Azhikode Mookambika Kshethram

20/02/2026

🕉️ശ്രീ ലളിതാംബികായൈ നമഃ 🙏

🙏ശ്രീ ലളിതാസഹസ്രനാമസ്തോത്രം🙏

ശ്ലോകം 5️⃣6️⃣

🪷🪷🪷🪷🪷🪷🪷🪷🪷🪷🪷🪷🪷🪷🪷
മഹാതന്ത്രാ മഹാമന്ത്രാ
മഹായന്ത്രാ മഹാസനാ
മഹാ യാഗക്രമാരാദ്ധ്യാ മഹാഭൈരവപൂജിതാ

(226,227,228,229,230,231)
🪷🪷🪷🪷🪷🪷🪷🪷🪷🪷🪷🪷🪷🪷🪷

ഈ ശ്ലോകത്തിലെ ദിവ്യങ്ങളായ ആറ് തിരുനാമങ്ങളുടെ ലളിതമായ വ്യാഖ്യാനത്തിലേക്ക് പോകാം

🌺226. മഹാതന്ത്രാ

മഹത്തുക്കളായ തന്ത്രങ്ങളാൽ ആരാധിക്കപ്പെടുന്നവൾ. മഹത്തുക്കളായ തന്ത്രങ്ങൾ എന്നതുകൊണ്ട് ഫലപ്രദമായ തന്ത്രങ്ങൾ എന്ന് സൂചിപ്പിക്കുന്നു. കുലാർണ്ണവ തന്ത്രം, ജ്ഞാനാർണ്ണവ തന്ത്രം തുടങ്ങിയവയെയാണ് തന്ത്ര ശബ്ദം കുറിക്കുന്നത്.
ശ്രീ ശങ്കരാചാര്യ സ്വാമികൾ തന്ത്രങ്ങളെ രണ്ടായി തിരിക്കുന്നു. ശ്രീ പരമേശ്വരൻ ആദ്യം നിർമ്മിച്ച 64 തന്ത്രങ്ങൾ പരിമിതമായ സിദ്ധികളെ മാത്രം നൽകുന്നതാണ്. അവ ശാശ്വതമായ കൈവല്യം നൽകുന്നതിന് പര്യാപ്തമല്ല
ഇവ പുരുഷാർത്ഥ സിദ്ധിക്ക് ഉതകാത്തവ ആയതിനാൽ ദേവിയുടെ നിർബന്ധം മൂലം മഹാദേവൻ 8 തന്ത്രങ്ങൾ കൂടി നിർമിച്ചു. അവ ""ചന്ദ്രകലാഷ്ടകം"" എന്ന പേരിൽ അറിയപ്പെടുന്നു. ഇവ പുരുഷാർത്ഥങ്ങളെ പ്രാപിക്കുവാൻ സഹായിക്കുന്നത് ആകയാൽ സ്വതന്ത്ര തന്ത്രം എന്ന് പറയുന്നു. ദേവിയുടെ തന്നെ തന്ത്രം ആയതുകൊണ്ടാണ് സ്വതന്ത്രം എന്ന് പറയുന്നത്. ഇവയാണ് തന്ത്രങ്ങളിൽ മുഖ്യം.
അപ്രകാരമുള്ള തന്ത്രത്തിന് അധീശ്വരിയാകയാൽ അമ്മ മഹാ തന്ത്രയാണ്.
തന്റെ ഉപാസകരെ സ്വതന്ത്രാചരണത്തിന് പ്രാപ്തിയുള്ളവരാക്കുന്നവൾ എന്ന് വ്യംഗ്യമായ അർത്ഥം

🌺227. മഹാമന്ത്രാ

മഹത്തായ മന്ത്രങ്ങളോടുകൂടിയവൾ. വിവിധ ദേവ ശക്തികളെ പ്രചോദിപ്പിക്കുന്ന അനേകം മന്ത്രങ്ങൾ ഉണ്ട്. ആ മന്ത്രങ്ങൾ വശ്യം, മാരണം, ഉച്ചാടനം,, ആകർഷണം തുടങ്ങിയ കർമ്മങ്ങൾക്കായി ഉപയോഗിക്കുന്നു. പക്ഷേ ഇവ മോക്ഷ സിദ്ധിക്ക് പ്രാപ്തിയുള്ള ഉപകരണങ്ങൾ അല്ല. ശ്രീവിദ്യാ മന്ത്രമാണ് മന്ത്രങ്ങളിൽ ശ്രേഷ്ഠം. അതുപോലെ ബാലാ മന്ത്രവും ബഗളാ മന്ത്രവും വളരെ ശ്രേഷ്ഠമാണ്. അങ്ങനെയുള്ള മന്ത്രങ്ങൾ ദേവി രൂപങ്ങളാണ്. മന്ത്രശരീരം തന്നെ ദേവിയാണ്. അതിനാൽ അമ്മ മഹാ മന്ത്രാ എന്ന പേരിൽ അറിയപ്പെടുന്നു.
മഹാമന്ത്ര സിദ്ധിക്ക് സ്വന്തം ഭക്തരെ പ്രാപ്തരാക്കുന്നവൾ എന്ന് വ്യംഗ്യമായ അർത്ഥം

🌺228. മഹായന്ത്രാ

യന്ത്രങ്ങളും മന്ത്ര തന്ത്രാദികളെപ്പോലെ നിരവധിയാണ്. പ്രപഞ്ചശക്തികളിൽ ചിലതിനെ മാത്രം പ്രതിനിധീകരിക്കുന്ന ക്ഷുദ്ര യന്ത്രങ്ങൾ തൊട്ട് ശ്രീദേവി സ്വരൂപം തന്നെയായ ശ്രീചക്രം വരെയുള്ളവ യന്ത്രം എന്ന പേരുകൊണ്ട് കുറിക്കപ്പെടുന്നു. എങ്കിലും സമസ്ത പുരുഷാർത്ഥങ്ങളും ദാനം ചെയ്യാൻ കഴിവുള്ള ശ്രീചക്രാദി യന്ത്രങ്ങളെയാണ് നമ്മൾ മുഖ്യമായി കാണേണ്ടത്. അങ്ങനെയുള്ള മഹാ യന്ത്രങ്ങൾ ദേവീ സ്വരൂപം തന്നെയാണ്. ആ യന്ത്രങ്ങളുടെ പൂജ ദേവി പൂജ തന്നെയാണ്. അതുകൊണ്ടാണ് അമ്മയ്ക്ക് മഹായന്ത്രാ എന്ന പേര് ലഭിച്ചത്.
(തന്ത്രങ്ങളിൽ സ്വതന്ത്രവും മന്ത്രങ്ങളിൽ ശ്രീവിദ്യയും യന്ത്രങ്ങളിൽ ശ്രീചക്രവും സർവ്വ ശ്രേഷ്ടങ്ങളാണെന്ന് ആചാര്യ മതം)

🌺229. മഹാസനാ

ആസനം എന്നാൽ ആശ്രയ സ്ഥാനം. മഹത്തായ ആശ്രയത്തോടുകൂടിയവളാണ് ലളിതാംബിക ദേവി.
ക്ഷിതി തുടങ്ങിയ 36 തത്വങ്ങളും ദേവിയുടെ ആസനങ്ങളായി വിവരിക്കപ്പെടുന്നു. അവ പ്രപഞ്ചത്തിന്റെ തന്നെ ആസനങ്ങളാണ്.
മഹിഷാസുര മർദ്ദിനിയായ് ദേവി അവതരിച്ചപ്പോൾ സിംഹമായിരുന്നു ആസനം. മണിദീപിലെ ചിന്താമണി ഗ്രഹത്തിൽ പഞ്ച ബ്രഹ്മസനത്തിലാണ് അമ്മ ഇരിക്കുന്നത്. അമ്മയുടെ ഇരിപ്പിടത്തെ ശക്തി പീഠം എന്നാണ് പറയുന്നത്. 108 പീഠങ്ങളിലായി അമ്മയെ ആരാധിക്കുന്നു.
വാരണാസിയിലെ ഗൗരീ മുഖത്തിൽ വിശാലാക്ഷിയായും, നൈമിശാരണ്യത്തിൽ ലിംഗധാരണിയായും, ഗോമന്ദത്തിൽ ഗോമതിയായും, ചൈത്രത്തിൽ മദോത്കടയായും, കേദാരത്തിൽ സന്മാർഗദായിനിയായും, ഗോകർണത്തിൽ ഭദ്രകർണികയായും, ശ്രീശൈലത്തിൽ മാധവിയായും, ഭദ്രേശ്വരത്തിൽ ഭദ്രയായും, മായാപുരിയിൽ കുമാരിയായും, സാളഗ്രാമത്തിൽ മഹാദേവിയായും, ഗയയിൽ മംഗളയായും, സഹ്യാദ്രിയിൽ ഏക വീരയായും, ഗോദാവരിയിൽ ത്രിസന്ധ്യയായും, ദ്വാരകയിൽ രുഗ്മിണിയായും, മഥുരയിൽ ദേവകിയായും, ചിത്രകൂടത്തിൽ
സീതാദേവിയായും, കരവീരത്തിൽ മഹാലക്ഷ്മിയായും, മഹാകാളത്തിൽ മഹേശ്വരിയായും, വൃന്ദാവനത്തിൽ രാധാറാണിയായും, പ്രഭാസത്തിൽ പുഷ്കരവതിയായും, സരസ്വതിയിൽ ദേവമാതാവായും, ഹിമാലയത്തിൽ ഭീമാദേവിയായും, ബദരിയിൽ ഉർവശിയായും, അമ്മ ആരാധിക്കപ്പെടുന്നു.
സ്വത്തുക്കളുടെ ഹൃദയം അമ്മയുടെ ആസനമാണെന്നും ആ മഹത്തായ ആസനത്തിൽ സ്ഥിതി ചെയ്യുന്നതിനാൽ അമ്മ മഹാസനയാണെന്നും ഏറ്റവും ലളിതമായ വ്യാഖ്യാനം.

