22/07/2026
དགེ་ཚུལ་སློང་གི་སྡོམ་པ་བསྩལ་གནང་མཛད་པ།
Granting Novice and Bhikshu Ordinations
ལོ་ལྟར་དབྱར་གནས་ཀྱི་སྔོན་དུ་དགེ་འདུན་གསར་བུ་པ་རྣམས་ལ་དགེ་ཚུལ་དང་། དགེ་ཚུལ་རྒན་པ་རྣམས་ལ་དགེ་སློང་གི་སྡོམ་པ་གནང་བའི་ཕྱག་སྲོལ་ཡོད་པ་བཞིན། དེ་རིང་འདི་ག་འབོ་དཀར་ངེས་དོན་ཆོས་འཁོར་གླིང་གི་གཙུག་ལག་ཁང་རྟེན་གཙོ་ཐུབ་པའི་དབང་པོ་གཟི་བྱིན་རབ་ཏུ་འབར་བའི་སྤྱན་སྔར་མཆོད་སྤྲིན་ཟབ་རྒྱས་འབུལ་བཤམས་དང་འབྲེལ། གནས་བརྟེན་འདུལ་བ་འཛིན་པ་ཡོངས་ཀྱི་དགེ་བའི་བཤེས་གཉེན་ཆེན་པོ་༧སྐྱབས་རྗེ་མཁན་ཆེན་རིན་པོ་ཆེ་མཆོག་གིས་མཁན་སློབ་སྦྲགས་མ་དང་། དད་པའི་དགེ་འདུན་གྲངས་ཚང་བའི་དབུས་སུ་འབོ་དཀར་བཤད་སྒྲུབ་ཀྱི་སྡེ་གཉིས་དང་། ལྷོ་ཕྱོགས་འབོ་དཀར་ཐོས་བསམ་ནོར་གླིང་དགའ་ཚལ། འབྲས་ལྗོངས་ཕོ་ལྡང་ཀརྨ་ཐུབ་བསྟན་བཀྲ་ཤིས་ཆོས་འཁོར་གླིང་བཅས་ནས་དགེ་འདུན་པ་གྲངས་བརྒྱ་ཕྲག་གཅིག་ལྷག་ཙམ་ལ་སྔ་དྲོར་དགེ་ཚུལ་དང་། ཕྱི་དྲོར་དགེ་སློང་གི་སྡོམ་པ་འབོག་ཆོག་གནང་བ་དང་འབྲེལ་བསྟན་པའི་རྩ་བ་ཡོན་ཏན་ཐམས་ཅད་ཀྱི་གཞི་མ་ཕྱི་སོ་སོ་ཐར་པའི་ཚུལ་ཁྲིམས་རིན་པོ་ཆེ་མིག་གི་འབྲས་བུ་ལྟར་གཅེས་སྤྲས་སུ་བྱེད་དགོས་པའི་བླང་དོར་བཀའ་སློབ་ཟབ་རྒྱས་གནང་སྟེ་དམ་ཆོས་འདུལ་བའི་བསྟན་པ་རིན་པོ་ཆེའི་དབུ་འཕང་གོང་དུ་འདེགས་པའི་མཛད་པ་རླབས་ཆེན་བསྐྱངས་གནང་ཡོད་པ་རེད།
As is the annual tradition before the summer retreat, it is customary to confer the ordination of Novice vow to new monks and the ordination of Bhikshus to senior Monks. This morning, in the main temple of the Bokar Ngendon Chokor Ling, before the radiant image of the Lord Buddha, extensive offerings were laid out. In the presence of venerable and learned monastic elders, the Great spiritual guide, Kyabje Khenchen Rinpoche, served as the combined abbot and preceptor, while a complete assembly of faithful monks presided. There were over one hundred vow-recipients monks from Bokar Monastery, Bokar Shedra, Bokar Thobsam Norling Garden of Wisdom, and the Phodang Karma Thupten Tashi Chokor Ling in Sikkim. Alongside this, His Eminence provided profound and extensive instructions on the importance of cherishing the foundation of the teachings, the precious discipline of individual liberation, as one would one's own eyes. This grand act elevated the prestige of the precious teachings of the Vinaya.
