https://www.facebook.com/1601260810090120/

Shree Jagannath Mahaprabhu Seva & Puja, Jagannath Temple Puri, Puri (2026)

16/02/2026

Har Har Mahadev🙏🔱

31/01/2026

Om Namah Parvati Pataye Har Har Mahadev
ଶ୍ରୀ ଶ୍ରୀ ଓଁକାରେଶ୍ୱର ମହାଦେବ ଙ୍କ ମାଘମାସ ପୁର୍ଣିମା ତିଥିରେ ପଦ୍ମମୁଖ ବେଶ ଅନୁଷ୍ଠିତ ହେବ
ତା - ୦୧.୦୨.୨୦୨୬ ( ରବିବାର )

Padmamukha Vesha will be held on the Purnima day of Magha month of Shree Shree Omkareshwar Mahadev
Date - 01.02.2026 ( sunday )

At- Omkareshwar Temple ,Puri

10/10/2025

ଜଗନ୍ନାଥଙ୍କ ଦୂତ
ସମ୍ବାଦ - ରାଜାରାମ ଶତପଥି

ବଡ଼ଦାଣ୍ଡରେ ଗୋଡ଼ ଦେଲା ମାତ୍ରେ ଆପଣଙ୍କୁ ଭେଟିବେ କେହି ଜଣେ ପଣ୍ଡା। “କେଉଁଠୁ ଆସିଛନ୍ତି, ଯଦି ଚାହାନ୍ତି ମୁଁ ଆପଣଙ୍କୁ ଜଗନ୍ନାଥ ଦର୍ଶନ, ଭୋଗ, ବେଢ଼ା ପରିକ୍ରମା, ଅଭଡ଼ା ଭୋଜନରେ ସାହାଯ୍ୟ କରିବି। ପ୍ରଭୁଙ୍କ ବିଜେସ୍ଥଳୀକୁ ଆସିଛନ୍ତି, ତୀର୍ଥ କ୍ଷେତ୍ର, ଧର୍ମ କାର୍ଯ୍ୟ, ଯାହା ଇଛା ମୋତେ ଦେବେ,” ସତର୍କତାର ସହ ସେ ଆପଣଙ୍କୁ ପ୍ରଶ୍ନ କରିବେ। ଅନେକ ବାଟ ଆଡ଼େଇ ଚାଲିଯାନ୍ତି, କିନ୍ତୁ ସମ୍ମତି ମିଳିଲେ ଅଣନିଶ୍ୱାସୀ ହୋଇପଡୁଥିବା ଭିଡ଼ ଭିତରେ ଆପଣଙ୍କୁ, ବୟସ୍କ ହୋଇଥିଲେ ହାତ ଧରି, ପଣ୍ଡା ଜଣକ ମନ୍ଦିରକୁ ନେଇଯିବେ। ଦର୍ଶନ ପରେ ଘଡ଼ିଏ ଛିଡ଼ା ହେବା ଭିତରେ କେହି କେହି ‘ଆପଣ ନଥିଲେ ଜଗନ୍ନାଥ ଦର୍ଶନ ସମ୍ଭବ ହୋଇ ନଥାନ୍ତା’ ବୋଲି ସୌଜନ୍ୟ ପ୍ରକାଶ କରନ୍ତି ତ ଆଉ କିଏ ତାଙ୍କ ମୋବାଇଲ ନମ୍ବର ଭବିଷ୍ୟତରେ ସମ୍ଭାବ୍ୟ ଦର୍ଶନ ଆଶାରେ ଟିପି ରଖନ୍ତି। ଏବେ ପାରିଶ୍ରମିକ କଥା, ଭାବୁଥିବେ ସେ ମୋଟା ଅଙ୍କର ଟଙ୍କା ମାଗିବେ। କିନ୍ତୁ ନୁହେଁ, ଝାଳରେ ବୁଡ଼ିଥିବା ତାଙ୍କ ହାତ ପାପୁଲିରେ କିଏ ୨୦ ଟଙ୍କିଆ ନୋଟଟେ ଗୁଂଜି ଦିଅନ୍ତିତ ଆଉ କିଏ ତାଙ୍କ ଅସନ୍ତୁଷ୍ଟ ମୁହଁକୁ ଦେଖି ୫୦ ଟଙ୍କାରେ କାମ ସାରିଦିଅନ୍ତି। ୧୦୦ ଟଙ୍କା ପାଉଣା କ୍ବଚିତ। ବଡ଼ଦାଣ୍ଡର ଧୂଳିରୁ ତୀର୍ଥଯାତ୍ରୀ ଗୋଟେଇ ପେଟ ପୋଷୁଥିବା ଏହି ପଣ୍ଡାମାନେ ‘ଧୁଳିଆ ପଣ୍ଡା’ ଭାବରେ ପରିଚିତ। ଏମାନଙ୍କ ସଂଖ୍ୟା ୫୦୦ରୁ ଅଧିକ, ଦୈନିକ ମୁଣ୍ଡପିଛା ଆନୁମାନିକ ରୋଜଗାର ୩୦୦ ଟଙ୍କାରୁ କମ୍। ରଥଯାତ୍ରା, ଅନ୍ୟାନ୍ୟ ପର୍ବରେ ଅଧିକ ଯାତ୍ରୀ ସମାଗମ ହେଲେ ସେମାନଙ୍କ ରୋଜଗାର ଟିକେ ବଢ଼ି ଯାଏ।