🌺230. മഹായാഗക്രമാരാധ്യാ

മഹായാഗക്രമം കൊണ്ട് ആരാധ്യയായവൾ. ഭണ്ഡാസുര വധത്തിന് ദേവിയെ തയ്യാറാക്കുന്നതിന് ദേവന്മാർ നടത്തിയ യാഗം നമുക്കറിയാമല്ലോ. അതുപോലെ അതിവിപുലമായ സജ്ജീകരണങ്ങൾ ആവശ്യമുള്ള യാഗങ്ങളെ മഹായാഗം എന്ന് പറയുന്നു. പരാശക്തിയായ ദേവിയെ പ്രസാദിപ്പിക്കുന്നതിന് മഹായാഗം തന്നെ വേണ്ടിവരും. അമ്മയുടെ പാർശ്വവർത്തിനികളായ 64 യോഗിനികളുടെ പൂജ ഉൾപ്പെടുന്ന യാഗമാണ് മഹായാഗം എന്നും അഭിപ്രായമുണ്ട്. മഹായാഗം ഉടനടി ഫലം നൽകും.

മേൽപ്പറഞ്ഞത് ബാഹ്യപൂജാക്രമത്തിലുള്ള മഹായാഗം ആണ്. ആഭ്യന്തര പൂജാക്രമത്തിലും മഹായാഗം ആകാം. അപ്പോൾ അഗ്നി കുണ്ഡം ഉപാസകന്റെ ഹൃദയമാണ്. ഉപാസകന്റെ മനസ്സ് തന്നെയാണ് അഗ്നി. ഭക്തികൊണ്ടും യമ നിയമാദികൾ കൊണ്ടും ആ അഗ്നിയെ ജ്വലിപ്പിച്ച് സ്വന്തം ഇഷ്ടാനിഷ്ടങ്ങളും വാസനകളും അതിൽ ഹോമിക്കുന്നതാണ് യാഗക്രമം. ഒടുവിൽ തന്റെ അഹം ബുദ്ധിയെ ചിദഗ്നിയിൽ ഹോമിക്കുന്നതോടുകൂടി ഉപാസകനും അമ്മയും ഒന്നായിത്തീരുന്നു. ഇത്തരത്തിൽ ആരാധിക്കപ്പെടേണ്ടവളാണ് അമ്മ.

🌺231. മഹാഭൈരവ പൂജിതാ

മഹാഭൈരവനാൽ ആരാധിക്കപ്പെടുന്നവളാണ് ലളിതാംബിക ദേവി. പരമശിവന്റെ അഞ്ചാമത്തെ അവതാരമാണ് ഭൈരവൻ. പരമശിവന്റെ അപ്രീതിക്ക് പാത്രമായ ബ്രഹ്മാവിന്റെ അഞ്ചാമത്തെ ശിരസ് വേർപെടുത്തുവാൻ ആയിട്ടാണ് പരമശിവൻ ഭൈരവ അവതാരം സ്വീകരിച്ചത്. കാലഭൈരവൻ എന്ന പേരിൽ പ്രശസ്തനായ ഭൈരവശിവൻ കപാലവൃതം അനുഷ്ടിച്ച് ബ്രഹ്മഹത്യാ പാപത്തിൽ നിന്ന് മോചിതനായി. പിന്നീട് ഭക്തന്മാർക്ക് വേണ്ടി കാശിയിൽ സാന്നിധ്യം ഉറപ്പിച്ചു.
പാർവതി ദേവി ഭൈരവന്റെ പത്നിയായി അവതരിച്ചു. ഭൈരവിയുടെ കൈയിലെ ജപമാല ധരിച്ചു നിത്യവും ഭൈരവശിവൻ അമ്മയെ പൂജിക്കുന്നു.
ഭൈരവൻ എന്ന ശബ്ദത്തിലെ
"ഭ" സൃഷ്ടിയെയും
"ര" സ്ഥിതിയെയും
"വ" സംഹാരത്തെയും
പ്രതിനിധാനം ചെയ്യുന്നു. ദേവിയുടെഅനുഗ്രഹമില്ലെങ്കിൽ ഭൈരവമൂർത്തിക്ക് പ്രവർത്തിക്കുവാൻ സാധിക്കുകയില്ല

അമ്മയുടെ അനുഗ്രഹം എന്നും എല്ലാവർക്കും ഉണ്ടാവട്ടെ 🙏

🌺🌺🌺🌺🌺🌺🙏🕉️🙏🌺🌺🌺🌺🌺🌺

14/02/2026

●●●ശ്രദ്ധിക്കുക! 2026-ലെ മഹാശിവരാത്രി: തീയതിയും സമയവും അറിയാം.. 🕉️🔱
മഹാശിവരാത്രി - ശിവ ഭക്തിയുടെയും അനുഗ്രഹത്തിന്റെയും പുണ്യരാവ്! 🕉️●●●

■ 2026-ൽ ഫെബ്രുവരി 15, ഞായറാഴ്ചയാണ് മഹാശിവരാത്രി ആഘോഷിക്കുന്നത്.■

● ത്രിമൂർത്തികളിൽ സംഹാരമൂർത്തിയായ മഹാദേവന് ഏറ്റവും പ്രധാനപ്പെട്ട ദിവസമാണ് മഹാശിവരാത്രി. കുംഭമാസത്തിലെ കറുത്തപക്ഷ ചതുർദ്ദശി ദിവസമാണ് ഈ പുണ്യദിനം. പാലാഴി മഥനം നടന്നപ്പോൾ ലോകരക്ഷാർത്ഥം കാളകൂട വിഷം പാനം ചെയ്ത മഹാദേവൻ വിഷത്തിന്റെ ആഘാതത്തിൽ മയങ്ങി, ദേവന്മാർ രാത്രി മുഴുവൻ ഉറങ്ങാതെ ശിവനെ സ്തുതിച്ചു എന്ന് വിശ്വസിക്കപ്പെടുന്നു. ലോകം മുഴുവൻ ഉറങ്ങിക്കിടക്കുമ്പോഴും ശിവൻ മാത്രം ഉണർന്നിരിക്കുന്ന രാത്രിയാണിത്.

■ എന്താണ് മഹാശിവരാത്രി..?
ശിവനും ശക്തിയും ഒരുമിക്കുന്ന ദിവസം, ശിവൻ സംഹാര താണ്ഡവം നടത്തുന്ന ദിവസം, കാളകൂട വിഷം പാനം ചെയ്ത ദിവസം, ശിവന്റെയും പാർവ്വതിയുടെയും വിവാഹം നടന്ന ദിവസം എന്നിങ്ങനെ പല ഐതിഹ്യങ്ങളും ഈ ദിവസത്തിന് പിന്നിലുണ്ട്. ഭക്തർക്ക് പാപമോചനവും മോക്ഷവും നൽകുന്ന ഏറ്റവും പ്രധാനപ്പെട്ട ദിവസമായാണ് ശിവരാത്രിയെ കാണുന്നത്.

■ ആചാരങ്ങളും പൂജകളും:
മഹാശിവരാത്രി ദിവസം ഭക്തർ ഉപവാസം അനുഷ്ഠിച്ച് ശിവഭജനം നടത്തുന്നു.

■ ഉപവാസം (ഒരിക്കലൂണ്): ശിവരാത്രിയുടെ തലേദിവസം ഒരുനേരം മാത്രം അരിയാഹാരം കഴിക്കുന്നു. ശിവരാത്രി ദിവസം രാവിലെ കുളിച്ച് ശുദ്ധിയായി ക്ഷേത്രദർശനം നടത്തുന്നു. പിന്നീട് പിറ്റേദിവസം രാവിലെ ശിവരാത്രി വ്രതം മുറിക്കുന്നതുവരെ പൂർണ്ണ ഉപവാസത്തിലായിരിക്കും.

■ ക്ഷേത്രദർശനം: ശിവക്ഷേത്രങ്ങളിൽ ദർശനം നടത്തുന്നത് പുണ്യകരമാണ്. രാത്രിയിലെ ഓരോ യാമത്തിലും പ്രത്യേക പൂജകൾ നടത്താറുണ്ട്. രാത്രി മുഴുവൻ ഉണർന്നിരുന്ന് ശിവകഥകൾ കേട്ടും മന്ത്രങ്ങൾ ജപിച്ചും ശിവധ്യാനത്തിൽ മുഴുകുന്നു.

