Naravoor Sri Mahavishnu Temple

12/08/2026

🙏 ഇന്ന് കർക്കിടക വാവ്! 🙏

17/07/2026

കർക്കിടകത്തിന്റെ ആദ്യപ്രഭയിൽ ആത്മീയതയുടെ മൃദുലഗാനമെന്നപോലെ രാമായണ പാരായണം ആരംഭിക്കുന്നു. രാമനാമത്തിന്റെ മധുരധ്വനി ആകാശത്തോളം മുഴങ്ങുമ്പോൾ, മനസ്സുകൾ ഭക്തിയുടെ തിരുമുറ്റത്ത് പൂക്കളായി വിരിയുന്നു.

അജ്ഞാനത്തിന്റെ ഇരുട്ടിനെ അകറ്റി വിജ്ഞാനത്തിന്റെ ദീപം തെളിയിക്കുന്നതിനായാണ് ഈ മാസത്തിൽ രാമായണ പാരായണം നിർബന്ധമാക്കുന്നതെന്നു വിശ്വാസം. അതുകൊണ്ടുതന്നെ കർക്കിടകം, ഭക്തിയുടെ തിരുനാളും വിജ്ഞാനപ്രകാശത്തിന്റെ ഉത്സവവുമാണ്.

Rama Pahimam Hare - Sreerama Sandhyanamam Malayalam - Sree rama son...

20/04/2026

24/02/2026

നമ്മുടെ ക്ഷേത്രത്തിലെ ദേവതകളെ ആധുനിക AI ഉപകരണങ്ങൾ ഉപയോഗിച്ച് കലാപരമായി അവതരിപ്പിച്ചിരിക്കുന്നു.

അമ്പലത്തിലെ മേൽശാന്തി, ശ്രീജേഷ് നമ്പൂതിരി, പരമ്പരാഗത ഭക്തിയും ആധുനിക ഡിജിറ്റൽ കലാപാടവവും മനോഹരമായി സമന്വയിപ്പിച്ച തന്റെ ദിവ്യമായ കഴിവിലൂടെ ഈ സൃഷ്ടികൾ സാധ്യമാക്കി.

21/02/2026

പ്രപഞ്ചത്തിലെ പതിനാല് ലോകങ്ങൾ!

ഹിന്ദുമതത്തിലെ സമ്പന്നമായ ആത്മീയ പാരമ്പര്യമനുസരിച്ച്, പ്രപഞ്ചം പതിനാല് ലോകങ്ങൾ ഉൾക്കൊള്ളുന്ന ഒരു വിപുലമായ, ബഹുമുഖ യാഥാർത്ഥ്യമാണ്. ഈ പതിനാല് ലോകങ്ങളെ പ്രധാനമായും ഏഴ് ഉന്നത ലോകങ്ങൾ (വ്യാഹ്രിതികൾ), ഏഴ് അധോലോകങ്ങൾ (പാതാളങ്ങൾ) എന്നിങ്ങനെ രണ്ടായി തരംതിരിച്ചിരിക്കുന്നു.

ഈ മണ്ഡലങ്ങൾ കേവലം ഭൗതിക തലങ്ങൾ മാത്രമല്ല; അവ ബോധത്തിന്റെയും ആത്മാവിന്റെ മോക്ഷത്തിലേക്കുള്ള (വിമോചനം) യാത്രയുടെയും പ്രതീകാത്മകമായ പ്രതിനിധാനങ്ങൾ കൂടിയാണ്.