ଜଗନ୍ନାଥ ମନ୍ଦିର ଏବଂ ଯାତ୍ରୀ ପରିଚାଳନା (ଯାତ୍ରୀ ବ୍ୟବସାୟ) ଏକ ଆଧୁନିକ ବ୍ୟବସ୍ଥା ନୁହେଁ, ଶହ ଶହ ବର୍ଷର ପୁରୁଣା ପ୍ରଥା, ସେବକମାନଙ୍କର ପାରମ୍ପରିକ ବୃତ୍ତି, ଏବେ ବି ଜୀବିତ। ଏମାନଙ୍କୁ ମୁଖ୍ୟତଃ ‘କୌଳିକ ପଣ୍ଡା’ ବା ‘ତୀର୍ଥଗୁରୁ’ ବୋଲି ସମସ୍ତେ ଜାଣନ୍ତି। ଧୁଳିଆ ପଣ୍ଡା କେବଳ ଏକ ସ୍ଥାନୀୟ ସଂସ୍କରଣ। ସେମାନଙ୍କ କାର୍ଯ୍ୟ ପରିସର ବସ୍ତୁତଃ ପ୍ରତିଦିନ ପୁରୀ ଆସୁଥିବା ସାଧାରଣ ଯାତ୍ରୀଙ୍କ ଭିତରେ ସୀମିତ। ତେବେ ଜଗନ୍ନାଥ ଦର୍ଶନ ପାଇଁ ଅନେକ ନେତା, ରାଜା, ସିନେମା ସେଲିବ୍ରିଟି, ଶିଳ୍ପପତି ତଥା ଉଚ୍ଚ ପଦରେ ଥିବା ପ୍ରତିଷ୍ଠିତ ବ୍ୟକ୍ତି ଭାରତର ବିଭିନ୍ନ ପ୍ରଦେଶରୁ ଏବଂ ବିଦେଶରୁ ଆସନ୍ତି। ଆଶ୍ଚର୍ଯ୍ୟ ଲାଗିପାରେ, କାଁ ଭାଁ ବ୍ୟତିକ୍ରମ ବ୍ୟତୀତ, ‘କୌଳିକ ପଣ୍ଡା’ଙ୍କ ଉପସ୍ଥିତି ବିନା ଆଜିପର୍ଯ୍ୟନ୍ତ କେହି ଦିଅଁ ଦର୍ଶନ କରି ଫେରିନାହାନ୍ତି। ନିକଟରେ ରାଷ୍ଟ୍ରପତି ରାମନାଥ କୋବିନ୍ଦ ଶ୍ରୀମନ୍ଦିରରେ ପହଂଚିବା ପୂର୍ବରୁ ସୁରକ୍ଷା ଦୃଷ୍ଟିରୁ ମନ୍ଦିର ବେଢ଼ାକୁ କେବଳ ସେହି ସମୟରେ ନୀତି ପାଇଁ ଆବଶ୍ୟକ ସେବକଙ୍କୁ ଛାଡ଼ି ଖାଲି କରାଯାଇଥିଲା। କିନ୍ତୁ ମନ୍ଦିର ଭିତରକୁ ରାଷ୍ଟ୍ରପତିଙ୍କୁ ପାଛୋଟି ନେବା ପାଇଁ ସିଂହଦ୍ୱାରରେ ଅପେକ୍ଷା କରିଥିବା ହାତ ଗଣତି ପଦାଧିକାରୀଙ୍କ ମଧ୍ୟରେ ଜଣେ ସ୍ୱତନ୍ତ୍ର ଅନୁମତିପ୍ରାପ୍ତ ବ୍ୟକ୍ତି ଥିଲେ। ସେ ଅଫିସର କି ପୋଲିସ ନୁହନ୍ତି, ଜଣେ ସେବକ, ରାଷ୍ଟ୍ରପତିଙ୍କ ‘କୌଳିକ ପଣ୍ଡା’। ଅନୌପଚାରିକ ଭାବରେ କହିଲେ ଜଗନ୍ନାଥ ଦର୍ଶନ କରାଇବାରେ ତାଙ୍କର ପ୍ରଥମ ଅଧିକାର। ଅତୀତରେ ରାଷ୍ଟ୍ରପତିଙ୍କ ବାପା ପୁରୀ ଆସିଥିଲା ବେଳେ (ଅକ୍ଟୋବର ୯, ୧୯୪୭) ତାଙ୍କ ପରିବାରର ସହଯୋଗରେ ଜଗନ୍ନାଥ ଦର୍ଶନ କରିଥିଲେ ଏବଂ ପ୍ରମାଣ ସ୍ୱରୂପ ଏକ ଖାତାରେ (ଦସ୍ତଖତୀ) ଦସ୍ତଖତ କରିଥିଲେ। ସେହିଭଳି ଆଉ ଜଣେ ସେବକ କହନ୍ତି ସେ ମହାତ୍ମା ଗାନ୍ଧୀଙ୍କ ପରିବାରର କୌଳିକ ପଣ୍ଡା। ଶହେ ବର୍ଷ ପୂର୍ବେ ମହାତ୍ମା ଜଗନ୍ନାଥ ଦର୍ଶନ କରିବା ପରେ ଗୁଜରାଟୀ ଭାଷାରେ ପାରିବାରିକ ଦସ୍ତଖତୀରେ ସ୍ବାକ୍ଷର କରିଥିବା ସେ ଦାବି କରନ୍ତି। ନିକଟରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ନିର୍ବାଚନ ପ୍ରଚାର ପୂର୍ବରୁ ଘରେ ଆୟୋଜିତ ପୂଜା ଯଜ୍ଞ ପାଇଁ ପୁରୀରୁ ତାଙ୍କ ପାରିବାରିକ ପଣ୍ଡାଙ୍କୁ ଡାକିଥିଲେ।

