Tsega-Ab Bekele

05/11/2024

🎯ጥቅምት 22-24 2017 ዓም አ.አ ሰሜን ሙሉ ወንጌል ቤተክርስቲያን ከአገልጋዮችና ከከምዕመናን ጋር ልዩ የጸሎት የትምህርት፣ የመተናነጽና በመንፈስና በቃሉ የመታጠቅ ጊዜ የሰጠን ጌታ የተባረከ ይሁን። 🔥🔥🔥

02/11/2024

🎯 ቤተክርስቲያን ተሐድሶ፦ በሚያስፈልጉ ኢመጽሐፍ ቅዱሳዊ አስተምህሮ፣ ቅይጥነት፣ ልምምድና አቋም ተበክላ ባለችበት በዚህ ጊዜ ማርቲን ሉተር በሕይወት ቢኖር ከቤተክርስቲያን ጋር "የተሐድሶ 507 ዓመት በዓል" ያከብር ይሆን❓ለመሆኑ ተሐድሶ የዓመት በዓል ነው ወይንስ ከኢመጽሐፍ ቅዱሳዊ አስተምህሮና ልምምድ የመለየት ተግባራዊ የሕይወት እርምጃ❓እግዚአብሔር ሆይ የእኛም ዘመን ማርቲን ሉተሮች አስነሳል።

18/10/2024

👇👇👇👇👇👇👇👇👇👇👇👇👇
🎯 የእግዘብሔር ቃልና የመንፈስ ቅዱስ ሶጦታዎች❗️
"ዋናው የእግዚአብሔር ቃል ነው" ብለው ከመንፈስ ቅዱስ ኃይልና ከስጦታዎች በተለየ መጽሐፍ ቅዱስ የማስተማር ዕውቀትን በመተንተን ስጦታ ብቻ ከሚደገፉ ከተማሩ አገልጋዮች፤ እንዲሁም "ዋናው የመንፈስ ቅዱስ ኃይልና ስጦታዎች መገለጥ ነው" በማለት በእጃቸው ከሚገለጠው አንዳንድ ምልክቶች የተነሳ ከእግዚአብሔር ቃል ዕውቀት ጋር ሊያፋቱን ከሚከጅሉ ካልተማሩ አገልጋዮች እጅግ እንጠንቀቀ። ሚዛንን የሳቱ ሚዛን እንዳያስቱን እንጠንቀቅ።

የመጽሐፍ ቅዱስ ደራሲ መንፈስ ቅዱስ በመሆኑ በቁንጽል መረዳትና ልምምድ ላይ ቆመን መጽሐፉንና ደራሲውን የማለያየት እብደት ውስጥ አንዳንገባ እጅግ እንጠንቀቅ። ለራስ ግራ ተጋብተን ትውልዱንም ግራ አናጋባ። በትህትና፣ በፍቅርና በወንጌል ላይ ትኩረት በማድረግ እንጂ በውድድር ሜዳ እግዚአብሔር አይገኝም። በዚህ ዘመን የመጽሐፍ ቅዱስ ዕውቀት ትምህርትና የመንፈስ ቅዱስ ኃይልና ስጦታዎች ለቤተክርስቲያን አገልግሎት እኩል ስለሚያስፈልጉን ሁሉንም የሰጠን ጌታ ይባረክ። ሚዛናዊነት❗️
ወንድማችሁ
ወንጌላዊ ጸጋአብ በቀለ

🔥🔥🔥🔥🔥🔥🔥🔥🔥🔥🔥🔥

16/10/2024

🎯 እንጠንቀቅ❗️

✍️ መጽሐፍ ቅዱስ ከቤተክርስቲያን፣ ከዓለምና ከፍጥረታት ሁሉ የበላይ ባለሥልጣን፣ ከስህተት የጸዳ፣ ዘላለማዊ የእግዚአብሔር ቃል፣ የቤተክርስቲያን ብቸኛ መሪና መመሪያ ሳይሆን እንደ ማጣቀሻ አድርገው ከሚወስዱ "ተምረናል ባዮች" እንጠንቀቅ።

✍️ ሐዋርያ፣ ነቢይ፣ መጋቢ .. ብለው ራሳቸውን በመሾም፣ ትንቢት መገለጣቸውን ከመጽሐፍ ቅዱስ ቃል በላይ አድርገው ከሚቆጥሩ "ተቀባን ባዮች" እንጠንቀቅ።

✍️ በሌላቸው ዕውቀትና ሥልጣን በስሜት እየተነዱ "ዋናው እሳት ነው" "ዋናው ቅባት ነው" እያሉ ስተው ከሚያስቱ አገልጋዮችና ምዕመናን እንጠንቀቅ።

✍️ በሞቱ በትንሣኤው ቤተክርስቲያንን የሠራው ጌታን በመጋረድ የቤተክርስቲያን መሥራችና ባለራይ አድርገው ራሳቸው ከሚያቀርቡ ያልተረዱ አስረጅዎቾ እንጠንቀቅ።

✍️ በቃሉና በመንፈሱ ከመታረም ይልቅ ቃሉንና መንፈሱን ለማረም ከሚከጅሉ እንጠንቀቅ።

✍️ መንጋውን በፍቅር፣ በምሳሌነት፣ በእግዚአብሔር ቃልና መንፈስ ሳይሆን በዘር፣ በቋንቋና በመረጃ ከፋፍለው በኃይል ከሚገዙና የሙሉ ጊዜ አገልጋዮች ላይ ከሚሰለጥኑ ሽማግሌዎች እንጠንቀቅ።

✍️ ከክርስቶስ ከመማር ይልቅ በክርስቶስ ላይ ከሚማሩ ሰነፎች እንጠንቀቅ።

✍️ ለቃሉ ከመታዘዝ ይልቅ ቃሉን ለማዘዝ ከሚቋሚጡ ምኪኖች እንጠንቀቅ።

✍️ በቃሉ ከመለወጥ ይልቅ ቃሉን ለመለወጥ ከሚነሡ ሰዎች እንጠንቀቅ።

✍️ ለክርስቶስ ኢየሱስ ቤተክርስቲያን ከመገዛት ይልቅ በሥልጣናቸውና በዕውቀታቸው ቤተክርስቲያንን ለመግዛት ከሚያስፈስፉ አደገኛና መርዘኛ የዘመናችን መሪዎች እንጠንቀቅ።

ተባረኩ።

ወንጌላዊ ጸጋአብ በቀለ

14/10/2024

✍️ ወሳኝ መልዕክት፤ ስለቤተክርስቲያን፣ ስለወንጌልና ስለ ትውልድ ግድ የሚላችሁ 👉 ብቻ በትዕግስት አንብቡ❗️

🔥🔥 ግብረሰዶማዊነትን ከተቀበሉ፣ ግብረሰዶማዊ ቄሳውስትና ጳጳሳትን ከሾሙና ግብረሰደማዊነትን ከሚያስፋፉ አብያተ ክርስቲያናት እንጠንቀቅ!🚫

ምስላቸው ከታች የሚታዩ ጳጳስ ዶ/ር፣ ፕሮፌሰር R. Guy Erwin ይባላሉ፡፡ በሀርቫርድና ዩል ዕውቅ የዓለማችን ቀዳሚ ዩኒቨርሲቲዎች በመማርና በማስተማር የታወቁ(ፕሮፌሰር)፣ የነገረ መለኮትና የፍልስፍና ሊቅ፣ በቺካጎ የፌዝ ሉተራን ቤተክርስቲያን መጋቢና በሉተራን ቲኦሎጂ በሉተራን ዩኒቨርሲቲ ፕሮፌሰር እንደነበሩ መረጃዎች ይጠቁማሉ፡፡ ደግሞም የተባባሩት የሉተራን ሴሚናሪ ፕሬዝዳኒት ሆነው አገልግለዋል፡፡

