10/08/2024
Dosye pastè Malory/ Artist Emeline Michel
Pastè Malory se yon moun ki gen anpil foug, anpil enèji pou preche Levanjil. Sa a se vrèman byen. Sepandan, sa ki rive a fè nou poze kesyon sou kalite fòmasyon pastè a resevwa. Nòmalman, yon lidè relijye nan tranp pastè Malory ta sipoze respekte libète konsyans chak moun. Li ta supoze konnen ke tout moun pa kretyen, e ke w dwe trete ak anpil respè moun ki pa pataje menm fwa avèk ou. Prèch la manke anpil diplomasi épi li chaje ak arogans. Gen bagay pastè a te ka jere an prive . Se regretab.
Nan sa peyi a ye Jodi a nou paka ap prêche la haine , la division, exclusion etc…O kontrè, Jezu te di : « Mwen vini pou malad ak pechè yo, mwen pa vini pou moun ki an bòn santé. » Eske Jezu patal manje Kay Zache? Eske li pat zanmi Mari Madlèn? Lide eksklizyon sa a yo se youn nan faktè ki kraze peyi a. Nou bezwen plis tolerans, nou bezwen koabite pasifikman nan respè youn pou lòt. Bilolo Congo, Tafa fè menm erè sa a tou: yo manke tolerans pou kretyen yo. Se pa posib.
Epi kòman w fè konnen atis la nan fè nwa? Sa vle di atis la pap sove ? Kanpe sou chè pou trete yon moun de payen konsa , se pa yon pratik. Eskew konnen relasyon moun nan ak Bondye ? Kisa k diw sil pa pi kretyen ke menm atis nou rele « atis kretyen yo »??
Pas, poukisa ou pat rele promotè a ou Jere sa ant ou menm avèk li? Qui es-tu pour juger ton frère nous dit Jésus ?