କୌଳିକ ପଣ୍ଡା କିଏ?, ଦସ୍ତଖତୀ କ’ଣ?, ଜଗନ୍ନାଥ ଦର୍ଶନ ପାଇଁ ଜଣେ ସେବକଙ୍କ ଆବଶ୍ୟକତା କାହିଁକି? ଆଧୁନିକ ଚଳଣି ଇଲାକାରେ ଖୋଦ ଈଶ୍ୱର ଯେତେବେଳେ ଗୌଣ ହୋଇଯାଉଛନ୍ତି, ଏହି ସବୁ ପ୍ରଶ୍ନ ଆମକୁ ଆନ୍ଦୋଳିତ କରିବା ସ୍ୱାଭାବିକ। ମାନବିକ ମୂଲ୍ୟବୋଧର ବିବର୍ତ୍ତିତ ଜଳବାୟୁରେ ଗୋଟାଏ ଧୂସର ଧୋତି, ଖଣ୍ଡେ ପତଳା ଚାଦର ଓ ନାଲି ଗାମୁଛାରେ ଫୁଙ୍ଗୁଳା ଦେହକୁ ଢାଙ୍କି କେହି ନିଜକୁ ଯୁଗ ଯୁଗର ଦେବତାଙ୍କ ଗାଇଡ୍ ବୋଲି ଯେତେ କହିଲେ ବି ନୂଆ ପିଢ଼ିର ଦର୍ଶନାର୍ଥୀଙ୍କ ମନ ଜିଣିବା ଅବଶ୍ୟ କଷ୍ଟ। ଜଗନ୍ନାଥ ସେବକଙ୍କର ଅବସନ୍ନ ଭାବମୂର୍ତ୍ତି ପାଇଁ ଇତିହାସ ବି ସେମାନଙ୍କ ପ୍ରତି କିଛି କମ୍ ନିଷ୍ଠୁର ହୋଇନି। ଦେଶ ବିଦେଶର ଗବେଷକଙ୍କ ଅଜସ୍ର ଲେଖାରେ ଜଗନ୍ନାଥଙ୍କୁ ପ୍ରକୃତରେ ଜଗତ୍‌ର ନାଥ ବୋଲି ଦୁନିଆକୁ ଚିହ୍ନେଇଥିବା ଏହି ପଣ୍ଡାମାନଙ୍କ ଐତିହାସିକ ଭୂମିକାର ବ୍ୟାଖ୍ୟାନ ତ ସ୍ବପ୍ନ, ସମବେଦନାର ଶବ୍ଦଟିଏ ମଧ୍ୟ ଦେଖିବାକୁ ମିଳେନାହିଁ। ସତେ ଯେମିତି ସେମାନେ ଅପାଂକ୍ତେୟ। ସବୁ ଭୁଲ୍ ପାଇଁ ପ୍ରଥମେ ଅଙ୍ଗୁଳି ଉଠେ ସେମାନଙ୍କ ଉପରକୁ। ରଥ ଚକା ତଳେ ଜୀବନ ହାନି ଅବା ମନ୍ଦିରରେ ଭିଡ଼, ନୀତି ବିଭ୍ରାଟ କିମ୍ବା ଯାତ୍ରୀ ଅସନ୍ତୋଷ ସେମାନେ ସବୁବେଳେ ବିଦ୍ରୂପର ବିନ୍ଦୁ। ଅନେକ ଗବେଷକ ସେମାନଙ୍କୁ ‘ଅଜ୍ଞ, ଲୋଭୀ, ଶୋଷକ, ଯାତ୍ରୀ ଶିକାରୀ, ଅତ୍ୟାଚାରୀ ଭଳି ଶବ୍ଦରେ ଚିତ୍ରଣ କରିଛନ୍ତି। ତେବେ ରାମଚନ୍ଦ୍ରଙ୍କ ମୁହଁକୁ ଚାହିଁ ନାମହୀନ ବାନର ମାନେ ସେତୁବନ୍ଧ ନିର୍ମାଣ କରିଥିବା ଭଳି ଜଗନ୍ନାଥଙ୍କ ପାଇଁ ସେବକମାନେ ସବୁ ଅପବାଦକୁ ଉଦରସ୍ଥ କରିଛନ୍ତି। ଟିକେ ଭାବିଲେ, ଅଗମ୍ୟ ଜଙ୍ଗଲ ଭିତରେ ପାହାଡ଼ି ଗୁମ୍ଫାରୁ ଜଗନ୍ନାଥଙ୍କୁ ଆଣି ତାଙ୍କୁ ବିଶ୍ୱ ଦେବତା ରୂପରେ ସଜେଇବା ଶ୍ରେୟର ଅଧିକାରୀ ଏହି ସେବକମାନଙ୍କ ବ୍ୟତୀତ ଆଉ କିଏ ହୋଇପାରନ୍ତି? ଜଗନ୍ନାଥଙ୍କ ଅସ୍ତିତ୍ବ ଲୋପ ପାଇଁ ବିଧର୍ମୀମାନଙ୍କ ତୁହାକୁ ତୁହା ଆକ୍ରମଣ (୧୮ ଥର) ବେଳେ ଜୀବନକୁ ବାଜି ଲଗେଇ ସେବକମାନେ ସେତେବେଳେ ଦାରୁ ବିଗ୍ରହଙ୍କୁ ଚିଲିକା ଭିତରେ ତ ଆଉ କେତେବେଳେ ଘଞ୍ଚ ଜଙ୍ଗଲରେ ଯଦି ଲୁଚେଇ ରଖି ନ ଥାନ୍ତେ, ଓଡ଼ିଆ ସ୍ୱାଭିମାନର ଏହି ଦୀପ ବୋଧହୁଏ କୋଉ କାଳରୁ ଲିଭି ସାରନ୍ତାଣି।