ጳጳስ ዶ/ር፣ ፕሮፌሰር R. Guy Erwin ከላይ የተጠቀሱ ግልጽ የመጽኸፍ ቅዱስን ቃል በመጣስ ከ20 ዓመት በላይ እንደ ባልና ሚስት ተጣምረው ይኖሩ ከነበረወ "ሮቢን ፍላዬን" ከተበለው ወንድ ግብረሰዶማዊ ጋር ቤተክርስቲያናቸው በ2009 ግብረሰዶማዊነትን መቀበሏን ተከትሎ አ.ኤ.አ 2013 በገሃድ ጋብቻቸውን ፈጽሟል፡፡ በዚያው ዓመት በ2013 በአሜሪካን ሉተራን ቤተክርስቲያን በካልፎርንያ ደቡብ ምስራቅ የወንጌላዊት ሉተራዊት አሜሪካ ቤተክርስቲያን ሲኖዶስ የመጀመሪያው ግብረሰዶማዊ ጳጳስ ሆነው ተሹመው ከ2013 - 2020 አገልግለዋል፡፡

🔥የሥነ-ምግባር ልቅነትን ያልከለከለየአዕምሮ ሊህቅነት⁉️

በዓለማችን ቀዳሚ በተባሉት ዩኒቪርሲቲዎች ፍልስፍናን፣ የነገረ መለኮትን ማጥናት፣ በሉተራውያን ዩኒቪርሲት፣ የሉተራውያን እሳቤ ፕሮፈሴር መሆን፣ የቤተክርስቲያን መጋቢና የሲኖዶስ ፕረዝዳኒት መሆን ጳጳስ፣ ዶ/ር ፕሮፌሰር R. Guy Erwinንን በእግዚአብሔር ቃል እጅግ የተወገዘ ግብረሰዶማዊ እንዳይሆን አልከለከለውም፡፡

ዛሬም በአገራችንም በእኛ መካከል ሐዋርያው ጳውሎስ፡- "ደቀመዛሙርትን ወደ ኋላቸው ይስቡ ዘንድ ጠማማ ነገርን የሚናገሩ ሰዎች በመካካላችሁ እንዲነሱ እኔ አውቃለሁ" (ሐዋ.20፡29-30) እንዳለው ኢመጽሐፍ ቅዱሳዊ፣ የተሳሳተ ምልከታቸውን፣ በወረቀታቸውና በዕውቀታቸው ብዛት ሸፍነው ጠማማ አሳብ ልግቱን ከምታገሉን የፕሮፌሰር አር. ግዌይ ፈለግ ተከታይ የውስጥ አርበኛ ምሁራንና መሪዎች እጅግ እንጠንቀቅ፡፡ ከዚህ በኋላ በተለያዩ የቤተክርስቲያን መድረኮች፣ በእውቅ የመንፈሳዊ ትምህርት ተቋማትና በቤተክርስቲያን አመራር መካከል እነዚህ ጠማማ ነገር የሚናገሩ ሰዎች በገሃድ ይገለጣሉና፡፡ ከእነርሱ እንጠንቀቅ፡፡ እንዳትናገሯቸው በጣም የተማሩ ናቸው፡፡ የኖርንበትን የመጽሐፍ ቅዱስ ሥልጣንን በአተርጓጎምና በሥነ አፈታት ሽፋን መቀየጥ ይከጅላሉ፡፡ ዝም ካልናቸው የምዕራቡ ዓለም አብያተ ክርስቲያናትን በበከለው መርዝ እኛንም ለመበከል ድልድይ ለመሆን ራሳቸውን የሰጡ ናቸውና እንጠንቀቅ፡፡ ስለዚህ እነዚህ እግዚአብሔርን የማይፈሩና ለቃሉ ሥልጣን ትክክለኛ ሥፍራ የነፈጉ "አዋቂ ነን" "መሪዎች ነን" "አገልጋዮች ነን" ባዩችን በፍጹም ልንፈራቸው አይገባም።፡፡ ነህምያ በዘመኑ የእግዚአብሔርን ሥራ ለመሥራት ከእርሱ ጋር የተነሡ ታናናሾች ከእግዚአብሔር መንገድ ያፈነገጡ መሪዎችን፣ ተቃዋሚዎችንና ሕዝብን ጭምር መፍራት እንደሌለባቸው ሲናገር፡- "ታላላቆችንና ሹማምቱንም፣ የቀሩትንም ሕዝብ አትፍሩአቸው ታላቁንና የተፈራውን ጌታ አስቡ"(ነህ. 4፡ 14) እንዳለው እኛም ከሰው ይልቅ እግዚአብሔርን እንፍራ ደግሞም እናስብ፡፡ ኢየሱስ ስለ ስሙ ሊያሳድዱን ያሉትን መፍራት እንደሌለብን ሲናገር፡- "እንግዲህ አትፍሩአቸው የማይገለጥ የተከደነ የማይታወቅም የተሰወረ ምንም የለም" (ማቴ. 10፡26) በማለት አስቀድሞ ነግሮናል፡፡

🔥 ግብረሰደማዊነት በቃሉ የተወገዘ ነው❗️

እግዚአብሔር በቃሉ "ከሴት ጋር እንደምትተኛ ከወንድ ጋር አትተኛ ጸያፍ ነገር ነውና" ( ዘሌ.18፡22) ብሎ በሌላ ምዕራፍም ደግሞ " ማንኛውም ሰው ከሴት ጋር እንደሚተኛ ከወንድ ጋር ቢተኛ ጸያፍ ነገር አድርጎአልና ፈጽሞ ይገደል፤ ደማቸው በላያቸው ነው" (ዘፍ. ዘሌ.20፡13) በማለት በጠንካራ ትዕዛዝ አውግዞዋል፡፡ በአዲስ ኪዳንም ሐዋርያው ሰዶማውያውን ወደ እግዚአብሔር መንግሥት እንደማይገቡ በግልጽ ሲናገር፡- "አትሳቱ፤ ሴሰኞች ቢሆን ወይም ጣዖትን የሚያመልኩ ወይም አመንዝሮች ወይም ቀላጮች ወይም ከወንድ ጋር ዝሙት የሚሠሩ ወይም ሌቦች ወይም ገንዘብን የሚመኙ ወይም ሰካሮች ወይም ተሳዳቢዎች ወይም ነጣቂዎች የእግዚአብሔርን መንግሥት አይወርሱም" (1ቆሮ.6፡9) ይላል፡፡

በዚህ ክፍል "ቀላጮች" የተባሉ ሴት ከሴት (le****ns) ጋር የግብረ ሥጋ ግንኙነት የሚያደርጉ ሲሆን "ከወንድ ጋር ዝሙት የሚሠሩ" ወንዶች ደግሞ ግበረሰዶማውያን (homosexuals) ይባላሉ፡፡

🔥 የግብረሰዶማዊው ጳጳስ ያለበትን ቤተክርስቲያን መልክና አቋም ገላጭ ነው❗️

በአገራችን "እናቷን አይተህ ልጇን አግባ" የሚለው ብህል የአናቷ ባሕርይ በልጇ ላይ ስለሚንጸባረቅ ነው፡፡ እንዲሁም ከላይ የተመለክትነው የጶጳሱ ድርጊትና ባሕርይ የቤተክርስቲያኑ መልክና አቋም ገለጫ መሆኑን አንዘንጋ፡፡ ወንጌላዊት ሉተራዊት ቤተክርስቲያን በአሜሪካ (ELCA) ገብረሰዶማዊነት ተቀብላ እያስፋፋች ናት፡፡ ያገኙሁት መረጃ እንዲህ ይላል፡- "The Evangelical Lutheran Church in America, the largest Lutheran church body in the United States, allows for LGBTQ+ marriage and ordination of LGBTQ+ clergy. ELCA policy states that LGBTQ+ individuals are welcome and encouraged to become members and to participate in the life of the congregation."

