Qoophii Argaa Dhageettii O2

14/05/2025

MAQAA ABBAA ILMAA HAFUURA QULQULLUU WAAQAYYOO TOKKO.
AMEEN.

Gumii Mana Amantaa Ortodoksii Waloomaa(Tawaahidoo) Oromiyaa Teessoo Magarsaa Badhaasaa (Pheexiroos) Yaa'ii Hafuuraa waggaatti ala sadi akka geggeeffatu beekamaadha. Yaa'iin geggeeffaman kunis;
1ffaa. Ji'a Onkololeessaa seenee guyyaa gaafa 12.
2ffaa. Ji'a Amajji seenee guyyaa gaafa 14
3ffaa. Ji'a Caamsaa keessa soomii guddaan hiikamee guyyaa 25ffaa irratti wal argee Luboota( Rikiba Kaayinaat) tahuun isaa ni beekama. Haaluma kanaan walgayii isaa kan bara 2017 Wal-argee Lubootaa geggeessummaa Hundeessaa Sinoodoosii Oromiyaafi Angafa Phaaphaasii Wallagga Lixaa fi Ameerikaa kaabaa kan ta'an Eebbifamoo Abuna Gabri'eliin guyyaa gaafa 5/9/2017 sa'a booda kadhannnaan eegaleera.
Haaluma kanaan gaafa 6/9/2017 ajandaa maariidhaaf barbaachisu mirkaneessuudhaan wal ga'ii isaa kan eegalu ta'uu Eebbifamoon Abuna Gabrieliin ibsaniiru. Itti dabaluunis Abbaan keenya uummata Oromoo biyya keessaaf biyya alaa jiraataniif ergaa dabarsaniin; walgayii Hafuuraa kana irratti murtiin egeree amantoota Ortodoksii Oromiyaaf ta'u akka murtaa'uuf bakka jirtan hundumaatti kadhannaa keessaniin nu yaadadha jedhaniiru. Waaqayyoos gidiraa fi ariyatama nurra jiru hundumaa keessatti nu gargaaraa waan jiruuf uummanni keenya xinnaaf guddaan abdii kutannaa tokko malee yaada tokkoof ejjennoo tokkoon dhaabbattanii milkaa'insa Sinoodoosii keessaniif gumaacha isin irraa eegamu hundumaa akka gumaachitaniif erga abbummaa isaanii darbarsaniiru. Eebbi isinaafi kadhannnaan isaanii uummata keenya hundumaa waliin haa tahu.

Nagaa Wajjin
(Gumii Mana Amantaa Ortodoksii Waloomaa Oromiyaa)

Caamsaa 5,2017.
Fifinnee, Oromiyaa

12/04/2025

Ortodoksii Aanaa Qilxuu Kaarraa sadarka kanatti namoonni ittin qoosuu isaanii nama gaddisisa. Akka godina keenyaatti baayinni amantoota Ortodoksii guddaan kan jiru Qilxuu Kaarraadha. Garuu Hafuurri seexanaa jabaatu amantoota anicha dadhabsisaa akka jiru beekamaadha. Dhuguma ummanni aanichaa Sinoodoosii Oromiyaa mormee, Afaan isaan qaddasuu jibbee warra isa tuffatan kana simata jennee hin yaannu. Kun taanan qaaniidha.

