True Gospel for Life

True Gospel for Life ✅ Let's preach Gospel
& Share us❤
(2)

“እኛ የምንሰብከው ክርስቶስ ኢየሱስ ጌታ መሆኑን እንጂ ራሳችንን አይደለምና፤ ”----- 2 ቆሮንቶስ 4 : 5
24/08/2026

“እኛ የምንሰብከው ክርስቶስ ኢየሱስ ጌታ መሆኑን እንጂ ራሳችንን አይደለምና፤ ”
----- 2 ቆሮንቶስ 4 : 5

❗1) እግዚአብሔር ሳይናገር ትንቢት የሚናገሩ ናቸው ሕዝ 22፡282) ሳይላኩ የሚሄዱ ናቸው ኤር 23፡1፤የሐዋ-ሥራ 15፡243) ይሳካልሃል እያሉ ገዥዎቸንና ባለጠጎችን የሚያታልሉ ናቸው። ...
24/08/2026

❗

1) እግዚአብሔር ሳይናገር ትንቢት የሚናገሩ ናቸው ሕዝ 22፡28
2) ሳይላኩ የሚሄዱ ናቸው ኤር 23፡1፤የሐዋ-ሥራ 15፡24
3) ይሳካልሃል እያሉ ገዥዎቸንና ባለጠጎችን የሚያታልሉ ናቸው። 1ኛ ነገሥት 22፡5-6፤የሐዋ.ሥራ 13፡6-12
4) ተሳዳቢዎች ናቸው 2ጴጥ 2፡9-12፣ይሁዳ 1፡10 ራዕይ 13፡5
5) ዳፋሮችና ኩሩዎች ናቸው። 2ጴጥሮስ 2፡10
6) ቅንን መንገድ የሳቱ ናቸው 2ጴጥሮስ 2፡15፤ይሁዳ 1፡15
7) ኃጢኣትን የማይተው ናቸው 2ጴጥሮስ 2፡14
8) የሚያጠፋ ኑፋቁ አሾልከው የሚያገቡ ናቸው 2ጴጥ 2፡1
9) ብዙዎችን በመዳራታቸው የሚያስከትሉ ናቸው 2ጰጥ 2፡2
10) ገንዘብን ያአግባብ በመሰብስብ የተጠመዱ ናቸው 2ጴጥ 2፡3
11) ክንቱ የሆነ ከመጠን በላይ ቃል ይናገራሉ 2ጴጥ 2፡18 ራዕይ 13፡5
12) ራሳቸውን ከመጠን በላይ ከፍ ከፍ የሚያድርጉ ናቸው 2ተስሎንቄ 2፡4
13) ውኃ የሌለባቸው ምንጮችና ዝናብ የሌለባቸው ደመናዎች ናቸው 2ጴጥ 2፡17፤ ይሁዳ ቁ-12
14) የሚንከራተቱ ከዋክበት ናቸውጨይሁዳ ቁ- 13
15) የሰይጣን ስህተት አሠራር መሣሪያዎች ናቸው 2ተስሎንቄ 2፡7-12
16) የጥፋት ባሪያዎች ሆነው አርነት ትወጣላችሁ የሚሉ ናቸው 2ጴጥ 2:19
17) ጸጋውን በሴሰኝነት የሚለውጡ ናቸው ይሁዳ 1:4 ቁ.7 2ጴጥ2:18
18) በሀሰተኛ ድንቆችና ታኣምራቶች የታጀቡ ናቸው 2ተሰሎንቄ 2:9-10; ማቴ 24:24; ራዕይ 13:13
19) ያለእውነተኛው ኢየሱስ እውቅና በውሸት አጋንንት የሚያስወጡ ናቸው ማቴ 7:22
20) የእውነተኛ አገልጋዮች መልክ የያዙ ግን በውስጣቸው ነጣቂዎች ናቸው ሜቴ 7:15; 2ቆሮ 11:13
21) እውነተኛውን ኢየሱስን የሚሰብኩ ይመስላሉ ነገር ግን በሥራቸው የካዱ ናቸው ይሁዳ 1:4; ቲቶ 1:16
22) የማይጸኑ ነፍሳትን የሚያታልሉ ናቸው 2ጴጥ 2:14
23) እየሳቱ የሚያስቱ ናቸው 2ጢሞ 3:13