በግርድፉ ሲተረጎም፡- "ወንጌላዊት ሉተራዊት ቤተክርስቲያን በአሜሪካ(ELCA) ትልቁ የሉተራውያን ክንፍ ሲትሆን የተመሳሳይ ጾታ ጋብቻንና የግብረሰዶማዊ የመጋቢያን ሹመት ተቀብላለች፡፡፡ የዚህ ቤተክርሰወቲያን ፖሊሲ ግብረሰዶማውያን የሆኑ ግለሰቦች የቤተክርስቲያን አባል እንዲሆኑና በቤተክርስቲኒቷ ሕይወት እንዲሳተፉ ይበረታታሉ" ይላል፡፡

ይህ ኢመጽሐፍ ቅዱሳዊና አደገኛ አቋም ስለመሆኑ የመጽሐፍ ቅዱስ ሊቅ መሆን የለብንም፡፡ በእነዚህ አብያተ ክርስቲያናት እግዚአብሔር 'ጸያፍ ነው' ያለውን ግብረሰዶማዊነት ኃጢአት እንደሆነ መስበክ፣ የሰውን መብት እንደመግፋት፣ የእግዚአብሔርን ፍቅር እንዳለመረዳት፣ እንዳለ መሰልጠን፣ የቤተክርስቲያኒቷን ሥርዓት እንደ መጣስ ይቆጠራል፡፡

የግብረሰዶማውያን መብትና የቤተ ክርስቲያናቸው ፖሊሲ ከእግዚአብሔር ቃል በላይ ተደርገው ይቆጠራሉና፡፡ መጽሐፍ ቅዱስ እንደ ማጠቀሻ እንጂ ሙሉ ሥልጣን ያለው፣ ከስህተት የነጻ የቤተክርስቲያን መመሪያና መሪ እንደሆነ በፍጹም አያስቡም፡፡ ቢሆን ኖሮ በቃሉ፡- "ወንዶችም በወንዶች ነውር አድርገው በስሕተታቸው የሚገባውን ብድራት በራሳቸው ተቀበሉ። እግዚአብሔርን ለማወቅ ባልወደዱት መጠን እግዚአብሔር የማይገባውን ያደርጉ ዘንድ ለማይረባ አእምሮ አሳልፎ ሰጣቸው" (ሮሜ.1፡26-28) የተባለውን ባላስተናገዱ ነበር፡፡

ከዚህም አልፎ ወንጌላዊት ሉተራዊ የአሜሪካ ቤተክርስቲያን (ELCA) እግዚአብሔር የፈጠረላቸውን ጾታቸውን በሕክምና የቀየሩ አባላትን በገሃድ በቤተክርስቲያናቸው መድረክ ላይ በማጋባት ላይ እንደምትገኘ መረጃዎች ያመለክታሉ፡፡ ግብረሰዶማዊነትና ጾታን መቀየር እግዚአብሔር በሥራህ ተሳስተሃል ብለን እንደማረም ይቆጠራል። ነገሩ "ወርቅ ከዛገ ብር ምን ይሁን?" እንደተባለ ቤተክርስቲያን ይህን ያህል ከዘቀጠች ዓለም ምን ትሁን❓

🔥በእነርሱ አንፈርድም ድርጊታቸውን ግን እንኮንናለን❗️

በወንጌላዊት ሉተራዊት ቤተክርስቲያን በአሜሪካና በግበረሰዶማዊ ጳጳሳት ላይ መፍርድም ሆነ እነርሱን መጥላት ኃጢአት ነው። ነገሩ "ከእኛ ዘንድ ወጡ፤ ዳሩ ግን ከእኛ ወገን አልነበሩም፤ ከእኛ ወገንስ ቢሆኑ ከእኛ ጋር ጸንተው በኖሩ ነበር፤ ነገር ግን ሁሉ ከእኛ ወገን እንዳልሆኑ ይገለጡ ዘንድ ወጡ" (1ዮሐ. 2፡ 19) እንዳለው ምርጫቸው፣ እምነታቸው፣ አቋማቸው ከእኛ ተለይተው እንዲወጡ አድርጓቸዋል፡፡ በመለያየታችን እጅግ እናዝናለን፡፡ ለዛሬ ማንነታችን ያደረጉትንም መልካም እገዛ ፈጽሞ አንረሳም፡፡ ስለእነርሱም መማለድ አናቋርጥም፡፡

የእግዚአብሔር ቃል፣ የአገራቸው ሕግና የቤተ ክርስቲያናቸው ፖሊሲ የሰጣቸውን የፈለጉትን የመምረጥና የማድረግ ፈቃዳቸውን እኛም እናከብርላቸዋለን፡፡ ይህ ማለት ኢመጽሐፍ ቅዱሳዊ ምግባራቸውን፣ አደገኛ አካሄዳቸውንና ለወንጌል እንቅፋት የሆነ ልምምዳቸውን መጽሐፍ ቅዱስ ይደግፋል ወይንም እኛም ዝም ብለን እናያለን ማለት ከቶ አይደለም፡፡

የእግዚአብሔር ቃል ግብረሰዶማዊነትን እጅግ ያወግዛል፤ ይኮንናል፣ ኃጢአት መሆኑንና የዚህ ጸያፍ ኃጢአት ፈጻሚዎች እግዚአብሔርን መንግሥት እንደማይወርሱ በግልጽ አስቀምጦዋል፡፡ እኛም ቃሉ ላይ ቆመን ቃሉ ያለውን ማለት በእነርሱ ላይ መፍርድ አይደለም።

"ቃሉን ስበክ … ፈጽመህ እየታገሥህና እያስተማርህ ዝለፍና ገሥጽ ምክርም"(2ጢሞ.4፡2) ተብለን ታዘናልና፡፡ ስለዚህ ቃሉን በመርገጥ ግብረሰዶማዊነትን ተቀብለው እያስፋፉ ካሉ አብያተ ክርስቲያናት ጋር የሚደረግ ማንኛውንም ስምምነትም ሆነ ግንኙነት አጥብቀን እንቃወማለን፡፡

"ጥቂቱ እርሾ ሊጡን ሁሉ ያቦካል"(ገላ.5፡9) እንደተባለው ነገሩ ወደ እኛም ተሻግሮ አንድ ላይ እንዳያቦካን እጅግ መጠንቀቅ ይገባናል፡፡ ደግሞም በቃሉ፡- "ከመካከላቸው ውጡና የተለያችሁ ሁኑ" (2ቆሮ.6፡17-18) ያለን ጌታ ነው፡፡ ክርስትና፡- የመቀላቀል፣ የማመቻመች፣ መስሎ የመኖር ሕይወት ሳይሆን መስቀል ተሸክሞ ከዓለም፣ ከሥጋ፣ ከሰይጣን ተለይቶ ለጌታ የመኖር የሕይወት ጥሪ ነው፡፡ ይህ በቃሉ የተገለጠ፣ በመንፈሱ የታተመ የጌታችን የኢየሱስ ክርስቶስ፣ የሐዋርያት፣ የአበእምነቶችና የዘመናችን የወንጌል አርበኞች ፈለግና የእኛም ብቸኛ መንገድ ነው፡፡ ለዚህ ነው ታላቁ የወንጌል ሰባኪ ጳውሎስ፡- "ከክርስቶስ ጋር ተሰቅዬአለሁ እኔም አሁን ሕያው ሆኙ አልኖርም፤ ክርስቶስ ግን በእኔ ይኖራል" (ገላ.2፡20) ያለው፡፡