ഹിന്ദു പുരാണമനുസരിച്ചുള്ള ഈ പതിനാല് ലോകങ്ങളെ (14 Lokas) കുറിച്ചുള്ള വിശദാംശങ്ങൾ താഴെ നൽകുന്നു:

1. ഉന്നത ലോകങ്ങൾ (The Seven Upper Worlds)
ഇവ ഭൂമിക്ക് മുകളിലായി സ്ഥിതി ചെയ്യുന്ന പുണ്യലോകങ്ങളാണ്. ഓരോന്നും ഉയർന്ന തലത്തിലുള്ള ചൈതന്യത്തെയും പുണ്യത്തെയും സൂചിപ്പിക്കുന്നു.
- ഭൂലോകം (Bhu-loka): നമ്മൾ വസിക്കുന്ന ഭൂമി.
- ഭുവർലോകം (Bhuvar-loka): ഭൂമിക്ക് മുകളിലുള്ള അന്തരീക്ഷം (സൂര്യനും ഗ്രഹങ്ങളും വസിക്കുന്ന ഇടം).
- സ്വർലോകം (Svar-loka): ദേവേന്ദ്രൻ ഭരിക്കുന്ന സ്വർഗം.
- മഹർലോകം (Mahar-loka): മഹർഷിമാരുടെ വാസസ്ഥലം.
- ജനലോകം (Jana-loka): ബ്രഹ്മാവിന്റെ പുത്രന്മാരായ സനകാദികൾ വസിക്കുന്ന ഇടം.
- തപോലോകം (Tapo-loka): വൈരാഗികളായ സിദ്ധന്മാരും തപസ്വികളും വസിക്കുന്ന ലോകം.
- സത്യലോകം (Satya-loka): ബ്രഹ്മലോകം എന്നും ഇതറിയപ്പെടുന്നു. ഇത് ഏറ്റവും ഉയർന്ന ലോകമാണ്, ഇവിടെ ബ്രഹ്മാവ് വസിക്കുന്നു.

2. അധോലോകങ്ങൾ (The Seven Lower Worlds)
ഇവ ഭൂമിക്ക് താഴെയായി സ്ഥിതി ചെയ്യുന്നു. ഇവയെ 'പാതാള ലോകങ്ങൾ' എന്നും വിളിക്കാറുണ്ട്. നരകത്തിൽ നിന്നും വ്യത്യസ്തമാണ് ഇവ. വലിയ സുഖഭോഗങ്ങളും സമ്പത്തുമുള്ള ഇടങ്ങളായും ഇവയെ ചിത്രീകരിക്കാറുണ്ട്.
- അതല ലോകം (Atala): ബലപുത്രനായ മകൻ ഭരിക്കുന്ന ലോകം.
- വിതല ലോകം (Vitala): ശിവൻ ഹാടക രൂപത്തിൽ വസിക്കുന്ന ലോകം.
- സുതല ലോകം (Sutala): മഹാബലി ചക്രവർത്തി ഭരിക്കുന്ന ലോകം.
- തലാതല ലോകം (Talatala): അസുരശില്പിയായ മയൻ വസിക്കുന്ന ഇടം.
- മഹാതല ലോകം (Mahatala): അനേകം തലകളുള്ള നാഗങ്ങളുടെ വാസസ്ഥലം.
- രസാതല ലോകം (Rasatala): ദൈത്യന്മാരും ദാനവന്മാരും വസിക്കുന്ന ലോകം.
- പാതാള ലോകം (Patala): ഏറ്റവും താഴെയുള്ള ലോകം. ഇത് നാഗരാജാവായ വാസുകിയുടെ അധീനതയിലാണ്.

ഭഗവാൻ ശ്രീ മഹാവിഷ്ണു നമ്മെ എല്ലാവരെയും അനുഗ്രഹിക്കട്ടെ. 🙏

20/02/2026

രാവണനും മഹാബലിയും - കേട്ടറിഞ്ഞ കഥ!

ഒരിക്കൽ ലങ്കാധിപതി രാവണൻ പാതാളം കാണുവാൻ പോയി*..

ഭൂമിയിൽ നിന്നും ആറു ലോകങ്ങൾ കടന്നാലേ പാതാളത്തിൽ എത്താൻ സാധിക്കൂ.

ഹിന്ദു വിശ്വാസം അനുസരിച്ചു പതിനാലു ലോകങ്ങൾ ഉണ്ട്. ഭൂമിക്ക് മുകളിൽ ഏഴു ലോകം*.

ഏറ്റവും മുകളിൽ
സത്യലോകം, തപലോകം. ജ്ഞാനലോകം, മഹാലോകം, സ്വർഗ്ഗലോകം, ഭുവർലോകം, ബഹുലോകം.