24) ለፍርድ የተመደቡ ናቸው ይሁዳ 1:4 ቁ-14
25) ውሸተኞች ሐዋሪያትና ተንከለኞች ሠራተኞች ናቸው 2ቆሮ 11:13
26) እንደብርሃን መልአክ ራሳቸውን ልለውጡ ይችላሉ 2ቆሮ11
27) ታላቅ ነገርና ስድብ የሚናገሩበት አፍ አላቸው ራዕይ 13:5
28) አጋንንታዊ ግን ማራኪ ትምህርት ያስተምራሉ 1ጢሞ 4:1
29) ዓለምን ሀብትና ክብር ሰይጣን ለኢየሱስ የሰበካውን ይሰብካሉ ማቴ 4:6
30) ያለሥርዓት የሚሄዱና የሚኖሩ ናቸው 2ተሰሎንቄ 3:11
31) ነውረኛ ረብ ለማግኘት የሚተጉ ናቸው ቲቶ 1:11-12
32) የማይታዘዙ፤ከንቱ የሚናገሩና የሚያታልሉ ናቸውቲቶ 1:10
33) እውነተኛውን የእግዚአብሔርን ቃል ገልብጠው የምናገሩ ናቸው ዘፍ 3:4 ፤ቲቶ1:1
34) መንፈሳዊ የሚመስል የተድላ ዘፈን የሚዘፍኑ ናቸው 2ጴጥ 2፡13
35) ከሰማይ እሳት እስኪያወርዱ ታላላቅ ምልክቶችን ሊያደርጉ ይችላሉ ራዕይ 13:13
36) በምዕመናን መካከል ወይም በባልና በሚሰት መካክል መለያያትን የሚዘሩ ናቸው ሮሜ 16፡17፤ቲቶ 3፡10-11
37) ወደምዕመናን መካክል ሾልከው የሚገቡ ናቸው 2ጢሞ 3፡6-7፤ይሁዳ ቁ- 4
38) ክርስቶስን ለመምሰል የሚስማማ ጤናማ ትምህርት የማያስተምሩ ናቸው1ጠሞ 6፡3
39) በትዕቢት የተነፉ ናቸው 1ጢሞ 6፡4
40) እግዚአብሔርን መምሰል ማትረፊያ አድርገው የሚጠቀሙ ናቸው 1ጢሞ 6፡5
41) ለሆድ የተገዙ ናቸው ሮሜ16፡18፤ፊልጵ 3፡19
42) በመልካምና በሚያቆላምጥ ንግግር የሚያታልሉ ናቸውሮሜ 16፡18
43) እውነትን የተቀሙ ናቸው 1ጠሞ 6፡5
44) ቃሉን የሚያጣምሙ ናቸው 2ጼጥ 3:16
45) ዓመፀኞች ናቸው 2ጴጥሮስ 3:17; 2:13
46) ሥልጣን ያላቸውን/መሪዎችን በድፍረት ይሳደባሉ 2ጴጥ 2:10
47) ለመንጋው የማይራሩ ጨካኞች ናቸው የሐዋ 20:29
48) ደቀ መዛሙርትን ወደኃላ የሚስቡ ናቸው የሐዋ 20:30
49) ጠማማ ነገርን የሚናገሩ ናቸው ሐዋ 20:30
50) የተማራችሁትን እውነተኛ ትምህርት የሚቃወሙ ናቸው ሮሜ 16:17
51) መለያየትንና ማሰናከያ የሚያደርጉ ናቸው
ሮሜ 16:17
52) በመልካምና በሚያቆላምጥ ንግግር ተንኮል የሌለባቸውን ሰዎች ልብ ያታልላሉ ሮሜ 16:18
53) የዋጃቸውን ጌታ የሚክዱ ናቸው 2ጴጥ 2፡1፤ይሁዳ ቁ-4)
54) ፍጻሜአቸው ግን እንደሥራቸው ይሆናል! 2ቆሮ 11:15
ማጠቃለያ
ሮሜ 16:17 ወንድሞች ሆይ እናንተ የተማራችሁትን ትምህርት የሚቃወሙትን መለያየትንና ማሰናከያን የሚያደርጉትን ሰዎች እንድትመለከቱ እለምናችኋለሁ ከነእርሱ ዘንድ ፈቀቅ በሉ

