26/12/2025
唔知大家記唔記得我哋學期頭以「返教會為咩」 ⛪️作為其中一個開始我哋學年嘅周會，當中我哋探討我哋返教會同團契係為咗啲乜嘢✝️
好開心我哋邀請到一位來姊妹作佢簡單嘅分享💬
👋自我介紹
等小編做一個自我介紹先，我而家讀緊最後一年大學，雖然我主要服侍同參加嘅教會係All Souls Langham Place，並喺大學嘅Christian Union做團長，我其實都返咗三年嘅CYF🏠
🏠你係點樣認識CYF 㗎？
初嚟報到英國嘅時候，我擔心自己未能夠投入當地英文教會嘅圈子入面，所以開始「兩邊走走」：一邊返當地教會嘅崇拜，一邊返CYF嘅團契。
隨住我原先教會同埋大學Christian Union服侍職責上嘅增長，我雖然而家離開咗CYF，然而CYF喺我心目中係一個好特別嘅地方——佢唔單止讓我能夠服好好運用我嘅恩賜（包括幫手煮飯！），亦都係一個俾我能夠更加深入探討信仰等問題嘅地方。
🤔對你嚟講團契入面乜嘢最重要？
我就呢個問題反思咗好幾個月，但係得出嚟嘅結論係團契入面基督係最重要——如果冇咗佢，其實團契同其他學會冇乜分別。除此之外，團契入面弟兄姊妹作為學生，其實服侍嘅範圍好有限，所以我認為喺團契入面「被牧養」亦都非常重要，有呢樣嘢我哋先至能夠確保我哋喺信仰路上行得穩妥。
📖就住呢個話題，我有兩段經文想分享：
「（門徒）都恆心遵守使徒的教訓，彼此交接、掰餅、祈禱。」使徒行傳 2:42
透過描述信徒掰餅紀念主嘅行動，呢段經文指出團契唔係話要搞咩活動，而係要以基督為中心，而喺下文（使徒行傳2:46-47）亦都係帶出呢一點。由此可見以基督為中心喺現今嘅團契入面實屬重要。
「若一個肢體受苦，所有的肢體就一同受苦；若一個肢體得榮耀，所有的肢體就一同快樂。」哥林多前書 12:26
呢段經文亦都描述到基督係我哋嘅頭，而我哋喺佢身子上面嘅各個肢體。由此可見，團契應該能夠讓我哋透過弟兄姊妹嘅同行、分擔同扶持喺信仰上共同成長。
💭有冇啲其他嘢想同讀者講？
搵到適合自己嘅教會同團契非常之重要，然而與此同時呢樣未必係好容易做到嘅一件事。希望大家透過我嘅分享，明白到選擇團契同教會最重要嘅係以基督為中心。我哋只要透過禱告恆切咁尋求神嘅心意，神一定會帶我哋去到最適合我哋嘅地方👣
