12/05/2026
🕉️ ഓം നമോ ഭഗവതേ വാസുദേവായ 🕉️
നമസ്തേ,
പുലിയൻകുളങ്ങര ശ്രീകൃഷ്ണസ്വാമി ക്ഷേത്രത്തിൽ 2026 ഏപ്രിൽ 26 മുതൽ മെയ് 4 വരെ ഭക്തിനിർഭരമായി നടന്ന ധ്വജ പ്രതിഷ്ഠാ ചടങ്ങുകളിലും, മെയ് 4 മുതൽ മെയ് 9 വരെ നടന്ന തിരുഃ ഉത്സവ മഹോത്സവത്തിലും ആത്മാർത്ഥമായി പങ്കുചേർന്ന എല്ലാ ഭക്തജനങ്ങളോടും ക്ഷേത്ര ഉപദേശക സമിതിയുടെ ഹൃദയം നിറഞ്ഞ നന്ദിയും കടപ്പാടും അറിയിച്ചുകൊള്ളുന്നു.
കൊടിമര ഭാഗങ്ങൾ സമർപ്പിക്കുകയും തിരുഃ ഉത്സവം വഴിപാടായി അർപ്പിക്കുകയും ചെയ്ത് ഈ മഹത് കര്മ്മങ്ങൾക്ക് പിന്തുണ നൽകിയ സുകൃതികളായ ഭക്തജനങ്ങൾക്കും, ക്ഷേത്രത്തിലെ കലാപരിപാടികൾ ഭക്തിസാന്ദ്രമാക്കിയ കലാകാരൻമാർക്കും കലാകാരികൾക്കും, പുഷ്പാലങ്കാരങ്ങൾ സമർപ്പിച്ച ഭക്തജനങ്ങൾക്കും, അന്നദാനം നടത്തിയ സന്മനസ്സുകൾക്കും പ്രത്യേക നന്ദി രേഖപ്പെടുത്തുന്നു.
പൂജാദി കർമ്മങ്ങൾക്ക് നേതൃത്വം നൽകിയ തന്ത്രി, മേൽശാന്തി, മറ്റ് തിരുമേനിമാർ, കീഴ്ശാന്തിമാർ, ക്ഷേത്ര ജീവനക്കാർ എന്നിവർക്ക് ഭഗവാന്റെ തിരുനാമത്തിൽ പ്രണാമം അർപ്പിക്കുന്നു. കഞ്ഞിക്ക് ആവശ്യമായ സാധനങ്ങൾ ഒരുക്കിയ മാതൃസമിതി അംഗങ്ങൾക്കും, പ്രഭാഷണം സമർപ്പിച്ച ക്ഷേത്ര സംരക്ഷണ സമിതി അംഗങ്ങൾക്കും, മൂന്നാം ഉത്സവം ഗംഭീരമായി ആഘോഷിച്ച അയ്യപ്പ സേവാ സംഘം പ്രവർത്തകർക്കും ആത്മാർത്ഥമായ നന്ദി അറിയിക്കുന്നു.
ഉത്സവത്തിന് ഗംഭീരത പകർന്ന കെട്ടുകാഴ്ചകൾ ഒരുക്കിയ വിവിധ കരകളിലെ സമിതി അംഗങ്ങൾക്കും, ആറാട്ട് ഘോഷയാത്രയ്ക്ക് ഭക്തിപൂർവ്വമായ വരവേൽപ്പ് നൽകിയ കളരിവാതുക്കൽ ശ്രീഭഗവതി ക്ഷേത്ര ഭരണസമിതിയിലെയും യുവജനസമിതിയിലെയും അംഗങ്ങൾക്കും, ആലിൻകുളങ്ങര ക്ഷേത്രം, കൊടിക്കര ക്ഷേത്രം എന്നിവിടങ്ങളിലെ ഭരണസമിതി അംഗങ്ങളോടും, പ്രതികൂല കാലാവസ്ഥ പോലും അവഗണിച്ച് താലപ്പൊലി ഘോഷയാത്രയിൽ പങ്കെടുത്ത ഭക്തജനങ്ങൾക്കും സ്നേഹാദരങ്ങൾ രേഖപ്പെടുത്തുന്നു.
എല്ലാ ദിവസവും ഭക്തിപൂർവ്വവും അതീവ രുചികരവുമായി അന്നദാനം ഒരുക്കിയ തട്ടുപുരയ്ക്കൽ ശ്രീ. രാമചന്ദ്രൻപിള്ള അമ്മാവനോടും, ലൈറ്റ് & സൗണ്ട് പല്ലവിയോടും, ബിജു ഡെക്കറേഷനോടും, ഈ മഹോത്സവത്തിന്റെ വിജയത്തിനായി നേരിട്ടോ പരോക്ഷമായോ പ്രവർത്തിച്ച ഓരോരുത്തരോടും ക്ഷേത്ര ഉപദേശക സമിതിയുടെ ഹൃദയം നിറഞ്ഞ നന്ദിയും കടപ്പാടും രേഖപ്പെടുത്തുന്നു.
ശ്രീകൃഷ്ണസ്വാമിയുടെ അനുഗ്രഹം ഏവർക്കും ഉണ്ടാകട്ടെ എന്ന് പ്രാർത്ഥിച്ചുകൊള്ളുന്നു.
ക്ഷേത്ര ഉപദേശക സമിതിക്ക് വേണ്ടി,
റ്റി. സുധീഷ് കുമാർ
സെക്രട്ടറി
ഹരേ കൃഷ്ണ... 🕉️🙏
