「路直路彎」香港浸信會聯會佈道大會

30/12/2015

本紀念特刊終於完成！新年快樂

24/12/2015

聖誕快樂！

23/12/2015

其實好多人都同我地講好想睇返啲相，終於....我抽番某份相片出黎created 咗 photo album啦!! 大家埋黎睇睇啦~~~


https://www.facebook.com/media/set/?set=a.533789373447854.1073741841.408807352612724&type=3

13/11/2015

大家收到我地嘅感謝狀係咪好開心？多謝晒咁多位執委會成員及組長、組員！你地用左差不多一年嘅時間投入佈道大會，多謝你地！(由於參與義工人數眾多，所以未能一一派發感謝狀，但你地嘅愛同付出，我地收到晒，亦常存在心裡架~~)

04/11/2015

好耐冇見! 小編放左個長小小嘅假 (hohoho)，不過都終於要番黎，因為都要整本紀念特刊...有好多相要搵呀~~不過小編絕對係冇怨言，反而要多謝呢批忠心事奉嘅弟兄姊妹!

其實大家可能無為意，我地有好多嘅相、短片及現場訪問片，其實係由一班弟兄姊妹日以繼夜夜以繼日又影又執又拍又剪先得。當然手機好多嘢係做到，不過佢地為咗質素，係用啲專業機，用專業方式後製，所以質素好唔同架! 衷心感激!

27/09/2015

小編第一次中秋去咗外地，好感動機上派咗個月餅賀中秋～～～
祝大家中秋節快樂，一家快樂🌕🏮

22/09/2015

[一定要開心些牙] 恭喜恭喜！佈道大會宣傳海報些的男主角決志信主了！佢地有去第一場佈道大會，不過佢當時冇信，但經過尋求及女主角的親友發生一啲不幸嘅事，佢地都一齊祈禱....約一個月後信主了！哈利路亞！感謝主！(終於見到你地正面啦)

所以，「我們行善，不可喪志；若不灰心，到了時候就要收成。」（加拉太書6:9）

（可能有啲朋友唔知，唐牧師响26/7動員日提及過我地海報嘅男女主角，其實我地最初係唔識，不過覺得張相啱而攝影師肯俾我地用。佢地後來見到浸信會掛banner幫手宣傳佈道大會，佢地見到自己個背脊，個男主角係非信徒，佢又表示想去佈道大會就問拎門票--因此講員莫牧師就响佈道會呼籲相認，佢地冇出黎--但男主角雖然當日冇決志但係願意認識更多，而最終....最終20/9決志啦！）

11/09/2015

正在轉介決志者去唔同教會時，收到一位無名氏嘅奉獻，最感動佢响奉獻封裡面寫咗句：「願再接再勵，不可灰心，到了時候就得收成」。好感謝佢，除奉獻外，更重要係佢嘅鼓勵同提醒。可能今日大家响唔同崗位嘅服侍面對困難同挑戰，好似撒咗種未見收成，但係真係唔好放棄，到時候就見到架啦！互勉之！

10/09/2015

有人問佈道大會完咗，小編就會輕鬆好多。每次小編嘅回應係: 生命工程係唔會完架~~佈道大會完結只不過代表生命培育嘅開始。所以大會都仲跟緊決志者去唔同教會嘅安排...
不如俾大家睇下決志者訪問，再激發我地繼續跟進佢地嘅鬥志啦!!


https://youtu.be/rl5tHkPiHm8

生命影響生命，見證者彰顯了神的大能大力，哈利路亞!

06/09/2015

感恩有一批咁活力咁委身嘅演員及台後弟兄姊妹及導演於佈道大會事奉，希望佢地可以繼續用自己嘅才能去傳福音。
PS. 佢地自己搞左re-u雞煲宴👍咁快就re-u!!

05/09/2015

今日完成咗兩場嘅「決志者重聚日」啦！感謝神！決志者嘅跟進會繼續進行架，浸聯會嚟緊會送俾跟進決志者嘅教會我地新出嘅栽培手冊叫「蛻變14式」，係由唔同教牧同工寫，講到一啲信仰同生活嘅問題。大家加油！