🔥 ብርቱ ማስጠንቀቂያ ለኢትዮጵያ ወንጌላውያን❗️

የወንጌላዊት ሉተራዊት ቤተክርስቲያን በአሜሪካ ግብረሰዶማዊነት በተመለከተ ምን ያህል በትልቅ ውደቀት ውስጥ እንዳለች ከላይ ያየነው ሰፊ ተጨባጭ መረጃዎች ያመለክታሉ፡፡ ይህን ሁሉ ለማለት ያስገደደኝ እነርሱን ለመለወጥ፣ በእነርሱም ላይ የጥላቻ ዘመቻ ለመክፈትና የተሰወረውን ለመግለጥ አይደለም። እዚህ ላይ ስለእነርሱ የተጻፉ ለእኛ አዲስ እንጂ ለእነርሱ ከ15 ዓመታት ያስቀጠሩና የመረጃ ቋቶችን ያጣበብ ገሃድ የወጡ እውነቶች ናቸው። ታዲያ አንተ ምን ሆነህ ነው❓ ለሚትሉኝ የአገራችን የቤተክርስቲያን፣ የትውልዱና የአገር ስላሳሰበኝ ነው።

በእጄ ያሉ አንዳንድ ተጨባጭ መረጃዎች እንደሚያሳዩ አንዳንድ በአገራችን ኢትዮጵያ ያሉ አብያተ ክርስቲያናትና መንፈሳዊ ተቋማት "በወንጌላዊት ሉተራዊት ቤተክርስቲያን በአሜሪካ" እርዳታ ተጠቃሚዎች እንደሆኑና ይበልጥ ግንኙነታቸውን ለማደስ በቅርቡ ከአሜሪካ ልዑካን ተልከው ብዙዎችን እንዳነጋገሩ ነው። ወደ አገራቸውም ተመልሰው የደስታ ሪፖሪታቸውን በሲኖዶሳቸው ድህረ ገጽ ላይ ለጥፈዋል። ይህም ለኢትዮጵያ ቤተክርስቲያን ብቻ ሳይሆን ለአገራችንና ለባሕላችን የጥፋት በር እንዳይሆን ብርቱ ስጋት አለኝ። የምዕራባውያን ዕርዳታ ጀርባው ሌላ እንደሆነ የታወቀ ስለሆነ። ጆሮ ያለው ይስማ።

እኛ የኢትዮጵያ ወንጌል አማኞች አብያተ ክርስቲያናት ግብረሰዶማዊነትን ፖሊሲዋ አድርጋ ከሚትንቀሳቀስ ቤተ ክርስቲያን ጋር እንዴት አጋር ይሆናሉ? ይህ ሊሆን በፍጹም አይገባም፡፡ ምክንያቱም እነርሱ ግብረሰዶማዊነትን ተገደው፣ ሳይሆን ፈቅደው፣ አስበው፣ ለዓመታት ተወያይተውበት፣ የነገረ መለኮት ምሁራኖቻቸው የአስተምህሮና የሥነ አፈታት ለወጥ አድርገው፣ መክረውና ዘክረው፣ በድምፅ ብልጫ የቃሉን እውነት በመርገጥ በድፍረትና በፈቃዳቸው ያደረጉት ውሳኔ እንደሆነ መገንዘብ መልካም ነው፡፡ ይህ አደገኛ አካሄድ ነው፡፡ እኛ እነርሱ የረገጡትን ቃል በፍጹም አንረግጥም፡፡ ይህ ማለት እኛ ድካምና ስህተት የለብንም ሳይሆን ሆን ቃሉን በስብሰባ የእጅ ብልጫ አንረግጥም ነው። ይህ የምርጫና የሕይወት ጉዳይ ነው፡፡

የዕብራውያን ጸሐፊ፡- "እንድ ጊዜ ብርሃን የበራላቸውን ሰማያዊውንም ስጦታ የቀመሱትን ከመንፈስ ቅዱስም ተካፋይ ሆነው የነበሩትን፣ መልካሙንም የእግዚአብሔርን ቃልና ሊመጣ ያለውን የዓለም ኃይል የቀመሱትን፤ በኋላም የካዱትን፤ እንደ ገና ለንስሐ እነርሱን ማደስ የማይቻል ነው፤ ለራሳቸው የእግዚአብሔርን ልጅ ይሰቅሉታልና ያዋርዱትማልና"(ዕብ.6፡4-6) ያለው ወደ ቀድሞ ባሕላቸው ለተመለሱ ለእንደነዚህ ዓይነት የአይሁድ አማኞች እንደሆነ እናስውል፡፡ ቃሉ "እነርሱን ማደስ አይቻልም" እያለን ለስውር ጥቅማችን አንዳንድ አጓጊና "የዳቦ ዓይነት ስሞችን" አውጥተን በመቅረብ በእርዳታቸው ወጥመድ እንዳንያዝ እንጠንቀቅ፡፡ ሰው የሚረዳውን፣ ጉድለቱን የሚሞላውን፣ የተደገፈበትንና ይደርስልኛል ብሎ የሚጠብቀውን ሰው በምንም ዓይነት ሁኔታ መገሰጽ፣ መምከርና መቃወም የሞራል ልዕልና እንደለሌው ለማንም ግልጽ ነው፡፡

ስለዚህ በዕርዳታቸው ተንበሽብሸን፣ የአሜሪካና የአውሮፓ መንገዶች አልጋ በአልጋ ሆነውልን፣ ኪሳችን በዶላር ረብጣ ደልቦና በሰው ተሞግሰን መጨረሻችን ሞትና ጥፋት እንዳይሆን እጅግ እንጠንቀቅ፡፡

ከዚያ ይልቅ እንደ ሙሴ፡- "ከግብጽም ብዙ ገንዘብ ይልቅ ስለ ክርስቶስ መነቀፍ እጅግ የሚበልጥ ባለጠግነት እንዲሆን አስቦአልና ለጊዜው በኃጢአት ከሚገኘ ደስታ ይልቅ ከእግዚአብሔር ሕዝብ ጋር መከራ መቀበልን መረጠ" (ዕብ.11፡ 25-26) እንደተባለው ይሁንልን፡፡ ስለዚህ መሪዎቻችን "አንዴ ለመቁረጥ አሥር ጊዜ መለካት" እንደተባለው ራሳችንን፣ ቤተክርስቲያንና አገሪን ጭምር አደጋ ውስጥ እንዳናስገባ እጅግ እንጠንቀቅ፡፡ ጆሮ ያለው ይስማ!

🔥 የመለየት ግዴታ❗️

ለእነዚህ አብያተ ክርስቲያናት በእውነትና ከልብ በእግዚአብሔር ፊት ልንጸልይላቸው ይገባናል፡፡ ደግሞም በእርዳታና በፍቅር ስም እንዳይበክሉን ደግሞ ራሳችንን ከእነርሱ ልንለይ ይገባናል፡፡ ምክንያቱም መጽሐፍ ቅዱስ ሲናገር፡- "አትሳቱ ክፉ ባለንጀርነት መልካሙን አመል ያጠፋል"(1ቆሮ. 15፡ 33) ይላልና፡፡ በሌላም ሥፍራ ሐዋርያው "ያለ ሥርዓት ከሚሄድ ወንድም ሁሉ ትለዩ ዘንድ በጌታችን በኢየሱስ ክርስቶስ ስም እናዛችኋለን" (2ተሰ.3፡5) ብሏል፡፡ በዚህ ክፍል " ያለ ሥርዓት ከሚሄድ ወንድም ሁሉ" የተባለው ሰው በክርስቶስ ኢየሱስ ያመነ ክርስቲያን እንደሆነ አንዘንጋ፡፡ ግብረሰዶማዊነትና ግብረሰደማዊ ጳጳሳትን ከሾመች፣ ግብረሰዶማዊነትን እንደ ኃጢአት ከማትሰብክውና ግብረሰዶማዊነትን ፖሊሲዋ ካደረገች ቤተ ክርስቲያን ይልቅ ያለ ሥርዓት የሄደ አካል በምድር ላይ ይኖር ይሆን? ጳወሎስ ያለ ሥርዓት ከሚሄዱት መለየት አስተያየት ሳይሆን በኢየሱስ ክርስቶስ ስም እናዛችኋለን ይላል፡፡