■ ശിവലിംഗത്തിൽ അഭിഷേകം: ഭസ്മം, പാൽ, തേൻ, പഞ്ചാമൃതം, കൂവളത്തില എന്നിവ കൊണ്ട് ശിവലിംഗത്തിൽ അഭിഷേകം നടത്തുന്നത് അത്യുത്തമമാണ്. കൂവളത്തില ശിവന് ഏറ്റവും പ്രിയങ്കരമായ ഒന്നാണ്.

■■ വീട്ടിൽ ചെയ്യേണ്ട കാര്യങ്ങൾ:■■

●വ്രതം: ക്ഷേത്രത്തിൽ പോകാൻ കഴിഞ്ഞില്ലെങ്കിൽ വീട്ടിൽ ശുദ്ധിയോടെ ഉപവാസം അനുഷ്ഠിക്കാം.

●വിളക്ക് കൊളുത്തൽ: വൈകുന്നേരം നിലവിളക്ക് കൊളുത്തി ശിവസ്തുതികളും മന്ത്രങ്ങളും ജപിക്കുക.

●കൂവളത്തില സമർപ്പണം: വീട്ടിൽ ശിവലിംഗ പ്രതിഷ്ഠ ഉണ്ടെങ്കിൽ കൂവളത്തില സമർപ്പിക്കുകയും ജലം കൊണ്ട് അഭിഷേകം നടത്തുകയും ചെയ്യാം.

●ശിവന്റെ നാമജപം: 'ഓം നമഃ ശ്ശിവായ' എന്ന പഞ്ചാക്ഷരി മന്ത്രം 108 തവണ ജപിക്കുക. ഭഗവാന്റെ 108 അല്ലെങ്കിൽ 1000 നാമങ്ങൾ ജപിക്കുന്നതും ശ്രേഷ്ഠമാണ്.

●ശിവസ്തുതികൾ കേൾക്കുക/വായിക്കുക: ശിവപുരാണം, ശിവ അഷ്ടോത്തര ശതനാമാവലി, ശിവ സഹസ്രനാമം, ലിംഗാഷ്ടകം, ബിൽവാഷ്ടകം എന്നിവ ഭക്തിയോടെ പാരായണം ചെയ്യുകയോ കേൾക്കുകയോ ചെയ്യാം.

●ഉറക്കമിളയ്ക്കൽ: രാത്രി ഉറക്കമൊഴിച്ച് (പകൽ ഉറങ്ങരുത്) ശിവഭജനത്തിൽ മുഴങ്ങുക.

■■എങ്ങനെ പ്രാർത്ഥിക്കണം, എന്ത് പ്രാർത്ഥിക്കണം?■■

മഹാശിവരാത്രി നാളിൽ ഭക്തിയോടും മനസ്സർപ്പണത്തോടും കൂടിയുള്ള പ്രാർത്ഥനകൾക്ക് ഫലം കൂടും.

●പ്രാർത്ഥിക്കേണ്ട രീതി: മനസ്സും ശരീരവും ശുദ്ധമാക്കി, പൂർണ്ണമായ സമർപ്പണത്തോടുകൂടി ഭഗവാനെ ധ്യാനിക്കുക. ഓരോ മന്ത്രവും ഹൃദയത്തിൽ നിന്ന് വരുന്നതാവണം.

●എന്ത് പ്രാർത്ഥിക്കണം: ജീവിതത്തിലെ ദുരിതങ്ങൾ നീങ്ങാനും ആയുരാരോഗ്യ സൗഖ്യത്തിനും വേണ്ടി പ്രാർത്ഥിക്കാം. കുടുംബത്തിൽ ഐശ്വര്യവും സമാധാനവും ഉണ്ടാകാനും സകല പാപങ്ങളും മോചിക്കപ്പെടാനും മോക്ഷം ലഭിക്കാനും ഭഗവാനോട് അപേക്ഷിക്കാം.

●പ്രധാന മന്ത്രം: 'ഓം നമശ്ശിവായ' എന്ന പഞ്ചാക്ഷരീ മന്ത്രം തുടർച്ചയായി ജപിക്കുക.

●മഹാമൃത്യുഞ്ജയ മന്ത്രം: രോഗങ്ങളിൽ നിന്നും മരണഭയത്തിൽ നിന്നും മോചനം നേടാൻ ഈ മന്ത്രം ജപിക്കുന്നത് ഉത്തമമാണ്.

"ഓം ത്ര്യംബകം യജാമഹേ സുഗന്ധിം പുഷ്ടിവർദ്ധനം ഉർവാരുകമിവ ബന്ധനാന് മൃത്യോർ മുക്ഷീയ മാമൃതാത്"

●●ജ്യോതിഷ പ്രകാരം കുംഭമാസത്തിലെ കറുത്തപക്ഷ ചതുർദ്ദശി അർദ്ധരാത്രിയിൽ വരുന്ന ദിവസമാണ് ശിവരാത്രിയായി ആചരിക്കുന്നത്. 2026-ലെ സമയക്രമം താഴെ നൽകുന്നു:

••ചതുർദ്ദശി തിഥി ആരംഭിക്കുന്നത്: ഫെബ്രുവരി 15, വൈകുന്നേരം 05:04-ന്.

ചതുർദ്ദശി തിഥി അവസാനിക്കുന്നത്: ഫെബ്രുവരി 16, വൈകുന്നേരം 05:34-ന്.••

••നിശിത കാല പൂജ (ഏറ്റവും പ്രധാനം): ഫെബ്രുവരി 16-ന് പുലർച്ചെ 12:09 മുതൽ 01:01 വരെ.••

മഹാശിവരാത്രി എല്ലാവർക്കും അനുഗ്രഹങ്ങളുടെയും ശാന്തിയുടെയും ഐശ്വര്യത്തിന്റെയും പുണ്യരാവാകട്ടെ എന്ന് പ്രാർത്ഥിക്കുന്നു. 🙏

🔱🔱🔱🙏🔥🕉️🔥🙏🔱🔱🔱

12/02/2026

🕉️🕉️🕉️🕉️🕉️🕉️🕉️🕉️🕉️🕉️

🙏🕉️അമ്മേ ശരണം🕉️🙏

🛕അഴീക്കോട്‌ ശ്രീ മൂകാംബിക ക്ഷേത്രം🛕
🌹🌹🌹🌹🌹🌹🌹🌹

*════❖•°ॐ🌹ॐ °•❖════*
സംക്രമപൂജ* l
12/2/2026 വ്യാഴാഴ്ച

തൃക്കേട്ട നക്ഷത്രം

`രാത്രി 7മണിക്ക്`
🎤🎼ഭജന🎼🎤

അഴീക്കോട്‌ ശ്രീ മൂകാംബിക ഭജന സംഘം

*════❖•°ॐ🌹ॐ °•❖════*
🕉️🕉️🕉️🕉️🕉️🕉️🕉️🕉️🕉️🕉️🕉️

08/02/2026

🙏ഓം ശ്രീ ലളിതാംബികായൈ നമഃ 🙏
🕉️ശ്രീ ലളിതാസഹസ്രനാമസ്തോത്രം🙏

ശ്ലോകം 5️⃣5️⃣

🪷🪷🪷🪷🪷🪷🪷🪷🪷🪷🪷🪷🪷🪷🪷

മഹാഭോഗാ മഹൈശ്വര്യാ
മഹാവീര്യാ മഹാബലാ
മഹാബുദ്ധിർ മഹാസിദ്ധിർ
മഹാ യോഗീശ്വരേശ്വരീ

(219,220,221,222,223,224225)

🪷🪷🪷🪷🪷🪷🪷🪷🪷🪷🪷🪷🪷🪷🪷

ഏഴു തിരുനാമങ്ങളുള്ള ഈ ശ്ലോകത്തിന്റെ ലളിതമായ വ്യാഖ്യാനത്തിലേക്ക് പോകാം.

🌺219. മഹാഭോഗാ

മഹത്തായ ആഭോഗത്തോട് കൂടിയവൾ എന്നും മഹത്തായ ഭോഗത്തോട് കൂടിയവൾ എന്നും വിഗ്രഹിക്കാം.
ആഭോഗം എന്ന് പിരിച്ചാൽ രൂപ വിസ്താരമുള്ളവൾ എന്ന് അർത്ഥം കിട്ടും. ഭൂമി തുടങ്ങിയ ബഹുസഹസ്രം ഗോളങ്ങൾ ദേവിയുടെ സ്വരൂപം തന്നെ ആകയാൽ അമ്മ മഹാഭോഗ ആണ്.
മഹാ - ഭോഗാ എന്ന് പിരിച്ചാൽ മഹത്തായ ഭോഗങ്ങളോടുകൂടിയവൾ. ഭോഗം എന്നതിന് സുഖ സാധനങ്ങൾ, സമ്പത്ത്, സൈന്യം എന്നിങ്ങനെയെല്ലാം അർത്ഥങ്ങളുണ്ട്. അവയെല്ലാം അമ്മയ്ക്ക് വേണ്ടുവോളം ഉണ്ട്.

