22/08/2026
Hagayya 16/12/2018
➻Abboonni keenya waa'ee Giiftiin keenya Dubroo Maariyaam eeyyama Ilma isheetiin du'a irraa ka'uu yeroo barsiisan ragaa isaan kitaaba qulqulluu keessaa dhiyeessan "Maaloo gara boqonnaa keetti ka'i; atii fi bultoon (taabonni) mana qulqullummaa kee" Faar. 131:8 kan jedhudha. Caqasa kana du'aa ka'umsa Dubroo Maariyaam waliin wal qabsiisuun amma kan jalqabe osoo hin taane dubbii jaarraa baay'ee lakkoofsisedha. Paatriyaarikiin 33ffaa Iskindiriyaa Qulqulluun Tewoodoosiyoos seenaa boqonnaa fi du'aa ka'umsa Giiftii keenyaa kan abboonni isa dura turan isaaf dabarsan barreeffama isaa waggoota 1500 dura barreesse irratti, hayyoota dubbii Maariyaamii biratti Dorctor of Dormition' jedhamuun kan beekamu hayyichi Yohaannis inni Damasqoo, manneen kiristaanaa duukaa bu'oota ta'an hunduu dirsaanota (kitaabolee) isaaniirratti yeroo waa'ee du'aa ka'umsa Dubroo Maariyaam kaasanii fi ayyaana Ol-fudhatamuu ishee kabajan kutaan kitaaba qulqulluu isaan dubbisan Faarfannaa Daawit, "Maaloo gara boqonnaa keetti ka'i; atii fi taabonni mana qulqullummaa kee" jedhudha. Gaaffii, ' caqasa kana maaltu Dubroo Maariyaam waliin walitti fida? Maariyaam kaateetti jedhaa?' jedhu barreeffama gabaabduu kana keessatti ilaalla!
➻Faarfannaan, Daawwit waa'ee ijaaramuu mana qulqullummaa fi taabotichis gara mana qulqullummaa kanaatti seenuu isaa faarfate, akkasuma mucaan isaa Solomoonis yeroo manni qullqullummaa sun ijaaramee xumuru faarfate kana Dubroo Maariyaam wajjin maaltu walitti fida? (2Seen. 6:41).Abboonni keenya caqasa kana Dubroo Maariyaam wajjin kan walitti fidan akka Daawwit waa'ee mana qulqullummaa fi taabotaaf dubbate isaan jalaa dhokateetii? Caqasa kana Dubroo Maariyaam wajjin akka walitti fidnu wanti nu kakaase maali?
➻Isa Daawit waa'ee taabotaa dubbate akka nuyi waa'ee Dubroo Maariyaamiif dubbannu kan nu taasise Daawit matumasaati. Kunis;
➴ Daawit yeroo taabonni Waaqayyoo gara isaa dhuftu, "Taabonni Waaqayyo akkamitti gara koo dhufa jechuun Taabotaa Waaqayyoof kabaja kenneera akkasumas dubaroo Maariyaam gaafa Elsaabeet qulqulleettii bira deemtu haati gooftaa kootii garakoo dhufuun akkamitti danda'ama jechuu ibsiteetti. kanaafuu Giiftiin keenya Taboota bultoo Waqayyoo waliin walfakkaatteetti.
Olba’uu Dubroo Maariyaam ~~
Daawit Qulqulluun:
“Yaa Waaqayyo, gara boqonnaa keetti ka’i; ati fi Taabota mana qulqullummaa keetii.”
(Faarfannaa 131/132:8)
jedhe.
Hiika isaa yoo ilaalle:
“Ati” jechuun Gooftaa keenya Fayyisaa Iyyasuus Kiristoosiidha.
“Taabota mana qulqullummaa keetii” jechuun immoo mana jireenyaa isaa isa dhugaa, Dubroo Maariyaamiidha.
“Gara boqonnaa keetti ka’i” jechuun, haadha kee, Dubroo Maariyaam, mana jireenyaa kee isa dhugaa taate waliin du’a keessaa ka’i jechuu dha.
Namni tokko jechi kun Taabotaaf qofa jedhe yoo jedhu, Taabootii fi Dubroo Maariyaam lamaan isaanii iyyuu bakka Waaqayyo itti jiraatu ta’uu isaanii hubachuu qaba.
Garuu garaagarummaan isaanii guddaan jiru.
Waaqayyo Taabota irratti yoo jiraate, hafuuraan qofa; Dubroo Maariyaam irratti garuu hafuuraanis fooninis jiraate.
Kana hubannaan, jechi kun yeroo jalqabaaf Taabotaaf fakkaatus, raawwii isaa keessatti Dubroo Maariyaamiif akka ta’e hubachuun hin ulfaatu.
Solomoon ilmi Daawitis ka’uu ishee dursee raajii keessatti:
“Yaa jaalallee koo, ka’i; yaa miidhagina koo, kottu.”
jedhee dubbateera. (Weedduu Weedduu 2:10)
Bartoota kessaa yeroo isheen olbaatu arge Qulqulluu Toomaasii dha.
Inni bakka itti lallabaa ture irraa duumessaan fuudhamee gara Yerusaalemitti yeroo dhufu, Dubroo Maariyaam warra du’an keessaa kaatee gara samii olba’aa jirtu arge.
Yeroo kana:
“Dura ka’uu Ilma kee ; har’as ka’uu kee utuu hin argin nan hafa moo?”
jedhee, ka’uu ishee arguu dhabuusaatiin gaddaan guutame.
Duumessa irraa gadi bu’uuf illee yaade.
Dubroon Maariyaam garuu:
“Hin sodaatin; hin gaddin. Waan bartoonni biroon hin argin, ati ka’uu koo argiteetta.”
jettee, ka’uu fi olba’uu ishee akka isaanitti himuuf, waan isheen ittiin kafanamte keessaa sabana tokko kenniteef.
Innis ajaja ishee fudhatee kabajaan ishee nagaa gaafatee gara bartootaa deeme.
Akkuma waan hin dhageenyee fi hin argine fakkaatee:
“Wanti Dubroo Maariyaam maal ta’e?”
jedhee isaan gaafate.
Isaanis:
“Ishee argannee awwaalle.”
jedhan.
Innis: Duuti Amajjii keessa ta’ee, Hagayya keessa awwaalamuun akkamitti danda’ama?”
jedhee isaan gaafate.
Yeroo kana Pheexiroos Qulqulluun:
“Ati duraanuu shakkii qabda. Dura Gooftaan keenya ka’e jennee yeroo sitti himnu hin amanne; harki kees miidhame. Amma illee shakkii qabda; ati qofa osoo hin taane, nama biraas shakkii keessa galchita.”
jedhee isa qeeqe.
Pheexiroos Qulqulluunis foon kabajamaa Dubroo Maariyaam Toomaasiif agarsiisuuf gara awwaalaatti deeme. Awwaala yeroo banan garuu foon Dubroo Maariyaam hin argamne.
Pheexiroos Qulqulluunis ajaa’ibsiifatee dhaabbate.
Toomaas Qulqulluunis:
“Akka isin na hin amanneef jedhe malee, Dubroo Maariyaam warra du’an keessaa kaatee gara samii olba’aa jirt
Baga geenye