GODHAMAA JIRU. Daba guddaa Eebba Mana Kiristaanaa Fayisaa Addunyaa Guyyoo Daalleen wal qabatee guyyaa gaafa 27/8/2017 Aanaa Qilxuu Kaarraatti Qophaa'ee jiru.
Aanaan Qilxuu Kaarraa Godina Wallagga Lixaa keessaati gama amantaa Ortodoksii Tawaahidoon maqaa addaa qabdi. Godinoota Wallaggaatti Aanaa Ortodoksonni baayyeen keessatti argamaniidha. Keessatti hundeeffama Gadaamii Abuna Gebre Menfes Qidduusii kaasee Anaa Monoksoonni, Luboonni, lallabdoonni, daaqunoonni danuun keessa maddaniidha. Haa tahuuti garuu erga warri Hafuura Hamaan hojii xonqolaa hojjetan gara hoggonsaa dhufanii kaasee gama Hafuuraatiin Anichi asi gadi balee osoo guddattuu hin argine. Tarii inni macaafni “Iyyesus itti fufee, "Egaa inni jibbisiisaan iddoo qullaa'aa xureessu sun, inni Daani'el raajichi waa'ee isaa dubbate, iddoo qulqullaa'aa dhaabatee arguuf jirtu, namni kana dubbisu haa hubatu!”
— Mat. 24:15. Tarii warra maqaa Fannoon daldalan garuu Hafuurri isaanii kan waaqayyoo warra hin taanetu Ortodoksii Qilxuu Kaarraa cabsee laata nama jechisisa. Tarii yeroo nuti akkas jennu waa'ee Daftaroota maqaa amantiin Hafuura hamoota waliin hojjetanii yaaddanittu taha. Ergii Hafuurri fakkeessan hojjetu dhufee kaasee guddinni Hafuura Aanichaa asi gadi deemeen.
1. Sagantaa gaafa ji'aa 29 kan dargaggoonni Mana Kiristaanaa Ortodoksii Aanichaa tokko osoo hin hafiin bakka tokkotti walitti qabamee baratu ni balleessan. Kanaan dargaggoonni akka faca'an fi dhimma amantaa hin qabaanne godhan.
2. Gadaamii Aabboo Qilxuu Kaarraa kan waggootaaf barattoota leenjisee manneen kiristaanaaf ergaa ture nutu ogganuu qaba. Koreen nuyiidha, birriin karaa keenya malee deemuu hin qabu jechuun Gadaamiin gargaarsa dhabee akka cufamu godhan.

3. Ergii Hafuurri fakkeessan gara hoggansaatti dhufe amantoota gidduu jaalalaaf tokkummaa ture ni cabsan. Amantoota bataskaana Arseemaa fi Dirree Iftuu giddutti jibba naqanii bataskaanni akka waliin hin guddanne, akka waliin hin hojjenne godhanii cabsan.

4. Bataskaana akka Gabriel Waatoofaa abdii guddinaa qabu Luboota jala baasuun akka inni hin guddanne godhan.

5. Yeroo hundumaa baadiyaa irra deemuun bataskaanoota gargaarsa hin qabne akka isaan hin guddanne mataa keessa gadi dhahu. Peersantii fidaa jedhanii funyaan qabanii birrii irraa guuru yoo isaan Kennuu didan Luboota tajaajila irraa dhorku. Erga isaan dhufanii bataskaanni hiyyoomtee ofii isaaniti maqaa Waaqayyoon saamanii mana dhunfaa isaanii masaraa mootummaa taasisan.

6. Luboota Aanaa fajachan. Isaan Hafuuricha isa xonqolaaf fayyadaman sanaan akka mormiin isaan irratti hin kaaneef abboota fajachan. Yoo isaan jala dubbatan waan harra du'anii badan of sehanii Hafuura isaaniif buluu filatan. Luba Ebelutti dubbannaan ni du'u jedhanii hunduumaa sodaachisan.

7. Mana Barumsa Sanbataa Aanaa cimaa turees ni dadhabsisan. Akka isaan dargaggoota irratti xiyyafatanii hin hojjenneef Hafuura isaanii isa bitatanii adoochan.

8. Hafuurri isaanii irraati baramee amantootni irratti gumgumuutti kaanan bataskaana Arseemaa dhiisanii bataskaanichuma biratti bataskaana biraa ijaarra jedhan. Kunis bataskaanatti dadhabsiisuuf Itti yaadanii godhan. Bakka deemanitti diiguu malee ijaaruu hin beekan. Kanas Hafuura isaan waliin hojjetu sanaaf haala mijeessuuf baqatu.

9. Hanga harraatti akka hoggansaatti bataskaana tokko dungoo, zabiibii, fi ixaana bitanii hin beekan. Kitaaba tokko bataskaanaaf bitanii hin beekan. Qaalawaadiin mana kiristaanaa akka jedhutti peersantii 30 galii bataskaanoota irraa walitti qabamu tajaajila mana kiristaanaaf oola jedha ture. Isaan garuu waggoota 15 darabaniif ofuma isaaniif nyaatu. Odiitiin hin jiru. Kana hunduumaa keessatti mana kiristaanaa gatii baasisaa jiraatan.

