കൊല്ലം നഗരത്തില്നിന്നും ഏകദേശം 8 കി.മീ. കിഴക്കായി ദേശീയപാതയ്ക്കടുത്ത് ഉമയനല്ലൂര് ശ്രീബാലസുബ്രഹ്മണ്യസ്വാമി ക്ഷേത്രം സ്ഥിതിചെയ്യുന്നു. ഏകദേശം രണ്ടായിരത്തിലധികം വര്ഷത്തെ പഴക്കം ഈ സങ്കേതത്തിനുണ്ടെന്ന് ചരിത്രകാരന്മാര് അനുമാനിക്കുന്നു.
ക്രി.മു.240 ല് സ്ഥാപിക്കപ്പെട്ട ഈ ക്ഷേത്രത്തില് എ ഡി എട്ടാംനൂറ്റാണ്ടില് ആദിശങ്കരാചാര്യരാണ് ബാലസുബ്രഹ്മണ്യപ്രതിഷ്ഠ നടത്തിയതെന്ന് കരുതപ്പെടുന്നു. പടിഞ്ഞാറേയ്ക്ക് ദര്
ശനമുള്ള അപൂര്വ്വ ബാലസുബ്രഹ്മണ്യസ്വാമിക്ഷേത്രമാണിത്. വേണാടിന്റെ ചരിത്രവുമായി ഈ ക്ഷേത്രം ബന്ധപ്പെട്ടിരിക്കുന്നു. അപൂര്വ്വവും പ്രസിദ്ധവുമായ ആനവാല്പിടിചടങ്ങ് ഈക്ഷേത്രത്തിലാണ് നടന്നുവരുന്നത്.
വിശാലമായ ഉമയനല്ലൂര് ഏലായുടെ വിവിധ സ്ഥലങ്ങളിലായി കെട്ടിയുണ്ടാക്കുന്ന കരക്കാരുടെ നെടുംകുതിരകളെ ദീര്ഘദൂരം തോളിലേറ്റി ക്ഷേത്രത്തിന് പ്രദക്ഷിണം ചെയ്യുന്ന കാഴ്ച കാണാന് വിദൂരദേശങ്ങളില്നിന്നും ആളുകള് എത്തിച്ചേരുന്നു.
തെക്കുംകര, താഴത്ത്-ആയിരംതെങ്ങ്, വടക്കുംകര കിഴക്ക്, വടക്കുംകര പടിഞ്ഞാറ്, പിണയ്ക്കല്, നടുവിലക്കര എന്നീ പ്രദേശങ്ങള് ഉള്ക്കൊള്ളുന്നതാണ് ഈ ക്ഷേത്രം. തിരുവിതാംകൂര് ദേവസ്വംബോര്ഡിനു കീഴിലുള്ള ഈ ക്ഷേത്രത്തില് ഉപദേശകസമിതിയും ചേരി കമ്മിറ്റികളും പ്രവര്ത്തിക്കുന്നു.