ഭക്തന്മാർക്ക് സുഖഭോഗങ്ങൾ ദാനം ചെയ്യുന്നവൾ എന്ന് സൂചന

🌺220. മഹൈശ്വര്യാ

മഹത്തായ ഐശ്വര്യത്തോടെ കൂടിയവൾ.
ഐശ്വര്യം അണിമാദികളായ അഷ്ട സിദ്ധികളെ കുറിക്കുന്നു. അണിമാ, മഹിമാ, ലഘിമാ, ഗരിമാ, ഈശിത്വം, വശിത്വം, പ്രാപ്തി, പ്രകാശ്യം എന്നിവയാണ് അഷ്ട ഐശ്വര്യങ്ങൾ. യോഗ സിദ്ധി കൊണ്ട് ലഭിക്കുന്ന ഈ ശക്തികളുടെ ഉത്ഭവം ലളിതാംബിക ദേവി ആയതിനാൽ അമ്മയെ മഹൈശ്വര്യാ എന്ന് വിളിക്കുന്നു.
ആറ് ഐശ്വര്യങ്ങൾക്ക് ആധാരമായവൾ എന്നും വ്യാഖ്യാനം ഉണ്ട്. (വീര്യം, വൈരാഗ്യം, വിജ്ഞാനം, ഐശ്വര്യം, ശ്രീ, യശസ്സ് എന്നിവയാണ് 6 ഐശ്വര്യങ്ങൾ. )

(കീർത്തി, ധർമ്മം, ഐശ്വര്യം, സമ്പത്ത്, വൈരാഗ്യം, മോക്ഷം എന്നിവയും ആറ് ഐശ്വര്യങ്ങളായി കണക്കാക്കപ്പെടുന്നു.)
ഈ പറഞ്ഞതിനെല്ലാം ഉത്പത്തി സ്ഥാനം അമ്മ ആകയാൽ അമ്മയ്ക്ക് മഹൈശ്വര്യാ എന്ന നാമം യോജിക്കും.

സ്വന്തം ഭക്തന്മാർക്ക് അഷ്ട ഐശ്വര്യങ്ങളും പ്രദാനം ചെയ്യുന്നവൾ എന്ന് വ്യംഗ്യമായ അർത്ഥം

🌺221. മഹാവീര്യാ

മഹത്തായ വീര്യത്തോടുകൂടിയവൾ.
വീര്യം എന്ന പദം പ്രഭാവം, തേജസ്സ്,, പരാക്രമം, സാരം, ബലം, ഔഷധങ്ങളുടെ ശക്തി എന്നിവയെ കുറിക്കുന്നു. വസ്തുക്കളിലും വ്യക്തികളിലും പ്രഭാവമായും തേജസ്സായും പരാക്രമമായും സാരമായും ബലമായും പ്രത്യക്ഷപ്പെടുന്ന ദേവി മഹാവീര്യ തന്നെയാണ്.

🌺222. മഹാബലാ

മഹത്തായ ബലത്തോടുകൂടിയവൾ. ബലം എന്ന പദത്തിന് ശക്തി, പുഷ്ടി, ഉറപ്പ്, ഗന്ധം,രസം, രൂപം, സാമർത്ഥ്യം, ശരീരം, രക്തം, മുള, സൈന്യം, കാക്ക എന്നിങ്ങനെ വിവിധങ്ങളായ അർത്ഥങ്ങളുണ്ട്.ഇവയിൽ മുള, കാക്ക എന്നിവ ഒഴിച്ചുള്ളവ ഒരു വ്യാഖ്യാനം കൂടാതെ മനസ്സിലാക്കാവുന്നതേയുള്ളൂ.
മുള എന്ന അർത്ഥം ഉത്പത്തിയെ കുറിക്കുന്നു. സർവ്വലോകത്തിനും ബീജഭൂതയായ ദേവിയിൽ നിന്ന് പ്രപഞ്ചങ്ങൾ മുളച്ചു ഉണ്ടാകുന്നു എന്ന് വ്യാഖ്യാനം.
കാക്ക എന്നർത്ഥം ഉണ്ടെന്ന് പറഞ്ഞല്ലോ. ഭുസുണ്ഡൻ എന്ന കാക്ക
21 സോദരന്മാരുമായി ഭഗവതിയെ ആരാധിച്ചു പ്രീതിപ്പെടുത്തി മുക്തി നേടിയ കഥ ആണ് ഇവിടെ സൂചിപ്പിക്കുന്നത്. ആ വായസങ്ങൾക്ക് മഹാമുക്തി കൊടുത്ത് തന്നിൽതന്നെ ലയിപ്പിച്ചതിനാൽ അമ്മയ്ക്ക് മഹാബലാ എന്ന പേര് കിട്ടി.
ബലം എന്ന വാക്കിന് ആദ്യം കൊടുത്ത എല്ലാ അർത്ഥങ്ങളിലും പറയുന്ന ശക്തി വിശേഷങ്ങൾ സ്വന്തം ഭക്തന്മാർക്ക് കൊടുക്കുന്നവൾ എന്ന് വ്യംഗ്യമായ അർത്ഥം.

🌺223. മഹാബുദ്ധി

മഹത്തായ ബുദ്ധിയോടുകൂടിയവൾ. മഹതിയായും ബുദ്ധി സ്വരൂപണിയായും ഉള്ളവൾ.

""യാ ദേവി സർവ്വഭൂതേഷു ബുദ്ധി രൂപേണ സംസ്ഥിതാ"" എന്ന സ്തുതി ഓർക്കുമല്ലോ.

തന്റെ ഉപാസകരിൽ മഹതിയായ ബുദ്ധി രൂപത്തിൽ ലളിതാംബിക ദേവി സ്ഥിതിചെയ്യുന്നു എന്ന് വ്യംഗ്യമായ അർത്ഥം

🌺224. മഹാസിദ്ധി

സിദ്ധി എന്നാൽ മോക്ഷം. മഹാ സിദ്ധി എന്നാൽ പരമമായ മോക്ഷം. പരമമായ മോക്ഷം പരബ്രഹ്മലയനം തന്നെ. അമ്മയെ ബ്രഹ്മമായി സങ്കൽപ്പിച്ച് സാധന ചെയ്യുന്നവർക്ക് പരമപുരുഷാർത്ഥമായ മോക്ഷം ലഭ്യമാകും. ജനന മരണങ്ങൾ ഇല്ലാത്ത അവസ്ഥയാണ് പരമപുരുഷാർത്ഥമായ മോക്ഷം

പരമമായ മോക്ഷം സാധക നൽകാൻ സാധിക്കുന്നവൾ എന്ന് വ്യംഗ്യമായ അർത്ഥം

🌺225. മഹായോഗേശ്വരേശ്വരീ

മഹായോഗേശ്വരന് ഈശ്വരിയായവൾ. മഹായോഗേശ്വരൻ തന്നെ.
ശിവ ഭഗവാന്റെ ശക്തിയാണ് അമ്മ
നിർവികല്പ സമാധി എന്ന അവസ്ഥയെ പ്രാപിച്ച യോഗിയെയും മഹായോഗേശ്വരൻ എന്ന് വിശേഷിപ്പിക്കാം. ആ സ്ഥിതിയിൽ എത്തിയ യോഗി ഈശ്വരതുല്യനാണ്. അങ്ങനെയുള്ള യോഗികൾക്ക് ഈശ്വരിയായവൾ എന്ന് പറയുക വഴി വാഗ്ദേവതമാർ അമ്മയുടെ മഹത്വം വ്യക്തമാക്കുകയാണ്.

എല്ലാവർക്കും അമ്മയുടെ അനുഗ്രഹം എന്നും ഉണ്ടാവട്ടെ 🙏

🌺🌺🌺🌺🌺🌺🙏🕉️🙏🌺🌺🌺🌺🌺🌺

04/02/2026

മഹാമാഘം അമൃത സ്നാനം

മഹാമാഘം അമൃതസ്നാനം|Mahamagham AnrithsnanamKerala Kumbhamela

01/02/2026

🌺🦚 തൈപ്പൂയം 🦚🌺
====================

തമിഴ് പഞ്ചാംഗത്തിൽ തൈമാസത്തിലെയും, മലയാളം പഞ്ചാംഗത്തിൽ മകരമാസത്തിലേയും പൂയം നാളാണ് തൈപ്പൂയമായി ആഘോഷിക്കുന്നത്

https://youtube.com/shorts/Ssle5ty8WTs?si=rWSOSDNvqeiA8hNX

ശിവസുതനും ദേവസേനാപതിയുമായ സുബ്രഹ്മണ്യൻ്റെ പിറന്നാളാണ് തൈപ്പൂയം
എന്നാണ് ഇന്നും പലരുടെയും അബദ്ധധാരണ.
താരകാസുര നിഗ്രഹത്തിനു ശേഷം ദേവസേനയുടെ അധിപനായി സുബ്രഹ്മണ്യനെ അവരോധിക്കുന്ന ദിനമാണ് തൈപ്പൂയം.

