09/12/2025
"PECARUAN RING PURA LAGA"
Om Swastyastu,
Majeng ring Jro Mangku, Jro Undagi, Jro Kerandan Pura Laga, lan Ratu Ida Dane para bakta pemedek sareng sami sane kusumayang titiang.
Ring galah puniki titiang pengayah Pura Laga ngaturang parama suksma, seantukan sangkaning pangubakti, aturan peturunan, lan punia sane katur, mawinan presida kabecikang makudang pelinggih/wewangunan sekadi, Pemereman, Panggungan, Laapan, lan Bale Gong. Taler Aci Sugian, Piodalan Ida Sesuhunan sampun memargi antar. Dumogi Ida Betara-Betari setata mepaica waranugraha lamakane sareng sami mangguh sadia rahayu.
Ring galah puniki taler titiang ngaturang piuning indik yadnya Pecaruan ring Pura Laga, sane jagi kemargiang ring rahina: nemonin Tilem, Sukra Kliwon Pujut, Sasih Kenem. Tanggal 19 Desember 2025.
Indik eedan upacara Pecaruan:
Kaping ajeng sawatara galah 08:00 semeng, ngaturang pecaruan ring Pura Pesimpangan Batu Guak lan Pura Sana.
Raris sawatara galah 10:00 semeng, ngaturang pecaruan ring Pura Laga.
Para pemedek sane mapikayunan ngaturang pangubakti ‘pemios’ kengin rikala katur pecaruan, utawi galah selanturnyane.
Taler para pemedek sane mepikayunan ngelungsur ‘Belat Tridatu’, mangdane makta piranti (Benang Tridatu) sakeng jero-puri soang-soang.
Asapunika atur titiang, dumogi sami kenak rahayu.
Om Shanti Shanti Shanti Om.
Matur Suksma,
(Pengayah Pura Laga)