ደግሞም ሐዋርያው ጳውሎስ በቆሮንቶስ ቤተ ክርስቲያን ዝሙት እጅግ መስፋፋቱ ሰምቶ የአባቱን ሚስት ስላገባ ሰው ሲናገር፡- "ግድ የለም ይመለሳል ታገሱት"፣ "በመካከላችሁ ይኑር"፣ "ዋናው ፍቅር ነው ዝም ብላችሁ ውደዱት" በፍጹም አላለም፡፡ ነገር ግን ብዙሃኑን በዚህ ኃጢአት እንዳይበከሉ፣ የቤተክርስቲያንን ንጽሕና ለመጠበቅ፣ ሌሎችም አይተው ይማሩ ዘንድና አድረጊዎችም ለንስሐ ራሳቸውን ያዘጋጁ ዘንድ "ይህን እንደዚህ በሠራው ላይ በጌታቸን በኢየሱስ ስም አሁን ፈርጄበታለሁ"(1ቆሮ.5፡4) "ይህን ሥራ የሠራው ከመካከላችሁ ይወገድ" (1ቆሮ. 5 3)፣ "አዲሱ ሊጥ ትሆኑ ዘንድ አርጌውን እርሾ አስወግዱ" (1ቆሮ. 5፡6) ነበር ያለው፡፡ ዋና ዓላማውንም ሲናገር፡- "መንፈሱም በጌታ በኢየሱስ ቀን ትድን ዘንድ እንደዚህ ያለውን ለሥጋው ጥፋት ለሰይጣን እንዲሰጥ ፍርዴ ነው" (1ቆሮ.5፡5) ብሎ እንዳዘዘ አንዘንጋ፡፡

🔥🔥🔥በመጨረሻ 🔥🔥🔥

መጽሐፍ ቅዱስ ከሥልጣን፣ ከቤተክርስቲያን፣ ከዓለምና ከፍጥረታት ሁሉ የበላይ ባለሥልጣን፣ ከስህተት የነጻና ዘላለማዊ የእግዚአብሔር ቃል ሳይሆን እንደ ማጣቀሻ አድርገው ከሚወስዱ፣ በቃሉና በመንፈሱ ከመታረም ይልቅ ለማረም የሚከጅሉ፣ ከክርስቶስ ከመማር ይልቅ በክርስቶስ ላይ ከሚማሩ፣ ለቃሉ ከመታዘዝ ይልቅ ቃሉን ለማዘዝ ከሚቃጡ፣ በቃሉ ከመለወጥ ይልቅ ቃሉን ለመለወጥ ከሚነሡ፣ በቃሉ ከመመራት ይልቅ ቃሉን ለመምራት ከሚታገሉ፣ ለክርስቶስ ኢየሱስ ቤተክርስቲያን ከመገዛት ይልቅ በሥልጣናቸውና በዕውቀታቸው ቤተክርስቲያንን ለመግዛት ከሚያስፈስፉ አደገኛና መርዘኛ የዘመናችን መሪዎች፣ አገልጋዮችና ምዕመናን እጅግ እንጠንቀቅ፡፡ በቃሉ ላይ የታነጹ፣ ለጌታና ለመንጋው ታማኝ ለሆኑ፣ በፍቅርና በትጋት ለሚያገለግሉ ዝቅ ብለን እንገዛላቸው፤ እናገልግላቸው፤ደግሞም እንታዘዝላቸው፡፡

ከትልቅ ፍቅርና አክብሮት ጋር የቀረበ
ወንጌላዊ ጸጋአብ በቀለ ከሐዋሳ

🔥🔥🔥🔥🔥🔥🔥

ማጣቀሻ
መጽሐፍ ቅዱስ
(The Rev. Dr. R. Guy Erwin Elected Bishop | Southwest California Synod (archive.ph) https://archive.ph/20130619133438/http://socalsynod.org/news/the-rev-dr-r-guy-erwin-elected-bishop/
(Exposed Blog - EXPOSING THE ELCA) https://www.exposingtheelca.com/exposed-blog/archives/09-2019
ELCA Assembly Adopts 'Human Sexuality: Gift and Trust' - ELCA https://www.elca.org/News-and-Events/6568

06/10/2024

🎯 የቅይጥነት መጨረሻ ብሕራዊ ቀውስ ነው❗️
(ዋና ክፍል 2ነገ. ም 17)

🔥 ሃይማኖታዊ ቅይጥነት ምንድነው?
The American Heritage Dictionary ቅይጥነት/syncretism/ የሚለው ቃል ሲፈታው፡- ሁለት በፍጹም የማይታረቁ እምነቶች ወይንም እሳቤዎች አንድ ላይ ለማስኬድ የሚደረግ ጥረት" ይለዋል፡፡ ክራፍት የተባሉ ጸሐፊ ቅይጥነትን ሲገልጹ፡- ከክርስትና ጋር ግንኙነት ከሌላቸው አስተምህሮዎችና እሳቤዎችን ጋር የክርስትና መቀላቀል ሲሆን ውጤቱም ኢመጽሐፍ ቅዱሳዊ ሃይማኖት መፍጠር ይሆናል ብሎዋል፡፡ መጋቢ. ጆን ስቶቲ ስለ ሃይማኖት ቅይጥነት ሲናገሩ፡- "የሃይማኖቶች የፍራፍሬ ብፌ" ይለዋል፡፡

አንድ ሆኖ የሁሉ መሆን፣ አቋም ቢስነት፣ አውነትና ውሸትን መቀላቀል፣ ሁሉን ለማስደሰት መጣር፣ በአንደበትና በልብ መለያየት፣ የቀያጭና .... የድህረ ዘመናዊው ትውልድ ባሕርያት ናቸው።

ለክርስቲያኖች፡- ቅይጥነት መንፈሳዊ ግልሙትና ነው፡፡
ቅይትነት በእግዚአብሔር ማንነት ላይ የሚደረግ ክህደት ነው፡፡ ቅይጥነት ለእግዚአብሔር ብቻ የሆነውን አምልኮ ለፍጡር እንድናካፍል የሚያደርገን የጨለማ ሥራ ነው፡፡ ቅይጥነት እግዚአብሔርን የመናቅ ያለማመን ምልክት ነው፡፡ ቅይጥነት በእግዚአብሔር ላይ የማመጽና ለእግዚአብሔር ጀርባ የመስጠት ምልክት ነው፡፡ ቅይጥነት የእግዚአብሔርን ቃል ያለማመንና ያለማወቅ ምልክት ነው፡፡ እግዚአብሔር በቅይጥነት ላይ ይፈርዳል። ወገኖቼ ለመሆኑ በዘመናችን ያልተቀየጠ ነገረ ይኖር ይሆን?

