27/09/2023
युगप्रवर्तक छत्रपती शिवरायांच्या ३५०व्या राज्याभिषेकास या वर्षी प्रारंभ झाला आहे.
या निमित्ताने बालमित्र मंडळ सार्वजनिक गणेशोत्सव (इच्छापुर्ती गणेश, दादर) च्या वतीने छत्रपती शिवरायांची लंडन, फ्रान्स, नेदरलँड, जर्मनी येथे असणाऱ्या दुर्मिळ छायाचित्रांच्या प्रतिकृतीचे तसेच अस्सल शिवकालीन शस्त्रांचे प्रदर्शन भरवण्यात आले आहे.
या प्रदर्शनास कारी (जिल्हा - पुणे) येथील छत्रपती शिवरायांचे विश्वासू श्रीमान कान्होजी जेधे यांचे विद्यमान वंशज श्री. इंद्रजित जेधे, शिवराज अष्टकातील सुभेदार तसेच पावनखिंड चित्रपटात ऐतिहासिक भूमिका साकारणारे श्री. अनिकेत बांदल, शिवकालीन सणस घराण्यातील श्री. बाळासाहेब सणस, श्रीनिवास इंदलकर, गोरख करंजावणे देशमुख यांनी आपल्या मंडळास भेट देऊन मंडळाच्या या उपक्रमाचे मनापासून कौतुक केले.