True Gospel for Life

21/08/2026

ከመኝታችሁ ስትነቁ መልካም ዜና መሰማት ይሁንላችሁ በኢየሱስ ስም አሜን ።

ስለ ሥጋዊነት (The Biblical Teaching on Carnality)በመጽሐፍ ቅዱስ ውስጥ ስለ "ሥጋ" (flesh) እና "ሥጋዊነት" (carnality) ያለውን አስተምህሮ በጥልቀት የሚመረ...
21/08/2026

ስለ ሥጋዊነት (The Biblical Teaching on Carnality)

በመጽሐፍ ቅዱስ ውስጥ ስለ "ሥጋ" (flesh) እና "ሥጋዊነት" (carnality) ያለውን አስተምህሮ በጥልቀት የሚመረምሩ ናቸው። የመጽሐፍ ቅዱስን አቋም

በሚከተሉት ዋና ዋና ነጥቦች እንመልከት።

1. ሥጋዊነት (ሥጋ) ምንድነው?

ሥጋ የሚለው ቃል በመጽሐፍ ቅዱስ ውስጥ በተለያዩ መንገዶች ጥቅም ላይ ቢውልም፣ መንፈሳዊ ትርጉሙ ግን፡-

ሀ. : ሥጋዊነት ማለት በሰው ልጅ ውድቀት (በኃጢአት) ምክንያት የተበላሸውንና በእግዚአብሔር ፈቃድ ላይ ያለውን ተፈጥሯዊ የሰው ማንነት ዝንባሌ ያመለክታል። ይህ ዝንባሌ ከእግዚአብሔር መንፈስ ተቃራኒ የሆኑ ምኞቶችን፣ ፍላጎቶችን እና ድርጊቶችን የሚያስነሳ ነው። ሮሜ 7፡18 "በእኔ ማለትም በሥጋዬ በጎ ነገር እንደማይኖር አውቃለሁና፤ ፈቃድ አለኝና፣ መልካሙን ግን ማድረግ የለኝም።"

ለ. : ይህ ሥጋዊነት የሚመራበት አስተሳሰብ ነው። እግዚአብሔርን መታዘዝ የማይፈልግ እና ለሕጉ የማይገዛ የአእምሮ ዝንባሌ ነው:: ሮሜ 8፡7 "የሥጋ ፈቃድ በእግዚአብሔር ላይ ጥል ነውና፤ ለእግዚአብሔር ሕግ አይገዛምና፣ ሊገዛም አይችልም።"

2. ማነው ሥጋዊ ሰው?

ሥጋዊ ሰው (Carnal Man) ማለት አዲስ ሕይወት ቢጀምርም (በመንፈስ ቢወለድም)፣ አሁንም በሕይወቱ ውስጥ ባለው የሥጋ ምኞትና አስተሳሰብ የሚመራና የሚያስብ ሰው ነው። በክርስትና ጉዞው ውስጥ የእግዚአብሔርን መንፈስ ከመታዘዝ ይልቅ ለኃጢአተኛው ተፈጥሮው (ለሥጋው) ተገዢ ሆኖ የሚኖር አማኝ ነው። 1 ቆሮንቶስ 3፡1-3 "እኔም፥ ወንድሞች ሆይ፥ መንፈሳውያን እንደመሆናችሁ ልናገራችሁ አልቻልሁም፥ ሥጋውያን እንደመሆናችሁ እንጂ በክርስቶስ ሕፃናት የሆናችሁ ያህል... ቅናትና ክርክርም በእናንተ ዘንድ ካለ፥ ሥጋውያን መሆናችሁና እንደ ሰው ልማድ መመላለሳችሁ አይደለምን?"

3. ሥጋ መንፈስን እንዴት ይቃወማል?

ሥጋና መንፈስ በሰው ሕይወት ውስጥ የማይታረቅ ጦርነት ውስጥ ናቸው። ሥጋ የእግዚአብሔርን ፈቃድ የሚጻረር ሲሆን፣ መንፈስ ደግሞ ወደ ጽድቅ ሕይወት ይመራል። ይህ ተቃውሞ የሰው ልጅ የውስጥ ትግል መሠረት ነው።
ሀ. : ሥጋ የሚፈልገው ነገር መንፈስ ከሚፈልገው ነገር ተቃራኒ ነው። ገላቲያ 5፡17 "ሥጋ የመንፈስን፣ መንፈስም የሥጋን ይቃወማልና፤ እነዚህ እርስ በእርሳቸው ይጋጫሉ፤ ስለዚህም የወደዳችሁትን ልታደርጉ አትችሉም።"

4. ሥጋዊነትን እንዴት መለየት ይቻላል? (የሥጋ ሥራ ምንድነው?)

ሥጋዊ ሰው የሚለየው ከድርጊቱ ነው። የመጽሐፍ ቅዱስ ደራሲው ጳውሎስ የሥጋ ሥራዎችን ዘርዝሯል፤ እነዚህም የአንድን ሰው መንፈሳዊ ሳይሆን ሥጋዊ ዝንባሌ ያሳያሉ።
(ገላቲያ 5፡19-21)
ዝሙት - ጣዖት ማምለክ - ክርክር - አድመኝነት - ምቀኝነት - ጭፈራ...

