https://www.facebook.com/301922908337/

Besimi Islam në Londër, London (2026)

23/05/2020

Kompensimi-Fidja dhe lëmosha e Fitrit të Ramazanit!

Çfarë është kompensimi i Fidjes?

Kompensimi i Fidjes është shpagimi material, me ushqime ose me të holla, për përsonat që nuk kanë mundur të agjërojnë. Këtu bëhet fjalë kryesisht për përsonat që janë të sëmurë kronik dhe sëmundja e tyre nuk pritet të largohet si dhe të moshuarit që për arsye të moshës nuk mund të agjërojnë më në jetën e tyre.

Nëse je i rritur dhe je i sëmurë apo në një moshë të thyer e nuk mund të agjërosh, dhe gjendja juaj shëndetsore nuk pritet të përmirësohet, keni mundësi financiare atëherë ju e keni obligim dhënien e Fidjes. “Ibni Omeri r.a. rrëfen: I Dërguari i Allahut s.a.v.s. obligoi muslimanët, të robëruar dhe të lirë, meshkuj dhe femra, të vegjël dhe të mëdhenj të j*pin zekatin e fitrit në formë hurmash ose një sa’a (përmasë lëmoshe) drithërash dhe që këtë t`a j*pin përpara se të dalin për namazin e Bajramit”. Sahih el-Buhari, Zekati.

A mund të kompensojnë dhe të j*pin Fidje personat që kanë patur mundësi të agjërojnë dhe nuk kanë agjëruar?

Personat që do të kanë mundësi të agjërojnë dhe nuk kanë agjëruar nuk mund t`a kompensojnë agjërimin e tyre me fidje por duhet të agjërojnë qoftë edhe pas agjërimit.

Sa është sasia e Fidjes:

Fidja është ushqimi me cilësinë dhe standartet e ushqehemit tonë të ushqejmë dy vakte në ditë për 30 ditë e Ramazanit. Kjo i jepet të varfërve. Mund të jepet në formë ushqimi ose me të holla. Në Angli është llogaritur diku £5 për një ditë, £150 për të gjithë muajin e Ramazanit. Ndërsa në Shqipëri është caktuar të jetë 300 lekë të reja për një ditë, 9 000 lekë të reja për të gjithë muajin. Ndërsa në Kosovë, Maqedoni të Veriut dhe Mal të Zi është caktuar 5 Euro për ditë mesatarisht, 150 Euro për të gjithë muajin. Personi mund të paguajë edhe më shumë në varësi të mundësive.

Kujt dhe kur jepet?

Fidja u jepet të varfërve ose mund të dërgohet në xhami dhe institucione të tilla nga ku përcillen tek të varfërit. Fidja është e këshillueshme të jepet gjatë Ramazanit por mund të jepet edhe pas më pas tij.

Cfarë është lëmosha e Fitrit?

Lëmosha e Fitrit është ushqimi ose shpërndarja e të hollave për njerëzit në nevojë. Fitri është detyrë (vaxhib). Është detyrë për cdo musliman, kryetari i familjes nëse i ka mundësitë financiare, është i obliguar të shpërndajë lëmoshën e fitrit për veten e tij dhe për cdo anëtarë të familjes. Psh, nëse sasia e Fitrit është caktuar 5 Euro dhe në familje jetojnë 5 persona, kjo familje duhet të j*pin 25 Euro. Fitri është një lloj falenderimi ndaj Zotit që na ka mundësuar ta përketojmë Ramazanin dhe njëkohësisht kompensim dhe kërkim faljeje për gabimet e mundshme që kemi bërë gjatë agjërimit.

Sa është sasia e Fitrit?

Fitri është po aq sa lëmosha e Fidjes që u shpjegua më lart.

Kujt dhe kur jepet?

Fitri po ashtu si Fidja u jepet të varfërve, institucioneve bamirëse, studentëve që janë nevojtarë dhe të ngjashëm. Fitri, për në krahasim nga Fidja, duhet të jepet gjatë Ramazanit domosdoshmërisht pa hyrë Bajrami. Nëse jepet pasi të falet Bajrami atëherë konsiderohet si lëmoshë e zakonshme.

22.05.2020.
Blerim Ciroka.

14/05/2020

Edhe një mundësi tjetër..! Ramazan, 21.

Kurrë nuk është vonë për të bërë punë të mira!

Edhe nëse nuk ke agjëruar asnjë ditë, edhe nëse nuk i je përulur Zotit asnjëherë në jetën tënde sot është dita, këta janë 10 ditët, 10 netët e fundit të këtij muaji të madh, treni i fundit, mundësia që nuk duhet humbur.

Zoti është falës, është mëshirues, përpiqu pak se do e shikosh ndryshimin, do e përjetosh se cfarë privilegji është të agjërosh, qoftë edhe një të tretën që ka mbetur.

Mos u trego arrogant dhe zemërngrirë para Urdhëresave Të Zotit tënd që të krijoi nga hici, të dha dy sy, dy veshë, një gojë që të shprehesh, një trup të mrekullueshëm, të dha jetë e shëndet të mirë.

Do të vijë një ditë që nuk do të kesh më mundësi të agjërosh e ta falenderosh Zotin tënd më. Do të vij një ditë që disa do të pendohen fort e do të thonë `Ah, sikur të agjëroja..!`

Le t`i shfrytëzjmë këto 10 netë për ti`u lutur që Zoti të na j*p jetë të gjatë e shëndet të mirë, të na bëj nga ata që e shfrytëzojnë mundësinë e dhënë, jo nga të hutuarit.

