத்தை பெற்ற நாம் மற்றவர்களையும் மனதார மன்னிப்போம் என்றால் தேவன் நம்மை இரண்டு மடங்கு ஆசீர்வதித்து உயர்த்தி அழகு பார்ப்பார். ஆமென்.

-Mrs. தவமணி வைரவேல்

ஜெபக்குறிப்பு:-
பள்ளி மற்றும் விடுதி ஊழியங்கள் மூலம் சந்திக்கும் சிறுவர்களுக்காக ஜெபியுங்கள்.

*Whatsapp*
To receive this Daily Devotion in Tamil, English, Hindi, Malayalam, Telugu, Kannada, Punjabi and Oriya on WhatsApp, Please contact *+91 94440 11864*

Website: www.vmm.org.in
Email: [email protected]
Android App: https://play.google.com/store/apps/details?id=com.infobells.vmmorgin

Village Missionary Movement,
Virudhunagar, India – 626001
For Prayer Support: +91 94873 67663, +91 94424 93250

09/09/2026

Pray for this Meeting and Participate 🙏

02/09/2026

Pray for village ministries 🙏

30/08/2026

Pray for Today's Ministries 🙏

28/08/2026

Pray for today's ministry 🙏

27/08/2026

இன்றைய தியானம் 27-08-2026

கிரியையில்லா விசுவாசம்

"...கிரியைகளில்லாத விசுவாசமும் செத்ததாயிருக்கிறது." -யாக்கோபு 2:26

இன்றைய வேதப் பகுதியில் சீஷர்களிடம் கிரியைகளில்லாத விசுவாசம் காணப்பட்டதை காண்கிறோம். வனாந்தரத்தில் ஜனங்கள் வெகு நேரம் பட்டினியாயிருந்ததைக் குறித்து அக்கறைப்பட்டு, அவர்களை உணவு வாங்கிக் கொள்ள அருகிலிருந்த கிராமங்களுக்கு அனுப்பி விட வேண்டுமென்ற ஆலோசனையை, எல்லாவற்றையும் அறிந்த ஆலோசனைக் கர்த்தரிடமே சொல்லுகிறார்கள். நாமும் கூட நாம் விரும்பும் வகையில் இயேசு செயல்படும்படியாக அவருக்கே ஜெபத்தில் ஆலோசனை கொடுக்கிறோம் அல்லவா? இது இயேசு சகலத்தையும் அதினதின் காலத்தில் நேர்த்தியாகச் செய்கிறவர் என்பதை நாம் விசுவாசிக்கவில்லை என்பதையே காட்டுகின்றன.

இயேசு சீஷர்களிடம் ஜனங்களுக்கு போஜனம் கொடுக்கும்படி கூறிய போது, கொஞ்சங் கொஞ்சம் கொடுத்தாலும், இருநூறு பணத்துக்கு அப்பம் வாங்கினாலும் போதாதே என்று பிலிப்பும் (யோ.6:7) மற்ற சீஷரும் கூறுகிறார்கள். ஒரு பையனிடம் ஐந்து வாற்கோதுமை அப்பங்களும் இரண்டு மீன்களும் உண்டு என்று அந்திரேயா கூறுகிறார் (யோ. 6:9). கானா ஊர் கலியாண வீட்டின் வேலைக்காரர் இயேசு சொன்னபடியே கற்சாடிகளில் தண்ணீரை நிரப்பி, அதை பரிமாறும்படியும் இயேசு கூறிய வார்த்தைகளுக்கு அப்படியே கீழ்ப்படிந்தார்கள். இதுவரை இயேசு அற்புதம் செய்ததேயில்லை. அவர் அற்புதம் செய்வார் என்றும் அவர்களுக்குத் தெரியாது. ஆனாலும் கீழ்ப்படிந்தார்கள், அற்புதம் நடந்தது. ஆனால் இயேசு செய்த அநேக அற்புதங்களைக் கண்ணார கண்டிருந்த சீஷர்கள், சூழ்நிலையை கண்டபோது இயேசுவால் அற்புதம் செய்ய முடியும் என்பதை விசுவாசிக்கவில்லை.

நாமும் கூட இயேசு அவருக்கு சித்தமானதை செய்யும்படி உணர்த்தும் போது, அவர் நமக்கு உதவி செய்ய வல்லவர் என்பதை மறந்து, நம் சூழ்நிலையையும், இயலாமையையும் கூறிக்கொண்டு பின் வாங்குகிறோம். நம் வாழ்வில் கர்த்தர் செய்த அற்புதங்களையும், பிறரது அற்புத சாட்சிகளைக் கேட்டும் நம் விசுவாசம் கிரியை செய்யாதபடி பல நேரங்களில் சோர்வடைந்து விடுகிறோம். அப்படியானால், "ஆண்டவரே, என் அவிசுவாசம் நீங்கும்படி செய்து, என் விசுவாசம் வர்த்திக்க உதவி செய்யும்" என்று ஜெபித்து, நம் விசுவாச வாழ்வில் முன்னேறுவோமாக!

-Mrs. கீதா ரிச்சர்ட்

ஜெபக்குறிப்பு:-
இந்தியாவில் மேலும் 15 மாநிலங்களில் மிஷனெரி பணித்தளம் ஆரம்பிக்கப்பட்ட ஜெபியுங்கள்

*Whatsapp*
To receive this Daily Devotion in Tamil, English, Hindi, Malayalam, Telugu, Kannada, Punjabi and Oriya on WhatsApp, Please contact *+91 94440 11864*

Website: www.vmm.org.in
Email: [email protected]
Android App: https://play.google.com/store/apps/details?id=com.infobells.vmmorgin

Village Missionary Movement,
Virudhunagar, India – 626001
For Prayer Support: +91 94873 67663, +91 94424 93250