5. የመንፈስ ፍሬ ምንድነው? (ሥጋዊነትን የሚተካው)

ሥጋዊነትን የምንለየው በሥጋ ሥራ ከሆነ፣ የመንፈስ ፍሬ ደግሞ ሥጋዊነትን ተክቶ በክርስትና ሕይወት የሚታይ የእግዚአብሔር መንፈስ ውጤት ነው። ሥጋዊነትን ማሸነፍ የሚቻለው በመንፈስ ፍሬ መመላለስ ሲቻል ነው። ገላቲያ 5፡22-23 "የመንፈስ ፍሬ ግን ፍቅር፣ ደስታ፣ ሰላም፣ ትዕግሥት፣ ቸርነት፣ በጎነት፣ ታማኝነት፣ የዋህነት፣ ራስን መግዛት ነው። እንደ እነዚህ ያሉትን የሚከለክል ሕግ የለም።"

6. ሥጋዊነት የተገለጸባቸው የመጽሐፍ ቅዱስ ምሳሌዎች

መጽሐፍ ቅዱስ በግልጽ ሥጋዊነትን የሚያሳዩ ብዙ ታሪኮችን ይዟል። ሁለት ዋና ዋና ምሳሌዎች እነሆ፡-
ሀ. : ጳውሎስ ይህችን ቤተክርስቲያን ሥጋዊ ብሎ ጠርቷታል (1 ቆሮንቶስ 3፡1-4). ምክንያት የሆነው፡-
: "እኔ የጳውሎስ ነኝ"፣ "እኔ የአጵሎስ ነኝ" በሚል መጠቃቀስና መለያየት።
#ቅናት: እርስ በርሳቸው መመቃኘት።

ለ. : እነዚህ ምዕመናን በመንፈስ ጀምረው በሥጋ ለመጨረስ ተቃርበው ነበር። ገላቲያ 3፡3 "እንዲህ የማትረቡ ናችሁን? በመንፈስ ጀምራችሁ በሥጋ ትፈጽማላችሁን?"

7. የመጽሐፍ ቅዱስ ማጠቃለያ ትምህርት
መጽሐፍ ቅዱስ ስለ ሥጋዊነት የሚሰጠው የመጨረሻ ትምህርት የድል መንገድ ነው።

:
ሮሜ 8፡6 "የሥጋ ፈቃድ ሞት ነውና፣ የመንፈስ ፈቃድ ግን ሕይወትና ሰላም ነው።"
: ከሥጋዊነት መውጫው ብቸኛው መንገድ በመንፈስ መመላለስና ሥጋን መሞት (crucify the flesh) ነው። ገላቲያ 5፡16 "እላለሁም፦ በመንፈስ ተመላለሱ፣ የሥጋንም ምኞት ከቶ አትፈጽሙ።" ሮሜ 8፡13 "...በመንፈስ ግን የሥጋን ሥራ ብትገድሉ ትኖራላችሁና።"

በዚህ መሠረት፣ መጽሐፍ ቅዱስ ሥጋዊነትን የኃጢአት ምንጭ፣ የእግዚአብሔር ጠላትነት እና ወደ መንፈሳዊ ሞት የሚያመራ አኗኗር እንደሆነ ያስተምራል::

True Gospel for Life ✔

⁉መጽሐፍ ቅዱስ አዳኛችን እግዚአብሔር ሰዎች ሁሉ እንዲድኑ እንደሚፈልግ እንደሚነግረን ታውቃለህ? ይህ አንተንም ይጨምራል።ነገር ግን፣ “ለምን መዳን ያስፈልገኛል?” ብለህ ልትጠይቅ ትችላለህ።...
19/08/2026

⁉

መጽሐፍ ቅዱስ አዳኛችን እግዚአብሔር ሰዎች ሁሉ እንዲድኑ እንደሚፈልግ እንደሚነግረን ታውቃለህ? ይህ አንተንም ይጨምራል።

ነገር ግን፣ “ለምን መዳን ያስፈልገኛል?” ብለህ ልትጠይቅ ትችላለህ። ምናልባትም፣ “እኔ በጣም መጥፎ ሰው አይደለሁም፤ መዳን አያስፈልገኝም” ብለህ ታስብ ይሆናል።

እውነታው ግን ሁሉም ሰው መዳን ያስፈልገዋል፤ ምክንያቱም ሁላችንም ከእግዚአብሔር የተለየንና በኃጢአት የወደቅን ሰዎች ነን። ማንም ሳይቀር ሁላችንም ኃጢአት ሠርተናል። መጽሐፍ ቅዱስ በሮሜ 3፥23 እንዲህ ይላል፦ “ሁሉ ኃጢአትን ሠርተዋልና፥ ከእግዚአብሔርም ክብር ጎድለዋል።” ይህ ማለት ዘር፣ የኑሮ ደረጃ ወይም የትምህርት ደረጃ ሳይለይ እያንዳንዱ ሰው ኃጢአተኛ ነው ማለት ነው።

እግዚአብሔር ቅዱስና ጻድቅ ስለሆነ ኃጢአተኞችን መፍረድ አለበት። እግዚአብሔር የፈጠረንና የሚወደን ቢሆንም፣ ኃጢአታችንን በቀላሉ ችላ ሊል አይችልም፤ የእርሱ ጽድቅ ኃጢአትን እንዲፈርድ ይጠይቀዋል። ስለዚህ በእግዚአብሔር ፍርድ ሥር ስንሆን፣ ኃጢአታችን አሁን ከእግዚአብሔር ይለየናል፤ ከሞትን በኋላም ለዘላለም ጥፋት እንጋለጣለን። ለዚህም ነው መዳን የሚያስፈልገን!