ଜଗନ୍ନାଥ ଓଡ଼ିଶାର ଠିକଣା, ଅନନ୍ୟ ସୁଲଭ ଓଡ଼ିଆ ଆତିଥେୟତା ଓ ସଂସ୍କୃତିର ପ୍ରତୀକ, ଆତ୍ମନିର୍ଭରତାର ନିଦର୍ଶନ (ଖାଣ୍ଟି ଓଡ଼ିଆ ଛାପ ନଥିବା ପରିବା, ଫଳ ଓ ଅନ୍ୟାନ୍ୟ ଭୋଗ ସାମଗ୍ରୀ, ବେଶ ଅବା ପର୍ବ ଆଜି ପର୍ଯ୍ୟନ୍ତ ମନ୍ଦିରରେ ନୀତି ବିବର୍ଜିତ), ସେ ସମସ୍ତଙ୍କର (ଜଗନ୍ନାଥଙ୍କ ସେବକମାନେ ବ୍ରାହ୍ମଣ ଏକ ଭ୍ରାନ୍ତ ଧାରଣା, ଅନେକ ଶୂଦ୍ର ସେବକ ପୁରୁଷାନୁକ୍ରମେ ମନ୍ଦିର ଭିତରେ ସେବାପୂଜାରେ ନିୟୋଜିତ), ସବୁ ଆସ୍ଥାର ସଙ୍ଗମ ସ୍ଥଳ। ଏହି କଥା କହିବାକୁ କୌଣସି ରାଜା କେବେ ଭାରତ ଭ୍ରମଣରେ ଯିବାର ଦୃଷ୍ଟାନ୍ତ ନାହିଁ। ଯଦି କିଏ ଯାଇଥିଲେ ସେମାନେ ଏହି ପଣ୍ଡା। ନିର୍ମାଲ୍ୟ, ଶୁଖିଲି ଭୋଗ, ତୁଳସୀ ଧଣ୍ଡା ଧରି ପଣ୍ଡାମାନେ ଭାରତର ଗାଁ ଗାଁ ବୁଲି ଜଗନ୍ନାଥଙ୍କ ବିଶେଷତ୍ୱ ପ୍ରଚାର କରନ୍ତି। ଅତୀତରେ ଭାରତ ଓ ବିଦେଶରୁ ଯେତେ ସାଧୁ, ସନ୍ଥ, ରାଜା ଓ ସାଧାରଣ ଲୋକ ଜଗନ୍ନାଥଙ୍କୁ ଦେଖିବାକୁ ଆସିଛନ୍ତି ପଣ୍ଡାମାନଙ୍କର ଏହି ଅଭିନବ ଉଦ୍ୟମ ତା’ର ମୂଳଦୁଆ ଏବଂ ବର୍ତ୍ତମାନ ସମୟର ‘ଟୁରିଜିମ ମାର୍କେଟିଙ୍ଗ ଓ ପ୍ୟାକେଜ ଟୁର’ର ଆଦ୍ୟ ସଂସ୍କରଣ କହିବା ଭୁଲ ହେବ ନାହିଁ। ପଣ୍ଡାମାନେ ଅଣଓଡ଼ିଆ ଯାତ୍ରୀଙ୍କ ପାଇଁ ଅନ୍ୟ ଭାଷା ଶିଖନ୍ତି। ଭାରତର ଅନ୍ୟ ତୀର୍ଥସ୍ଥାନରେ ପର୍ଯ୍ୟଟକମାନେ ଭାଷା ଦୃଷ୍ଟିରୁ ଅସୁବିଧାର ସମ୍ମୁଖୀନ ହେଉଥିଲା ବେଳେ ଜଗନ୍ନାଥ ଧାମରେ ଏହି ନିଆରା ପରମ୍ପରା ଅନଙ୍ଗଭୀମ ଦେବଙ୍କ ସମୟରୁ ଚଳିଆସୁଛି। ସାଧାରଣ ଲୋକଙ୍କ ଭିତରେ ସେବକଙ୍କ ଗଭୀର ଗ୍ରହଣୀୟତା ଦେଖି ଗଙ୍ଗ ରାଜା ସେମାନଙ୍କୁ ରାଜ୍ୟ ପାଇଁ କୂଟନୀତିଜ୍ଞର (ଗୁପ୍ତଚର) ଦାୟିତ୍ୱ ମଧ୍ୟ ଦେଇଥିଲେ। ୧୮୫୭ରେ ଝାନ୍‌ସୀ ରାଣୀ ଲକ୍ଷ୍ମୀବାଇଙ୍କ ସହିତ ସ୍ୱାଧୀନତା ଆନ୍ଦୋଳନରେ ଯୋଗ ଦେଇଥିବା ଚାଖି ଖୁଣ୍ଟିଆ (ଚନ୍ଦନ ହଜୁରୀ) ଏହାର ପ୍ରମାଣ। ସେ ଲକ୍ଷ୍ମୀବାଇଙ୍କ ପୈତୃକ କୌଳିକ ପଣ୍ଡା ଥିଲେ, ବାପାଙ୍କ ସହ ମଧ୍ୟ ଭାରତ ବୁଲିବା ସମୟରେ ଅନେକ ଗୁପ୍ତ ତଥ୍ୟ ସଂଗ୍ରହ କରିଥିଲେ।