10. Amma immoo Mana Kiristaanaa Fayisaa Addunyaa Waandii Daalleetti amantootni Aanichaa tokkummaan ijaaran akka jibban gochaa jiru. Manni kiristaanaa kana hirmaannaa amantoota Aanichaa fi Aanaa ollaan ijaarame malee birrii Abbaa Rufaa'eliin miti. Abbaan Rufaa'el yoo kiisii daa'imman isaanii yoo guutan malee takkaa hirruu mana kiristaanaa guutanii hin beekan. Amma bakka atakaaroon jirutti phaaphaasii isaanii waa'ee mana kiristaanaa hin beekne nama aadaa fi afaan sabicha tuffatu dhufee haa eebbisuu jedhan. Kunis amantootni akka bataskaanicha jibbaniif malee bu'aa buusuuf miti. Bataskaana Monokseen kamuu eebbisuu ni dandaha garuu xiiqiidhaan Abbaa Buddeenaa isaanii hafeeruun shiraaf dabatti goran. Kanaanis amantootni biyya dhaloota Abbaa Gabrielii, Abbaa Rufaa'el simatan jedhanii diraamaa hojjechuuf. Kun hundinu shira Ortodoksii Qilxuu Kaarraa dadhabsiisuuf Hafuurri isaanii hojjetaa jiruudha.

Kanaaf qaamni Shira kana deggeruun Abbaa Rufaa'el nama sobaan bataskaana bulchuu barbaadu kana jala fiigdan yoom iyyuu seenaan isin hin dagatu jenna. Amma booda Hafuurri dafataraa akka hin hojjenneef qaana'uuf ni hojjenna. Namoonni maqaa bataskaana balleessan akka hormoonni quba nutti qaban godhan irratti gocha isaanii ragaan deggerame waliin ni saaxilla.
Kanaaf namni hundinuu Shira kana beekee namoota sabni keenya afaan isaan akka hin qaddasne arrabsaniif xilaa qaban irraa akka of eeggattan dhaamsa obbolummaa keenya dhaamna.
Amma Qilxuu Kaarraan akkuma jarri jedhan Sinoodoosii Oromiyaa hin barbaadu? Afaan isaan tajaajilamu hin barbaadu! Isiniif dhiisna.

02/04/2025

KAARRATTI_QOPHAA'AA JIRU.
Maddoota keenya Biyya Lallabaa Godina Wallagga Lixaa irraa arganne irraati.

Wali galtee Abboonni Sinoodoosii Oromiyaa fi Sinoodoosii walii galaa bakka mummichi ministeeraa Dr Abiyiin jirutti waliif galame akka hin raawwatamneef kan hudhee qabe Abbaa Rufaa'eliidha. Akkaata wali galteen godhameetti Biyya lallabaa tokko tokkoon isaanii phaaphaasii aadaa fi duudha naannicha kabaju ni muudamu jedha. Egaan yaa'ii Sinoodoosii waliif galaa ji'a Onkololeessaa 2017 darbe irratti akkaata walii galteen phaaphasonni haaraan akka muudamaniif yeroo Abbaan Isxaaxiyoosfaa ajandaa marii sinoodoosii tahee akka qabamuuf gaafatan Abbaan Rufaa'el uummanni wallaggaa anaan barbaadu. Phaaphaasii muuduun hin baraachisu jedhanii faallaa waliif galtee kan tahe qofaa isaanii biyya lallabaa 7 fudhatanii jiru.

Kana malees uummanni Oromoo Afaan Oromoon qaddasuu hin qabu. Kan waaqayyoo dhagahu Giiziidha kanaaf Afaan kanaan tajaajiltanii jennaan abaaramtanittu jedhanii abaaraani turan. Kun hojii adeemsaa faallaa heera mootummaa kan tahe mirga afaan ofiin tajaajilamuu ummatootaa kan mulquudha.

