श्री स्वामी समर्थ मठ, भुईगांव

|| श्री स्वामी समर्थ ||

भुईगांवच्या निसर्गरम्य परिसरातील या मठात प्रवेश केल्यावर मन खरोखरच प्रसन्न होते आणि या मठातील श्री स्वामींची चैतन्यमय मूर्ति बघताक्षणीच तर साक्षात स्वामी अवतरल्याचा अनुभव येतो, असा अभिप्राय अनेक स्वामीभक्तांनी नोंदवला आहे.
हाच अनुभव घेण्यासाठी आपणही अवश्य दर्शनाला या.

----------------------------------------------------------------------------------------------------
|

|श्री स्वामी समर्थ||

उपक्रम व उत्सव

मठातील दैनंदिन कार्यक्रम
सकाळी ७ ते ७.० आरती
दुपारी १२ ते १२.३० नैवेद्द्य आरती
संध्याकाळी ७ ते ७.३० धूपारती

दर्शनाची वेळ सकाळे ७ ते रात्रौ १०.०० वाजेपर्यंत
( स्वामी दर्शनासाठी मठ दुपारी खुला असेल.)

---------------------------------------------------------------------------------------------------
मठातील साप्ताहिक कार्यक्रम

मंगळवार रात्रौ ८.३० ते९.०० नामजप (श्री स्वामी समर्थ जप १०८ वेळ)
बुधवार रात्रौ ८ ते ९. मठ स्वच्छता (इच्छुक भक्तगण या सेवेत सहभागी होऊ शकतात)
गुरुवार रात्रौ ८ ते ९.३० पोथीवाचन व नामोपासना
शनिवार रात्रौ ८ ते ९ हरिपाठ
----------------------------------------------------------------------------------------------------
श्री स्वामी मठात होणारे वार्षिक उत्सव

तिथी उत्सव

माघ शुध्द व्दादशी वर्धापन सोहळा
चैत्र शुध्द व्दितीया श्री स्वामी जयंती
चैत्र कृष्ण त्रयोदशी श्री स्वामी पुण्यतिथी
आषाढ पौर्णिमा श्री गुरु पौर्णिमा उत्सव
मार्गशीर्ष पौर्णिमा श्री दत्त जयंती उत्सव
----------------------------------------------------------------------------------------------------
मठाव्दारे आयोजित केले जाणारे विविध उपक्रम

प्रत्येक पौर्णिमेस किर्तन रात्रौ ८ ते १०
अक्कल्कोट दर्शन यात्रा दिंडी पालखी सोहळा (आक्टोबर)
अक्कल्कोट येथील स्वयंभू पादुका दर्शन सोहळा (नोव्हेंबर किंवा डिसेंबर महिन्यात)
सामुदायिक पोथीवाचन (श्री स्वामी जयंती)
अखंड नाम:स्मरण (श्री स्वामी पुण्यतिथी)
वेळोवेळी भरवण्यात येणारीआरोग्य शिबीरे - रक्तदान,नेत्रचिकीत्सा(मोफत चष्मा वाटप)वैगरे
----------------------------------------------------------------------------------------------------

येथील प्रत्येक उपक्रम म्हणजे भक्तीरसात न्हाऊन निघण्याची पर्वणीच असते.आपण प्रत्यक्ष उपस्थित राहून प्रत्ययानंद घ्या.
त्यासाठीच प्रेमाचे निमंत्रण

----------------------------------------------------------------------------------------------------
रेल्वेने
भुईगांव स्वामी मठात येण्यासाठी

मुबंईच्या पश्चिम उपनगरी रेल्वेने यावे.
वसई स्टेशन (प.) किंवा नालासोपारा स्टेशन (प.) .दोन्ही स्टेशन्सच्या चर्चगेट एण्डला बसस्टॉप आहेत
येथून भुईगांव बसेस सुटतात. बसचा शेवटचा थांबा भुईगांव नाका सांगणे. येथून पाच मिनिटाच्या अंतरावर श्री स्वामींचा मठ आहे. (वसई पेक्षा नालासोपा-याहून बससेवा जास्त आहे.)
---------------------------------------------------------------------------------------------------
रस्त्याने (खाजगी वाहनाने)
भुईगांव स्वामी मठात येण्यासाठी

वसई मार्गे किंवा नालासोपारा मार्गे असे दोन मार्ग आहेत.

वसई मार्गे येण्यासाठी

१) ठाणे - धोडबंदर रोड
२) मुबंई अहमदाबाद हायवे - वसई फाटा
३) वसई स्टे.(प.)- बाभोळा नाका
४) बंगली रोड - देवतलाव
५) निर्मळ रोड - भुईगाव फाटा
६) भुईगाव फाटा - भुईगांव मठ

वसई हायवे ते भुईगांव मठ साधारण १७ कि.मी. अंतर आहे.

नालासोपारा मार्गे येण्यासाठी

१) ठाणे - घोडबंदर
२) मुबंई - अहमदाबाद माहामार्ग नालासोपाराफाट्यापर्यंत यावे
३) नालासोपारा(प.)-चक्रेश्वर तलाव
४) गास-भुईगांव फाटा
५) भुईगांव फाटा -भुईगांव मठ

नालासोपारा हायवे ते भुईगांव मठ साधारण अंतर १४ कि.मी आहे.

वसईपेक्षा नालासोपार्‍याहून आपणांस जवळ पडेल

आपण अवश्य यावे.


||श्री स्वामी समर्थ जय जय स्वामी समर्थ ||
----------------------------------------------------------------------------------------------------

असा झाला मठ
या मठाचे प्रणेते श्री संदीप म्हात्रे यांच्या निवासस्थानी दहा वर्षापूर्वी श्रावण महिन्याच्या गुरुवारी घरच्या घरी श्री स्वामींच्या उपासनेचा श्रीगणेशा झाला. ज्योतीने ज्योत लावावी त्याप्रमाणे दर गुरुवारी या उपासनेस भक्तांची उपस्थिती वाढू लागली.त्यातूनच "श्री स्वामी समर्थ सेवा परिवाराची" स्थापना झाली.उपासनेस येणार्‍या भक्तांची उपस्थिती वाढतच होती त्यामुळे घर अपुरे पडू लागले. तसेच घरातील कौटूंबिक अडचणींमुळे उपासनेत खंड पडू नये म्ह्णून श्री स्वामींचा मठ बांधण्याचे व त्यासाठी जागेचा शोध घेण्याचे निश्चित झाले. योगायोगाने श्री संदीपभाऊंच्या घराशेजारील जागेत औदुंबराचे रोपटे व त्याच्या बरोबर कडूलिबांचे रोपटे श्री संदीपभाऊंच्या मातोश्रीना दिसले. आणि हाच स्वामींचा कौल मानून याच पवित्र ठिकाणी मठ बांधण्याचे निश्चित झाले.
आणि या विलोभनीय मठात चैतन्यमय असे साक्षात स्वामी विराजमान झाले.

|| श्री स्वामी समर्थ महाराज की जय ||

------------------------------------------------------------------------------------

अधिक माहिती साठी संपर्क:
श्री संदीप म्हात्रे श्री सतीश देव
मोबाईल क्र. 9930607550 मोबाईल क्रमांक 8097918474