እግዚአብሔር ለእኛ ካለው እጅግ ታላቅ ፍቅር የተነሣ የምንድንበትን መንገድ አዘጋጀ። ልጁን ኢየሱስ ክርስቶስን በእኛ ምትክ እንዲሞት ላከው። ኢየሱስም በመስቀል ላይ ኃጢአት የሌለበት የእግዚአብሔር በግ ሆኖ የሰው ዘር ሁሉ ኃጢአት የሚገባውን ፍርድ ተሸከመ። ኢየሱስ በመስቀል ላይ የሞተው ሞት ለመቤዠታችን ተቀባይነት እንዳገኘ ለማረጋገጥ፣ እግዚአብሔር ከሙታን አስነሳው።

ዛሬ ኢየሱስ ክርስቶስ በትንሣኤ ሕያው ነው፤ እርሱም አሁን ሕይወትን የሚሰጥ መንፈስ ነው። በእርሱ የሚያምኑ ሁሉ ከኃጢአታቸው ይቅርታ ያገኛሉ፤ ከኃጢአታቸውም ይነጻሉ። ከእግዚአብሔር የነበረው መለያየት ሁሉ ይወገዳል፤ ከዘላለማዊ ፍርድም ይድናሉ። ከዚህም በተጨማሪ ዳግመኛ ይወለዳሉ፤ ይህም ማለት በእግዚአብሔር ሕይወት እንደ አዲስ መወለድ ነው። አንድ ሰው ሲድን እንዴት ያሉ ድንቅ ነገሮች ይፈጸማሉ!

?

በእግዚአብሔር በኩል፣ እኛን ለማዳን የሚያስፈልገውን ሁሉ አድርጓል። እኛ በኩላችን ግን መጽሐፍ ቅዱስ ለመዳን ንስሐ መግባትና ማመን እንዳለብን ይነግረናል።

ንስሐ መግባት ማለት በቀላሉ አስተሳሰባችንን መቀየርና አቅጣጫችንን መመለስ ማለት ነው። ከመዳናችን በፊት ከእግዚአብሔር ተለይተን እንኖራለን፤ ሐሳባችንም በእርሱ ላይ ይቃወማል። ስለዚህ ንስሐ መግባት ማለት ከሌሎች ነገሮች ሁሉ ዞር ብለን ወደ እግዚአብሔር መመለስ ማለት ነው። እኛ ኃጢአተኞች መሆናችንንና መዳን እንደሚያስፈልገን እንቀበላለን።

በተጨማሪም በእኛ ምትክ የሞተውንና ለኃጢአታችን ይቅርታ እንዲገኝ ደሙን ያፈሰሰውን ኢየሱስን እንደ አዳኛችን ማመን አለብን። የእግዚአብሔር የፍቅር ልብ መዳኑን ለእኛ ያቀርብልናል፤ እኛ ግን በማመን ይህንን መዳን መቀበል አለብን።

#ሮሜ 10፥9–10

መጽሐፍ ቅዱስ እንዲህ ይላል፦
“ኢየሱስ ጌታ እንደሆነ በአፍህ ብትመሰክር፣ እግዚአብሔርም ከሙታን እንዳስነሳው በልብህ ብታምን፣ ትድናለህ። በልብ ለጽድቅ ይታመናልና፤ በአፍም ለመዳን ይመሰከራልና።”

ለመዳን ኢየሱስ ጌታ እንደሆነ በአፍህ በግልጽ መመስከር አለብህ። ይህም ኢየሱስ ክርስቶስ የሁሉ ጌታ እንደሆነ በጥልቅ ማመንና ይህንንም በድምፅ መናገር ማለት ነው።

ኢየሱስ ተራ ሰው ብቻ እንዳልነበረ፣ በሥጋ የተገለጠ የእግዚአብሔር ልጅ እንደሆነ፣ ፍጹምና ኃጢአት የሌለበትን ሕይወት እንደኖረ፣ ስለኃጢአትህም በመስቀል ላይ እንደሞተ ትመሰክራለህ። ከዚህም በላይ ከሙታን እንደተነሣ በልብህ ማመን አለብህ።

ከዚያም እርሱ ሕይወትን የሚሰጥ መንፈስ ሆኖ ወደ መንፈስህ ይገባል፤ ኃጢአቶችህ ሁሉ ይቅር ይባሉልሃል፤ በእርሱ ዘላለማዊ ሕይወትም ዳግመኛ ትወለዳለህ።

