Peruninakulam Sreekrishna Temple, Irimapanam, Ernakulam,Kerala

02/05/2024

ആത്മീയ അന്വേഷണത്തിന്റെ പരമമായ ഉത്തരങ്ങളാണ്‌ ഭഗവത് ഗീതയിൽ അടങ്ങിയിട്ടുള്ളത്. ഒരു മനുഷ്യൻ അവന്റെ ജീവിത സപര്യയിൽ അറിഞ്ഞിരിയ്ക്കേണ്ട കാര്യങ്ങളും പകർത്തേണ്ട മൂല്യങ്ങളും ഗീത മുൻപോട്ട് വയ്ക്കുന്നു. അതിനാൽ തന്നെ ഗീതാപാരായണത്തിന്റെ പ്രാധാന്യവും വളരെ വലുതാണ്.

ചിന്മയ ശങ്കരം 2024 ന്റെ ഭാഗമായി ചിന്മയ മിഷൻ സംഘടിപ്പിയ്ക്കുന്ന സമ്പൂർണ്ണഗീതാപാരായണ യജ്ഞം മെയ് 3 രാവിലെ 7 മണിയ്ക്ക് പെരുന്നിനാകുളം ശ്രീകൃഷ്ണ ക്ഷേത്രത്തിൽ( ഇരുമ്പനം)ആരംഭി യ്ക്കും. ബ്രഹ്മചാരി സുധീർ ചൈതന്യ ചടങ്ങ് ഉദ്ഘാടനം ചെയ്യും. ഈ അനുഗ്രഹീതമായ അവസരത്തിൽ എല്ലാ ഭക്തജനങ്ങളുടെയും സാന്നിധ്യം പ്രതീക്ഷിയ്ക്കുന്നു. ഭഗവാൻ ശ്രീകൃഷ്ണന്റെ വചനങ്ങൾ ഇനി ജീവിതത്തിൽ പകർത്താം.

16/07/2023

നാളെ കർക്കിടകം ഒന്ന്

രാമായണത്തിന്‍റെ പുണ്യം നിറച്ച് വീണ്ടും ഒരു രാമായണ മാസം ആരംഭിക്കുന്നു. 🙏

ഗണപതി ഹോമത്തിന്റെ പുകയാൽ ഭക്തി നിർഭരമായ അമ്പലങ്ങൾ 🙏
തോരാതെ പെയ്യുന്ന മഴയത്തെ തണുത്തുറഞ്ഞ പ്രഭാതങ്ങൾ വകവയ്ക്കാതെ കുളിച്ച് ദശപുഷ്പം ചൂടി മുക്കുറ്റി ചാന്ത് അണിയുന്ന മുത്തശ്ശിമാർ 🙏 അവരുടെതായ ഈണത്തിൽ ചൊല്ലുന്ന രാമായണ ശീലുകളും, ശ്രീരാമ നാമങ്ങൾ കേട്ടുണരുന്ന മനസ്സിനു കുളിർമയേകുന്ന ഒരു കർക്കിടക മാസം,,ഇനിയുള്ള നാളുകൾ രാമനാമ മുഖരിതം🧡🙏

പാരായണത്തിനപ്പുറം മനസ്സിന്‍റെ പരിവർത്തനം ലക്ഷ്യമാക്കുന്നു രാമായണ മാസാചരണം. ആത്മീയമായ ആനന്ദത്തിന്‍റെ ആ നാളുകളിലേക്ക് ഉണരുകയാണ് മനസ്സും ശരീരവും ഒരിക്കൽ കൂടി.

ശ്രീരാമചന്ദ്രന്റെയും, സീതാ ദേവിയുടെയെയും അനുഗ്രഹം എല്ലാവർക്കും ഉണ്ടാകട്ടെ എന്ന് പ്രാർത്ഥിച്ചു കൊണ്ട് ഹൃദ്യമായ ഒരു രാമായണമാസം ആശംസിക്കുന്നു….

06/06/2023

2023 ജൂൺ മാസം 14 ന് - ജൂൺ 30 ന് 2023…

പെരുന്നിനാകുളം ശ്രീ കൃഷ്ണ ക്ഷേത്രം.

ഒരു മനുഷ്യ ജന്മത്തിൽ വളരെ ചുരുക്കം മാത്രം ലഭിക്കുന്ന അസുലഭ ഭാഗ്യമാണ് ക്ഷേത്ര നിർമ്മാണത്തിലും പുനഃപ്രതിഷ്ഠയിലും പങ്കുചേരാൻ കഴിയുക എന്നത്. ഇതിലൂടെ ജന്മജന്മാന്തര പാപങ്ങളിൽ നിന്നും മുക്തി നേടുവാനും സർവ്വ ഐശ്വര്യം നേടുവാനും കഴിയുന്നു.