🦚സുബ്രഹ്മണ്യസ്വാമി🦚

താരകാസുര നിഗ്രഹത്തിനായി ദേവന്മാർ പരമശിവനോട് പ്രാർത്ഥിച്ചതിന്റെ ഫലമായി ശിവപാർവ്വതി പുത്രനായി സുബ്രഹ്മണ്യൻ ജനിച്ചു. അഗ്നിയിൽ ആണ്ടുപോയ ശിവരേതസ്സിൽ നിന്നാണ് സക്ന്ദ ജനനമെന്നാണ് മഹാഭാരതം വനപർവ്വത്തിൽ പറയുന്നത്.
ശ്രീപരമേശ്വരൻ ഉമാദേവിയോടു പറഞ്ഞു "അഞ്ചു മുഖങ്ങളോടെ പഞ്ച കൃത്യങ്ങൾ നിർവഹിക്കുന്ന സദാശിവനാണ് ഞാൻ. ഒരു മുഖവും പല രൂപങ്ങളുമുള്ള പരാശക്തിയാണ് ദേവി. നമ്മുടെ ആറുമുഖങ്ങൾ ഷണ്മുഖനിൽ വിളങ്ങുന്നു. നമ്മൾ ഒന്നാകുമ്പോൾ മുരുകനാകുന്നു." ആറും കൂടിച്ചേർന്നൊരു രൂപാരാധനയായിട്ടാണ് ആറു മുഖമുള്ള മുരുകൻ സംജാതമായത്.
ശ്രീ - ഐശ്വര്യം,
മു- മുകുന്ദൻ ( വിഷ്ണു )
രു-രുദ്രൻ ( ശിവൻ )
ക-കമലോത്ഭവൻ ( ബ്രഹ്മാവ് )
ത്രിമൂർത്തികൾ ഒന്നുചേർന്ന ദേവൻ എന്നാണ് ശ്രീമുരുകൻ എന്ന നാമത്തിന്റെ അർത്ഥം.

ശ്രീപരമേശ്വരന്റെ പുത്രനായതുകൊണ്ട് മുരുകൻ പിള്ളയാരാണെന്നും അതുകൊണ്ട് കുമാരനാണെന്നും സംഘം കൃതികളിൽ പറയുന്നു. എല്ലാ വിജയങ്ങളും നൽകുന്ന ദൈവമായതിനാൽ വേലനെന്നും വെററിവേലനെന്നും മുരുകനെ വാഴ്ത്തുന്നു. ആറു ശിരസ്സുകൾ ഉള്ളതുകൊണ്ട് ഷണ്മുഖനും ആറുമുഖനുമാണ്. കൊടിക്കൂറയിൽ പൂവൻകോഴി അടയാളമായതുകൊണ്ട് ശേവൽക്കൊടിയനെന്നും, വിരിഞ്ഞ മാറിടങ്ങളോടു കൂടിയവനായതിനാൽ കാന്തനെന്നും, മലമ്പ്രദേശങ്ങളിലെ ഗുഹകളിൽ വസിക്കുന്നതുകൊണ്ട് ഗുഹൻ എന്നും മുരുകന് പേരുണ്ട്. ശരവണ പൊയ്കയിൽ നിന്നുത്ഭവിച്ചതുകൊണ്ട് ശരവണഭവനെന്നും പറയുന്നു. സ്വന്തം പിതാവായ ശ്രീപരമേശ്വരന് പ്രണവത്തിന്റെ സാരം ഉപദേശിച്ചതുകൊണ്ട് ഗുരുവും സ്വാമിനാഥനുമാണ്. വേദങ്ങൾക്കെല്ലാം ഇരിപ്പിടമായതിനാൽ സുബ്രഹ്മണ്യനെന്നും, ഗംഗയുടെ പുത്രനായതുകൊണ്ട് ഗംഗേയനെന്നും മുരുകനെ വിളിക്കുന്നു. കൃത്തികൾ വളർത്തിയതുകൊണ്ട് കാർത്തികേയനും, സുന്ദരനായതിനാൽ മുരുകനും, കരങ്ങളിൽ വേലും ദണ്ഡും ഏന്തിയതുകൊണ്ട് വേലായുധനും ദണ്ഡപാണിയും ആണ്.

വേദങ്ങളിൽ അഗ്നിപുഷ്പം എന്നാണ് സുബ്രഹ്മണ്യനെ പ്രകീർത്തിക്കുന്നത്. വേദങ്ങൾ (അറിവ്) ക്കെല്ലാം ഇരിപ്പിടമായതിനാൽ വേദാംഗങ്ങൾ പഠിക്കുവാനാഗ്രഹിക്കുന്ന വിദ്യാർത്ഥി വിജ്ഞാന രൂപനായ സുബ്രഹ്മണ്യനെ ആരാധിക്കുന്നു.ഓങ്കാര പ്പൊരുളിന്റെ രഹസ്യം ദേവന്മാർക്ക് വെളിപ്പെടുത്തിയ ജ്ഞാനഗുരുവും ഒപ്പം ദേവ സൈന്യാധിപനുമാണ്.

ജ്യോതിഷത്തിലെ ഉപജ്ഞാതാവായ സുബ്രഹ്മണ്യൻ തന്റെ പിതാവായ പരമശിവന് ഭിക്ഷയാചിക്കുവാനുള്ള യോഗത്തെ മുൻകൂട്ടി പ്രവചിക്കുകയും, ഭഗവാൻ നിർമ്മിച്ചു എന്നു കരുതുന്ന സ്കന്ദഹോരയുമാണ് ജ്യോതിഷത്തിന്റെ മൂലഗ്രന്ഥവും. സുബ്രഹ്മണ്യ ജാതകം രാശി പലകയിൽ വരച്ചുവെച്ച് അതിൽ തൊട്ട് രാശിയെ എടുക്കുന്നത് ഉത്തമമായി ജ്യോതിഷികൾ കണക്കാക്കിയിരുന്നു.

നവഗ്രഹനാഥനായും, കാവടിച്ചിന്തിന്റെ ദേവനായും, ശക്തിയുടേയും ബുദ്ധിയുടെയും ദേവനായും സുബ്രഹ്മണ്യനെ വിശ്വസിച്ചുപോരുന്നു. സ്കന്ദ ലീലകൾ പ്രതിപാദിക്കുന്ന ഏഴു ഖണ്ഡങ്ങളിലായി 81100 ശ്ലോകങ്ങൾ അടങ്ങിയ സ്കന്ദപുരാണമാണ് പുരാണങ്ങളിൽ വെച്ച് വലുപ്പം കൂടിയത്.

സ്കന്ദ ഷഷ്ഠി, തൈപൂയം, വൃശ്ചികത്തിലെ തൃക്കാർത്തിക, വൈശാഖത്തിലെ വിശാഖം,
കപില ഷഷ്ഠി ,
കർക്കടകത്തിലെ കാർത്തിക, ചൊവ്വാഴ്ച എന്നിവയാണ് സുബ്രഹ്മണ്യസ്വാമിയുടെ പ്രധാന വിശേഷദിവസങ്ങൾ.തുലാമാസത്തിലെ സ്കന്ദഷഷ്ഠി ദിവസമാണ് ശൂരൻ എന്ന അസുരനെ നിഗ്രഹിക്കാൻ പുറപ്പെടുന്നത് എന്ന് പറയപെടുന്നു . ശൂരസംഹാരത്തിനായി മാതാവ് പരാശക്തി കൊടുത്തതാണ് സുബ്രഹ്മണ്യന്റെ ആയുധമായ വേൽ എന്നാണ് സങ്കല്പം. വള്ളി ദേവിയെ ഇച്ഛാശക്തിയായും, ദേവയാനിയെ ക്രിയാശക്തിയായും, വേലിനെ ജ്ഞാന ശക്തിയായും കാണുന്നു. മറ്റൊരു വിശേഷ ദിവസമായ വൃശ്ചികത്തിലെ തൃക്കാർത്തികയിലാണ് ആറുദിവസം കഠിന തപസ്സനുഷ്ഠിച്ച സുബ്രഹ്മണ്യസ്വാമി താരകാസുരനെ നിഗ്രഹിക്കുന്നത്. താരകാസുര നിഗ്രഹത്തിനു ശേഷം ദേവസേനയുടെ അധിപനായി സുബ്രഹ്മണ്യനെ അവരോധിക്കുന്ന ദിനമാണ് തൈപ്പൂയം. ഹിഡുംമ്പൻ മലകൾ ചുമന്ന് പഴനിയിൽ കൊണ്ടു ചെന്നുവെച്ചതും ഹിഡുംബന് വരം നൽകി മലയുടെ മധ്യഭാഗത്ത് ഇരിക്കുവാൻ ഇടം നൽകിയതും തൈപ്പൂയദിനത്തിലാണ്.
പഞ്ചാമൃതം, പാൽ, നെയ്യ്, നാളികേരം എന്നിവയാണ് സുബ്രഹ്മണ്യസ്വാമിയുടെ പ്രധാന നിവേദ്യങ്ങൾ. അരളിപ്പൂക്കൾ, മഞ്ഞ ചെമ്പകം, മഞ്ഞ മന്ദാരം, മഞ്ഞ ചെത്തിപൂക്കൾ എന്നിവ മുരുകന് വിശേഷപ്പെട്ട പൂജാപുഷ്പങ്ങൾ ആണ്.

