25/03/2026
🌏 পৃথিৱীৰ মানৱ জাতিলৈ আহ্বান 🌿
হে পৃথিৱীৰ মানৱ জাতি,
সজাগ হওক, সৃষ্টিৰ মাত শুনা।
মানুহ এই পৃথিৱীৰ মালিক নহয়।
পৃথিৱীৰ কোনো সম্পদৰ ওপৰত
মানুহৰ একচেটিয়া অধিকাৰ নাই।
ই হৈছে সৃষ্টিৰ পবিত্ৰ দান,
যি সকলো জীৱৰ বাবে সমানভাৱে প্ৰদান কৰা হৈছে।
এই পৃথিৱীত জন্মগ্ৰহণ কৰা
প্ৰতিটো জীৱ—
ক্ষুদ্ৰ কীট-পতংগৰ পৰা বৃহৎ জীৱলৈকে—
শান্তিৰে জীয়াই থকাৰ সমান অধিকাৰ লৈ আহিছে।
তথাপি মানুহে নিজৰ বুদ্ধি আৰু শক্তিৰ অহংকাৰত
এই পৃথিৱীক নিজৰ সম্পত্তি বুলি ভাৱিবলৈ আৰম্ভ কৰিছে।
ই হৈছে এক ভয়ংকৰ ভ্ৰম—
যি ভ্ৰমে সৃষ্টি কৰিছে শোষণ, ধ্বংস আৰু অশান্তি।
মানুহে মনত ৰাখিব লাগিব—
সৃষ্টি কেতিয়াও এজনক “মালিক” নকৰে,
সৃষ্টি সকলোকে “সহবাসী” কৰি ৰাখে।
সেয়েহে—
মানুহে এই পৃথিৱীক নিজৰ সম্পত্তি বুলি নাভাবিব,
আন কোনো জীৱৰ ওপৰত অধিকাৰ নেদেখুৱাব।
সকলো জীৱক সমান সন্মান দিব,
প্ৰকৃতিক মা বুলি মানি চলিব।
বন, পাহাৰ, নদী, মাটি—
এইবোৰ ধ্বংস কৰাৰ অৰ্থ
নিজৰ অস্তিত্বক ধ্বংস কৰা।
লোভ, অহংকাৰ আৰু স্বাৰ্থৰ পথ এৰি,
মানৱে ধৰ্ম, বিবেক আৰু দায়িত্বৰ পথত আগবাঢ়ক।
🌿 চূড়ান্ত সাৱধান বাণী
এইটো সৃষ্টিৰ সাৱধান আহ্বান—
যদি মানুহে এই বাণী অৱজ্ঞা কৰে,
তেন্তে পৃথিৱীত নামিব ধ্বংসৰ ছাঁ।
কিন্তু যদি মানুহে সজাগ হয়,
সহাবস্থানৰ পথ গ্ৰহণ কৰে,
তেন্তে এই পৃথিৱী হ’ব
শান্তি, প্ৰেম আৰু সমতাৰ পবিত্ৰ স্থান।
🌱 আহ্বান:
উঠা, সজাগ হও,
নিজক মালিক নহয়—সহবাসী বুলি জানি
প্ৰকৃতিৰ সৈতে মিলি চলা।
মাধৱ গগৈ
গোলাঘাট,অসম, ভাৰত।।
