12/08/2026
🕊️ წარმატებით დასრულდა 4-10 აგვისტოს ვიზიტი თრუსოს ხეობის ბანაკში ,,ღმერთი, სამშობლო, ადამიანი".
ამ პოსტით გვინდა მადლობა ვუთხრათ ყველას, ვინც წვლილი შეიტანა ამ საქმეში და ბავშვებს ერთი უმნიშვნელოვანესი კვირა აჩუქა, რომელიც მათ განვითარებაში უდიდეს როლს ითამაშებს.
გულწრფელ მადლობას გიხდით ქობულეთის მუნიციპალიტეტის მერიას, მერს, ბ-ნ ირაკლი ცეცხლაძეს, განათლების, კულტურის, სპორტის, ტურიზმისა და ახალგაზრდულ საქმეთა სამსახურის უფროსს ქ-ნ ნათია ნიჟარაძეს ჩვენი ინიციატივის მხარდაჭერისა და ბავშვთა საზაფხულო ბანაკის განხორციელებაში შეტანილი უმნიშვნელოვანესი წვლილისთვის.
თქვენი თანადგომით ჩვენს ბავშვებს მიეცათ შესაძლებლობა, რამდენიმე დღე გაეტარებინათ მათთვის განსხვავებულ, საინტერესო და შინაარსიან გარემოში - ისტორიული თრუსოს ხეობის ბანაკში „ღმერთი, სამშობლო, ადამიანი“.
ბანაკი მათთვის მხოლოდ დასვენება და ყოველდღიური გარემოს შეცვლა არ ყოფილა, ეს იყო ახალი გამოცდილებების, მეგობრობის, ურთიერთობის, შემეცნებისა და საერთო სიხარულის დღეები, რომლებიც, გვჯერა, თითოეულ მათგანს დიდხანს დარჩება კეთილ მოგონებად, ხოლო იქ მიღებულ ცოდნასა და გამოცდილებას ისინი ღმერთის სადიდებლად და სამშობლოსა და ადამიანის საკეთილდღეოდ გამოიყენებენ.
გვინდა გულითადი მადლობა ვუთხრათ თრუსოს მონასტრის წინამძღვარ არქიმანდრიტ იოანე ფერაძეს, თრუსოს ბანაკის „ღმერთი, სამშობლო, ადამიანი" საორგანიზაციო ჯგუფს, ქ-ნ ნათია ჟღენტს, მონასტრის მამებსა და დედებს, ტრაპეზრებს, მოწვეულ მასწავლებლებს, რომლებმაც ძალ-ღონე, სითბო და მზრუნველობა არ დაიშურეს ჩვენი ბავშვებისთვის.
მადლობა მშობლებს, რომლებმაც ერთი კვირის განმავლობაში გვანდეს შვილები და თავიანთი მხარდაჭერითა და თანადგომით ყოველდღე გვამხნევებდნენ.
ვაფასებთ გამოცხადებულ ნდობას, ვიმედოვნებთ, რომ ჯეროვნად გავამართლეთ ის და თქვენმა შვილებმა ამ დროის მანძილზე შეიძინეს ახალი უნარები და ცხოვრებისეული გამოცდილება.
და, რა თქმა უნდა, მადლობა ბანაკში მონაწილე ბავშვებს, რომლებმაც გამოავლინეს ნიჭი, ნდობა, სიყვარული. მათთან ურთიერთობა ჩვენთვის დიდი სიხარულის მომნიჭებელი იყო.
ჩვენთვის ეს ბანაკი მხოლოდ რამდენიმე დღის ერთად გატარება არ ყოფილა. გვინდოდა, ბავშვებისთვის შეგვექმნა გარემო, სადაც ისინი ერთმანეთის სიყვარულს, მეგობრობას, სიხარულს და, რაც ყველაზე მთავარია, ქრისტესთან სიახლოვეს შეიგრძნობდნენ.
თითოეული ბავშვი თავისი ხასიათითა და სიხარულით ჩვენთვის ძვირფასია. საორგანიზაციო ჯგუფის სახელით, გვინდა მადლობა შევწიროთ ღმერთს, რომ ყველაფერი მშვიდობით დასრულდა და თითოეული ბავშვი ჯანმრთელი და გახარებული დავაბრუნეთ ოჯახებში.
დიდი მადლობა თითოეულ თქვენგანს თანამშრომლობისთვის, ყურადღებისა და მხარდაჭერისთვის.
ამ დღეებმა კიდევ ერთხელ დაგვანახა, რამდენად დიდი პასუხისმგებლობა და ამავე დროს დიდი ბედნიერებაა ბავშვებთან ურთიერთობა.
იმედი გვაქვს, რომ ამ ბანაკიდან მათ მხოლოდ კარგი მოგონებები კი არა, რაღაც უფრო მნიშვნელოვანი - ერთმანეთის სიყვარული, ეკლესიის სიყვარული და უფალთან სიახლოვის სურვილიც გაჰყვებათ. ვიმედოვნებთ, რომ მამა მათეს ლოცვა-კურთხევითა და თქვენი თანადგომით მსგავსი აქტივობები მომავალშიც გაგრძელდება.
ღმერთმა დალოცოს თითოეული თქვენგანი, თქვენი ოჯახები და თქვენი შვილები. მადლობა ნდობისთვის, მხარდაჭერისა და იმისთვის, რომ ამ ლამაზი დღეების შექმნაში იყავით ჩვენი თანამონაწილენი 🤍