ഭൂമിക്കു താഴേക്ക് ഏഴു ലോകം
അതലം, വിതലം, സുതലം, തലാതലം, മഹാതലം, രസാതലം, പാതാളം.

ഓരോ ലോകവും കണ്ടു രാവണൻ സുതലത്തിൽ എത്തി*..

അതി മനോഹരമായ ഉദ്യാനത്തോട് കൂടിയ സുതലം വിസ്തരിച്ചൊന്നു കാണുവാൻ രാവണൻ തീരുമാനിച്ചു.

ഉദ്യാനം ആസ്വദിച്ചു നടക്കുമ്പോൾ ഒരു അതിമനോഹരമായ രാജകൊട്ടാരം കണ്ടു..

ഭൂമിക്ക് അടിയിൽ ഇത്രയും മനോഹരമായ ഒരു കൊട്ടാരമോ ?
രാവണന് അത്ഭുതം തോന്നി.. കൊട്ടാരം ഉള്ളിൽ കേറി കാണുവാൻ തീരുമാനിച്ചു.

കൊട്ടാരത്തിന്റെ പ്രവേശന കവാടം ലക്ഷ്യമാക്കി നടന്നു..
അടുത്തു ചെല്ലും തോറും അതിന്റെ മനോഹാരിത കൂടി വരുന്നു..

കൊട്ടാരത്തിനു മുൻപിൽ എത്തിയപ്പോൾ കൊട്ടാരത്തിനു കുന്തവും പിടിച്ചു കാവൽ നില്കുന്നതാകട്ടെ ഒരു കൊച്ചു കുട്ടി.*.

കുട്ടിയെ വകവെക്കാതെ രാവണൻ ഗോപുരം കടക്കാൻ ഒരുങ്ങിയപ്പോൾ ആ കുട്ടി വഴി തടഞ്ഞു.

അല്ലയോ മഹാനുഭാവ രാജാവിന്റെ അനുവാദം ഇല്ലാതെ ആരെയും ഉള്ളിലേക്ക് കടത്തി വിടരുത് എന്ന് ഉത്തരവ് ഉണ്ട്.. അതുകൊണ്ടാണ് ഞാൻ ഇവിടെ കാവൽ നിൽക്കുന്നത്..

അങ്ങ് ദയവായി കുറച്ചു നേരം കാത്തു നിൽക്കുമോ, ഞാൻ ഉള്ളിൽ ചെന്ന് മഹാരാജാവിന്റെ അനുവാദം വാങ്ങി വേഗം വരാം.

കൊച്ചു കുട്ടി ആദരവോടെ പറഞ്ഞു.

ഓഹോ സുതലത്തിൽ വേറെ രാജാവോ..

കുഞ്ഞേ.,.
ആരാണ് മനോഹരമായ ഈ കൊട്ടാരത്തിൽ താമസിക്കുന്ന രാജാവ്..? രാവണൻ ചോദിച്ചു.

പ്രഹ്ലാദ പൗത്രൻ മഹാബലി ചക്രവർത്തിയാണ് ഈ കൊട്ടാരത്തിൽ താമസിക്കുന്നത്.. കുട്ടി പറഞ്ഞു.

മഹാവിഷ്ണു പാതാളത്തിലേക്ക് ചവുട്ടി താഴ്ത്തിയ മഹാബലി ചക്രവർത്തിയാണോ ഇവിടെ താമസിക്കുന്നത്.

മഹാവിഷ്ണുവിനെ പേടിച്ചു പാതാളത്തിൽ കഴിയുന്ന മഹാബലിയെ ഒന്ന് കാണാൻ തന്നെ തീരുമാനിച്ചു.

കുഞ്ഞേ രാക്ഷസരാജാവായ ലങ്കാധിപതി രാവണൻ കാണാൻ വരുന്നു എന്ന് രാജാവിനെ അറിയിക്കൂ.