ଭାରତରେ ଅନେକ ପ୍ରସିଦ୍ଧ ମନ୍ଦିର ଅଛି। କିନ୍ତୁ କୌଣସି ନିର୍ଦ୍ଦିଷ୍ଟ ତୀର୍ଥକ୍ଷେତ୍ର ଓ ସେଠାରେ ଅଧିଷ୍ଠିତ ଦେବତାଙ୍କ ମୌଳିକ ସତ୍ୟକୁ ଶହ ଶହ ବର୍ଷ ଧରି ସାଧାରଣ ଲୋକଙ୍କ ପାଖରେ ପହଞ୍ଚାଇବାରେ ଜଗନ୍ନାଥ ସେବକଙ୍କ ଭୂମିକାର ଦ୍ୱିତୀୟ ଉଦାହରଣ ବିରଳ। ସେମାନଙ୍କ ନେତୃତ୍ୱରେ ଅନ୍ୟ ପ୍ରଦେଶରୁ ଯାତ୍ରୀମାନେ ପୁରୀ ଆସନ୍ତି, ବାଟରେ ଓଡ଼ିଶାର କଳା କୀର୍ତ୍ତି, ମନ୍ଦିର ଦେଖାଇବା ସହ ପୁରୀରେ ସେମାନଙ୍କ ରହଣି, ଭୋଜନର ବ୍ୟବସ୍ଥା କରନ୍ତି। ଇଂରେଜମାନେ ସ୍ବଭାବତଃ ସନ୍ଦେହୀ। ସେମାନେ ପର୍ଯ୍ୟଟକଙ୍କ ଠାରୁ ପୁରୀ ପ୍ରବେଶ ପାଇଁ ପୂର୍ବରୁ ପ୍ରଚଳିତ ଯାତ୍ରୀ କର ଆଦାୟ ସହିତ ଛାପା ଫର୍ମରେ ସେମାନଙ୍କ ନାମ, ଠିକଣା, ରହଣି ଅବଧିର ବିବରଣୀ ରଖୁଥିଲେ। ରାଜ୍ୟର ସୀମା, ଯୋବ୍ରା ଓ ଅଠରନଳା ସମେତ ଅନ୍ୟ ଘାଟରେ ଏଥିପାଇଁ ପହରାଦାର ଥିଲେ। ଯାତ୍ରୀମାନେ ପ୍ରାୟତଃ ଲେଖା ପଢ଼ା ଜାଣିନଥିବା ଯୋଗୁଁ ସେବକମାନଙ୍କୁ ହିଁ ସବୁ କାମ କରିବାକୁ ପଡୁଥିଲା। ବ୍ରିଟିସ୍‌ ଐତିହାସିକ ହଣ୍ଟରଙ୍କ ରିପୋର୍ଟ ଅନୁଯାୟୀ ଜଗନ୍ନାଥ ସେବକମାନେ ଦେଶ ସାରା ଭ୍ରମଣ କରନ୍ତି ଏବଂ ତୀର୍ଥଯାତ୍ରାର ଅବର୍ଣ୍ଣନୀୟ କଷ୍ଟ ସତ୍ତ୍ୱେ ଲୋକେ, ଅଧିକାଂଶ ମହିଳା, ବର୍ଷ ତମାମ ଜଗନ୍ନାଥ ଦର୍ଶନରେ ଆସନ୍ତି। ସ୍ୱଚ୍ଛଳ ଯାତ୍ରୀମାନେ ପାଲିଙ୍କି, ପଶୁଟଣା ଗାଡ଼ିରେ ଆସନ୍ତି, ଅନ୍ୟମାନେ ଜଙ୍ଗଲ, ପାହାଡ଼ର ଏକ ପ୍ରକାର ଅମଡ଼ା ବାଟରେ ଦୀର୍ଘ ଦିନ ଚାଲି ଚାଲି ରକ୍ତାକ୍ତ ପାଦରେ ଜୀବନର ଶେଷ ଅଭିଳାଷ ଚରିତାର୍ଥ ଲକ୍ଷ୍ୟରେ ତୀର୍ଥ କ୍ଷେତ୍ର ପୁରୀରେ ପହଞ୍ଚିବା ପରେ ସେବକମାନେ ସେମାନଙ୍କୁ ଧର୍ମଶାଳା ବା ନିଜ ଘରେ ନିର୍ମିତ ଏକାଧିକ ସ୍ୱତନ୍ତ୍ର ରୁମରେ ରଖନ୍ତି। ଫେରିବା ସମୟରେ ଅଭାବୀ ଯାତ୍ରୀ ନିରାଶ ହେବା ଦେଖା ଯାଏନି, ସେମାନଙ୍କୁ ଆର୍ଥିକ ସାହାଯ୍ୟ ଦିଆଯାଏ। ପୁଣ୍ୟ କାର୍ଯ୍ୟରେ ଠକାମିର ଛିଟା ଲାଗିଲେ ଈଶ୍ୱର ଅସନ୍ତୁଷ୍ଟ ହୁଅନ୍ତି, ସିଦ୍ଧି ମିଳେନି ବୋଲି ସମସ୍ତଙ୍କର ବିଶ୍ୱାସ। ଯାତ୍ରୀ ଘରକୁ ଫେରିବା ପରେ ‘ତୀର୍ଥ ଋଣ’ ଡାକରେ ପଠାଇ ଦିଅନ୍ତି କିମ୍ବା ସେବକଙ୍କ ପରବର୍ତ୍ତୀ ‘ଦେଶ ଗସ୍ତ’ ବେଳେ ପରିଶୋଧ କରନ୍ତି। ସେବକଙ୍କ ପାଇଁ ଯାତ୍ରୀ ମୂଲ୍ୟବାନ ଯଜମାନ, ରୋଜଗାର ଓ ପ୍ରତିଷ୍ଠା ଅର୍ଜନର ଆଧାର। ଯାତ୍ରୀଙ୍କ ଦୃଷ୍ଟିରେ ସେବକ ‘ତୀର୍ଥଗୁରୁ’। ଏହି ଧାର୍ମିକ ସମ୍ପର୍କରୁ ସୃଷ୍ଟି ‘କୌଳିକ ପଣ୍ଡା’, ‘ଦସ୍ତଖତୀ’ ପ୍ରଭୃତି ଶବ୍ଦ। ଅନେକ ରାଜା, ଜମିଦାର ସେବକ ମାନଙ୍କୁ ସେମାନଙ୍କ ପରିବାରର ‘କୌଳିକ ପଣ୍ଡା’ ମାନ୍ୟତା ଭାବରେ ତାମ୍ର ଫଳକରେ ଲିଖିତ ସ୍ୱୀକୃତି ପତ୍ର ଦେଇଥିବାର ସୂଚନା ଇତିହାସରୁ ମିଳେ। ତୀର୍ଥ ଯାତ୍ରାର ଶେଷ ଅଙ୍କ ‘ଆଟିକା ଦାନ’ - ଯାତ୍ରୀମାନେ ଏକ ପାତ୍ରରେ ଦକ୍ଷିଣା ଦେବା ପରେ ତୀର୍ଥଗୁରୁଙ୍କ ପାଦ ସ୍ପର୍ଶ କରି ଆଶୀର୍ବାଦ ନିଅନ୍ତି।
ଜଗନ୍ନାଥ ଗବେଷକ ପୁର୍ଣ ଚନ୍ଦ୍ର ଗୋଛିକାରଙ୍କ ମତରେ କୌଳିକ ପଣ୍ଡାଙ୍କ ଭରସାରେ ଜଗନ୍ନାଥ ଦର୍ଶନ ପାଇଁ ଆସୁଥିବା ତୀର୍ଥଯାତ୍ରୀ ଅସମ୍ମାନିତ ହେବା ଘଟଣା କେବେ ହେଲେ ହୋଇନାହିଁ। “ଯାତ୍ରୀ ଜଗନ୍ନାଥଙ୍କ ମାନବୀୟ ମାହାତ୍ମ୍ୟ, ଓଡ଼ିଆଙ୍କ ଆତିଥେୟତା ଓ ସଂସ୍କୃତିର ସ୍ମୃତି ନେଇ ଘରକୁ ଫେରେ। ସେ ଖୁସି ହେଲେ ସେବକର ସମ୍ମାନ, କେହି ଏଥିରେ ଦାଗ ଲଗେଇବାକୁ ଚାହିଁବେ ନାହିଁ”। ତେବେ କଥାରେ ଅଛି ପରିବର୍ତ୍ତନ ପ୍ରକୃତିର ନିୟମ। ଜଗନ୍ନାଥଙ୍କ ସେବକମାନେ ଓଡ଼ିଆର ଟେକ ଯେତେ ଉଚ୍ଚା କରିଥିଲେବି ସମୟ ସହ ତାଳ ଦେଇ ଯାତ୍ରୀ ପରିଚାଳନାରେ ସଂସ୍କାରକୁ ଆପଣେଇବା ଆବଶ୍ୟକ।