‼

የእግዚአብሔርን የመዳን ስጦታ ይህንን ጸሎት በማድረግ በቀላሉ መቀበል ትችላለህ፦

“ጌታ ኢየሱስ ሆይ፣ አሁን ንስሐ ገብቼ ወደ አንተ እመለሳለሁ። በእኔ ምትክ የሚገባኝን ፍርድ ስለተሸከምክልኝና በመስቀል ላይ ደምህን ስላፈሰስክልኝ አመሰግንሃለሁ። ስለእኔ ስለሞትክና ኃጢአቶቼን ሁሉ ይቅር ስላልክልኝ አመሰግንሃለሁ። አንተ ጌታ እንደሆንክ እመሰክራለሁ! ከሙታን እንደተነሣህ አምናለሁ። እንደ አዳኜና እንደ ሕይወቴ እቀበልሃለሁ። ና፣ በመንፈሴ ኑር። ጌታ ኢየሱስ ሆይ፣ አመሰግንሃለሁ። አሜን።”

ጌታ ኢየሱስን ለመቀበል ይህንን ጸሎት ካደረግህ፣ የበለጠ ለመማርና በእምነትህ ለማደግ የመጽሐፍ ቅዱስን ጥናት ቀጥል። ነፃ የጥናት አዲስ ኪዳን ለማዘዝ በተዘጋጀው ገጽ ጎብኝ።

‼❤
ተባረኩ🙏💚 True Gospel for Life 👈

አልተዋችሁም። “ወላጆች እንደሌላቸው ልጆች አልተዋችሁም” (ዮሐንስ 14፥18) ✨ይህ ቃል ልብን ከማሞቅ አልፎ እቅፍፍ አድርጎ ይደግፋል። መተው፣ መረሳት የሰው ልጅ ብርቱ ህመም ነው።...
18/08/2026

አልተዋችሁም።

“ወላጆች እንደሌላቸው ልጆች አልተዋችሁም” (ዮሐንስ 14፥18)

✨ይህ ቃል ልብን ከማሞቅ አልፎ እቅፍፍ አድርጎ ይደግፋል። መተው፣ መረሳት የሰው ልጅ ብርቱ ህመም ነው። እኛ ብዙዎችን እንደረሳነው ሁሉ እኛም በሌሎች ዘንድ እንረሳለን። የረሳናቸውን አስታውሰን ከምንፀልይላቸው ይልቅ የረሱንን አስታውሰን እናዝናለን።

✨ ሀብታም ብትሆንም ትረሳለህ: ድሀ ብትሆንም ትረሳለህ፣ ትንሽ ብትሆንም ትረሳለህ : ትልቅ ብትሆንም ትረሳለህ፣ ወንድ ብትሆንም ትረሳለህ ሴት ብትሆኚም ትረሺያለሽ። ላለመረሳት፣ ላለመተው ምንም ዋስትና የለንም። እኛ እንኳን አጠገባችን ያሉ ሰዎችን ይቅርና እግዚአብሔርን የምንረሳ ደፋሮች፣ አዝለነው የምንዞረውን ሞትን የምንረሳ ምስኪኖች ነን።

✨ እናቴ በቀን ውስጥ በትንሹ ሁለት ጊዜ ትደውላለች። ምግብ በላህ? ራስህን ጠብቅ፣ አታምሽ በጊዜ ና! የሁልጊዜ ድምጿ ነው። ወደቤት እስክገባ ደጅ ደጅ እያየች ትጠብቀኛለች፤ ከለመደችው ሰዓት ገፋ ብሎ ካመሸሁባት ልብስ ይዛ አደባባይ ቆማ ትጠብቀኛለች። ለቤተሰብ ሁሉ ደውላ ልጄ ጠፋ ብላ ታስጨንቃቸዋለች። የእርሷ እንዲህ መጨነቅ ራሷን መጉዳት ለኔ ቢከብደኝም እውነተኛ ፈላጊዬ እንደሆነች ሳስብ ደግሞ ደስታ ይሰማኝ ነበር።

✨ ዛሬም ይህ ስሜት የሚሰማችሁ ሰዎች ትኖራላችሁ። አንዳንድ ጊዜ በሕይወታችሁ ብቻችሁን የቀራችሁ ይመስላችኋል። ሰዎች ሊተዉን ይችላሉ፣ ጓደኞች ሊርቁን ይችላሉ፣ ሁኔታዎችም ልባችንን ሊያስጨንቁ ይችላሉ። ነገር ግን ኢየሱስ የሰጠን ተስፋ ከሁሉ በላይ ነው፤ “አልተዋችሁም” ይለናል። ሁልጊዜ ከእኛ ጋር ነው ፈፅሞ ከህይወታችን አይለይም ማለት ነው።

