Fidei Defensor Ministry

Fidei Defensor Ministry The ministry Focuses in Evangelism, Spiritual warfare, Deliverance,Counselling, Nurturing Faith, Dis

24/05/2026

*'FIDEI'S DAILY DEVOTION*
_24th May 2025_

*HUHDING A MANSA*

*Sam:46:1*
_Pathian i kihumbitna leh i hatna, mangbat lai a huh pahpahpa nai gige ahi._

*ZILLAI*

2010 k*m in Pangen khua a chialpi nei inn lam kong pai uh Santing khokiang ah numei naupai damlou gim mahmah khat ana om a, Panpihna hon ngen uhi. Kou zong zankhovak in Lamka damdawi in zuan in ka posuk uh a, adamlou pen hon damkhia a himahleh a naungek pen hunkhe zoulou hi.
> Amau panpihtung ding in anai ah ana om kei le ung bang a chi dia aw?
> A Innkiang ua ka om lai un panpina hon ngen kei le uh bang achi di ua aw? Chih khong ka ngaihtuah na ah hong om hi.

*Taina di neulou,* *Panpitu bei*, *Mangbang*
i omkha hia? _Nauvei bang a gima, damzou non lou ding kisa a, niteng hunteng a tawlngak hun neilou a, bitna ding muzoulou te ading in thukipahhuai om hi._
*_Pathian i kihumbitna leh i hatna, mangbat lai a huh pahpahpa nai gige ahi_*
*Amah i sam ding uh, hon d**g ding hi*

Pathian in:
* Hatkisalou te,
* Lunggimte,
* Mangbang a bukna ding neilou te
Toupa'n i bible simtungtawn in khamuanna hon pia hen.

🖊 _Evan Langchinthang Naulak_

23/05/2026

*FIDEI'S DAILY DEVOTION*
_23th May 2026_

*ASIANGTHOU IN HON SIAKSAK THEI HI*

*Sam:12:6*
_TOUPA thute tuh thu siangthou tak ahi a; dangka leitung a haltuina mei a etkhiak a, sagih vei hih siangthou zohsa bang ahi._

*ZILLAI*

Nidang in Lanva lui ah, lawmte toh kisil ding in ka kuan zel uhi a, kava kisil khit chiang un kipuang phetphut kahih man un, ka kuan lai sang unle ka nin zo uh a. Inn ah tuisiang in kisilthak a ngai hi.

Asianglou in hon siangsaktheilou a, asiang in a sianglou pen siangsak thei zo hi.
> _Pathian thu pen siangthou mahmah a, amah thu a iki bual chiang in i hinkhua i gamtat ah i siangthou thei semsem hi._

*Toupa'n amah thu a kibual a ki hihsiangthou thei zel ding in simtute hon vualzawl hen.*

🖊 _Evan Langchinthang Naulak_

21/05/2026

_FIDEI'S DAILY DEVOTION_
_21st May 2026_

*BITNA PATHIAN*

*Sam:46:1*
_Pathian i kihumbitna leh i hatna, mangbat lai a huh pahpahpa nai gige ahi. Huaiziak in leitung hong kidang in, mualte tuipi sung pek ah kisuan mahleh i lau kei ding uh._

*ZILLAI*

Ka naupanglai in cement a kibawl building inn te sethei ding in ka gingta kei a, 1990s in kidouna a om lai in, bit na ding chi in building inn nei te inn ah ki tailut zel hi. Himahleh tua ka muan mahmah buildingte,bomb hiam zinlingziak hiam a kichim tampi ka muh chiang in bit kasa non kei hi

_Leitung a bitna ding i zong uh a, lah bitna taktak i mukei hi_

*Huai ziak ahi Sam gelhtu in*
Pathian pen:
* I kihumbitna leh
* I hatna,
* Mangbat lai a huh pahpahpa nai gige ahi.

Hiai ah bit akisak ziak in David in hichi in ana gelh hi.
_'Leitung hong kidang in, mualte tuipi sung pek ah kisuan mahleh i lau kei ding'_

*David in a bitna ding in Toupa kiang ah a tai zel bang a, ei zong Pathian kiang a tai a lungmuanna mu thei zel ding in simtute Toupa'n thupha hon pia hen.*

🖊 _Evan Langchinthang Naulak_

20/05/2026

*FIDEI'S DAILY DEVOTION*
_20th May 2026_

*TOUPA MUANG*

*Sam 37:5*
_Na omdan ding Toupa tungah nga inla; amah muang in, aman ahih vek ding._

*ZILLAI*
Ministry a zatding in gari khat ana kinei a, a siatna nengchik om chiang in,mechanic te samlou in akibawl thei zel hi,
Himahleh a hon siat taktak chiang in a bawlding dan kithei lou a, mechanic te va kibawlsak zel a, kibawlthei lou ahihman in, amau muang mahmah in, a khut uah va ki koih topsek hi.

