09/04/2026
എറണാകുളം - അങ്കമാലി അതിരൂപത വൈദികനായ ബഹുമാനപ്പെട്ട പോൾ തേനായനച്ചൻ (80) നിര്യാതനായി. സംസ്കാരം വെള്ളാരപ്പിള്ളി സെൻറ് ജോസഫ് പള്ളിയിൽ 11/04/2026 ശനിയാഴ്ച ഉച്ചക്ക് 02.30 മണിക്ക് നടക്കും.മാതാപിതാക്കൾ: ഔസേപ്പ്,ത്രേസ്യ
സഹോദരങ്ങൾ: ദേവസി, മേരി, ത്രേസ്യാമ്മ, റോസി, ജോസ്, ആനീസ്, എൽസി, വർഗീസ്, ടോമി, ജോണി
മൃതസംസ്കാരശുശ്രൂഷയുടെ വിശദാംശങ്ങൾ:
അച്ചന്റെ മൃതദേഹം 11-ാം തീയതി (ശനിയാഴ്ച) രാവിലെ 7.30 മുതൽ 8.00 മണിവരെ എടക്കുന്ന് സെന്റ് പോൾസ് പ്രീസ്റ്റ് ഹോമിൽ പൊതുദർശനത്തിന് വയ്ക്കും. തുടർന്ന് ഉച്ചക്ക് 12.00 മണിവരെ വെള്ളാരപ്പിള്ളിയിലുള്ള അച്ചൻ്റെ തറവാട്ട് വീട്ടിലും (ജോണി ജോസഫിൻ്റെ വീട്ടിൽ) തുടർന്ന് 12:30 മുതൽ വെള്ളാരപ്പിള്ളി സെൻറ് ജോസഫ് പള്ളിയിലും
പൊതുദർശനത്തിന് വയ്ക്കും. ഉച്ചക്ക് 02:30 മണിക്ക് വി. കുർബാനയോടുകൂടി മൃതസംസ്കാര ശുശ്രൂഷകൾ ആരംഭിക്കും.
എടക്കുന്ന് സെന്റ് പോൾസ് പ്രീസ്റ്റ് ഹോമിൽ വിശ്രമ ജീവിതം നയിക്കുയായിരുന്ന പോളച്ചൻ, കുറച്ച് ദിവസങ്ങളായി അങ്കമാലി LF ആശുപത്രിയിൽ ചികിത്സയിലായിരുന്നു. ഇന്ന് (08/04/2026) രാവിലെയാണ് നിര്യാതനായത്.
അതിരൂപതയിലെ കിഴക്കമ്പലം, അങ്കമാലി, എറണാകുളം ബസിലിക്ക, എന്നീ പള്ളികളിൽ സഹവികാരിയായും കരുമാലൂർ, നടുവട്ടം, പുത്തൻപള്ളി, പാലാരിവട്ടം, കുഴുപ്പിള്ളി, കറുകുറ്റി എന്നിവിടങ്ങളിൽ വികാരിയായും സത്യദീപത്തിന്റെ എഡിറ്ററായും അച്ചൻ സേവനം ചെയ്തിട്ടുണ്ട്. എട്ടുവർഷക്കാലം ജർമ്മനിയിലും അച്ചൻ സേവനം ചെയ്തിട്ടുണ്ട്.അച്ചൻ്റെ ആത്മശാന്തിക്ക് വേണ്ടി നമുക്ക് പ്രാർത്ഥിക്കാം.