ദൃഢമായ ഭക്തിയോടും വിശ്വസത്തോടും കൂടി ഈ മഹായജ്ഞത്തിൽ എല്ലാ ഭക്തജനങ്ങളും പങ്ക്കൊള്ളണമെന്ന് താൽപര്യ പ്പെടുന്നതോടൊപ്പം പുനഃപ്രതിഷ്ഠ ചടങ്ങുകളിൽ എല്ലാ ഭക്തജനങ്ങളുടെയും അകമഴിഞ്ഞ സാമ്പത്തിക സഹായ സഹകരണങ്ങൾ പ്രതീക്ഷിച്ച് കൊള്ളുന്നു.

എല്ലാ ഭക്തജനങ്ങളേയും ഭഗവത് സന്നിധിയിൽ എത്തി സർവ്വാത്മനാസഹകരിച്ചും നവീകരണകലശം ഉത്സവാഘോഷം ഭംഗിയാക്കുവാൻ ഭക്ത്യാദരപൂർവ്വം സ്വാഗതം ചെയ്യുന്നു....

ഈ സന്ദേശം പരമാവധി ജനങ്ങളിലേക്ക് എത്തിക്കുവാൻ എല്ലാ നല്ലവരായ ഭക്തജനങ്ങളോടും അഭ്യർത്ഥിക്കുന്നു.

ശ്രീഹരയേ നമഃ 🙏

05/06/2023

തെക്കേടത്തപ്പന് സ്വർണ്ണധ്വജം
🙏🏻🙏🏻🙏🏻🙏🏻🙏🏻 ( 05/06/23 )

ചിരകാല സ്വപ്നമായിരുന്ന സ്വർണ്ണ ധ്വജം ഭക്ത ജനങ്ങളുടെ അകമഴിഞ്ഞ സഹായ സഹകരണം കൊണ്ട് യാഥാർത്ഥിമായിരിക്കുന്നു.

29/01/2023

പെരുന്നിനാകുളം ശ്രീകൃഷ്ണ ക്ഷേത്രം

നവീകരണകലശം

ഭക്തജനങ്ങളെ,

ചിരപുരാതനവും ചൈതന്യധന്യവുമായ പുണ്യക്ഷേത്രമാണ് പെരുന്നിനാകുളം ശ്രീകൃഷ്ണസ്വാമി ക്ഷേത്രം.

കാലപ്രവാഹത്താൽ ക്ഷേത്രത്തിനു സംഭവിച്ച ജീർണ്ണതകൾ നീക്കി പുനരുദ്ധരിക്കുന്ന പ്രവൃത്തി ഇതിനോടകം ഏകദേശം പൂർത്തിയായിവരുന്ന വിവരം ഭക്തിപുരസ്സരം അറിയിച്ചുകൊള്ളുന്നു.

തുടർന്ന് ക്ഷേത്രപരിശുദ്ധിയ്ക്കും, ചൈതന്യപുഷ്ടിക്കും സർവ്വോപരി ദേശത്തിന്റെ ഐശ്വര്യാഭിവൃദ്ധിക്കുമായി നടത്തേണ്ടതായ നവീകരണകലശം 2023 ജൂൺ മാസം 21 ന് രാവിലെ 3.40 നും 5.40 നും ഇടയിൽ തന്ത്രിമുഖ്യൻ ബ്രഹ്മശ്രീ പുലിയന്നൂര്‍ ദിലീപന്‍ നമ്പൂതിരിപ്പാട് അവർകളുടെ മുഖ്യകാർമ്മികത്വത്തിൽ നടത്താൻ നിശ്ചയിച്ചിരിക്കുന്നു.

നാടാടെ നടക്കുന്ന ഈ മഹത് യജ്ഞം അതിന്റെ പരിപൂർണ്ണതയിൽ എത്തിക്കുന്നതിനായി ഇന്നാട്ടിലെ എല്ലാ ഭക്തജനങ്ങളെയും ഉൾപ്പെടുത്തിക്കൊണ്ടുള്ള ഒരു പൊതുയോഗം 2023 ജനുവരി 29 ഞായറാഴ്ച വൈകീട്ട് 4 മണിയ്ക്ക് പെരുന്നിനാകുളം എൻ.എസ്.എസ്. കരയോഗം ഹാളിൽ വച്ച് നടത്തുന്നതിന് തീരുമാനിച്ചിരിക്കുന്നു.

എല്ലാ ഭക്തജനങ്ങളുടേയും മഹനീയ സാന്നിദ്ധ്യം ഈ പൊതുയോഗത്തിൽ ഉണ്ടാകണമെന്ന് ഭഗവൽ നാമത്തിൽ അഭ്യർത്ഥിക്കുന്നു.

പെരുന്നിനാകുളം ശ്രീകൃഷ്ണക്ഷേത്രം ട്രസ്റ്റ്

ചെയർമാൻ / സെക്രട്ടറി

26/01/2023

26/09/2022

*നവരാത്രി*

ഈ വർഷത്തെ നവരാത്രി മഹോത്സവം 2022 സെപ്റ്റംബർ 26 മുതൽ ഒക്ടോബർ 5 വരെ (1198 കന്നി 10 മുതൽ 19 വരെ ) നടത്തുവാൻ
തീരുമാനിച്ചിരിക്കുന്ന വിവരം എല്ലാ ഭക്തജനങ്ങളേയും അറിയിച്ചുകൊള്ളുന്നു.