Egaan Abbaan Rufaa'el amma Shira guddaa Godina Wallagga Lixaa Aanaa Qilxuu kaarratti qopheessanii jiru. Yeroo darbe hojjettoota isaanii kan ta'an ammaaf maqaa Abbaa isaanii kan hin beekne Luba Wadaajoo (Mana Lubummaa Aanaa Qilxuu Kaarraa kan hogganan) fi L/ba Abbabee Dassaleenyi jedhaman Asoosaatti waamuudhaan Abbaan Rufaa'el ajandaa haaraa birri guddaa faana isaanitti kennaniiru. Innis Aanaan Qilxuu Kaarraa magaalaa bakka dhalootaa Abbaa Gabriel waan ta'eef uummanni Abbaa Gabriel fi Sinoodoosii Oromiyaa hin barbaadu Abbaa Rufaa'el malee jechuun diraamaa sobaa qopheessanii jiru. Kanaafis Luba Wodaajootti itti gaafatamummaan guddaan kennamee jira. Yeroo darbe Asoosaatti Abbaa Rufaa'el bira yeroo deeman Luba Ifaa Qana kan jedhaman amantootni ni jaallatu nama baayyeetu isaan cina jira kanaaf L/ba Ifaaf taayitaa dabalataa Barreessaa mana Lubummaa Aanaa godhaa yeroo isin dhuftan bakki isin bulchinu Bataskaana D/Tsehaayiidha isaan immoo achitti bulchaa mana kiristaanati jechuun Abbaa Rufaa'el amansisanii xalayyaa muudama "Itti Aanaa Mana Lubummaatti dabaluun barreessaa godhanii" xalayyaa Luba Ifaa Kana Lubni Wodaajoo fi Lubni Abbabee fuudhani galaniiru. Lubni Ifaas ifatti xalayyaa kana fudhataniif hin fudhannee isaanii hin hubanne.

Akka biyya lallabaattis yeroo darbe mareen jabaan godhame ture dhimma Deemsa Abbaa Rufaa'el gara Qilxuu Kaarraa irratti. Kanaaf dhimmi Kun milkoofnaan injifannoo guddaa Sinoodoosii Oromiyaa irratti galmeessinu waan taheef hundinuu irratti hojjedha jedhamee kallattiin taa'e jira.

Kanaaf kan tahuus qarshii guddaa ramadanii namoota bituuf yaalaa jiru. Dabalatas yoo mijateef Eebbaa Bataskaana Maniyaaleemii Waandii Daallee sana dursee guyyaa borii Bitootessa 25 yoo isaaniif mijateef Abbaa Rufaa'el dhokatanii bataskaana Madani'aaleem ganda baadiyaa Qilxuu Kaarraa jiru deemuuf karoorfatanii akka jiran sirriitti beekna. Kana malees kottaa bataskaana nuuf eebbisaa jechuun xalayyaan Luba Wodaajoo barreessuun Abbaa Rufaa'el gaafatanii akka jiran xalayyaa biyya lallabaa Godina Wallagga Lixaa gale irraa hubannee jirra. Kanaaf Mootummaan Qaama faallaa mootummaa fi heera biyyatti deeman kan garee Luba Wodaajoo fi Luba Abbabee Dassa'aa ogganamu okkora amantoota giddutti uumuuf hojjechaa jiru. Kanaaf yoo isaaniif mijateef qaamota mootummaa qarshiin akka bitan qarshiin sanas Abbaan Rufaa'el akka ergan waliif galamee qaamota mootummaatti jaarsummaa akka erganiif yaadi asuma biyya lallabaa irraa Luba Wodaajootti dirqamni kennamee jira.

Kanaaf hoggantootni aanaa Qilxuu Kaarraa Aanaa keessan keessatti okkora uumuun aanaa jeequmsaa gochuuf hojjetamaa waan jiruuf jara kana lamaan L/ba Wodaajoo fi L/ba Abbabee akka hordoftan isiniin jenna. Nama aadaa fi seenaa uummata Oromoo hin kabjne kan Afaan Oromoo tuffatu akkanaaf akka amantoota giddutti okkora kaasaniif eyyamamuu hin qabu jenna. Warri Qilxuu Kaarraas waan qabatamaa maddoota keenya Biyya Lallabaa Wallagga Lixaa irra arganne kana jala buutanii hordofuun shirri isaan xaxaa jiran akka fashalawu akka gootan jenna. Haqa fi mirga qabnu Kaaraa seera qabeessan gaafachuu qabna. Attoota maqaa amantiin daldalan akkanaan dhaabbadha jechuu qabna. Copy Xalayyaa Lubni Wodaajoo Abbaa Rufaa'el fi barreessanii xalayyaa muudama Luba Ifaa harka keenya jira.

Share godhaa.