🔥በቅይጥነት የተበከሉ አማኞች ምልክቶች

ቅይጥነት፡- ጥንትም ዛሬም ልብን ያደነድናል፣ ከእግዚአብሔር ይልቅ ራሳችንን እንድንሰማ ያስተናል፣ መንፈሳዊ ጆሮን ያደነቁራል፣ መንፈሳዊ ዓይንን ያሳውራል፤ ከእግዚአብሔር ጋር እንዳለን እያሰብን ከሕያው እግዚአብሔር ይለየናል፡፡ የቅይጥነት ብዙ ጊዜ እግዚአብሔርን ሙሉ በሙሉ እንድንተው ወይንም እንድንክድ አያደርገንም፡፡ ነገርን በእግዚአብሔር ላይ ሌላ ደባል ጣዖት፣ ልማዶች ቀላቅለን እንድናመልክ ያደርገናል፡፡ እስራኤላውያን ስማቸው በእግዚአብሔር እየተጠራና በአንደበታቸው ስሙን እየጠሩ ለበኣል፣ ለፀሐይ፣ ለጨረቃና ለከዋክብት ይሰግዱ ነበር(2ነገ.22፡5)፡፡ ደግሞም ሕያው አምላክ እግዚአብሔርን እየተከተሉ፡- "በረጃጅሙ ኮረብታ ሁሉ ላይ በለመለመውም ዛፍ ሁሉ ታች ሐውልቶችንና የማምለኪያ ዐፀዶችን ተከሉ" (2ነገ.17፡ 10) ይላል፡፡

ዛሬም በቅይጥነት መንፈሳችን ስበከል በመንፈሱ በልባችን የነገሠውን አምላክ ቸል ብለን በፍጡር፣ በማይናገሩ ግዑዛ (ገንዘብ፣ ሥርዓት፣ ተራራ፣ ዛፍ፣ ውሃ፣ ፀሐይ፣…) ፊት እንድንበረከክ ያዋርደናል፡፡ የጣዖት አምልኮ ሲባል ብዙዎች የሆነ የተቀረጸ ምስል ፊት መስገድ ብቻ ይመስላቸዋል፡፡ በአዲስ ኪዳን ጣዖት ሲባል፡- ከፈጣሪ ይልቅ፣ በቁስ፣ በፍጡር ለመሪካት መከጀል በእኛና በእግዚአብሔር መካከል የሚገባ ማንኛውም ነገር ነው፡፡ ክርስቲያኖች በጣዖት አምልኮ ልወሰዱ ይችላሉ። ባይቻል ኖሮ፦ ሐዋርያው ዮሐንስ- "ልጆች ሆይ ከጣዖት ራሳችሁን ጠብቁ "(1ዮሐ.5፡21) ደግሞም ሐዋርያው ጳውሎስ 'ጣዖትን ከማምለክ ሽሹ('1ቆሮ.10:14) ብለው ባላሳሰቡን ነበር። የጣዖት አምልኮ የቅይጥነት ውጤት ነው።

በዘመናችን ወንጌል ከዝና፣ ከንዋይ፣ ከሥልጣን፣ ...ጋር ተቀይጦ የለም ወይ? ወንጌላውያን በሕገ ፊት መልካችንን ለማሳመርና ድርጅታዊ ጡንቻችንን ለማፈርጠም የአስተምህሮና የልምምድ ዝንፈት ካላቸው ጋር በሕግ ተጋብተን አልተቀየጥንም ወይ?

🔥በቅይጥነት ልቡ የደነደነ ሕዝብ እግዚአብሔርን አይሰማም

የእግዚአብሔርን ቃል የማይሰማ ሕዝብ የሀሳቡን ፍሬ ክፉ ነገር እንደሚያጭድ "ቃሌን ስላልሰሙ ሕጌንም ስለ ጣሉ በዚህ ሕዝብ ላይ የአሳባቸውን ፍሬ ክፉን ነገር አመጣባቸዋለሁ" (ኤር.6፡19) በማለት የሚደርስባቸውን አደገኛ ነገር ይናገራል፡፡

መጽሐፍ ቅዱስ በቅይጥነት ኃጢአት ስለ ተበከለው የእስራኤል ሕዝብ ሲናገር፡- በ2ነገ 17 እግዚአብሔር "በነቢዩ ሁሉና በባለ ራእዩ አፍ ሁሉ" (ቁ.13) ወደ እርሱ እንዲመለሱ ለዘመናት ደጋግሞ ብናገራቸውም "አልሰሙም"(ቁ.14፣ 40) ይላል፡፡

ይህ እጅግ በጣም አሳዛኝ ታሪክ ነው፡፡ በተለይ እግዚአብሔርን አውቆ ይከተል የነበረ ሰው ከእግዚአብሔር ልቡን ስመልስ ሁሉንም ነገር ማምለክ ያምረዋል፡፡ በዚህ ክፍል እስራኤል ልጆች እግዚአብሔርን ማምለክ ሲያቆሙ፡- አጸዶችን መትከል፣ ለሰማይ ሰራዊት መስገድ፣ ልጆቻቸውን በእሳት ማሳለፍ፣ በኣልን ማምለክ፣ ምዋርተኞችና አስማተኞች ሆኑ(2ነገ. 14-17) ይላል፡፡ የዘራነውን ነገር ማጭድ የተፈጥሮም መንፈሳዊም ሕግ ነው፡፡

🔥 የቅይጥነት መጨረሻ፡- የብሔራዊ ቀውስ!

በ2ነገ. ምዕራፍ 17 የእሥራኤል ሰሜን መንግሥት በቅይጥነት ኃጢአት ውስጥ በመውደቃቸውና የእግዚአብሔርን የመታደስና የመመለስ ጥሪን ቸል በማለታቸው የደረሰባቸው፣ ግለሰባዊ፣ ቤተሰባዊ፣ ብሔራዊ፣ መንፈሳዊ፣ ፖለቲካዊ፣ ማህበረሰባዊ፣ ኢኮኖሚያዊ፣ ሥነ ልቦናዊ፣ … ቀውስና ፍርድ ከዚህ በታች እንመለከታለን፡፡

• ከክ.ል.በፊ በ722 ዓ.ዓ የእሰራኤል የሰሜን መንግሥት በአሦራውያን እጅ ወደቀ፡፡ ፈረሰ፡፡ የመንግሥቱና የሕዝቡም ሕሊውናና ታሪኩም አከተመ፡፡

• እግዚአብሔርን አልሰማ ያለ ንጉሥ ሆሴዕ በአሦር ንጉሥ በስልምናሶር እጅ በኃይል ተማርኮ ገባሪም ሆነ (ቁ.3)፡፡

• በግዞትም ቤት ማቀቀ (ቁ.4) ተዋረደ፡፡

• ሰማርያ ከተማ በጠላት ተከበበች፣ የጦር አውዱማ ሆና ፈራረሰች፣ በጠላት እጅ ወደቀች (ቁ.5)፡፡

• ነቢያቱን አልሰማ ያለ፣ በእግዚአብሔር ላይ ደባል አድርጎ በኣልን ያመለከ፣ በኮረብታ፣ በተራራ፣ በሜዳው ለጣዖት ያጥንና ይሰግድ የነበረው ሕዝብ ተሸነፈ፣ ተዋረደ፣ በምርኮም ከገዛ ምድሩ ተነቅሎ፣ ተበተነ በመጨረሻም ማንነቱን አጣ(ቁ.6፣ 23)

• በመጨረሻም አሦራውያንና እስራኤላውያን ተቀላቅለው(እርስ በርስ ተጋብተው) ሳምራውያን የተባሉ አዲስ ቅይጥ ማንነት ያለው ሕዝብ ተፈጠረ፡፡(ዮሐ.4) ቅይጥነትን የመረጠ ሕዝብ ደብዛው ክምድር ላይ ጠፋ፡፡

