17/11/2020
കഴിഞ്ഞ ആഴ്ചത്തെ പഠനം.....
The Nature of Death.
----------------------
Death is a separation of the spiritual nature from the body.
ശരീരത്തിൽ നിന്നും ആത്മാവ് വേര്പിരിയുന്നതിനെ മരണം എന്ന് ബൈബിൾ പഠിപ്പിക്കുന്നു.
മരണത്തിന്റെ ആദ്യ വിധി വരുന്നത് ഉൽപ്പത്തി പുസ്തകത്തിൽ ആണ്.
" നീ പൊടിയാകുന്നു, പൊടിയിൽ തിരികെ ചേരും." (ഉല്പത്തി 3:19 )
മണ്ണിൽ നിന്നും എടുത്ത ശരീരം മണ്ണിലേക്ക് പോകുന്നു. എന്നാൽ അവനെ ജീവനുള്ളവനാക്കി തീർത്തത് ദൈവം അവനിൽ ജീവ ശ്വാസമായി ഊതിയ ആത്മാവ് ദൈവത്തിന്റേതായിരുന്നു. അത് ഒരിക്കലും മണ്ണിൽ ചേരേണ്ടതു അല്ലായിരുന്നു.
മരണത്തോടുകൂടി ആത്മാവ് മറ്റൊരിടത്തേക്ക് പോകുന്നു എന്ന് സഭാപ്രസംഗി 12:7 ൽ പറഞ്ഞിരിക്കുന്നു.
" പൊടി പണ്ടു ആയിരുന്നതുപോലെ ഭൂമിയിലേക്കു തിരികെ ചേരും; ആത്മാവു അതിനെ നല്കിയ ദൈവത്തിന്റെ അടുക്കലേക്കു മടങ്ങിപ്പോകും."
ശരീരം ആത്മാവിനെ ഉപേക്ഷിക്കുന്നതാണ് മരണം എന്ന് തിരുവചനം പഠിപ്പിക്കുന്നു.
താഴെയുള്ള ബൈബിൾ വാക്യങ്ങൾ അത് സൂചിപ്പിക്കുന്നു.
Abraham gave up ghost ( Gen. 25:8)
Issac gave up ghost ( Gen. 35:29)
Jacob yielded up the ghost ( Gen. 49:33)
യേശു ക്രിസ്തു അത്യുച്ചത്തിൽ നിലവിളിച്ചു , പിതാവേ എന്റെ ആത്മാവിനെ അങ്ങയുടെ കരങ്ങളിൽ തരുന്നു എന്ന് പറഞ്ഞു പ്രാണനെ വിട്ടു " ( Luke 23:46)
അപ്പൊ . പ്രവർത്തി : 5 :5 ,10 അനന്യാസും സഫീറയും പ്രാണനെ വിട്ടു എന്ന് പറയുന്നു. ( Then fell she down straightway at his feet, and yielded up the ghost: )
ആത്മാവ് വിട്ടു പോകുമ്പോൾ മരണം സംഭവിക്കുന്നത് പോലെ വിട്ടുപോയ ആത്മാവ് തിരികെ വരുമ്പോൾ മരിച്ച ആൾ ജീവൻ വീണ്ടും പ്രാപിക്കുന്നതിനെ പറ്റിയും തിരുവചനം പഠിപ്പിക്കുന്നു.
ഏലിയാവ് മരിച്ച കുട്ടിയ്ക്കായി പ്രാർത്ഥിച്ചപ്പോൾ അവളുടെ ആത്മാവ് അവളിലേക്ക് മടങ്ങി വന്നു അവൾ ജീവൻ പ്രാപിച്ചു എന്ന് പറഞ്ഞിരിക്കുന്നു ( 1 Kings 17:20-22)
യായീറൊസിന്റെ കുട്ടിക്കുവേണ്ടി യേശു പ്രാർത്ഥിച്ചപ്പോൾ കുട്ടിയുടെ ആത്മാവ് മടങ്ങി വന്നു എന്ന് പറഞ്ഞിരിക്കുന്നു. (Luke: 8:49-55)
യാക്കോബ് അപ്പോസ്തോലൻ പറഞ്ഞിരിക്കുന്നു " ആത്മാവില്ലാത്ത ശരീരം മരിച്ചതാണെന്നു " (2:26)
പുതിയനിയമത്തിലുടനീളം ഈ ആശയം ആണ് ദൈവാത്മാവ് നൽകിയിരിക്കുന്നത്.
ഇനി അടുത്ത ചോദ്യം...???
ഇങ്ങനെ ശരീരത്തിൽ നിന്നും വേർപെടുന്ന ആത്മാവ് എവിടേക്കു പോകുന്നു.
The abode of the departed spirit.
—————————————————-
ആത്മാവ് എവിടേക്കു പോകുന്നു ?
അന്തരീക്ഷത്തിൽ കറങ്ങി നടക്കുമോ ?
ഏതെങ്കിലും ശരീരത്തിൽ കുടിയിരിക്കുമോ ?