- [ ] പൂജവെയ്പ്പ് -

02/10/2022 - ഞായർ
വൈകീട്ട് 5:00 മുതൽ

- [ ] 03/10/2022 (ദുർഗാഷ്ടമി ) - തിങ്കൾ

- [ ] 04/10/2022 (മഹാനവമി ) - ചൊവ്വ

- [ ] പൂജയെടുപ്പ് - 05/10/2022 ( വിജയദശമി ) ബുധൻ -

രാവിലെ 7.30ന്
*ദീപാരാധന*
തുടർന്ന്
*പൂജയെടുപ്പ്, വിദ്വാരംഭം
*
അറിയിപ്പുകൾ

• രക്ഷിതാക്കൾക്ക് തന്നെ കുട്ടികളെ തിരുനടയിൽ എഴുത്തിനിരുത്തുവാനുള്ള സൗകര്യം ഉണ്ടായിരിക്കുന്നതാണ്.

• തിരുനടയിൽ പാഠപുസ്തകങ്ങൾ പൂജവയ്ക്കാൻ ആഗ്രഹിക്കുന്ന പഠിതാക്കൾ 02/10/2022 - ഞായർ വൈകീട്ട് 5:30 മുതൽ പുസ്തകങ്ങൾ ക്ഷേത്രസന്നിധിയിൽ എത്തിക്കേണ്ടതാണ്.

09/09/2022

*ഉത്തരം വയ്പ്പ്*

അയ്യപ്പസ്വാമിയുടെ ശ്രീകോവിലിന്റെയും, വല്യമ്പലത്തിന്റെയും , ഉത്തരം വയ്പ്പ് കർമ്മം **2022 സെപ്തംബർ 12 ന് രാവിലെ 11നും 12നും **ഇടയിലുള്ള ശുഭമുഹൂർത്തത്തിൽ തന്ത്രി ബ്രഹ്മശ്രീ ദിലീപൻ നമ്പൂതിരിപ്പാട് നടത്തുന്ന വിവരം എല്ലാ ഭക്ത ജനങ്ങളെയും അറിയിച്ചുകൊള്ളുന്നു. എല്ലാഭക്തജനങ്ങളും ഈ അസുലഭ മുഹൂർത്തത്തിൽ ക്ഷേത്രത്തിലെത്തിചേർന്ന് ഭഗവാന്റെ അനുഗ്രഹത്തിന് പാത്രീഭൂതരാകണമെന്ന് അഭ്യർത്ഥിക്കുന്നു .

01/09/2022

ഭക്തജനങ്ങളെ,

ആയില്യം സർപ്പങ്ങളുടെ ജന്മനക്ഷത്രമായാണ് സങ്കല്പം. കന്നിമാസത്തെ ആയില്യമാകട്ടെ നാഗരാജാവിന്റെ ജന്മദിനമത്രേ. അതുകൊണ്ടാണ് കന്നിയിലെ ആയില്യം ഏറ്റവും പ്രധാനമാകുന്നത്. 2022 സെപ്റ്റംബർ 22 നാണ് ഇത്തവണ കന്നിമാസത്തെ ആയില്യം.

നാഗപ്രീതി വരുത്തി കുടുംബസുഖവും സർവ്വഐശ്വര്യവും നേടാനുള്ള ഏറ്റവും നല്ല ദിവസം ആണ് നാഗരാജാവിന്റെ തിരുനാൾ ആയ കന്നിമാസത്തിലെ ആയില്യം. നാഗാരാധനയുടെ കാര്യത്തിൽ എല്ലാ മാസത്തിലെയും ആയില്യം പ്രധാനമാണെങ്കിലും കന്നിമാസത്തിലെ ആയില്യത്തിനു കൂടുതൽ പ്രാധാന്യമുണ്ട്.

സന്താനസൗഭാഗ്യത്തിനു പുറമേ കുടുംബൈശ്വര്യം, രോഗപീഡകളിൽ നിന്നു മോചനം, ഉദ്ദിഷ്ടകാര്യസിദ്ധി തുടങ്ങിയ ഫലങ്ങളും സർപ്പങ്ങളുടെ അനുഗ്രഹത്തിലൂടെ ലഭിക്കും എന്നാണു വിശ്വാസം.

വഴിപാടുകൾ

- [ ] നൂറുംപാലും
- [ ] ആയില്യപൂജ
- [ ] മഞ്ഞൾ അഭിഷേകം
- [ ] കരിക്ക് അഭിഷേകം
- [ ] നിവേദ്യം

വഴിപാടുകൾ മുൻകൂട്ടി ബുക്ക് ചെയ്യാവുന്നതാണ്.

Mob: 8086055111

തെക്കേടത്തപ്പന്റെ കൃപാകടാക്ഷം എല്ലാവരിലും ചൊരിയുമാറാകട്ടെ.