Kerala Christians

01/02/2026

31/01/2026

💝

11/10/2025

*കേട്ടാൽ വിശ്വസിക്കാനാവാത്ത ഒരു പ്രവൃത്തി നിങ്ങളുടെ കാലത്ത് ഞാൻ ചെയ്യാൻ പോകുന്നു.* (ഹബക്കൂക് 1:5)
മനുഷ്യന്റെ ചിന്താ മണ്ഡലങ്ങൾക്ക് വിശ്വസിക്കാൻ സാധിക്കാത്തതും മനുഷ്യരാൽ അസാധ്യമായതുമായ കാര്യങ്ങൾ ചെയ്യുവാൻ പ്രാപ്തിയുള്ളവനാണ് നമ്മുടെ കർത്താവ്. മാനവ നേത്രങ്ങൾക്ക് കാണുവാനോ, കാതുകൾക്ക് കേൾക്കുവാനോ, ഹൃദയത്തിന് ഗ്രഹിക്കുവാനോ കഴിയാത്ത വലിയ അദ്‌ഭുതങ്ങൾ ചെയ്യുവാൻ ദൈവം ഇന്നും ശക്തനാണ്.
അവന്റെ വാഗ്ദത്തങ്ങൾ നിശ്ചയമായും നിറവേറപ്പെടും. ആ ദൈവത്തിൽ പ്രത്യാശയർപ്പിച്ച് മുന്നോട്ടുപോകുവാൻ നമുക്ക് സാധിക്കട്ടെ എന്ന് പ്രാർത്ഥിക്കുന്നു
*ദൈവം അനുഗ്രഹിക്കട്ടെ*

07/10/2025

*എല്ലാറ്റിന്നും സ്തോത്രം ചെയ്‍വിൻ; ഇതല്ലോ നിങ്ങളെക്കുറിച്ചു ക്രിസ്തുയേശുവിൽ ദൈവേഷ്ടം.*
(1 തെസ്സലൊനീക്യർ 5:18)
സന്തോഷത്തിന്റെ അവസരങ്ങളിലും, വേദനകളുടെ നിമിഷങ്ങളിലും ഇയ്യോബിനെ പോലെ ദൈവത്തിൽ സന്തോഷിക്കേണ്ടവരാണ് ക്രൈസ്തവ മക്കൾ. സുഖ-ദുഃഖങ്ങളിലും ലാഭ-നഷ്ടങ്ങളിലും രോഗ-സൗഖ്യങ്ങളിലും കർത്താവിൻറെ കരം പിടിക്കാൻ നാം പരിശീലിക്കണം. ദൈവേഷ്ടം മനസ്സിലാക്കി ശിഷ്ടകാലം കർത്താവിനു വേണ്ടി ജീവിക്കുവാൻ നമുക്ക് പ്രയത്നിക്കാം, ഒരുങ്ങാം.
*ദൈവം അനുഗ്രഹിക്കട്ടെ*

07/09/2025

*മറിയ ഈ വാര്‍ത്ത ഒക്കെയും ഹൃദയത്തില്‍ സംഗ്രഹിച്ചു ധ്യാനിച്ചുകൊണ്ടിരുന്നു* (ലൂക്കോസ് 2:19)
ഭയന്നും ആകുലപ്പട്ടും ആശങ്കയോടെയും ജീവിക്കുവാൻ ആരും ആഗ്രഹിക്കാറില്ല.ഭാവി സുരക്ഷിതമാകണം എന്ന് ആഗ്രഹിക്കുന്നവരിൽ നിന്ന് വിഭിന്നയാണ് വിശുദ്ധ ദൈവമാതാവ്.
മരണത്തെയാണ് സ്വീകരിക്കുന്നത് എന്നും സഹനങ്ങൾ ഒന്നൊഴിയാതെ ജീവിതാന്ത്യം വരെ ഉണ്ടാകും എന്ന് തിരിച്ചറിഞ്ഞ് ദൈവ പദ്ധതിയെ പരി.അമ്മ ഹൃദയത്തിൽ സംഗ്രഹിച്ചു. മറക്കേണ്ടത് കൂടെക്കൂടെ ഓർക്കുന്നതും ഓർമയിൽ സൂക്ഷിക്കേണ്ടത് മറന്നു പോകുന്നതും ജീവിതത്തിൽ സങ്കീർണതകൾ സൃഷ്ടിക്കും. ആയതിനാൽ പരി.അമ്മയെപ്പോലെ ദൈവത്തെയും ദൈവ കൽപ്പനകളെയും ഹൃദയത്തിൽ എന്നെന്നും സൂക്ഷിക്കുവാൻ നമുക്കും ഇടയാകട്ടെ എന്ന് പ്രാർത്ഥിക്കുന്നു.
*ദൈവം അനുഗ്രഹിക്കട്ടെ*