14/08/2025

⚫❗⚫
-: *ମହାପ୍ରଭୁଙ୍କର ଗର୍ଭଉଦକ ବନ୍ଦାପନା* :-

ଜନ୍ମାଷ୍ଟମୀ ପୂର୍ବଦିନ ଅର୍ଥାତ୍ ଆଜି ସନ୍ଧ୍ୟା ଆଳତି ବେଶରେ ତିନି ଦିଅଁ ଛଅ ମୂର୍ତ୍ତି ସୁନା ଅଳଙ୍କାର ଲାଗି ହେବେ। ଏହାପରେ ପାଣି ପଡ଼ି ଟେରା ବନ୍ଧାଯାଇ ସନ୍ଧ୍ୟା ଧୂପ ଛେକ ଛାମୁକୁ ଆସିବ। ସନ୍ଧ୍ୟା ଧୂପ ପୂଜା ପରେ ଭିତରେ ପାଣିପଡ଼ି ଧୋପଖାଳ ପରେ ଜୟ ବିଜୟ ଦ୍ଵାର ବନ୍ଦ ହେବ । ଟେରା ବନ୍ଧା ହୋଇ ଅଣସର ପିଣ୍ଡିଠାରେ ଜେଉଡ଼(ଜେଉଟ)ଭୋଗ (ଶାଗ, ତରକାରୀ, ପିଠା, ଝିଲି, ଓରିଆ, ଖିରି ଇତ୍ୟାଦି) ରୋଷରୁ ଆସି ରଖା ହୁଏ। ମୁଦିରସ୍ତ ଶ୍ରୀଅଙ୍ଗରେ ପ୍ରସାଦଲାଗି କରନ୍ତି। ତିନିଜଣ ପୂଜାପଣ୍ଡା ପଞ୍ଚ ଉପଚାରରେ ପୂଜା କରନ୍ତି। ପାଣି ପଡ଼ି ଧୋପଖାଳ ହେଲା ପରେ ପଣ୍ଡା, ପତି ଓ ମୁଦିରସ୍ତ ତିନିବାଡ଼ରେ ବନ୍ଦାପନା କରନ୍ତି। ଗୋଟିଏ ଅଧିକ ବନ୍ଦାପନା ଶ୍ରୀଜଗନ୍ନାଥଙ୍କ ବାଡ଼ରେ ହୁଏ ଏହାକୁ ଗର୍ଭଉଦକ ବନ୍ଦାପନା କୁହାଯାଏ। ତା ପରେ ଅନ୍ୟାନ୍ୟ ଦୈନନ୍ଦିନ ନୀତି ହୁଏ।

ସର୍ବଂ ରହସ୍ୟଂ ପୁରୁଷୋତ୍ତମସ୍ୟ
ଦେବୋ ନ ଜାନାତି କୁତୋ ମନୁଷ୍ୟଃ?

ରାମଜନ୍ମ ଓ କୃଷ୍ଣ ଜନ୍ମର ପୂର୍ବରାତ୍ରିରେ ଶ୍ରୀମନ୍ଦିରରେ ସନ୍ଧ୍ୟାଧୂପ ପରେ ଜେଉଟ ଭୋଗ ଅର୍ପଣ କରାଯାଏ। ଏହି ଭୋଗ ଓଉ କିମ୍ବା ଆମ୍ବ, ସାରୁ, ମଞ୍ଜା ଆଦିରୁ ପ୍ରସ୍ତୁତ ହୁଏ। ଏହି ଭୋଗ ଦେବାର ଉଦ୍ଦେଶ୍ୟ ଗର୍ଭକଷ୍ଟ ନିବାରଣ। ଭୋଗ ସମର୍ପଣ ପରେ ଠାକୁର ମାନଙ୍କର ବନ୍ଦାପନା କରାଯାଏ। ଏଠାରେ ଭାବିବା କଥା ଜଗନ୍ନାଥ ତ ନିଜେ ରାମ କୃଷ୍ଣ ହୋଇ ଜନ୍ମ ହୋଇଥାନ୍ତି।ତେବେ କେଉଁ କାରଣରୁ ତାଙ୍କୁ ଗର୍ଭକଷ୍ଟ ନିବାରଣ ଭୋଗ ସମର୍ପଣ କରାଯାଏ ଓ ପରଦିନ ସେହିଁ ରାମ କୃଷ୍ଣ ହୋଇ ଜନ୍ମ ନିଅନ୍ତି ଏବଂଶ୍ରୀମନ୍ଦିରରେ ତାଙ୍କ ଜନ୍ମନୀତି ପାଳନ କରାଯାଏ।ଅର୍ଥାତ ପ୍ରଭୁ ରାତିରେ ନିଜେ ମାଆ ହୁଅନ୍ତି ଓ ସକାଳକୁ ପୁଅ ହୋଇ ଜନ୍ମ ହୋଇ ସାରିଥାନ୍ତି। ତେବେ ଏ ଭୋଗର ରହସ୍ୟ କଣ? ଗୀତାରେ ଏହାର ଉତ୍ତର ଅଛି।

ପିତାମହସ୍ୟ ଜଗତୋ ମାତାଧାତା ପିତାମହଃ"