ഒരിക്കലും ഇല്ല ....!!!
പിന്നെ ദൈവ വചനം എന്ത് പറയുന്നു.?
ക്രിസ്തുവിന്റെ സ്വർഗാരോഹണം വരെ മരിച്ചവർ എവിടെ പോയിരുന്നു എന്നും , അതിനു ശേഷം ഇന്നുവരെ എവിടെ പോകുന്നു എന്നും ദൈവ വചനം വ്യക്തമായി പഠിപ്പിക്കുന്നു.
ആദം മുതൽ ക്രിസ്തുവരെ വേർപെട്ട ആത്മാക്കൾ പോകുന്ന സ്ഥലത്തെ പറ്റി ദൈവവചനം പഠിപ്പിക്കുന്നത് അറിയണമെങ്കിൽ മൂല ഭാഷയായ ഹീബ്രു / ഗ്രീക്ക് ഭാഷയിൽ ഉള്ള വ്യാഖ്യാനം നോക്കേണ്ടതുണ്ട്. ഇഗ്ലീഷ് ഭാഷാന്തരം മരിച്ചവർ പോകുന്ന സ്ഥലത്തിന് Hell ( നരകം ) എന്ന് പൊതുവായി മാത്രമേ പറയുന്നുള്ളൂ.
ഉദാഹരണം :
1 .
ലൂക്കോസ് 16
22. ആ ദരിദ്രൻ മരിച്ചപ്പോൾ ദൂതന്മാർ അവനെ അബ്രാഹാമിന്റെ മടിയിലേക്കു കൊണ്ടുപോയി.
Luke 16
22. And it came to pass, that the beggar died, and was carried by the angels into Abraham's bosom: the rich man also died, and was buried;
23. ധനവാനും മരിച്ചു അടക്കപ്പെട്ടു; പാതാളത്തിൽ യാതന അനുഭവിക്കുമ്പോൾ മേലോട്ടു നോക്കി ദൂരത്തുനിന്നു അബ്രാഹാമിനെയും അവന്റെ മടിയിൽ ലാസരിനെയും കണ്ടു:
Luke 16
23. And in hell he lift up his eyes, being in torments, and seeth Abraham afar off, and Lazarus in his bosom.
ഇഗ്ലീഷിൽ Hell എന്നാണ് പറഞ്ഞിരിക്കുന്നത്. എന്നാൽ Hades (ഹെഡിസ് ) എന്ന വാക്കാണ് ഉപയോഗിക്കേണ്ടത് . മലയാളത്തിൽ പാതാളം എന്ന വാക്കും. ( മലയാളം ബൈബിളിൽ പാതാളം എന്നാണ് ചേർത്തിരിക്കുന്നത് )
2 .
മത്തായി 23: 33. പാമ്പുകളേ, സർപ്പസന്തതികളേ, നിങ്ങൾ നരകവിധി എങ്ങനെ ഒഴിഞ്ഞുപോകും?
Matthew 23
33. Ye serpents, ye generation of vipers, how can ye escape the damnation of hell?
ഇവിടെയും Hell എന്ന വാക്കാണ് വന്നിരിക്കുന്നതു.
ഗ്രീക്കിൽ ഇതിനു Gehenna ( ഗിഹെന്ന )എന്ന സ്ഥലമാണ് ഉദ്ദേശിച്ചിട്ടുള്ളത്. അത് അന്ത്യ ന്യായവിധിക്കു ശേഷം ജീവ പുസ്തകത്തിൽ പേരെഴുതി കാണാത്ത സ്ഥലത്തെ കുറിക്കുന്നു. തീപ്പൊയ്ക എന്നും വിശുദ്ധ വചനത്തിൽ കാണുന്ന സ്ഥലമാണ് ഇത്. എന്നാൽ നരകം എന്ന് പൊതുവായ സ്ഥലത്തെ കുറിച്ചാണ് ഇവിടെ പറഞ്ഞരിക്കുന്നതു.
3 )
2 പത്രൊസ് 2:4. പാപം ചെയ്ത ദൂതന്മാരെ ദൈവം ആദരിക്കാതെ അന്ധതമസ്സിന്റെ ചങ്ങലയിട്ടു നരകത്തിലാക്കി ന്യായവിധിക്കായി കാപ്പാൻ ഏല്പിക്കയും
2 Peter 2:4. For if God spared not the angels that sinned, but cast them down to hell, and delivered them into chains of darkness, to be reserved unto judgment;
ഇവിടെയും Hell എന്ന പൊതുവായ സ്ഥലത്തെ പറ്റി പറഞ്ഞിരിക്കുന്നു. എന്നാൽ ഗ്രീക്കിൽ Tarturas ( റ്റാര്ട്ടറ്സ് ) എന്ന സ്ഥലമാണ് ഗ്രീക്കിൽ പറഞ്ഞിരിക്കുന്നത്. ദൈവത്തോട് മത്സരിച്ച ദൂതന്മാരെ അന്ത്യ ന്യായവിധി വരെ ചങ്ങലക്കിട്ടു സൂക്ഷിച്ചിരിക്കുന്ന സ്ഥലം ആണ്. അതിനും പൊതുവായ നരകം എന്ന വാക്കാണ് ഉപയോഗിച്ചിരിക്കുന്നത്.