കുട്ടി അകത്തേക്ക് നടന്നു പോയി..മഹാബലിയുടെ അരികിൽ നിന്നും അനുവാദം വാങ്ങി തിരികെ വന്ന് രാവണന് അകത്തേക്ക് പോകുവാൻ അനുവാദം കൊടുത്തു.

രാവണൻ മഹാബലിയെ നേരിട്ടു കണ്ടു..
തങ്കകിരീടവും അണിഞ്ഞു സിംഹാസനത്തിൽ പ്രൗഢിയോടെ ഇരിക്കുന്ന മഹാബലി ... *സുതല ലോകം വാഴുന്ന സാക്ഷാൽ മഹാബലി ചക്രവർത്തി*..

മഹാബലിയെ കണ്ടതും രാവണൻ പറഞ്ഞു. അല്ലയോ മഹാബലി അങ്ങ് എന്തിനു മഹാവിഷ്ണുവിനെ പേടിച്ചു ഭൂമിക്കടിയിൽ ഒളിച്ചു താമസിക്കണം..

അങ്ങ് ഭൂമിയിലേക്ക് വരൂ ലങ്കാധിപതി രാവണൻ ഉള്ളപ്പോൾ അങ്ങയെ മഹാവിഷ്ണു ഒന്നും ചെയ്യില്ല.

കൈലാസ പർവ്വതം ദാ ഈ കൈകളിൽ ഉയർത്തിയ രാക്ഷസ രാജാവ് രാവണന്റെ പേര് കേട്ടാൽ തന്നെ പതിനാലു ലോകവും വിറക്കും... പിന്നല്ലേ ഈ മഹാവിഷ്ണു.*!!!.

മഹാവിഷ്ണു വാമനനായി വേഷം മാറി ചതിച്ചല്ലെ അങ്ങയെ സുതലത്തിലേക്ക് താഴ്ത്തിയത്.

ഈ മഹാവിഷ്ണുവിനു നേർക്ക് നേരെ യുദ്ധം ചെയ്തു തോല്പിക്കാൻ കഴിയില്ല.*. *അതുകൊണ്ടാണ് വേഷം മാറി വന്ന് വരം ചോദിച്ചു തോല്പിച്ചത്.*!!!.

എന്നിട്ട് ഒരു വരവും തന്നു. വർഷത്തിൽ ഒരു ദിവസം തിരുവോണം നാളിൽ സ്വന്തം പ്രജകളെ കാണുവാൻ.. ഭൂമിയിൽ വന്നോളാൻ.. ഏതാണ്ട് ഔദാര്യം പോലെ..

കള്ളവും ചതിവും ഇല്ലാത്ത രാജ്യം വാണിരുന്ന മഹാബലിയുടെ കീർത്തി പതിനാലു ലോകവും അറിയുമല്ലോ..

മഹാബലി എന്റെ കൂടെ വന്നാലും.. രാവണൻ ഉള്ളപ്പോൾ മഹാബലിയെ ആരും തൊടില്ല..

മഹാവിഷ്ണു മാത്രമല്ല ലോകത്തിലെ ഒരു ശക്തിയും രാവണനെ തോല്പിക്കില്ല.. സംശയിക്കേണ്ട.*!!!.

മഹാബലി ഒന്നും മറുപടി പറഞ്ഞില്ല.

രാവണനെ കൊട്ടാരം കാണിച്ചു കൊടുക്കുവാൻ ക്ഷണിച്ചു കൊണ്ടു പോയി.

സുതലത്തിലെ അതിമനോഹരമായ കൊട്ടരം കണ്ടു രാവണൻ അത്ഭുതപ്പെട്ടു.

രണ്ടു പേര് നടന്നു നടന്ന് കൊട്ടാരത്തിന്റെ നടുത്തളത്തിൽ എത്തി.

കൊട്ടാരത്തിന്റെ നടുത്തളത്തിന്റെ മധ്യഭാഗത്തായി രത്നകല്ലുകൾ പതിപ്പിച്ച അതിമനോഹരവും ഭീമാകാരവുമായ ഒരു സ്വർണ്ണ തളിക കിടക്കുന്നു.
ഒരു നുറു പേർക്ക് വട്ടത്തിൽ ഇരുന്നു ഭക്ഷണം കഴിക്കാനുള്ള വിസ്താരമുണ്ട്..