✨በደስታችንም ሆነ በሐዘናችን፣ በስኬታችንም ሆነ በፈተናችን እርሱ አይለየንም። እኛ እርሱን ስንፈልገው ይቀርበናል፣ ስንጸልይ ይሰማናል፣ በቃሉም ያበረታታናል። ምንም ዓይነት ችግር ቢኖር እግዚአብሔር አይተወንም። እርሱ የታመነ አምላክ ነው። ሰው ከጎናችን ቢሆን ጊዜያዊ ነው ጊዜያዊ ያልሆነው አምላክ ለዘላለም ከእኛ ጋር ነው።

✨ አንድ ፅሁፍ ሳነብ የወደድኩት ነው። "አንድ በእድሜ የገፉ አባት የእጅ ስልካቸውን ይዘው ሰሪ ቤት ይወስዱታል። ልጄ ይቺ ስልክ ተበላሽታብኝ ነው እባክህ አስተካክልልኝ ይሉታል። ልጁም ተቀብሎ ስልኩን ሲፈትሸው ስልኩ ምንም አልሆነም ይሰራል። አባቴ ስልኩ እኮ ምንም አልተበላሸም ይሰራል አላቸው። እኙህም አባት ታዲያ ለምንድነው ልጆቼ ደውለውልኝ የማያውቁት አይፈልጉኝም ማለት ነው" ብለው ልባቸው እያዘነ ስልካቸውን ይዘው ተመለሱ። ልጅ ወላጁን ይተዋል፣ ይረሳል፤ ወላጅም ልጁን ይረሳል። ለአፍታ ግን አይኖቹን ከእኛ ላይ የማይነቅል፣ በምንም ሁኔታ ውስጥ የማይተወን አልተዋችሁም ብሎ ቃል የገባልን ጌታ አለ።

✨ የመተው፣ የመረሳት ስሜት ሲሰማችሁ ይህን አስታውሱ የማይረሳው ጌታ ከእኔ ጋር ነው በሉ!!

❤ True Gospel for Life 👈

"ከአንድ ዓመት በላይ አስጠብቃኛለች ይለናል ዘርሽ "ከእለታት አንድ ቀን በቤተክርስቲያን ጉባኤ መካከል መድረክ ላይ ሆና ስትዘምርና ስታመሰግን አየኋት፤ ከዚያ ቅጽበት በፊት ግን በልቤ በጸሎ...
18/08/2026

"ከአንድ ዓመት በላይ አስጠብቃኛለች ይለናል ዘርሽ "

ከእለታት አንድ ቀን በቤተክርስቲያን ጉባኤ መካከል መድረክ ላይ ሆና ስትዘምርና ስታመሰግን አየኋት፤ ከዚያ ቅጽበት በፊት ግን በልቤ በጸሎት እግዚአብሔርን እጠይቅ ነበር። በትህትና ተሞልታ ስታገለግል ከተመለከትኳት በኋላ “ጌታ ሆይ! እቺን ባገባት ደስ ይለኛል” በማለት የልቤን ምኞት ለፈጣሪ አፈሰስኩ። ከዚያች ቀን ጀምሮ ለአንድ ዓመት ሙሉ በጸሎት በፊቱ ወደቅኩ። እሷ ግን ይህንን ሁሉ አታውቅም ነበር፤ አገልግሎቷን ጨርሳ ስትወጣ ሁልጊዜ በታላቅ አክብሮት ሰላም እላታለሁ፣ እሷም የተለመደ ትህትና መስሏት ምላሽ ትሰጠኛለች። በዚህ አንድ ዓመት ውስጥ ስለ ሕይወቷና ስለ ማንነቷ በጥንቃቄ አጠናሁ፤ ከተለያዩ አገልጋዮችና ወዳጆችም ብዙ ነገሮችን አወቅኩ። በስተመጨረሻም አንድ ትልቅ የአገልጋዮች ፕሮግራም በተዘጋጀበት ወቅት፣ ያዘጋጀውን ወዳጃችንን አነጋግሬ ከፕሮግራሙ መልስ እሷንም ጨምሮ እራት እንድንበላ ጋበዝኳት። በዕለቱ አብረን እራት በላን፣ ከዚያም በሰላም ወደ ቤቷ ሸኘኋት፤ ሆኖም በዚያን ቀን ምንም ዓይነት የፍቅር ወይም የጋብቻ ወሬ ሳላነሳ በዝምታ ወደ ቤቴ ተመለስኩ።

​ቀናት እያለፉ ሲሄዱ ግንኙነታችን እያደገና እየተቀራረብን መጣን። ሁለታችንም አገልጋዮች በመሆናችን በመንፈሳዊ ሕይወትና በሃሳብ መጠጋጋት ጀመርን፤ በመጨረሻም በአንድ ውብ ቀን የጋብቻ ጥያቄ አቀረብኩላት። ላለፈው አንድ ዓመት ሙሉ ስጸልይበት የነበረውን ሚስጥር፣ በልቤ የያዝኩትን ፍቅርና ያደረግኩትን ጥናት ሁሉ ግልጽ አድርጌ ነገርኳት። እሷም በመገረም አዳምጣኝ፣ “እንግዲህ ያንተን ያህል ዓመት ባይሆንም እኔም ልጸልይበት ይገባኛል” በማለት ጊዜ ጠየቀችኝ።