ଏହାର ଅର୍ଥ ପରମାତ୍ମା ଏ ଜଗତର ପିତା, ମାତା, ଧାତା (ସୃଷ୍ଟିକର୍ତ୍ତା) ଓ ପିତାଙ୍କ ପିତା ପିତାମହ। ଏହିପରି ଶ୍ରୀମନ୍ଦିରରେ ପରମ୍ପରାକ୍ରମେ ପାଳିତ ହେଉଥିବା ରୀତିନୀତି ଗୁଡିକର ସ୍ବତନ୍ତ୍ର ତାତ୍ପର୍ଯ୍ୟ ରହିଛି।

ଭାଦ୍ରବ କୃଷ୍ଣ ସପ୍ତମୀରେ ଦେବକୀଙ୍କୁ ସାନ୍ତ୍ୱନା ଦେବା ଉଦ୍ଦେଶ୍ୟରେ ଜଗନ୍ନାଥଙ୍କୁ ପଖାଳ ଅନ୍ନ ନୈବେଦ୍ୟ

କୃଷ୍ଣାୟାମଥ ସପ୍ତମ୍ୟାଂ ସାୟଂପୂଜାବିଧାନତଃ।
ଦେବକୀସାନ୍ତ୍ୱନାର୍ଥାୟ ଜଗଦୀଶଂ ପୁନର୍ଯଜେତ୍।।

ଭାଦ୍ରବ କୃଷ୍ଣ ସପ୍ତମୀରେ ସାୟଂକାଳ ପୂଜାପରେ ଦେବକୀଙ୍କୁ ସାନ୍ତ୍ୱନା ଦେବା ଉଦ୍ଦେଶ୍ୟରେ ଶ୍ରୀଜଗନ୍ନାଥଙ୍କୁ ପୁଣିଥରେ ପୂଜା କରିବ।

ନାନାବ୍ୟଞ୍ଜନସଂଯୁକ୍ତଂ ନାନାପୂପସମନ୍ୱିତମ୍।
କ୍ଷାଳିତାନ୍ନଂ ଚ ନୈବେଦ୍ୟଂ ତଦାଦଦ୍ୟାନ୍ମହୀପତେ।।

ହେ ରାଜା ! ନାନାବିଧ ବ୍ୟଞ୍ଜନ ଏବଂ ନାନା ପ୍ରକାର ପିଠା ସହ ଧୂଆ ପଖାଳ ନୈବେଦ୍ୟ ଅର୍ପଣ କରିବ।🙏❤️

27/06/2025

ଜୟ ଜଗନ୍ନାଥ 🚩

27/06/2025

ସମଗ୍ର ଉତ୍କଳ ଭୂ ଖଣ୍ଡର ଏକଛତ୍ରବାଦ ସମ୍ରାଟ ତଥା ସାଢେଚାରିକୋଟି ଓଡ଼ିଆ ଙ୍କ ର ପରିଚୟ ଓ ଗର୍ବ ଗୌରବ ଶ୍ରୀ ଶ୍ରୀ ଜଗନ୍ନାଥ ମହାପ୍ରଭୁ ବିଜୟତେ।।

27/06/2025

*ବେନି ଭାଇଙ୍କର ମଧ୍ୟରେ ସୁଭଦ୍ରା ଦୋହିତା ପ୍ରାୟେ ଦିଶଇ*
*ଝାମ୍ପିଲା ବାଘୁଣୀ ଭାଇକି ଘେନିଣ ତାଙ୍କୁ ନ ଦେଖିଲା କେହି*

27/06/2025

ଜୟ ବଳଭଦ୍ର 🚩

27/06/2025

*Asantu Basudev Asantu BadaThakuro Manima 🛐*

27/06/2025

"ଚରାଚର ହିତାର୍ଥାୟ ଘୋଷଯାତ୍ରା ବିଧିୟତେ।"
ଆପଣମାନେ ସମସ୍ତଙ୍କୁ ରଥଯାତ୍ରାର ପବିତ୍ର ଅବସରରେ ହାର୍ଦ୍ଦିକ ଶୁଭେଚ୍ଛା।
ଭଗବାନ ଶ୍ରୀଜଗନ୍ନାଥ, ପ୍ରଭୁ ବଳଭଦ୍ର, ମା ସୁଭଦ୍ରା ଓ ଚକ୍ର ସୁଦର୍ଶନଙ୍କର ଏହି ପତିତପାବନ ଯାତ୍ରା ଅବସରରେ ଆପଣମାନଙ୍କୁ ଅନେକ ଶୁଭେଛା ଓ ଅଭିନନ୍ଦନ 🙏

27/06/2025

ଚକ୍ରରାଜ ଶ୍ରୀସୁଦର୍ଶନଙ୍କ ପହଣ୍ଡିର ଅପୂର୍ବ ଦୃଶ୍ୟ।

Spell bounding glimpses of Chakararaj Shree Sudarshana ahead of Pahandi Bije rituals.

27/06/2025

" चराचर हितार्थाय घोषयात्रा विधियते"

#ପରଂବ୍ରହ୍ମ

Shree Jagannath Mahaprabhu Seva & Puja

16/02/2026

31/01/2026

10/10/2025

14/08/2025

27/06/2025

27/06/2025

27/06/2025

27/06/2025

27/06/2025

27/06/2025

27/06/2025

27/06/2025

Address

Telephone

Website

Alerts

Shortcuts

Share