ഇത്രയും വലിയ തളികയിൽ ആരാണ് ഭക്ഷണം കഴിക്കുന്നത് ?

അത് മാത്രമല്ല ഇത് എന്തിന് ഈ നടുത്തളത്തിൽ വെച്ചിരിക്കുന്നു.

ഇതെടുത്തു ഒരു സൈഡിൽ മാറ്റി വെച്ചാൽ കൂടുതൽ സൗകര്യവും കിട്ടുമല്ലോ.

രാവണൻ മഹാബലിയോട് ചോദിച്ചു.. ഈ തളിക ഇവിടുന്ന് മാറ്റി വെച്ചു കൂടെ ?

നടുത്തളത്തിൽ ഇതിങ്ങനെ കിടക്കുന്നത് അസൗകര്യവും, അഭംഗിയും ആണല്ലോ.. പരിചാരകരോട് പറഞ്ഞാൽ അതെടുത്തു മാറ്റില്ലേ ?

ഞങ്ങൾ എല്ലാവരും അതെടുത്തു മാറ്റുവാൻ പരിശ്രമിച്ചു പരാജയപെട്ടു, അത്രക്ക് ഭാരമാണ്.. എടുത്തു മാറ്റാൻ ആഗ്രഹമുണ്ട്.. പക്ഷെ ആർക്കും സാധിക്കുന്നില്ല.

കൈലാസം കൈകളിൽ ഉയർത്തിയ അങ്ങേക്ക് ചിലപ്പോൾ ഞങ്ങളെ സഹായിക്കാൻ കഴിഞ്ഞേക്കും.. അങ്ങ് തന്നെ അതൊന്ന് നീക്കി വെച്ചു തന്നാലും.. മഹാബലി പറഞ്ഞു.

രാവണൻ ഒരു കൈ കൊണ്ട് തളിക ഉയർത്താൻ ശ്രമിച്ചു... അനങ്ങുന്നില്ല..

രണ്ടു കൈകളും കൊണ്ട് ഉയർത്താൻ ശ്രമിച്ചു.. തളിക അനങ്ങുന്നില്ല..

നിലത്തിരുന്നുകൊണ്ട് രണ്ടു കൈകൾ കൊണ്ട് വീണ്ടു തളിക ഉയർത്താൻ ശ്രമിച്ചു... കൈലാസം കൈകളിൽ ഉയർത്തി ലോകത്തെ വിറപ്പിച്ച രാവണൻ പരിക്ഷീണനായി തളർന്നു നിലത്തിരുന്നു..

മഹാബലിയുടെ മുൻപിൽ രാവണന് ചെറുതായത് പോലെ തോന്നി*.

മഹാബലി അടുത്തേക്ക് ചെന്ന് രാവണനെ വിശ്രമ സ്ഥലത്തേക്ക് കൊണ്ട് പോയി..

രാവണനോട് പറഞ്ഞു..,
നീ ഇത്രയും നേരം എടുത്തു ഉയർത്താൻ ശ്രമിച്ചത് വെറുമൊരു തളികയല്ല രാവണാ...

അത് എന്റെ മുത്തച്ഛൻ ഹിരണ്യകശിപുവിന്റെ ഒരു കാതിൽ കിടന്ന കുണ്ഡലമാണ്.

കൈലാസ പർവതം കൈ കൊണ്ട് ഉയർത്തിയ നിനക്ക് വെറുമൊരു കുണ്ഡലം ഉയർത്താൻ കഴിഞ്ഞില്ല..*!!!

ഇതുപോലെ രണ്ടു കാതിലും കുണ്ഡലം ധരിച്ച ഹിരണ്യകഴിപുവിന്റെ രൂപം പോലും നമുക്ക് ചിന്തിക്കാൻ കഴിയില്ല.

