13/08/2025
ਰੂਹ ਨੂੰ ਕੰਬਾ ਕੇ ਰੱਖ ਦੇਣ ਵਾਲੀ ਕੁਰਬਾਨੀ( #ਪੜੋ ਅਤੇ #ਸ਼ੇਅਰ ਕਰੋ)
ਆਜ਼ਾਦੀ ਦੀ ਪਹਿਲੀ ਜੰਗ ਵਿੱਚ ਸਾਕਾ ਮਲੇਰ ਕੋਟਲਾ 'ਚ ਵਾਪਰੇ ਕੂਕਿਆਂ ਦੇ ਸ਼ਹੀਦੀ ਸਾਕੇ ਨੇ ਅੰਗਰੇਜ਼ਾਂ ਦੇ ਪੈਰਾਂ ਹੇਠੋਂ ਜ਼ਮੀਨ ਖਿਸਕਾ ਦਿੱਤੀ ਸੀ, ਅਤੇ ਇਸ ਸਾਕੇ 'ਚ 1872 ਨੂੰ ਹੋਈ 12 ਸਾਲਾ ਸ਼ਹੀਦ ਬਿਸ਼ਨ ਸਿੰਘ ਦੀ ਸ਼ਹੀਦੀ ਨੂੰ ਮੈਂ ਸਿੱਖਾਂ ਅਤੇ ਪੰਜਾਬੀਆਂ ਦੀ ਅਣਖ, ਦੇਸ਼ ਭਗਤੀ ਅਤੇ ਜਨੂੰਨ ਦਾ ਜਲੌਅ ਮੰਨਦਾ ਹਾਂ, ਜਿਸਨੂੰ ਸਰਾਭੇ, ਭਗਤ ਸਿੰਘ ਅਤੇ ਊਧਮ ਸਿੰਘ ਵਰਗੇ ਸੂਰਮਿਆਂ ਨੇ ਹੋਰ ਰੌਸ਼ਨ ਕੀਤਾ।
ਅਣਭੋਲ ਉਮਰ ਦੇਖ ਡੀ.ਸੀ. ਕਾਵਨ ਦੀ ਪਤਨੀ ਨੇ ਬੱਚੇ ਨੂੰ ਛੱਡ ਦੇਣ ਲਈ ਕਿਹਾ, ਪਰ ਕਾਵਨ ਨੇ ਕਿਹਾ ਕਿ ਜੇਕਰ ਬੱਚਾ ਕਹਿ ਦੇਵੇ ਮੈਂ ਸਤਿਗੁਰੂ ਰਾਮ ਸਿੰਘ ਦਾ ਸਿੱਖ ਨਹੀਂ, ਤਾਂ ਮੈਂ ਛੱਡ ਦੇਵਾਂਗਾ। ਦੋਵਾਂ ਦੀਆਂ ਗੱਲਾਂ ਸੁਣ ਬਿਸ਼ਨ ਸਿੰਘ ਨੇ ਕਿਹਾ ਕਿ ਮੈਂ ਅੰਗਰੇਜ਼ ਅਫ਼ਸਰ ਦੇ ਕੰਨ ਵਿੱਚ ਕਹਾਂਗਾ। ਜਦੋਂ ਡੀ.ਸੀ. ਕਾਵਨ ਨੇ ਬਿਸ਼ਨ ਸਿੰਘ ਦੀ ਗੱਲ ਸੁਣਨ ਲਈ ਝੁਕਿਆ ਤਾਂ ਬਿਸ਼ਨ ਸਿੰਘ ਨੇ ਕਾਵਨ ਦੀ ਦਾੜ੍ਹੀ ਨੂੰ ਝਪੱਟਾ ਮਾਰ ਲਿਆ ਤੇ ਕਾਵਨ ਦੀਆਂ ਚੀਕਾਂ ਨਿੱਕਲ ਗਈਆਂ। ਕੋਲ ਖੜ੍ਹੇ ਸਿਪਾਹੀਆਂ ਨੇ ਬਿਸ਼ਨ ਸਿੰਘ ਦੇ ਛੋਟੇ ਛੋਟੇ ਹੱਥ ਟੋਟੇ ਟੋਟੇ ਕਰ ਦਿੱਤੇ, ਪਰ ਕਾਵਨ ਦੀ ਦਾੜ੍ਹੀ ਹਾਲੇ ਵੀ ਉਸਦੇ ਹੱਥ ਵਿੱਚ ਸੀ।
ਕੁਰਬਾਨੀ ਦੀ ਐਨੀ ਵੱਡੀ ਮਿਸਾਲ ਹੋਰ ਕਿਥੇ ਮਿਲੂਗੀ ??