തിലകം - ഭസ്മവും ചന്ദനവും

വ്രതം - ഷഷ്ഠി വ്രതവും, കാർത്തിക വ്രതവുമാണ്.
പായസം, കാവടിയാട്ടം, തലമുണ്ഡനം തുടങ്ങിയവ പ്രധാന വഴിപാടുകളാണ്. തലമുണ്ഡനം ചെയ്യുന്ന വഴിപാടിലൂടെ തന്റെ സൗന്ദര്യവും അഹന്തയും ദേവന് സമർപ്പിച്ചു വിനയാന്വിതനായി തീരുക എന്നാണ് സങ്കല്പം. ചൊവ്വാദശയനുഭവിക്കുന്നവരും, അഷ്ടമത്തിൽ കുജൻ ഉള്ളവരും, കന്നി, മിഥുനം, തുലാം, മകരം, കുംഭം എന്നീ ലഗ്നക്കാരും സുബ്രഹ്മണ്യ ഉപാസന നടത്തണം.

ജഗത്ഗുരു ശങ്കരാചാര്യരും, ശ്രീ നാരായണഗുരുദേവനും, അരുണഗിരിനാഥനും, മുത്തുസ്വാമി ദീക്ഷിതരും, ഔവ്വയാറുമെല്ലാം സ്കന്ദ അപദാനങ്ങൾ പാടിപ്പാടി ജന്മസാഫല്യം നേടിയവരാണ്.

മുരുകന്റെ ആറുപടൈ വീടുകൾ

ആയുധവിദ്യയിൽ നിപുണനായിരുന്ന കുമാരന് ആറു സേനാ സമൂഹങ്ങൾ ഉണ്ടായിരുന്നു. ഈ സേനകളെ പാർപ്പിച്ചിരുന്ന സ്ഥലങ്ങൾ സുബ്രഹ്മണ്യന്റെ പ്രശസ്തമായ ആറു ക്ഷേത്രങ്ങളായി മാറി. ആ ക്ഷേത്രങ്ങളാണ് ആറുപടൈ വീട് എന്നറിയപ്പെടുന്നത്. ശൂരപത്മനുമായി നടന്ന യുദ്ധകാലത്ത് യോഗ നിഷ്ഠയ്ക്കും ധ്യാനത്തിനു മായി മുരുകൻ വസിച്ച സ്ഥലങ്ങളാണ് ആറുപടൈ വീടുകൾ എന്നും പറയപ്പെടുന്നു.

ഒന്നാമത്തെ പടവീടായി അറിയപ്പെടുന്ന തിരുപ്രകുണ്ഡ്രം, ഷഡ് ചക്രങ്ങളിൽ മൂലാധാരചക്രത്തെ പ്രതിനിധീകരിക്കുന്നു. ശൂരപത്മാദി രാക്ഷസന്മാരെ നിഗ്രഹിച്ച് ദേവന്മാരുടെ ദുഃഖങ്ങൾ അകറ്റിയ സ്കന്ദദേവന് ദേവേന്ദ്രൻ തന്റെ പുത്രിയായ ദേവയാനിയെ വിവാഹം ചെയ്തു കൊടുത്തത് തിരുപ്രകുണ്ഡ്രത്തിൽ വെച്ചായിരുന്നു എന്നാണ് ഐതിഹ്യം.

രണ്ടാമത്തെ പടവീടായി അറിയപ്പെടുന്ന തിരുച്ചെന്തൂർ ഷഡ്ചക്രങ്ങളിൽ സ്വാധിഷ്ഠാന ചക്രത്തെ പ്രതിനിധീകരിക്കുന്നു. ശൂരപത്മാസുരനേയും സിംഹശൂരനേയും സംഹരിച്ച സ്ഥലമാണിവിടം. ശൂരപത്മാസുരന്റെ കാരാഗൃഹത്തിൽ നിന്നും മോചിതരായ ദേവന്മാർ നന്ദി പുരസ്കരം ആരാധിച്ച സ്ഥാനവും കൂടിയാണിത്. രോഗബാധയാൽ അവശത അനുഭവിച്ച ശങ്കരാചാര്യർ തിരുച്ചെന്തൂരിലെത്തി മുരുകനെ ഭജിച്ച് രോഗശമനം വരുത്തി സുബ്രഹ്മണ്യ ഭുജംഗസ്തോത്രം രചിക്കുകയും ചെയ്തു.

മൂന്നാമത്തെ പടവീടായി അറിയപ്പെടുന്ന പഴനി ശ്രീ ദണ്ഡായുധപാണി ക്ഷേത്രം ഷഡ്ചക്രങ്ങളിൽ മണിപൂരക ചക്രത്തെ പ്രതിനിധീകരിക്കുന്നു. പഴനിയിൽ മുരുകൻ ദണ്ഡായുധപാണിയായി ആണ്ടിക്കോലത്തിൽ ദർശനമരുളുന്നു. ജ്ഞാനപഴം കിട്ടാത്ത ദേഷ്യത്തിൽ മാതാപിതാക്കളായ ശിവപാർവ്വതിമാരോട് കോപിച്ച് മുരുകൻ ആണ്ടിക്കോലത്തിൽ വന്ന് ഇരുന്ന സ്ഥലമാണ് തിരു ആവിനാംകുടി എന്ന ഇന്നത്തെ പഴനി.പരമഭക്തന്മാർ ഏറ്റവും ഇഷ്ടപ്പെടുന്ന പഴം നീയാണ് എന്ന് ഉമാ പരമേശ്വരൻമാർ പറഞ്ഞതിനാലാണ് ഈ സ്ഥലത്തിന് പഴം-- നീ എന്ന അർത്ഥത്തിൽ പഴനി എന്ന പേർ വന്നത്.

ആറുപടൈ വീടുകളിൽ നാലാമത്തേതായി അറിയപ്പെടുന്ന സ്വാമിമല ഷഡ്ചക്രങ്ങളിൽ അനാഹത ചക്രത്തെ പ്രതിനിധീകരിക്കുന്നു. ശ്രീപരമേശ്വരന് മുരുകൻ പ്രണവമന്ത്രാർത്ഥം ഓതിക്കൊടുക്കുന്ന സങ്കല്പമാണ് സ്വാമി മലയിലുള്ളത്. സ്വാമിയായ മഹാദേവന് സുബ്രഹ്മണ്യൻ ഗുരുവായി വിളങ്ങി ഉപദേശം നൽകിയത് കൊണ്ട് സ്വാമിമല എന്ന പേരിലും ഗുരുമല എന്ന നാമധേയത്തിലും അറിയപ്പെടുന്നു. അരുണാഗിരിനാഥ സ്വാമികൾക്ക് ശ്രീമുരുകൻ ദർശനം കൊടുത്ത ഇടം സ്വാമിമലയാണ്.

ആറുപടൈ വീടുകളിൽ അഞ്ചാമത്തേത് ആയി അറിയപ്പെടുന്ന തിരുത്തണിമല ഷഡ്ചക്രങ്ങളിൽ വിശുദ്ധി ചക്രത്തെ പ്രതിനിധീകരിക്കുന്നു. ഭഗവാൻ വള്ളിയെ വിവാഹം കഴിച്ച സ്ഥലമെന്നാണ് വിശ്വാസം. ശൂരപത്മാദിരാക്ഷസന്മാരോട് യുദ്ധം ചെയ്ത സുബ്രഹ്മണ്യൻ തന്റെ കോപം ശമിപ്പിച്ച് ശാന്തനായി കുടികൊണ്ട സ്ഥലമാണ് തിരുത്തണി മല. ഇവിടത്തെ ഉത്സവാഘോഷങ്ങളിൽ ശൂരസംഹാരം ഉൾപ്പെടുത്താറില്ല. യന്ത്ര പൂജയോടെ വൈദിക മുറയിലാണ് പൂജകൾ അർപ്പിച്ചു വരുന്നത്.തിരുത്തണി മുരുകന്റെ അനുഗ്രഹത്തോടെയാണ് ശ്രീ മുത്തുസ്വാമിദീക്ഷിതർ അത്ഭുതകരമായ കീർത്തനങ്ങൾ രചിക്കുവാനും ആലപിക്കുവാനും സാധിച്ചത് എന്ന് വിശ്വസിക്കപ്പെടുന്നു.