> I hinkua a hihthei ikisaklai teng mi panpihna kipoimohlou hi.

Mi lungd**gtaktak ten Pathian panpihna ki poimoh hi.

*Diktatlouna leh simmohna ziak a Lungkham beid**g gawm a, pan ding dan thei nonlou te a ding in hiai ah thu hoih om hi*
1. _Na omdan ding Toupa tung ah nga in._
2. _Amah muang in._
Aman a hih vek ding.

*Diktatlouna tungtawn a hauhna delhlou a, giloutaisan a, thihoih hi ding leh, Toupa tungah i omdan ding nga a, amah muang tenten thei ding in simtute Toupan hon vualzawl hen*

🖊 _Evan Langchinthang Naulak_

19/05/2026

*FIDEI'S DAILY DEVOTION*
_19th May 2026_

*TUIBOSA KILUAKKIK THEILOU*

*Sam:37:8*
_Heh tawpsan inla, thangpaih kisik in: ki hihlungkham nuam ke'n, thil hihkhelh ah a hong ke maimah nak hi._

*ZILLAI*

Hehna leh thangpaihna a kalsuanna pen, tui bosa kiluakkikthei lou toh kibang hi. Hehna leh thangpaihna i neh leh kipahna sang in lungkhamna hon tunzo zel a, a tawp in khelhna tan hon pi thei hi.

> Hiai ziak in Sam gelhtu in hehna leh thangpaina, lungkhamna te tawpsan ding in hon deih hi.

*Simtute hehna leh thangpaihna tawpsan a ittna leh lungnupna lungsim nei a, thilhoih hih ding in Toupa'n hon vualzawl hen*

🖊 _Evan Langchinthang Naulak_

18/05/2026

*FIDEI'S DAILY DEVOTION*
_18th May 2026_

*PATHIAN NEI LEH NEILOU KITHEHTEL NA*

*Sam:14:1*
_Mihai in a lungsim in, Pathian a om kei, a chi a. A kigawp khin ua, thil kihhuai tak a hih ua; thil hoih hih himhim a om kei uhi._

*ZILLAI*

Mi khat a zunthak nuamlou, a pang na sa a ahi leh _'Kal lam buai na nei ahi(kidney problem)'_ chih a kitheih mah bang in. Pathian nei te leh neilou/theilou te a gamtat uah kithei thei hi.

*Pathian gingta leh ka zui ki chi a*
* _A hinkhua uh kigawp khin a,_
* _Thil kihhuai tak a hih a;_
* _Thil hoih hih himhim lou mi._
*Zuau gen ahi a, Pathian theilou hizo uh hi.*

*Pathian thei/neite bel*
* _A hinkhua uh hoih a,_
* _thil kihhuai deihlou uh a;_
* _thil hoih hih uhi._

*Toupa'n 'Amah thei semsem a, na hoih semkhe thei semsem ding' in simtute hon vualzawl hen*

🖊 _Evan Langchinthang Naulak_

17/05/2026

*FIDEI'S DAILY DEVOTION*
_17th May 2026_

*ZUAUTHU TOH KALSUAN TE' LOHTAK*

*Sam 52: 4-4* _Nang zuauhat lei aw, Midang satsia thute na it hi._
_Pathian in hichibang in hon sesak tawntung ding a, Ama'n hon koihmang in, Na puanbuk a kipan hon laikhe ding a_,
_Mihing gam a kipan hon botkhe ding hi._

*ZILLAI*

Thutak a vualzohsang in zuau a vualzoh pen baihlamzo ahihman in Zuau ton vualzoh tum tamtak om hi.

Gam leh nam itt a _'diktatna toh itlou'_, zuauthu toh (propoganda) chih min vuah in gam leh nam ngahtum a, namdang/midang suksiat tum kitam lua hi.

*Hiai dan a gamtang te Pathian in:*
* _Sesak tawntung ding a,_
* _Hon koihmang ding a_
* _Na puanbuk a kipan hon laikhe ding a,_
* _Mihing gam a kipan hon botkhe ding hi._

*Zuauthu leh gintakthu thehzak tu hilou a Thutak toh a kalsuan mi hiding in simtute Toupa'n hon vualzawl hen*

🖊 _Evan Langchinthang Naulak_

16/05/2026

*FIDEI'S DAILY DEVOTION*
_16th May 2026_

*DAVID SIANGTHOUNA PATHIAN*

*Sam:16:2*
_TOUPA kiang ah, nang tuh ka TOUPA na hi a; Nang lou ngal hoihna himhim ka nei kei._

*ZILLAI*
Pathian in 'ka lungtang bang pu ka mu ta' a chih pa David ahi hi.

