26/04/2026
മയോയിൽ സെന്റ് മേരീസ് ഇന്ത്യൻ ഓർത്തഡോക്സ് ഇടവകയ്ക്ക് തുടക്കം; ആദ്യ വിശുദ്ധ കുർബാന മേയ് 9ന്
അയർലണ്ട്: മയോ: മലങ്കര ഓർത്തഡോക്സ് സഭയുടെ യുകെ, യൂറോപ്പ്, ആഫ്രിക്ക ഭദ്രാസനത്തിന് കീഴിൽ അയർലണ്ടിലെ മയോയിൽ പുതുതായി പരിശുദ്ധ ദൈവമാതാവിൻ്റെ നാമദയത്തിൽ സ്ഥാപിതമായ സെന്റ് മേരീസ് ഇന്ത്യൻ ഓർത്തഡോക്സ് ഇടവകയുടെ ആദ്യ വിശുദ്ധ കുർബാന 2026 മേയ് 9 ശനിയാഴ്ച രാവിലെ 09:30ന് കാസിൽബാറിലെ ബ്രഫിയിലെ സെന്റ് അലോഷ്യസ് ചർച്ചിൽ നടക്കും.
ഭദ്രാസന മെത്രാപ്പൊലീത്ത ഏബ്രഹാം മാർ സ്തേഫാനോസിന്റെ ആശീർവാദത്തോടെ, ഇടവക വികാരി ഫാ. എൽദോസ് ബാബുവിന്റെ മുഖ്യ കാർമികത്വത്തിൽ പ്രഭാത നമസ്കാരത്തോടെ ശുശ്രൂഷകൾക്ക് തുടക്കമാകും. തുടർന്ന് വിശുദ്ധ കുർബാനയും നടത്തപ്പെടും.
ഈ ചരിത്രപ്രധാനമായ ശുശ്രൂഷകൾക്ക് ഫാ. എൽദോസ് ബാബു, ഫാ. കാൽവിൻ പൂവത്തൂർ നേതൃത്വം നൽകും. അയർലണ്ടിലെ മലങ്കര ഓർത്തഡോക്സ് വിശ്വാസികൾക്ക് ആത്മീയമായി വലിയ പ്രാധാന്യമുള്ള ഒരു പുതിയ തുടക്കമായാണ് ഈ ഇടവകയുടെ സ്ഥാപനം കണക്കാക്കപ്പെടുന്നത്.
