16/05/2026
ശ്രേഷ്ഠ ബാവാ കർണാടകയുടെ മണ്ണിൽ
മംഗലാപുരം : മലങ്കര യാക്കോബായ സുറിയാനി സഭയുടെ കാതോലിക്കായും, മലങ്കര മെത്രാപ്പോലീത്തായുമായ ശ്രേഷ്ഠ ആബൂൻ മോർ ബസ്സേലിയോസ് ജോസഫ് ബാവായ്ക്ക്, ഹോണവാർ മിഷന്റെ നേതൃത്വത്തിൽ സംഘടിപ്പിച്ച സ്വീകരണ പരിപാടിയിൽ പങ്കെടുക്കുവാൻ, മംഗലാപുരത്ത് എത്തിച്ചേർന്നു. റോഡ് മാർഗ്ഗം എത്തിച്ചേർന്ന ശ്രേഷ്ഠ ബാവയെ വെരി.റവ.ഫാ. വി. ജോൺ വർഗീസ് കോർ എപ്പിസ്കോപ്പ, ഫാ. സണ്ണി ജോൺ, മംഗലാപുരം സെന്റ് ആന്റണീസ് കത്തീഡ്രൽ പള്ളിയിലെയും, ഹോണാവർ മിഷന്റെയും കമ്മിറ്റി അംഗങ്ങൾ ചേർന്ന് സ്വീകരിച്ചു.
മെയ് 16 ശനിയാഴ്ച (ഇന്ന്) വൈകുന്നേരം 4 മണിക്ക്, കർണാടക സംസ്ഥാനത്തിലെ ഉഡുപ്പി ജില്ലയിൽ സ്ഥിതി ചെയ്യുന്ന പ്രധാന നഗരമായ ബ്രഹ്മവറിൽ വെച്ച് സ്വീകരണം നൽകുന്നു. തുടർന്ന് ബ്രഹ്മവറിൽ പുതുതായി നിർമ്മിച്ച 'വൈഭവ്' കമ്മ്യൂണിറ്റി ഹാളിന്റെ ആശീർവാദ ചടങ്ങിന് ശ്രേഷ്ഠ ബാവ പ്രധാന കാർമികത്വം വഹിക്കും.
മെയ് 17 ഞാറാഴ്ച രാവിലെ 8:30ന് ശ്രേഷ്ഠ കാതോലിക്ക ബാവയുടെ പ്രധാന കാർമികത്വത്തിൽ ജെപ്പു സെന്റ് ആന്റണീസ് കത്തീഡ്രൽ വിശുദ്ധ കുർബ്ബാന നടത്തപ്പെടും. തുടർന്ന് ശ്രേഷ്ഠ ബാവയ്ക്ക് സ്വീകരണവും അനുമോദന സമ്മേളനവും നടത്തപ്പെടും.