David in Jehovah Pathian pen a Toupa leh a diktatna ahi chi in a pom a, a zahpih kei hi.
> David in amah nasepziak a diktan di hileh, dik atan na ding tampi a om hi, himah leh aman 'tuate ziak a diktan ahi' a chi kei a, Pathian ziak a siangthou ahi a chi zo hi.

Ei zong Pathian muang a amah siangthouna koppih te ihi.
David in amah hatna leh nasep te a suangkei a, Pathian a ahihna a suang zawk bang in. _En leng kingainiam tak in Toupa'n dik hontansak na i suang zo ding uhi._

🖊 _Evan Langchinthang Naulak_

13/05/2026

*FIDEI'S DAILY DEVOTION*
_13th May 2026_

*PUAKGIK NEI TE ADING A THU KIPAHHUAI*

*Matthai:11:28*
_Nou sem gim leh puakgik po tengteng aw, ka kiang ah hong pai unla, keiman khawlna k'on pe ding._

*ZILLAI*
Puakgik laklak ah lungtang a puakgik om te pen puak hakpenpen hi.

Taksa lam ah i puak vangik te bel i gim chiang in ngak khiak theih pahpah a, i lungtang a puakgik te bel koihkhiaktheih mawk hilou a, hon puak pih thei ding leng omlou chih theih phial hi.

_Himahleh, Puakgik nei te a ding a thu kipah huai ahih leh Jesu Khrist in 'kon puak pih ding a tawldamna kon pe ding' chi hi._

* _Zakai puakgik Jesu Khrist in a lakkhiaksak hi._
* _Numei kizuak nu puakgik Jesu Khrist in a lakkhiaksak a._
* _Miteng puakgik Jesu Khrist in a Kros ah a pua hi._
* _Nang puakgik zong hon puak pih ut hi._

*Puakgikte ziak a lungimna leh lungkiatna i neihte te hon puakpih Jesu Khrist i neihziak in Toupa kiang ah kipahthu i gen hi.*

🖊 _Evan Langchinthang Naulak_

12/05/2026

*FIDEI'S DAILY DEVOTION*
_12th May 2026_

*PATHIAN DEIHSAK MI*

*Paunaakte:12:2*

_Mi hoih in Toupa deihsak na a loh ding: himahleh mi gilou ngaihtuah mipa moh a tangsak ding._

*ZILLAI*
Migen siasia a, thudiklou gen a diktatlou tak a gamta mi/nam Pathian pahtak mi/nam hi ngeilou hi.

Mi neihleh lam haute,hinkua a lohching te hiam, Pathian kiang a thohlawm tampipi thohte Pathian pahtak hi pah lou a, himah leh *Mihoih te pen pathian pahtak ahi a chi zaw hi.*

_Gilou lungsim a zang a lohching te bel Pathian moh atansak te ahi hi._

*Mihoih na tungtawn a lohching tou zel a, mi ginalou te lohchinna englou ding in Simtute Toupa'n hon om pih hen.*

🖊 _Evan Langchinthang Naulak_

11/05/2026

*FIDEI'S DAILY DEVOTION*
_11th May 2026_

HAUHNA MAW MINHOIHNA?

*Paunaakte:22:1*
_Hauhsakna thupite sa'ng in min hoih tel zawk ding ahi, dangka leh dangka-eng sa'ng in deihsakna a ithuai._

*ZILLAI*
_'The end Justified the means'_ - _A topna/khitna in a lampi ah diktansak'_ chih thu ana om hi. Min' hausakna deih in a diklou tan kalsuan in, zuau toh, huham na toh a zong uh a, a lohchin chiang un a sumzondan uah a kisiamtan sek uh hi, minhoihna sang in hauhna a tel zo uhi. Hiai dan a gamta ten sum leh pai nei mah le uh, Pathian deihsakna atang kei uhi.

*Diklou tak a Hauhna tampi neihsang a minhoih telzo a,sana leh dangka sang in Pathian deihsakna leh amaipha muh telzo thei ding in simtu te Toupa'n hon vualzawl hen*

🖊 _Evan Langchinthang Naulak_

Address

Grace Studio Building, Top Floor, Opposite CBA Office, Teddim Road, Gouchinkhup Veng New Lamka
Churachandpur

Telephone

+918258057654

Website

Alerts

Be the first to know and let us send you an email when Fidei Defensor Ministry posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Fidei Defensor Ministry:

Shortcuts

Share

Category