08/07/2022
ਪੰਜਾਬ ਸਿਰਫ਼ ਸਿੱਖ ਭਾਈਚਾਰੇ ਦਾ ਨਹੀਂ ਹੈ, ਇਹ ਹਿੰਦੂ, ਮੁਸਲਮਾਨ, ਇਸਾਈ, ਜੈਨੀਆਂ ਦਾ ਵੀ ਬਰਾਬਰ ਦਾ ਹੈ। ਹਰ ਪੰਜਾਬੀ ਬੋਲਣ ਵਾਲਾ ਸਿੱਖ ਨਹੀਂ ਹੁੰਦਾ, ਹਿੰਦੂ, ਮੁਸਲਮਾਨ ਤੇ ਇਸਾਈ ਵੀ ਹੋ ਸਕਦਾ ਹੈ।
ਜਦੋਂ ਸਿੱਖ, ਹਿੰਦੂ, ਮੁਸਲਮਾਨ ਭਾਈਚਾਰਿਆਂ ਦੇ ਸਮਾਗਮਾਂ ਵਿੱਚ ਲੱਖਾਂ ਦੀ ਤਦਾਦ ਵਿੱਚ ਇਕੱਠ ਹੋਏ ਤਾਂ ਸਾਨੂੰ ਤਾਂ ਕੋਈ ਦਿੱਕਤ ਨਹੀਂ ਹੁੰਦੀ ਪਰ ਅੰਕੂਰ ਨਰੂਲਾ ਮਨਿਸਟਰੀਜ਼ ਵੱਲੋਂ ਅੰਮ੍ਰਿਤਸਰ ਵਿਖੇ ਬੰਦਗੀ ਕੀ ਕਰ ਲਈ, ਹੈਰਾਨ ਹਾਂ ਕਿ ਕਾਫ਼ੀ ਸਿੱਖ ਪ੍ਰਚਾਰਕ ਪੱਬਾਂ ਭਾਰ ਹੋਏ ਪਏ ਹਨ, ਕੀ ਇਸਾਈ ਆਪਣੇ ਸਮਾਗਮ ਨਹੀਂ ਕਰ ਸਕਦੇ? ਕੀ ਅਸੀਂ ਪੁੱਛ ਪੁੱਛ ਪ੍ਰੋਗਰਾਮ ਕਰਿਆ ਕਰੀਏ? ਆਜ਼ਾਦ ਮੁਲਕ ਵਿੱਚ ਰਹਿੰਦੇ ਹਾਂ, ਆਪਣੀ ਧਾਰਮਿਕ ਆਜ਼ਾਦੀ ਦਾ ਪ੍ਰਗਟਾਵਾ ਕਰਨ ਦਾ ਹੱਕ ਹਰ ਇਕ ਪੰਜਾਬੀ ਨੂੰ ਹੈ।
ਕਹਿੰਦੇ, ਅੰਮ੍ਰਿਤਸਰ ਵਿਖੇ ਇਸਾਈ ਐਨਾ ਇਕੱਠ ਕਿਵੇਂ ਕਰ ਗਏ? ਅੱਛਾ ਜੀ, ਬੱਸ ਐਹੋ ਰੰਜ ਹੈ ਕਿ ਅੰਮ੍ਰਿਤਸਰ ਵਿਖੇ ਇਸਾਈਆਂ ਦਾ ਐਨਾ ਇਕੱਠ ਕਿਵੇਂ ਹੋ ਗਿਆ? ਕੀ ਹੁਣ ਪੰਜਾਬ ਵਿਚਲੀ ਅਠਤਾਲੀ ਲੱਖ ਇਸਾਈ ਆਬਾਦੀ ਵਿਚੋਂ ਪੰਜ ਸੱਤ ਲੱਖ ਬੰਦਾ ਅੰਮ੍ਰਿਤਸਰ ਵਿਖੇ ਇਕੱਠਾ ਨਹੀਂ ਹੋ ਸਕਦਾ? ਕੀ ਹੁਣ ਇਸਾਈ ਜਮਾਤ ਆਪਣੇ ਸਮਾਗਮ ਕਰਨੇ ਵੀ ਛੱਡ ਦੇਏ?
ਜੇ ਆ ਵੀ ਗਏ ਤਾਂ ਕਿਸੇ ਨੇ ਕਿਹੜਾ ਬੰਨ੍ਹ ਕੇ ਲਿਆਂਦੇ ਆ, ਅਗਲੇ ਆਪਣੀ ਮਰਜ਼ੀ ਨਾਲ ਆਏ ਹਨ। ਪੰਜਾਬ ਇਕ ਬਹੁ-ਧਰਮੀ ਅਤੇ ਮੱਤਾਂ ਵਿੱਚ ਵਿਸ਼ਵਾਸ ਕਰਨ ਵਾਲਾ ਸੂਬਾ ਹੈ ਇਹੀ ਇਸ ਦੀ ਖਾਸੀਅਤ ਹੈ। ਅਸੀਂ ਪੰਜਾਬੀ ਹੋਣ ਤੇ ਮਾਣ ਮਹਿਸੂਸ ਕਰਦੇ ਹਾਂ। ਅਸੀਂ ਵੀ ਪੰਜਾਬ, ਪੰਜਾਬੀ ਅਤੇ ਪੰਜਾਬੀਅਤ ਨੂੰ ਹੋਰਨਾਂ ਵਾਂਗ ਹੀ ਪਿਆਰ ਕਰਦੇ ਹਾਂ।
copy paste