ആറാമത്തെ പടവീടായി അറിയപ്പെടുന്നത് പഴമുതിർച്ചോലയാണ്. ഷഡ്ചക്രങ്ങളിൽ ആജ്ഞാചക്രത്തെ പ്രതിനിധീകരിക്കുന്നു. ഇവിടെ മുരുകന്റെ അനുഗ്രഹസ്ഥാനമായി കണക്കാക്കപ്പെടുന്നു. പ്രസിദ്ധ ഭക്തകവിയത്രി ഔവ്വയാർക്ക് മുരുകൻ ദിവ്യരൂപദർശനം കൊടുക്കുകയും ഔവ്വയാർ മുഖാന്തിരം മഹത് തത്വങ്ങൾ ലോകത്തിന് ബോധ്യപ്പെടുത്തുകയും ചെയ്തു. മറ്റ് അഞ്ച് ക്ഷേത്രങ്ങൾ ദർശിച്ച ശേഷം ഇവിടം ദർശിക്കുമ്പോൾ മാത്രമാണ് പൂർണ അനുഗ്രഹം ഭക്തന് പ്രാപ്തമാകുന്നത്.

ഇത്രയും പറയുമ്പോൾ പഴനിയുടെ വിഗ്രഹത്തെ കൂടി പറയാതെ പോകുന്നത് ശരിയല്ല..

പഴനിയിലെ നവപാഷാണ വിഗ്രഹം

പഴനി ശ്രീ ദണ്ഡായുധപാണി ക്ഷേത്രത്തിൽ ഇന്ന് നാം കാണുന്ന ഭഗവാന്റെ നവപാഷാണ വിഗ്രഹം പ്രതിഷ്ഠിച്ചത് ഭോഗരാണ്. ദക്ഷിണ ദേശത്തെ 18 സിദ്ധന്മാരിൽ ഒരാളായ ഭോഗർ ജ്യോതിഷത്തിലും സിദ്ധവൈദ്യത്തിലും ആചാര്യനായിരുന്നു. ഒരു ചികിത്സാ സമ്പ്രദായമായ സിദ്ധവൈദ്യത്തിൽ യോഗവിദ്യയും, നിഗൂഢ മന്ത്രസിദ്ധികളും അടങ്ങിയിരിക്കുന്നു. നവപാഷാണങ്ങൾ എന്നത് 9 കൊടും വിഷമുള്ള ഔഷധ വസ്തുക്കളാണ്. ആകെയുള്ള 64 പാഷാണങ്ങളിൽ 9 എണ്ണം തിരഞ്ഞെടുത്ത് അവയാൽ നിർമ്മിക്കുന്നതാണ് നവപാഷാണ വിഗ്രഹം. നവപാഷാണത്തിനുവേണ്ടി മൂലികാ ഔഷധങ്ങൾ തിരഞ്ഞെടുത്ത് 473 തരം മൂലികാച്ചാറ് ചേർത്ത് വേണം നവപാഷാണ വിഗ്രഹം നിർമ്മിക്കാൻ. ഇതിനെ മാത്ര (അളവ് ) യോടും ചിട്ടയോടും കൂടി ഉപയോഗിച്ചാൽ അത് മികച്ച ഔഷധമാകുന്നു.
അതുകൊണ്ടാണ് പുരാതനകാലത്ത് സിദ്ധന്മാർ നവപാഷാണം കൊണ്ട് ദൈവവിഗ്രഹം ഉണ്ടാക്കി അഭിഷേകവും, ആരാധനയും ചെയ്തിരുന്നത്. അഭിഷേകം ചെയ്യുന്ന വേളയിൽ നവപാഷാണ സ്പർശനമേൽക്കുമ്പോൾ അഭിഷേകം ചെയ്ത പ്രസാദത്തിന് ഔഷധഗുണമേറുന്നു.

ഈ ഒമ്പത് പാഷാണങ്ങൾക്കുമുള്ള ഔഷധഗുണങ്ങൾ ഓരോന്നാണ്. ലിംഗ പാഷാണം (ഹൃദയത്തിന് ബലവും ശക്തിയും നൽകുന്നു )കുതിര പാഷാണം (തളർന്ന ഞരമ്പുകളെ ഉത്തേജിപ്പിക്കുന്നു) കാർമുകിൽ പാഷാണം (തലച്ചോറിലെ നീര് എടുക്കുന്നു)
രസസിന്ദൂരം (ചർമ്മ സംബന്ധിയായ വ്യാധികളെ അകറ്റുന്നു) വെള്ളപാഷാണം (ധാതുക്കളുടെ കുറവിനെ പരിഹരിക്കുന്നു) രക്തപാഷാണം (നേത്രത്തിന്റെ ന്യൂനതകളെ പരിഹരിക്കുന്നു) കമ്പിനവരസം (ശരീരത്തിൽ അടിഞ്ഞിരിക്കുന്ന ദുഷിച്ച നീരിനെ പുറത്തേക്ക് കളയുന്നു) ഗൗരീപാഷാണം (പൊതുവായ ഔഷധഗുണങ്ങൾ അടങ്ങിയത് ) സീതാപാഷാണം (എല്ലാ പാഷാണങ്ങളെയും പ്രവർത്തിപ്പിക്കുന്നു) എന്നിവയാണ് നവപാഷാണം എന്ന പേരിലറിയപ്പെടുന്നത്. ഏറ്റവും പഴക്കം ചെന്ന ലോകത്തെ ഏക നവപാഷാണശില പഴനി മുരുകന്റേതു മാത്രമാണ്. മാത്രമല്ല ഈ ശിലയിൽ നിന്നും താപരശ്മികൾ പുറത്തേക്ക് ഗമിക്കുന്ന തിനാൽ ക്ഷേത്ര നട അടയ്ക്കുന്നതിനു മുമ്പായി നിത്യവും ഈ ശില ചന്ദനം കൊണ്ട് മൂടി വയ്ക്കുന്നു.

മുരുകനും 6 എന്ന സംഖ്യയും

ആറു മുഖങ്ങൾ, ആറുപടൈ വീടുകൾ, ശരവണഭവ എന്ന ഷഡാക്ഷര മന്ത്രം, ഷഡ്കോൺ ചക്രം, ഷഷ്ഠി (ആറാമത്തെ തിഥി), വേദങ്ങളിൽ ആറാമത്തേതായ ജ്യോതിഷത്തിന്റെ ഉപജ്ഞാതാവ്, ശൂരപത്മാസുരനുമായുള്ള 6 ദിവസത്തെ യുദ്ധം, ക്ഷേത്ര പ്രദക്ഷിണസംഖ്യ 6 തുടങ്ങിയവ മുരുകന്റെ സവിശേഷതകളാണ്.

പ്രധാനപ്പെട്ട സുബ്രഹ്മണ്യസ്വാമി ക്ഷേത്രങ്ങൾ.

ഹരിപ്പാട്‌
പയ്യന്നൂര്‍
പെരുന്ന
പെരളശ്ശേരി, ഉദയനാപുരം
കിടങ്ങൂര്‍
ഇടപ്പഴനി
പെരിശ്ശേരി
ചെറിയനാട്‌
ഉള്ളൂര്‍
എടക്കാട്‌
കല്ലാര്‍
ഉമയനല്ലൂര്‍, കുന്നുംപാര്‍ തുടങ്ങിയവയാണ്‌ കേരളത്തിലെ പ്രധാനപ്പെട്ട സുബ്രഹ്മണ്യ ക്ഷേത്രങ്ങള്‍.
ഹരിപ്പാട്ട്‌ആറടി ഉയരമുള്ള നാലു കൈയുള്ള ശിലാവിഗ്രഹമാണ്‌ പ്രതിഷ്ഠ. ഇത്രയുംവലിപ്പവും ചൈതന്യവുമുള്ള സുബ്രഹ്മണ്യ വിഗ്രഹം അപൂര്‍വമാണ്‌. തുലാ പായസമാണ്‌ ഇവിടത്തെ പ്രധാന വഴിപാട്‌.പെരുന്ന സുബ്രഹ്മണ്യസ്വാമി ക്ഷേത്രത്തില്‍ ഉരിയരി പായസവും പരശുരാമന്‍ പ്രതിഷ്ഠ നടത്തിയ പയ്യന്നൂര്‍ സുബ്രഹ്മണ്യ സ്വാമി ക്ഷേത്രത്തില്‍ തണ്ണീരമൃതുമാണ്‌ പ്രധാന വഴിപാട്‌.പാലക്കാട്‌ ജില്ലയിലെ കൊടുമ്പില്‍ വള്ളീ സമേതനായ സുബ്രഹ്മണ്യ ക്ഷേത്രമുണ്ട്‌. ചൊവ്വാ ദോഷ പരിഹാരത്തിനും മാംഗല്യ സിദ്ധിക്കും ഇവിടെ വഴിപാട്‌ നടത്തുന്നു. ശ്രീലങ്ക, ഇന്തോനേഷ്യ, സിംഗപുര്‍, മൗറീഷ്യസ്‌ തുടങ്ങിയ പല സ്ഥലങ്ങളിലും സുബ്രഹ്മണ്യ ക്ഷേത്രങ്ങള്‍കാണാം.തമിഴ്‌നാട്ടില്‍ ഏതാണ്ട്‌ എല്ലാ ഗ്രാമത്തിലും മുരുക ക്ഷേത്രങ്ങള്‍ ഉണ്ടെന്ന്‌ പറയാം. തമിഴ്‌നാട്ടിലെ കന്യാകുമാരി ജില്ലയിലെ കുമാരകോവില്‍ സുബ്രഹ്മണ്യസ്വാം, പഴമുതിര്‍ ചോലൈ സുബ്രഹ്മണ്യ ക്ഷേത്രം എന്നിവ പ്രസിദ്ധമാണ്‌. സുബ്രഹ്മണ്യന്‍റെ പത്നി വള്ളി ശ്രീലങ്കയിലെ കതിര്‍ ഗ്രാമക്കാരിയാണെന്നാണ്‌ വിശ്വാസം.