ഇങ്ങനുള്ള തെറ്റ് പുതിയ നിയമത്തിൽ മാത്രമല്ല പഴയ നിയമത്തിന്റെ ഭാഷാന്തരത്തിലും കാണാൻ കഴിയും. എന്നാൽ മൂല ഭാഷ എന്ത് പറയുന്നു എന്ന് പഠിച്ചാൽ മരണത്തോടെ ആത്മാക്കൾ എവിടേക്കാണ് പോയിരുന്നതെന്നു മനസിലാക്കാൻ കഴിയും.
ഹെടീസ് അല്ലെങ്കിൽ പാതാളത്തിന്റെ സ്ഥാനം എവിടെ ..?
പാതാളം എന്നത് ഭൂമിയുടെ അധോഭാഗത്തു എന്ന് തിരുവചനം പഠിപ്പിക്കുന്നു.
ഉൽപ്പത്തി : 37:35 ൽ ഇങ്ങനെ വായിക്കുന്നു. " ഞാൻ ദുഖത്തോടെ പാതാളത്തിലേക്കു ഇറങ്ങും എന്ന് "
“ I will go down to Sheol ( Hades )”
പുതിയ നിയമത്തിലും പാതാളം ഭൂമിയുടെ അധോഭാഗത്താണ് സ്ഥിതി ചെയ്യുന്നതു എന്ന് പറഞ്ഞിരിക്കുന്നു.
Mathew : 11:23 “ നീയോ കഫർന്നഹൂമേ, സ്വർഗ്ഗത്തോളം ഉയർന്നിരിക്കുമോ? നീ പാതാളംവരെ താണുപോകും; “
Luke : 10: 15 ലും ഇതേ വാക്യം യേശു ക്രിസ്തു തന്നെ പറഞ്ഞിട്ടുണ്ട് .
പാതാളം എങ്ങനുള്ള സ്ഥലം ആണ് ..??
അവിടുത്തെ അവസ്ഥ എന്താണ് എന്ന് തിരുവചനം പഠിപ്പിക്കുന്നു.
Hades ( പാതാളം ) എന്ന സ്ഥലത്തു ചിലർക്ക് യാതനയും മറ്റുചിലർക്ക് ആശ്വാസവും കിട്ടുന്നു എന്ന് തിരുവചനം പഠിപ്പിക്കുന്നു. ക്രിസ്തുവിന്റെ ഉയർപ്പും സ്വര്ഗാരോഹണവും വരെയുള്ള സകല( മരണത്താൽ )വേർപെട്ട ആത്മാക്കളും പോയ സ്ഥലമാണ് പാതാളം ( ഹെടീസ് ). അതിൽ നീതിമാന്മാരും നീതികെട്ടവരും ഉണ്ടായിരുന്നു.
എന്നാൽ നീതികെട്ടവരും ദൈവ നിഷേധികളും പോയ സ്ഥലത്തിന് യാതന സ്ഥലം എന്ന പാതാളത്തിലെ ഒരു സ്ഥലത്തെ പറ്റിയാണ് ക്രിസ്തു പഠിപ്പിച്ചത്.
( ലൂക്കോസ് : 16:22 ,23 )
എന്നാൽ അവിടെ തന്നെ ലാസർ എന്ന മനുഷ്യന്റ ആത്മാവിനു ആശ്വാസം കിട്ടുന്നു എന്നും പറയുന്നു. എന്നാൽ , ഈ രണ്ടു സ്ഥലത്തിനും ഇടയിലായി വലിയൊരു വിടവും ഉണ്ടെന്നും പറയുന്നു.
പാതാളം എന്നത് ഒരു സ്ഥലം ആണെങ്കിലും രണ്ടു തരത്തിൽ ഉള്ള ജീവിത ശൈലിയിൽ ഉള്ളവരും രണ്ടു അനുഭവങ്ങളും രണ്ടു സ്ഥലങ്ങളും കാണുന്നു. എന്നാൽ ഇവരെ തമ്മിൽ വേർതിരിച്ചരിക്കുന്ന ഒരു വലിയ വിടവ്ഉണ്ടെന്നും ക്രിസ്തു പഠിപ്പിക്കുന്നു.
തുടരും.......
പ്രാർത്ഥനയോടെ
ഷാജി ഏബ്രഹാം
Date : 20 /11/2020
Time : 05:30 PM
( U.K. Time ) @11:00 PM (IST)
UCF Weekly Bible Study Hosted by Loving Actions Meetings Please Join ; https://lovingactions.my.webex.com/lovingactions.my/j.php?MTID=m42295642d87dfdedd7b0bff5d9c1b085
പ്രാർത്ഥനയോടെ
ഷാജി ഏബ്രഹാം.