അങ്ങനെയുള്ള ഹിരണ്യകശിപുവിനെ എടുത്തു മടിയിൽ കിടത്തി നെഞ്ച് പിളർന്നാണ് നരസിംഹമൂർത്തികൊന്നത്. അതിനു വേണ്ടി മാത്രമാണ് നാരായണൻ നരസിംഹമായി അവതാരം എടുത്തത്.*!!

ത്രിലോകവും ഞടുങ്ങുമാറ്‌ ഉച്ചത്തിൽ അലറിക്കൊണ്ട് ഹിരണ്യകശിപുവിനെ എടുത്തു മടിയിൽ കിടത്തുമ്പോൾ ഭൂമിയിൽ നിന്നും പാതാളത്തിലേക്ക് തെറിച്ചു വീണ കുണ്ഡലമാണ് നീ അനക്കാൻ ശ്രമിച്ചത്.

അങ്ങനെയുള്ള ഹിരണ്യകശിപുവിനെ കൊന്ന ശ്രീമഹാവിഷ്ണുവിനെ നീ നിസ്സാരമായി കാണണ്ട.

സ്വന്തം ഭക്തനായ പ്രഹ്ളാദനെ രക്ഷിക്കാൻ വേണ്ടി തൂണും പിളർന്നാണ് നാരായണൻ അവതരിച്ചത്.

ഇനി ഒരു കാര്യം കൂടി കേട്ടോളു മുന്നടി മണ്ണ് അളന്നു കൊടുക്കാൻ സാധിക്കാതിരുന്ന ഞാൻ നാരായണന്റെ മുൻപിൽ എന്റെ ശിരസ്സ് കാട്ടി കൊടുത്തത്.. ഭഗവാന്റെ പാദസ്പർശം എന്റെ ശിരസ്സിൽ പതിയുവാൻ വേണ്ടി ആയിരുന്നു.

രാവണാ ഇതുപോലെ ഭക്തരെക്ഷകനായ മറ്റൊരു ദേവനെയും കാട്ടി തരാൻ കഴിയില്ല.

നീ ഇങ്ങോട്ട് കടന്നു വന്നപ്പോൾ കുന്തവും പിടിച്ചു എന്റെ കൊട്ടാരത്തിനു കാവൽ നിൽക്കുന്ന ഒരു കുട്ടിയെ കണ്ടില്ലേ ?

അത് വെറുമൊരു കുട്ടിയല്ല രാവണാ... അത് ശ്രീ മഹാവിഷ്ണുവിന്റെ അവതാരമായ വാമനമൂർത്തിയാണ്.*!!

ഭൂമിയിൽ നിന്നും എന്നെ നിഷ്കാസിതനാക്കിയ ഭഗവാൻ നാരായണൻ, ഇന്ന് എനിക്ക് കാവൽ നില്കുന്നു.

ഭക്തന് വേണ്ടി കാവൽ നിൽക്കുന്ന ഭഗവാൻ..! സാക്ഷാൽ അനന്തശായി നാരായണൻ*... !!

ഭക്തന് കാവൽ നിൽക്കുന്ന ഭഗവാൻ... രാവണാ ഇതിലും വലിയ ഭാഗ്യമൊന്നും എനിക്കിനി ലഭിക്കാനില്ല..

ഓം നമോ നാരായണ..!
ഇനി അടുത്ത തിരുവോണം വരെ വാമനൻ മഹാബലിക്ക് കാവൽ..!!

ഭക്തന് കാവൽ ഭഗവാൻ..*!!!

നന്ദി, പ്രണാമം
ഹരി ഓം
ഹരേ കൃഷ്ണ

15/02/2026

🌅🔆 ശിവരാത്രിയുടെ സന്ദേശം 🔆🌅
03 കുംഭം 1201, 15 ഫെബ്രുവരി 2026, ഞായർ

മനുഷ്യനുവേണ്ടി ഈശ്വരൻ സഹിക്കുന്ന ത്യാഗത്തിന്റെ കഥയാണ് ശിവരാത്രിയുടെ സന്ദേശം.