ഹര ഹരോ ഹര ഹര🙏

ഇതിന്റെ അർത്ഥം കൂടി നോക്കാം..,

തമിഴിൽ പാടി പതിഞ്ഞ ഒരു ശ്ലോകമാണ് താഴെ..

അരോകരാ എൻപതൈ പിരിത്താൽ
അര ഓം ഹര എന പൊരുൾപടും.
അരൻ കരൻ(ഹരൻ) ഇരണ്ടുമേ
ശിവനാരിൻ തിരു-പ്പെയർകൾ.
ഓംകാര ഒലിയുടൻ ശിവനാമത്തൈ
ഉച്ചരിപ്പതേ അര ഓം ഹര എൻപതൻ പൊരുൾ.
ഇന്ത അര ഓ ഹര എൻപതേ
രകര വികുതി ഓംകാര നെടിലുടൻ
സേർന്ത് ഹര ഹരോ ഹര ഹര ആനതു

അർത്ഥം:

അരോകരാ (ഹരോ ഹര ) എന്ന വാക്കിനെ പിരിച്ചു എഴുതിയാൽ അര ഓം ഹര (അരൻ ഓം ഹരൻ ) എന്ന അർത്ഥത്തിൽ വരും. അരനും കരനും ഈ നാമങ്ങൾ രണ്ടും ഭഗവാൻ ശിവ പെരുമാളിന്റെ പര്യായ നാമങ്ങൾ തന്നെ.., ഓംകാര പദത്തോട് കൂടി ഭഗവാന്റെ നാമങ്ങൾ ചൊല്ലുമ്പോഴാണ് ഹര ഓം ഹര (അര ഓം കര) ഉണ്ടാകുന്നത്. ഈ രണ്ടു നാമങ്ങൾക്കൊപ്പം ചേർത്ത് ഓംകാരം ചൊല്ലി പഴകിയാണ് "ഹര ഹരോ ഹര ഹര" എന്ന മാഹാ മന്ത്രം ..

മറ്റൊരു വിശദീകരണം കണ്ടത്..

"അര ഹരോ ഹര" എന്ന പദത്തിന്റെ ചുരുക്കിയ രൂപമാണ് " എന്നത്. അതിന്റെ അർത്ഥം എന്തെന്നാൽ :
"സർവശക്തനായ ദൈവമേ, ദയവായി ഞങ്ങളുടെ കഷ്ടപ്പാടുകൾ നീക്കി ഞങ്ങൾക്ക് രക്ഷ നൽകേണമേ..."(ലോകാ സമസ്ത സുഖിനോ ഭവന്തു)" എന്നാണ്.
തിരുജ്ഞാസംബന്ധറിന്റെ കാലത്താണ് ശൈവന്മാർ (ശൈവത്തിന്റെ അനുയായികൾ - ശിവാരാധന നടത്തുന്നവർ ) ഇത് ആദ്യമായി ഉപയോഗിച്ചത് എന്നു വിശ്വസിക്കുന്നു. ഗുരു തിരുജ്ഞനസംബന്ധറിന്റെ യാത്രകൾക്കിടയിൽ അദ്ദേഹത്തിന്റെ 'പല്ലക്കു' വഹിക്കുന്നവർക്കും അനുയായികൾക്കും 'യെല്ലോ എലോ യെഹെലോ' പോലുള്ള 'അർത്ഥശൂന്യമായ' വാക്യങ്ങൾ ചൊല്ലുന്ന ശീലമുണ്ടായിരുന്നു.. തിരുജ്ഞാനസംബന്ധർ ഇവയെ മാറ്റി അർത്ഥവത്തായ 'അര ഹാരോ ഹര ' ഉപയോഗിച്ച് പഠിപ്പിക്കാൻ തീരുമാനിക്കുകയും അവരെ പഠിപ്പിക്കുകയും ചെയ്തു.
പക്ഷേ കാലക്രമേണ.. , 'അര ഹരോ ഹര'യുടെ ഉപയോഗം' ശൈവന്മാർ'ക്കിടയിൽ മങ്ങിപ്പോയി, പക്ഷേ മുരുകഭക്തന്മാർ ആ നാമവുമായി ജീവിച്ചു... വിശ്വസിച്ചു.. പകർന്ന് കൊടുത്തു.. വായ് മൊഴികൾ തലമുറകൾ സ്വീകരിച്ചു പഴകി ഇത് ഇപ്പോഴത്തെ 'അർഹറ'(ഹര ഹര)യിലേക്ക് ചുരുക്കി ഉപയോഗിക്കാനും തുടങ്ങി.
ഭക്തൻ 'വെട്രിവേൽ മുരുകനുക്ക് അർഹറ'(വെട്രിവേൽ മുരുകനുക്ക് ഹര ഹരോ ഹര ഹര) എന്ന് പറയുമ്പോഴെല്ലാം അവൻ / അവൾ "സർവ്വശക്തനായ ദൈവത്തിന് ഒരു എളിയ സന്ദേശം അയയ്ക്കുന്നു.."
അതിങ്ങനെയാണ് "മുരുകപ്രഭു 'വെട്രിവേൽ'(വിജയകരമായ കുന്തം) വഹിക്കുന്നയാൾ - ജീവിതത്തിലെ എല്ലാ അസുഖങ്ങളിൽ നിന്നും അഭയം നൽകുന്നതിന്... അനുഗ്രഹിച്ചാലും..

വിവരങ്ങൾക് കടപ്പാട്

https://youtube.com/shorts/Ssle5ty8WTs?si=rWSOSDNvqeiA8hNX
🦚🦚🦚🔥🔥🕉️🔥🔥🦚🦚🦚

തൈപൂയ്യം ആശംസകൾ|Thaipooyam|ദേവദർശനം |Devadarsanam #തൈപൂയം

31/01/2026

ഗജമുഖനേ ഗജമുഖനേ ശ്രീ ഗണനാഥ...
`CLICK` 👇
https://youtu.be/kYoaCr6AgPU?si=_dEtQR47t3qh9MOH

അഴീക്കോട്‌ ശ്രീ മൂകാംബിക ഭജന സംഘം

@ `തിരുനാവായ നവാ മുകുന്ദ ക്ഷേത്രം`
മഹാമാഘ മഹോത്സവം ഭജന

🔥🙏🔥ദേവദർശനം🔥🙏🔥

ഗജമുഖനെ ശ്രീ ഗണനാഥാ|Gajamukhane sree gananatha|ഭജന|Bhajana|ദേവദർശനം|Devadarsanam കണ്ണൂർ അഴീക്കോട്‌ ശ്രീ മൂകാംബിക ഭജന സംഘം Mob: 9020201074 9446359745...

29/01/2026

കൂറുമ്പക്കാവിലമ്മ...
`CLICK` 👇
https://youtu.be/QQQAkjioxvs?si=bsbvZkUPFN6gDzzE

അഴീക്കോട്‌ ശ്രീ മൂകാംബിക ഭജന സംഘം

@ `തിരുനാവായ നവാ മുകുന്ദ ക്ഷേത്രം`
മഹാമാഘ മഹോത്സവം ഭജന

🔥🙏🔥ദേവദർശനം🔥🙏🔥

കൂറുമ്പക്കാവിലമ്മ |Koorumbakkavilamma|ഭജന|Bhajana|ദേവദർശനം |Devadarsanamകണ്ണൂർ അഴീക്കോട്‌ ശ്രീ മൂകാംബിക ഭജന സംഘം Mob: 9020201074 9446359745 #...

28/01/2026

ആദി മാതാ പിതാ ഗുരുനാഥ വന്ദനം...

https://youtu.be/G1FbUaIOdBU?si=-Q47SgydHuvJdoSw

അഴീക്കോട്‌ ശ്രീ മൂകാംബിക ഭജന സംഘം

@ `തിരുനാവായ നവാമുകുന്ദ ക്ഷേത്രം`
മഹാമാഘ മഹോത്സവം ഭജന

🙏🪷🔥ദേവദർശനം🔥🪷🙏

ആദി മാതാ പിതാ ഗുരുനാഥ വന്ദനം|Aadi Matha Pitha Gurunatha Vandanam|ഭജന|bhajana|ദേവദർശനം|Devadarsanamകണ്ണൂർ അഴീക്കോട്‌ ശ്രീ മൂകാംബിക ഭജന സംഘം Mob: 9020201074 ...