Le t`i kërkojmë Zotit që tu`a lehtësojë vuajtjet atyre që nuk kanë mundësi ekonomike për të jetur sic duhet e vuajnë në varfëri. T`i kërkojmë Zotit t`i shërojë të afërmit tonë që vuajnë më sëmundje.
Le t`i kërkojmë Zotit tonë të na mbrojë nga viruset, lojrat e rrezikshme, intrigat e djallit dhe shërbëtorve të tij!

Lutju në këto dhjetë netë për të afërmit tuaj që kanë kaluar në botën tjetër me një ndjenjë që sikur të ishe vetëm ti që bëje lutje për ata.

Lutju Zotit për Shqiptarinë tonë e cila përballet vazhdimisht me sfida të ndryshme.

Lutju e lutju se nuk ka kush siguri nëse do e mbërrijmë Ramazanin tjetër apo jo, Natën e Kadrit tjetër apo jo.

Në atë botë njeriu do të dojë të j*pë cdo gjë që kishte vetëm të mos e përjetojë ndëshkimin, ndërsa në këto netë ne mund të shpëtojmë vetëm me lutje dhe agjërim, mjaft e lehtë.

Njeriu më me vlera që jetoi në këtë tokë, Muhamedi s.a.s., jetoi vetëm 23 vite pasi që filloi t`i shpallej Kuran-i, vetëm 23 vite, një krejt e shkurtër.

Nata e Kadrit, Nata e Fuqisë, Nata e Faljes, Nata e Mëshirës, Nata eMashirës Hyjnore, Nata kur vendoset cdo gjë për vitin tënd, për vitin që vjen, Nata e Mundësive, Nata më e mirë se një mijë muaj, nata dobinë dhe forcën e së silës njeriu nuk mund ta imagjinojë!

Mund të jesh më i miri ndër ne por prap ama ke gabime. Kujto përgojimet dhe paragjykimet që kë brë ndaj të tjerëve, kur ndoshta nuk i respektoje prindërit tuaj sa duhet, ndoshta ishe i vrazhdë e shpërfillës me njerëzit. Kërko falje për punët e mira që ke patur mundësi t`i realizosh e i anashkalove.

Nëse je prind mendo se sa shumë nevojë ka fëmija yt për lutjen tende, për lutjen e prindit. Nëse je i ri kërkoji Zotit të të ruajë nga mëkatet e të të dhurojë një familje e fëmijë të shëndoshë e me vlera.

Ti ndoshta nuk jeton 83 vite për në këto dhjetë netë mund të bësh mirësi që vlejnë sa 83 vite, kjo është Mëshira dhe Madhështia e Zotit tënd. Përfito nga këto dhjetë ditë se kjo mundësi nuk do të zgjasë përherë.

Merr për shembull njerëzit e faljes, njerëzit e agjërimit, njerëzit e lutjes së natës se kjo të vlen, kjo të bën dobi. Largoji nga mendja ata që tregohen arrogante shpërfillës ndaj Urdhërave Hyjnore, ata nuk e meritojnë kohën tënde, të bjënë dëm.

E sa e sa breza kanë kaluar para nesh, e sa e sa ramazane kaluan ata. Do të kalojmë edhe ne, do të kalojë edhe ky është ramazani ynë, çështja qëndron se si!

Kurrë mos mendo se problemet tuaja sa do të mëdhaja qofshin ato nuk kanë zgjidhje, mjafton t`I cosh duart e të kërkosh vazhdimisht e me këmbngulje Zotit tënd, të kërkosh e të kërkosh deri kur të plotësohet lutja.

`Lutmuni Mua që t`u j*p` thotë Zoti i madhërueshëm, le të lutemi që të përfitojmë, le të lutemi me përgjërim që Zoti të na ruajë shendetin tonë fizik e mendor nga sëmundjet dhe luhatjet e ndryshme.

E ku mund ta dijë njeriu se sa të dobishëm janë këto dhjetë netë, ajo Natë e Kadrit. Sikur ta dinim saktësisht do t`u sillnim ndryshe! Kjo është ngjarje shumë e madhe e nuk i ngjet të tjerave, kujdes!

Le t`i lutemi Zotit për pasuri më shumë, për jetë më të rehatshme, për të na bërë nga ata që e shijojnë këtë jetë sa duhet por përgatiten me shumë vepra të mira për Atë Ditë të Madhe kur nuk do të bëhet asnjë padrejtësi por njeriu do të marrë ata cka meriton atë cka punuar vetë.

Lutje: Zot, jo për sy e për faqe, por po të lutëm me gjithë shpirt të më falësh mua, prindërit tonë, vëllezërit e motrat tona, bashkëshortet tona, jepu atyre jetë të gjatë të mbushur me shumë vepra të mira. Të përgjërohem t`i ruash të vegjëllit tanë, bëji ata besimtar të denjë e njerëz të dijes. T`i falësh të gjithë të afërmit tonë që kanë kaluar në botën tjetër, mëshirë mshirë mëshirë mbi shpirtat e tyre o Zot i Gjithëmëshirëshëm! O Zot, fali të gjithë mësuesit tonë të denjë qëna mësuan me aq durim e mund. O Zot, na jep pasuri të drejtë e na largo nga padrejtësia. O Zoti im, na bën të dalim faqebardhë para Teje në atë ditë kur nuk të ketë kush mundësi të flasë kush vec Teje! Amiin.

14.05.2020.
Blerim Ciroka.

06/02/2010

Address

London
RM154QX

Telephone

+442071014664

Website

facebook.com

Alerts

Be the first to know and let us send you an email when Besimi Islam në Londër posts news and promotions. Your email address will not be used for any other purpose, and you can unsubscribe at any time.

Besimi Islam në Londër