ശിവരാത്രിയുമായി ബന്ധപ്പെട്ട് പല ഐതിഹ്യങ്ങളുമുണ്ടെങ്കിലും ഏറ്റവും പ്രധാനപ്പെട്ടത് ശിവൻ നീലകണ്ഠനായ സന്ദർഭമാണ്.

പാലാഴിമഥന കഥയിലാണ് ഈ സന്ദർഭം. ദുർവാസാവിന്റെ ശാപം ദേവന്മാരെ മനുഷ്യസമാനം ജരാനരകൾക്ക് വിധേയരാക്കി. അതിനു പരിഹാരം തേടിയതാണ് അമൃതിനുവേണ്ടിയുള്ള പാലാഴിമഥനം.

പാലാഴി മഥനത്തിൽ കടയാൻ ഉപയോഗിച്ച മന്ത് മന്ദരപർവതമായിരുന്നു. വാസുകിയെന്ന നാഗത്തിന്റെ ഓരോ അഗ്രം ദേവാസുരന്മാർ പിടിച്ച് നാഗത്തെ കയർപോലെ ഉപയോഗിച്ചു. കടയുന്നതിന്റെ വേഗം കൂടിയപ്പോൾ വാസുകി കാളകൂടം ഛർദ്ദിച്ചു. കാളകൂടവിഷം മനുഷ്യരെക്കാൾ ദേവാസുരന്മാരെയാണ് ഭയപ്പെടുത്തിയത്. ലോകം മുഴുവൻ നശിപ്പിക്കാൻ കഴിയുന്ന വിഷമാണ് പുറത്തുവന്നിരിക്കുന്നത്.

ലോകത്തിന്റെ രക്ഷക്കായി ആ വിഷം സ്വയം ഏറ്റുവാങ്ങാൻ ശിവൻ നിശ്ചയിച്ചു. കാളകൂടം വിഴുങ്ങിയ ശിവൻ കാളകണ്ഠനായത് ആ വിഷം ഉദരത്തിൽ എത്താതിരിക്കാൻ പാർവതി ശിവന്റെ കഴുത്തിൽ ഞെക്കിപ്പിടിച്ചു, പുറത്തേക്ക് വരാതിരിക്കാൻ മഹാവിഷ്ണു വായ്പൊത്തിപ്പിടിച്ചു. അപ്പോൾ മേലോട്ടും കീഴോട്ടും പോകാൻ വയ്യാത്ത അവസ്ഥയിൽ ശിവകണ്ഠത്തെ കാളകൂടം നീല നിറമാക്കി. അങ്ങനെ ശിവൻ നീലകണ്ഠനായി.

ലോകത്തിൻറെ നന്മയാണ് ഈശ്വരൻ അഭിലഷിക്കുന്നത്. ആ നന്മ ഉറപ്പുവരുത്താൻ ഈശ്വരൻ പലരീതികളിലും പ്രവർത്തിക്കുന്നു. കാളകൂടം മനുഷ്യനുവേണ്ടി വിഴുങ്ങിയ ഈശ്വരൻ മനുഷ്യസഹജീവികൾക്ക് സുഖപ്രദമായ ജീവിതമാണ് പ്രദാനം ചെയ്യുന്നത്.

മഹാദേവന്റെ കൃപയാല്‍ നല്ല ആരോഗ്യവും ദീര്‍ഘായുസ്സും ലഭിക്കട്ടെ എന്നും അതുപോലെ തന്നെ ശിവഭക്തിയുടെ ശക്തി നിങ്ങളെ നേര്‍വഴിയില്‍ നയിക്കട്ടെ എന്നും ആശംസിക്കുന്നു.

കടപ്പാട്

​🌅🔆ശുഭദിനം നേരുന്നു🔆🌅

08/01/2026

ഭാഗവത സപ്താഹ യജ്ഞം 2026
സമാപന ദിവസം

ബ്രഹ്മശ്രീ കല്ലംവള്ളി ജയൻ നമ്പൂതിരിക്കും ടീമിന്നും എല്ലാ ഭക്തജനങ്ങളുടേയും നന്ദി!
🙏 🙏 🙏