06/02/2019
ር. ሊ. ጳ ፍራንቸስኮስ “የክርስቲያን መሣሪያ እምነት እና ፍቅር ብቻ ናቸው”።
ቅዱሳን ተብለው የተጠሩበት ምክንያት በሕዝቦች መካከል እውቅናን ስላተረፉ ወይም ሃብትን ስለሰበሰቡ ወይም በሥራቸው ዕውቅናን ስላገኙ ሊመስለን ይችላል።ነገር ግን ለኢየሱስ ክርስቶስ የተቀደሱት የሚላቸው ድሆችን፣ የተረገጡትን፣ የተሰቃዩትን እና የተጨቆኑትን ነው::
ምንጭ ራዲዮ ቫቲካን
ርዕሠ ሊቃነ ጳጳሳት ፍራንቸስኮስ ካለፈው እሑድ ጥር 26 እስከ ጥር 28 ቀን 2011 ዓ.ም. ድረስ በተባበሩት አረብ ኤምሬቶች ያደረጉትን ሐዋርያዊ ጉብኝት ባጠቃለሉበት ዕለት በአገሩ ከሚኖሩት ካቶሊካዊያን መዕመናን ጋር ባሳረጉት የመስዋዕተ ቅዳሴ ስነስርዓት ላይ እንደገለጹት የክርስቲያን መሣሪያ እምነት እና ፍቅርብቻ መሆናቸውን አስታውቀዋል።ርዕሠ ሊቃነጳጳሳት ፍራንቸስኮስ በአቡዳቢ ከተማ ውስጥ በሚገኘው በዛይድ ስተዲዬም ያሳረጉት መስዋዕተ ቅዳሴ ታሪካዊ ነው ተብሏል። አንድ የካቶሊካዊት ቤተክርስቲያን ርዕሠ ሊቃነጳጳሳት ወደ አረብ አገሮች
ባሕረሰላጤ ሲጓዙ ርዕሠ ሊቃነጳጳሳት ፍራንቸስኮስ የመጀመሪያው እንደሆኑ መግለጻችን ይታወሳል።
ርዕሠ ሊቃነ ጳጳሳት ፍራንቸስኮስ መስዋዕተ ቅዳሴውን ለተካፈሉ መእምመናን በሙሉ ባሰሙት ስብከታቸው ለብጹዓን ምስጋና ይግባቸውና እናንተ የሰላም ምሳሌ ናችሁ በማለት በተባበሩት አረብ ኤምሬቶች ውስጥ በተለያዩ የሥራ ዘርፍ ተሰማርተው የሚገኙ ምዕመናንን አመስግነዋቸዋል።በተባበሩት አረብ ኤምሬቶች የሚገኙ ካቶሊካዊያን መዕመናን ቀላል የሕይወት ምስክርነቶችን እየሰጡ፣ቅዱስ ፍራንቸስኮስ ለመንፈሳዊ ወንድሞቹ ይናገር እንደነበረ ኢየሱስ ክርስቶስን እየተከተሉ የፍቅር ሥራዎችን ለወንድሞች እና እህቶች ማበርከት እነደሚያስፈልግ አሳስበዋል።
ርዕሠ ሊቃነጳጳሳት ፍራንቸስኮስ ወደ አረብ ባሕረሰላጤ አገሮች ባደረጉት የመጀመሪያ ጉብኝታቸው፣ እንደዚሁም የመጀመሪያቸው በሆነው የመስዋዕተ ቅዳሴ ስነስርዓት ላይ ለምዕመናን በሙሉ ያላቸውን ፍቅር ገልጸዋል። መስዋዕተ ቅዳሴውን ለተካፈሉት 180,000 ምዕመናን ዕለቱየጋራ ጸሎት የቀረበበት የደስታ ዕለት ሆኖ ዉሏል። ርዕሠ ሊቃነ ጳጳሳት ፍራንቸስኮስ ከማቴዎስ ወንጌል ተወስዶ በተነበበው መልዕክት ላይ በመመርኮዝ ባቀረቡት አስተንትኖ ከኢየሱስ ጋር ከሆናችሁ፣ እንደ ደቀመዛሙርቱ ቃሉንም የምታደምጡ ከሆነ፣በቃሉም የምትመሩ ከሆነ ብጹዓን ናችሁ ብለዋል። ይህም በክርስትና ሕይወት ውስጥ ማወቅ የቻልነው የመጀመሪያው እውነት ነው ብለዋል።የክርስትና ሕይወት ከሁሉም በላይ የኢየሱስ ክርስቶስ ልጆች መሆናችንን ማወቅ ነው ብለዋል።ይህ ደግሞ ማንም በዚህ ዓለም ላይ ከሕይወታችን ሊነጥቅብን የማይችለው የደስታችን ምክንያት ነው። ውድ ወንድሞቼ እና
እህቶቼ፣እናንተን ሳገኛችሁ ልነግራችሁ የፈለኩት ቃል ይህ ነው፣ የተባረካችሁ የሚል ነው ብለዋል። ኢየሱስ ክርስቶስ ደቀ መዛሙርቱን የተባረካችሁ ናችሁ ሲላቸው፣ እያንዳንዱ ቅዱሳን፣ቅዱሳን ተብለው የተጠሩበት ምክንያት ለምንድነው ብለን ራሳችንን እንጠይቃለን።ቅዱሳን ተብለው የተጠሩበት ምክንያት በሕዝቦች መካከል
እውቅናን ስላተረፉ ወይም ሃብትን ስለሰበሰቡ ወይም በሥራቸው ዕውቅናን ስላገኙ ሊመስለንይ ችላል።ነገር ግን ለኢየሱስ ክርስቶስ የተቀደሱት ድሆች፣ የተረገጡት፣ የተሰቃዩት እና የተጨቆኑት ናቸው።ይህን በሚገባ ለመረዳት ኢየሱስ ክርስቶስ እንዴት እንደኖረ መመልከት ያስፈልጋል። ለአንዳንድ ነገሮች ክብርን ለመስጠት ድሃ ነበር፣ነገር ግን ፍቅርን በማሳየት ሀብታም ነበር።
ብዙ የታመሙ ሰዎችን በማዳን እና በመፈወስ ይታወቅ ነበር ነገር ግን የራሱን ሕይወት ከሞት ሊያተርፍ አልቻለም። ሊያገለግል እንጂ ሊገለገል አልመጣም። ትልቅነት የሚገኘው ከመስጠት እንጂ ከመቀበል አይደለም። ፍጹም ትክክል እና ትሑት ሆኖ ሳለ ራሱን ለሕገወጥ ፍርድ አቀረበ።በዚህ መንገድ ኢየሱስ ክርስቶስ የእግዚአብሔርን ፍቅር ወደ ዓለም አምጥቷል በማለት ስብከታቸውን የቀጠሉት ቅዱስነታቸው ኢየሱስ ክርስቶስን በሙሉ ልብ እንድንከተል የሚያደርገንን የመንፈስ ቅዱስ እገዛን በጸሎት እንጠይቅ በማለት መእምናኑን አሳስበዋል።
