22/02/2026
Nourrissez les racines et les branches pousseront
Sou direksyon Prezidans Pyeu Les Palmes, Ayiti, nan dat dimanch 22 fevriye 2026 ,yon evènman istorik reyalize pou Legliz la nan peyi a, espesyalman nan zòn jewografik pye a.
Apre plizyè ane refleksyon, priyè, ak planifikasyon, vizyon pou etabli prezans Legliz la nan Depatman Nip, nan vil Miragwàn, vin tounen reyalite. Nan menm okazyon sa prezidans pye a te pwofite aple Fr charleston Jean Michel Kòm premye prezidan Branch lan, Depatman sa te rete sèl kote kote Legliz la potko te gen prezans ofisyèl li nan peyi a.
Nou eksprime rekonesans nou pou angajman, devouman, ak lafwa tout dirijan prètriz yo ,misyonè yo ak manm ki te patisipe nan akonplisman etap enpòtan sa.
Si rasin nan sen, branch yo ap sen tou." (Women 11:16)
Se priyè nou pou Branch Miragwàn nan grandi solid nan Levanjil jezikri a, epi pou li vin yon sous limyè ak espwa pou kominote a.