ቃሉም፡- "ስለዚህም እግዚአብሔር በእስራኤል ላይ እጅግ ተቈጣ፥ ከፊቱም ጣላቸው" (ቁ.18) ይላል፡፡ ደግሞም "እግዚአብሔር የእስራኤልን ዘር ሁሉ ጠላ፥ አስጨነቃቸውም፥ ከፊቱም እስኪጥላቸው ድረስ በበዝባዦች እጅ አሳልፎ ሰጣቸው" (ቁ.20) ይላል፡፡ እስራኤላውያን ወደውና ፈቅደው በቅይጥነት ኃጢአት በመውደቃቸው፡- (ጣዖትን በማምለካቸው) እግዚአብሔር፡- በእስራኤል ላይ እጅግ ተቆጣ፣ ከፊቱም ጣላቸው፣ የእስራኤልን ዘር ሁሉ ጠላ፣ አስጨነቃቸው፣ አሳልፎ ሰጣቸው ይላል፡፡ ምክንያቱንም፡- ሎችንም አማልክት አምልከው ነበርና" ቁ.7

🚫 🏴‍☠️ ብርቱ ማስጠንቀቂያ ለቤተክርስቲያ(ለአማኞች)❗️

ይህ ዛሬ በጸጋና በምሕረት ስም ቅይጥነትን (የጣዖት አምልኮ) በቤተ ክርስቲያን እያካሄድን ላለነው ብርቱ ማስጠንቀቂያ ነው፡፡ ቃሉም "አስቀድሞ የተጻፈው ሁሉ ለትምህርታችን ተጽፎአልና" (ሮሜ. 15፡4) ይላልና፡፡ በአዲስ ኪዳንም በቅይጥነት ላይ የእግዚአብሔር አቋም በፍጹም አልተለወጠም፡፡

በምሕረትና በጸጋ ስም በቤቱ ንግድ ላይ የተሰማራን፤ ባሕልና ወንጌል እየቀየጥን ሁሉ 'አማረሽ' የሆን፣ ለመኖር ብለን መንጋውን ማስጠንቀቅ እንቢ ብለን ዳር የያዝን መረን የወጣን መሪዎች፣ አካላችን በቤቱ ልባችን በዓለም እመታ ባለ መንታ ልቦች፣ ነገሮችን እያቀላቀልን ግራ ተጋብትን ግራ እያጋባን ያለን አምቢተኞች ምርጫችን ሁለት ነው፡፡ አንደኛ ንስሐ በመግባት ከእርሱ ጋር መስማማትና ከልብ መመለስ፡፡ ሁለተኛ እንቢ በማት በቅይጥነት መቀጠል። "ለእያንዳንዳም እንደ ሥራው መጠን እከፍል ዘንድ ዋጋዬ ከእኔ ጋር አለ።"(ራእ.22: 12) ያለው የዘራነውን ልያሳጭደን ፈራጅ በደጅ ቆማዋል፤ ስለዚህ ለእንቢታችን ፍሬ ለሆነው ጥፋትና ቅጣት እንዘጋጅ፡፡ ጌታ ይርዳን!

ከትልቅ ፍቅርና ትህትና ጋር የቀረበ
ወንጌላዊ ጸጋአብ በቀለ
🔥🔥🔥🔥🔥🔥

25/09/2024

🎯 "ባሕላዊ ክርስቲያን" ወይም "ክርስቲያን ባሕላዊ"❓

ጥንት በቤተ ክርስቲያን ታሪክ ሐዋርያት ሥራ 15 ላይ የመጀመሪያ የዓለም አቀፍ የቤተክርስቲያን ጉባኤ የመሰብሰብ፣ በመነጋገር ግልጽ ውሳኔና አቋም የማስተላለፍ ዋናው ምክንያት የአይሁድ ባሕላዊ እሳቤ ከወንጌል ጋር መቀየጥ እንደነበር አንዘንጋ፡: በእኛም ዘመን በተክርስቲያን በዚያ ልክ ያልነቃች ቢሆንም ተመሳሳይ ታሪክ በዓይናችን ፊት ራሱን እየተደገመ ያለ ይመስላል።👇👇

" ባሕላዊ ክርስቲያንና" እና" ክርስቲያን ባሕላዊ" ልዩነታቸውንና መገለጫዎቻቸውን ከሕይወታችን ጋር እያስተያየን እንመልከት፡፡

✍️ ባሕላዊ ክርስቲያን

ባሕላዊ ክርስቲያን፡ መገለጫዎች፦

👉 ባሕሉን ከክርስቶስ: ከክርስትናውና ከቃሉ ያስቀደመ

👉 ክርስትናን በመጽሐፍ ቅዱሳዊ እሴቶች ሳይሆን በባሕላዊ እሴቶች ለመመርምር ይታገላሉ፡

👉 ለእነርሱ የሁሉ ሚዛን፣ የሁሉ የበላይና ከሁሉ ቀዳሚው ክርስቶስ ሳይሆን ባሕላቸው ነው፡፡

👉 ከእግዚአብሔር ፈቃድ፣ ከእግዚአብሔር ቃል፣ ከመንፈስ ቅዱስ ምሪትና ከመጽሐፍ ቅዱሳዊ እሴቶች ይልቅ ለባሕል ቅድሚያ ይሰጣሉ።

👉 ይህ ሰው መጋቢ፣ ቄስ፣ ወንጌላዊ፣ የቤተ ክርስቲያን መሪ፣ ሽማግሌ፣ የነገረ መለኮት አዋቂ ... ወዘተ ሊሆን ይችላል፡፡

👉 ክርስቲያንም እንደሆነ አፉን ሞልቶ በእርግጠኝነት ይናገራል፡፡ ለክርስቶስ የተገዛ ሕይወትና በመንፈሱ የተሞላ ማንነት ግን የለውም፡፡ ባሕሉንና ኢየሱስን እኩል ማምለክ ይፈልጋል። ነገሩ ሳሙኤል ጆን ኢምቢት እንዳሉት፡- "በብዙ ሚሊዮን የሚቆጠሩ አፍሪካውያን አንድ ሃይማኖት ብቻ እንዳላቸው ተናግረው ቢመዘገቡም ከአንድ በላይ ሃይማኖት ተከታዮች ናቸው፡፡"

👉 ክርስቲያኖች እንደሆኑ እየተናገሩ በተቃራኒው ክርስትናን የባሕል ጠላትና አጥፊ አድርገው ይከሳሉ፡፡ ባሕላቸው ከሁሉ እንደሚበልጥና ራሳቸውን ከፍ አድርገው የማየት እንጂ የሌሎችን ልዩነትና እኩልነት ተቀብለው በፍቅር ሁሉን የማገልገል ዝንባሌ አይታይባቸውም፡፡

👉 መንጋውን በቋንቋ፣ በዘርና በባሕል ስለሚከፋፍሉ እነርሱ በሚያገለግሉበትና በሚመሩበት ቤተ ክርስቲያን ሁልጊዜ ነውጥና በዘር መቧደን የተለመደ ነው፡፡ እነዚህ ሰዎች ለጊዜው በመሰሎቻቸው አድናቂና ደጋፊ ቢያገኙም መጨረሻቸው አያምርም፡፡

በኢትዮጵያ በደርግ ዘመን አንዳንዶች “በአምላክ የለም“ ባይ የኮሚኒዝም ርዕዮት ሰክረው ከሁሉ በላይ የሆነውን ጌታ በመካድ፡- "ከሁሉም በላይ አብዮቱ!" ብለው ጨርቃቸውን ጥለው አብደው እንደ ነበር የቅርብ ጊዜ ትዝታችን ነው፡፡ ብዙ የቤተክርስቲያን መሪ፣ አገልጋይ የነበሩ በዘመኑ ነፋስ ከመወሰድም አልፈው የእናት ጡት ነካሽ ሆነው ቤተክርስቲያንን እስከ ማሳደድ እንደ ደረሱ ታሪክ ሕያው ምስክር ነው፡፡ ያ ሁሉ ግርግር ለ17 ዓመታት ብቻ ነበር፡፡ ዛሬ ያ ርዕዮት፣ ዕብደቱ፣ ትውልዱም በመንበሩ የሉም፡፡ የተከዳው ዘላለማዊው ኢየሱስ ግን ዛሬም በዙፋኑ ላይ ነው፡፡ በዘመናችንም ባሕል፣ ዘርን፣ ቋንቋን፣ ክልልን ... እንደ ወንጌል የመስበክ ግርግርም እንዲሁ ይሆናል፡፡