13/03/2025

Olmaa Mana Lubummaa Aanaa Qixuu Kaarraa Guyyaa gaafa 29/6/2017.
Yaa'ii Mana Lubummaa Aanaa Qilxuu Kaarraa guyyaa kaleessa godhame irratti hoggonaa mana lubummaa aanichaa kan turan Luba Wadaajoo Saaqqataa ifaa ifatti caasaa mana Lubummaa Oromiyaa hin bullu. Kottaa bataskaana nuuf eebbisaa jennaan nuu didan kanaafuu Abbaa Rufaa'el dhufanii bataskaana akka nuuf eebbisaniif waamneerra. Soomni hiikamee kudha afuritti bataskaana Madaanaliyeemii eebbisuu ni dhufu. Xalayyaa muudamaa barreessa mana lubummaa aanichaa gochuun Luba Ifaa Qanaa'aaf xalayyaa Abbaan Rufaa'el nuuf kennaniiru jedhan. Itti dabaluunis peerseentii waggaa bataskaanootaa akka sassabnuuf kallattiin kaa'ameera kanaafuu peersentii funaanna jedhe.

Egaan walgayiin Mana Lubummaa Anaa Qilxuu Kaarraa guyyaa kaleessaa iccitii yeroo dheeraaf amantootni irraa dubbachaa turan ifa kan godhe ture. Innis L/bni Wadaajoo Saaqqataa qarshii guddaan ramadameefi akka Sinoodoosii Oromiyaa Caasaan isaa Qilxuu Kaarraa keessatti lafa hin qabneef hojjechaa jira yeroo jedhan L/bni Wodaajoo sobanii maqaa na balleessuu malee ani birri hin fudhanne jechuun waakkachaa turan. Haa tahuuti garuu gidduu darbe kana abbaa Rufaa'eel barbaacha Asoosaa turanii galan. Torban darbe immoo naga'ee ittin birrii amantootaa saammatan fudhachuuf caasaa moofaa bira Gimbii turanii galan.

Egaan Lubni Wodaajoo Saaqqataa sababa yeroo baayyee gara Wanbaraattii marmaaraniif qofa namni anatti dubbate hin jiraatu ni du'a jechuun namoota doorsisuun akk jala hin dubbanne gochaa turan. Haa tahuuti garuu erga namoonni harra kabji haa tahuufiiti Gooftaa keenya Iyyesuus Kiristoos, haadha Waaqayyoo arrabsee erga jiraachuu danda'eeti akkamitti namni luba tokkichatti dubbatee jiraachuu dadhaba. Kun itti yaadamee namoonni akka hojii seexanaa sodaatan gochuuf kan godhameedha malee eeyyama Waaqayyoon alatti namni kamiyyuu xonqolaanis tahe lolaaf jibbaan waan tokko nama gochuu akka hin dandeenye beekuu dandahuu qaba.

Egaan Gareen Luba Wodaajoo Saaqqataan hogganamu kan qarshiin bitamanii caasaa abbaa Rufaa'el lafa qabsiisuuf deeman kunneen okkora amantoota gidduutti uumuun akka balaan uuamamuuf shira xaxaa akka jiran beekamuu qaba. Amantootni Aanichaas kan deggeran Afaan isaanii tajajiluuf tajaajilamuudha. Kana immoo Abbaan Rufaa'eel yoo Afaan Oromoon qaddastan abaraamtanittu jedhanii tajaajiltoota godinichaa Afaan Oromoon akka hin tajaajille nama dhorkaa kaa'ee ture harra isaan bulla jechuun isaanii tuffii sabichaa fi afaanichaaf qaban mullisa.

Kaanaafuu, amantootni aanichaa hundinuu peersantii jedhame kan L/ba Wodaajoo Saaqqataan fuunanamuuf deemu baasuu jechuun akkuma kaleessaa Mana jireenyaa L/ba Wodaajoo ijaaruu akka tahe beektanii irraa of qusachuu qabdu. Namoota fakkeessoof arraba dhadhaa dibatanii deeman kan faayidaaf oliif gadi deeman akkasii irraa of eeggadha jenna. Caasaan Mana Lubummaa Aanichaas kallattii Eebbifamoo Abbaan Gabri'eeliin ka'aniin kan geggeeffamu ta'a jedhameera.

AFAAN keenyaan tajaajilla. Afaan keenyaan tajaajilamna jedhu Warri Qilxuu Kaarraa!

13/11/2024

Dhimmoota mana kiristaanaa keenyaa karaa page kanaa ni dabarsina!

13/11/2024

Ijoollee Waaqayyoo akkam jirtu nagaa keessanii! Baga nagaa taatan. Page kana like,share,comment fi follow godhaa!

12/11/2024

Sangataa Argaa Dhageettii Ortodoksii Oromiyaa kana hordofaa. Like. Share. Follow godhaa!