18/09/2026
გილოცავთ მთავარანგელოზ მიქაელის ხსენების დღეს!
მისი მეოხება და მფარველობა ნუ მოჰკლებოდეს თითოეულ თქვენგანსა და თქვენს ოჯახებს!
მამა გაბრიელი და ჩვენი უწმინდესი პატრიარქი ამბობდნენ, რომ ამ განსაკუთრებულ დღეს მთავარანგელოზი მიქაელი ჯოჯოხეთში ჩადის და თავისი ფრთებით ამოჰყავს იმ ადამიანთა სულები, რომელთათვისაც ამქვეყნად ლოცულობენ და რომელთა სახელზეც კეთილ საქმეებს აღასრულებენ.
ამიტომ დღეს განსაკუთრებით გავიხსენოთ ჩვენი მიცვალებულები — ლოცვით, მოწყალებითა და სიყვარულით. მათი სახელით გაეცით მოწყალება, დააპურეთ მშიერი, ასვით მწყურვალს, შეეწიეთ გაჭირვებულს. შეძლებისდაგვარად დადგით საკურთხიც და თითოეული კეთილი საქმე აღასრულეთ მათი სულების მოსახსენებლად.
ნუ დავივიწყებთ მათ, ვინც ამქვეყნიდან წავიდა, რადგან სიყვარული საფლავთან არ მთავრდება — ლოცვა კი ის უხილავი ძაფია, რომელიც ცოცხლებსა და გარდაცვლილებს ერთმანეთთან კვლავ აკავშირებს.
არქივში შემოგვრჩა ჩვენი უწმინდესი პატრიარქის ქადაგება, რომელშიც იგი სწორედ ამ დღის განსაკუთრებულ მნიშვნელობაზე საუბრობს. დიდი სიყვარულით გიზიარებთ ამ ძვირფას ჩანაწერს.
წმიდაო მთავარანგელოზო მიქაელ, ევედრე ღმერთსა ჩვენთვის და ჩვენი მიცვალებულებისათვის! ამინ!
