11/06/2026
Waldaa Duuka Bu'ootaa!
Kakuu Tajaajila Waldaa Duuka Bu’ootaa Afaan Oromootiin taasifamuuf galame:
1. Jalqaba irratti:
-Siyaasaaf walitti hin qabamne
-Sanyummaaf walitti hin qabamne
-Qabeenya dhuunfachuuf walitti hin qabamne
-Hamma geenyu walitti agarsisiuuf walitti hin qabamne
-Saboota biraa mana kiristaanaa keessaa ari’uuf walitti hin qabamne
-Bataskaana takkatti addaan qooduuf walitti hin qabamne.
2. Kan walitti qabamneef:
-Afaan beeknuun Waaqayyoon galateeffachuu waan qabnuufi
-Manni keenya cufamaa jiraachuusaa dursinee waan agarreefi
-Miidhama seenaa keessatti hin taane waan agarreefi
-Manni kiristaanaa caalatti akka babaldhattu waan yaadneefi
-Miseensota mana kiristaanaa waan taaneef mirga ijoollummaa waan qabnuufi.
-Afaan keenyaan tajaajilamaa tajaajiluuf walitti qabamne
3. Kana ennaa goonus:
-Gorfamne miti, keessa keenyatu nuttime
-Ayyaan laallatuu taanee sa’aatii xumuraa irra gara dubbiin itti deemtu agarree fayyadamuuf miti
-Dhugaa Afuura Qulqulluutu nutti garsiise
-Qabeenyaa fi humna beekkumsa xiqqoo qabnurra walitti buusnee malee fandii fi faayinaansii addaa argannee miti
-Ijaarsa siyaasaan fandii taanee miti
-Namoota siyaasaa quunnamnee miti
-Dhugaa keenya ibsachaa hojiin agarsiisaa karaa seera abboota keenyaa irraa taakku takkayyuu osoo hin maqinidha.
-Adeemsawwan jiran hunduma eegnee,obsa guddaadhanis hunduma dandeenyeeti
4. Kuni ennaa ta’u
-Wareegamni kaffalameera
-Wareegamni kaffalame kun wareegama qarshii qofa miti
-Wareegama maqaan baduu qofa miti
-Wareegama hidhamuu qofa miti
-Wareegama arrabsamuu qofa miti
-Wareegama tajaajila irraa ugguramuu qofa miti
-Wareegama tikaan doorsifamuu qofa miti
-Wareegama waajjiratti keessumeessamuu dhabuu qofa miti
-Wareegama qabeenyaa fi saamichaa qofa miti
-Wareegamni LUBBUU NAMAA itti kaffalameera.
5. Kanaaf:
-Sartafikeetii Ortodooksummaa nutu kenna warri jedhan
-Abboonni gartummaa qabatanii deemaan
-Warri ija tokkoon ijoollee isaanii ilaaluu dadhaban
-Warri osoo dhugaa beekan sodaa aangoo fi damozoaaf jedhanii waa meeqa keessa galanis
-Warri guyyaan guuttefi aangoo isaanitiin dubbii gara barbaadanitti dabsan
-Warri maqaa malee maqaa kennan hundumti,
-Ammayyuu tasgabbaa’uu qabu.
-Karaa akkasiitin amma tasayyuu wanti ta’u waan hin jirreef
6. Karaan WDB
-Karaa wareegama guddaa nama kaffalchiistudha
-Karaa gufuu hedduurra tarkaanfachuun ishee barbaachisudha:
-Karaa gufuun hiriira galee ishee eeggatu akka taate ijaa beeknuuf
-Karaa akkuma durii sana warra nama jaje ofitti qabanii warra nama komate ari’atan miti
-Karaa warra bade sassaaban malee karaa warruma dura turan sana kunuunsan miti
-Karra warra aadaa fi safuu isaanii itti tuffatamu osoo hin taane karaa eenyummaa ofii qabatanii Waaqeffataniiti.
-Karaa Luba pheexiroos fa’a itti wareegaman sanadha
-Shiras dabas, hin qabu
-Humna addaas hin qabu
7. Ammayyuu:
-Adeemsi waldicha diiguuf taasifamu haa dhaabatu
-Ijaarsi hordoftoota burjaajessuuf deemamu haa dhaabatu
-Duulli hidhaa hadhaa haa dhaabatu
-Hojii hojjetamee fi tajajaila kennameen qofaan haa madaalamu
-Karra bataskaanaa waldichatti cufuun haa dhaabatu
-Galma wal gahii miseensota waldichaatti cufuun haa dhaabatu
-Miseensota waldichaa gara biraatti fiduuf dhamaatiin jiru haa dhaabatu
-Kan gaafatamuu qabnu yoo doogmaa fi qannoonaa mana kiristaanaa keenyaa diigne qofa
-Yoo seera bataskaanaa keessa kunne qofa
9. Maleessa:
-Warra durii leellisu diddan jennee gaafatamuu hin qabnu
-Warra yaada durii qabatan waliin ‘tabaabbaruu’ diddan jennee gaafatamuu hin qabnu
-Dubbi walitti bu’iinsaa hoo’isuu diddan jennee gafatamuu hin qabnu
--Loogoo fi hojiin keessan sabummaa calaqqisa jedhamnee gaafatamuu hin qbanu
-Warra jaalalli ilaalcha durii ija jaamse dura gugguufu diddan jennee gaafatamuu hin qabnu.
10. Warri:
-Dubbii tana hin hubatin Hubadhaa
-Adeemsa jirtu tana ammayyuu sirriitti xiyyeeffannoo hin kennin kennaa
- Warra fedhii isaaniif jecha camadanii nuun qotu barbaadaniin gartummaan keenya tajaajilaaf ta’uu haa agarsiifnu
11. Furmaatni
-Tajaajila dhugaa hubachuu
-Hunduma hojiin madaaluu
-Ija tokkoon ijoollee ilaaluu
-wal jalaa awwaachuu fi wal amansiisudha
12. Waadaa keenya
Tajaajilli kun akka kana dura sababa gara garaatiin gufuu gara garaan takaalamee akka hin kufneef nuti waadaa kaaneefii turre ni haaromsina. Waadichis kana:
-Tajaajila kana nuti gidduutti hin dhiisnu
-Nuti kan agarre dubbanna, kan dhageenyes dhugaa baana
-Hidhamne jennee hin dhiisnu
-Duune jennee hin dhiisnu
-Nutti baay’ate jennee hin dhiisnu
-Yeroo dhabne jennee hin dhiisnu
-Aanngoon jijjiirranne jennee hin dhiisnu
-Addan fagaanne jennee hin dhiisnu
-Abalu gammachiisuf jennee hin dhiisnu
-Fakkaatan dhufe jennee hin dhiisnu
-Mana guddaa tokko taana malee dallaa diigamte hin taanu
-Galaana guddaa taane yaana malee haroo dhuma geese hin taanu
Waaqayyo kan walitti qabe homtuu hin diigu
Waaqayyo kan qajeelches homtuu karra itti hin cufu.
"Nuti walitti qabama keenya hin dhiisnu(Ibr 10:25);wangeelattis hin leeyyofnu(Rom 1:16)
Urgooftu Foolii Naardos