ስለዚህ ቅዱሳን ሰከን እንበል፡፡ ባሕላችንን በቃሉ እንወቅ፣ እናጥራ፣ እንውደድ፣ እናክብር ነገር ግን ከወንጌል ከፍታችን በባሕል ወደ መወዳደር ዝቀታ በፍጹም አንውረድ፡፡ ወንጌል እንጂ ወገንተኝነትን አንስበክ፡፡ ከሁሉ በላይ በሆነው በክርስቶስ ቃል ባሕላችንን እንመርምር፡፡ እንፈትሽ። እንዋጅ። እናጥራ። በባሕላችን ከሁሉ በላይና ዘላላማዊ የሆነውን የክርስቶስን ወንጌል የመመርመር እብደት ውስጥ ግን አንግባ፡፡ አደብ እንግዛ፡፡ ይህም ያልፋል፡፡ እኛም እናልፋለን፡፡

🛐መጨረሻም በባሕልና በጎሳ ሽማግሌዎችና በምድር ባለሥልጣናት ፊት ሳይሆን በክርስቶስ የፍርድ ወንበር ፊት አንድ ቀን እንደምንቆም አንዘንጋ።

✍️ ክርስቲያን ባሕላዊ

ክርስቲያን ባሕላዊ፡ መገለጫዎች-

🔥 ክርስቶስን ከባሕሉ (ከሁሉ ነገሩ) ያስቀደመ

🔥 ማንነቱን በቃሉ እውነት ላይ የመሠረተ፣ ክርስቶስን የለበሰ፣ በእግዚአብሔር መንፈስ የሚመራ፣ ባሕሉን በክርስቶስ የሚዋጅ፣ በቃሉ ሁሉን የምመረምር፣ ለእርሱ ከሁሉ በፊት ቀዳሚው ክርስቶስ የሆነለት አማኝ ማለት ነው፡፡

🔥 ክርስቲያን ባሕላዊ፡- ከምድር ዘር ይልቅ የማይጠፋ ሰማያዊ ዘር መሆኑን የሚያስቀድም፣ ከብሔሩ፣ ከዜግነቱ፣ ከባሕሉ፣ ከቋንቋው፣ …ይልቅ ለመንፈሳዊ ማንነቱ ቀዳሚ ሥፍራና ሚዛን የሚሰጠ አማኝ ማለት ነው፡፡

🔥 አዲስ ኪዳናዊ ክርስትያን: ሁሉንም በክርስቶስ ወንጌልና ቃል የሚመዝን ማንነት ያለው አዲስ ሰው ነው፡፡

🔥ክርስቲያን ባሕላዊ፡- ከወንጌል ጋር የማይቃረን ቋንቋና ባሕላዊ እሴቶችን እንደሚገባው የሚጠብቅ፣ የሚጠቅም፣ የሚያለማ፣ ከማህበረሰቡ ጋር የሚኖር የሰላም ሰው ነው፡፡

ደግሞም ዳግመኛ ከማይጠፋ ዘር የተወለደ(1ጴጥ.1፡23)፣ አገሩ በሰማይ የሆነ (ፊል. 3፡20)፣ በእግዚአብሔር ቀኝ ከክርስቶስ ጋር የተቀመጠ (ኤፌ. 2፡6)፤ ከባሕሉ ይልቅ ክርስቶስን የለበሰ(ሮሜ.13፡14)፤ የክርስቶስ ልብ ያለው(1ቆሮ.2፡16)፣ በዚህች ምድር ላይ የክርስቶስ አምባሳደር የሆነ (2ቆሮ.5፡20)፤ ባሕሉን ሳይሆን ቃሉን በጊዜውም አለጊዜውም የሚሰብክ (2ጢሞ.2፡9)፤ ይች የምትጠፋውን ዓለም ሳይሆን የማትጠፋዋን ሰማያዊና ዘላለማዊ መንግሥት የሚጠብቅ (2ጴጥ.3፡13)፤ ሁሉን የሚመረምር በማንም ግን የማይመረመር(1ቆሮ.2፡15)፤ ስለ ክርስቶስ ብሎ ሁሉን እንደ ጉዳትና ጉድፍ የቆጠረ(ፊል.3፡ 8)፣ በምድር ማህበረሰብ ሰማያዊ ኑሮ የሚኖር ሰው ነው፡፡

👉👉 ውድ አንባቢ ሆይ፡- ለራስዎ የሚመልሱትን አንድ ጥያቄ በትልቅ ትህትና ሊጠይቆዎት ፡- ከላይ በተገለጠው መሠረት እርስዎ ባሕላዊ ክርስቲያን ነዎት ወይስ ክርስቲያን ባሕላዊ❓

ተባረኩ!

ወንጌላዊ ጸጋአብ በቀለ

ከአዲሱ መጽሐፌ ገጽ 273-74 የተወሰደ 👇👇

23/09/2024

🎯 ከብር ለእግዚአብሔር ይሁን🙏
ከመስከረም 11-13/2017 ዓ.ም ታላቅ በመንፈሱ የመታደስና በቃሉ የመታጠቅ ጊዜ ከእግዚአብሔር ዘንድ ሆነልን። ስሙ ይባረክ 🔥🔥

15/09/2024

10/09/2024

🎯 ባልታደሰ ልብ አዲሱም አሮጌ ነው❗️
ሁለ አዲስ በሆነው ጌታ እን ጥላ በሆነው ዘመናችን በቃሉና በመንፈሱ ታድሰን ለብርቱ ትግልና ድል እንነሳ፣ የተሰጠንን መለኮታዊ የቤት ሥራ በጸጋው ጉልበት በልህቀት ሠርተን ለማለፍ በእምነት፣ በእውቀት፣ በድፍረት፣ በትጋትና በዝግጅት እንሻገር። ወደ 2017ዓ.ም ይዘን የምንሻገረው ሰማያዊ አጀንዳ እንጂ ዓመቱ ይዞልን የሚመጣው ልዩ ሲሳይ አንጠብቅ። እኛ ከዓመቱ እየጠበቅን ዓመቱም ከእኛ እየጠበቀ ዘመናችን በከንቱ እንዳያልቅ እጅግ እንጠንቀቅ ። 2017 ዓ.ም እንደ ባዶ ወረቀት ነው። በአዲስ ወረቀት ላይ የጌታን ፈቃድ በማወቅ፣ በጸሎት፣ በትጋት፣ በመንፈሱና በቃሉ ጉልበትና በጸጋው ለስሙ ክብር አዲስ ታሪክ የምንጽፍ እኛ ነን። ዓመቱን በቁጥር ለውጥ፣ በቁርጥ፣ በመጠጥ፣ በፈንጠዝያ፣ በጭፈራ ...ሳይሆን በተለወጠ ልብና መንፈስ ታላቅ ነገር ለስሙ ክብር ሠርተን ለማለፍ በደስታ እንቀበል። የዚያን ጊዜ በእውነት ዓመቱ አዲስ ይሆናል። ጌታም በእኛ ይከብራል። ምድራችንም ትባረካለች። አሜንደ

ወንድማችሁ ጸጋአብ ነኝ
🔥🔥🔥 መልካም አዲስ ዓመት🔥🔥🔥
🙏🙏🙏🙏