እግዚአብሔርንም በጸሎት ጠይቃ መልስ ካገኘች በኋላ ውሳኔዋን አሳወቀችኝ፤ ብዙ ሳይቆይም በጋብቻ ተጣመርን። ይህ በእውነት እግዚአብሔር ለሚጠሩት ሁሉ ቅርብ እንደሆነና ጸሎትን እንደሚሰማ የታየበት ድንቅ ተአምር ነበር።​ለእሷ ግን ይህ ሁሉ ነገር በፍጹም ያልጠበቀችውና ልቧን ድንግጥ ያደረገ ትልቅ ድብቅ ታሪክ ነበር። እሷ በበኩሏ “ይህ ታዋቂ አርቲስት ለምንድነው ሁልጊዜ አትኩሮ የሚመለከተኝና ፕሮግራም እስክጨርስ ጠብቆ ሰላም የሚለኝ?” እያለች በቅንነት ትገረም ነበር። በቤተክርስቲያኑ ውስጥ ብዙ ሰዎች ሰላም ስለሚሏትና እኔንም ደግሞ እንደ ትሁት አገልጋይ ስለምታውቀኝ፣ ሰላምታዬን ሁሉ የትህትና እንጂ ከጀርባው የዓመት ሙሉ ጸሎትና ጥናት ያለበት ፍቅር እንደሆነ በፍጹም አልጠረጠረችም ነበር። በመጨረሻ ግን ያ ሁሉ የጸሎት ዘመን ፍሬ አፍርቶ፣ እግዚአብሔር በታማኝነቱ የልባችንን መሻት ፈጽሞ አምረንና ተውብን ተጋባን።

#ጴንጤዜና

18/08/2026

ውጊያው የኢየሱስ ነው።
ኢየሱስ ሁሌም አሸናፊ ነው።
True Gospel for Life 👈
ሼር ይደረግ 👈

በአዲስ ኪዳን ለአገልግሎት የዋለው የግሪክ ስርወ ቃል “ዲያቆንያ” የሚል ነው። ከግሪኩ ስርወቃል የተወረው “ዲያቆን” የሚለው የግዕዝ ቃል ለአገልጋዩ መጠሪያነት የዋለ ሲሆን “ዲቁና” የሚለው...
17/08/2026



በአዲስ ኪዳን ለአገልግሎት የዋለው የግሪክ ስርወ ቃል “ዲያቆንያ” የሚል ነው። ከግሪኩ ስርወቃል የተወረው “ዲያቆን” የሚለው የግዕዝ ቃል ለአገልጋዩ መጠሪያነት የዋለ ሲሆን “ዲቁና” የሚለው ግን ሥራውን ወይም “አገልግሎቱን” የሚያመለክት ቃል ነው።

አገልግሎት ሰው ከዳነበኋላ በእግዚአብሔር የሚሰጠውን ጸጋ በመጠቀም ለእግዚአብሔር ክብርና ለሰዎችሁሉ(ለዳኑም ላልዳኑም) ጥቅም የሚያከናውነው ተግባር ነው።

 አገልግሎት ሌሉችን መጥቀምና ማሳረፍ ነው።
 አገልግሎት እግዚእብሔርን ማስደሰት ነው።
 አገልግሎት መስዋዕትነትን መክፈል ነው(የጊዜ፣ የገንዘብ፣ የዕውቀት፣ የሀብት እና የጉልበትመስዋዕትነትን ይጠይቃል)።
 አገልግሎት ጌታ እስኪመጣ ድረስ የምንፈጽመው የዕድሜ ልክ አደሪ ነው።
 አገልግሎት ተጋድሎ ነው(ከሥጋ ጋር፣ ከዓለም ጋር፣ ከሰይጣን ጋር፣ ከሐሰተኞች ጋር)።
 አገልግሎት መታመን ነው። በእግዚአብሔር ታምነን፣ ለእግዚአብሔርም ታምነን፣ በፊቱበታማኝነት መሰማራት ነው(መዝ 37፡3)።

በአጠቃላይ መልኩ ሲታይ አገልግሉት የእግዚእብሔር ሃሳብ ያለበት ማንኛውም ሥራአገልግሎት ነው። እንዲሁም ደግሞ አገልጋይ ማለት ሎሌ፣ አጋዥ፣ ረዳት ማለት ነው።ለምሳሌ ኢያሱ የሙሴ አገልጋይ ነበር(ኢያ 1፡1)፣ ካህናት የመቅደስ(ዘጸ 28:43)፣ባለሥልጣናትም የእግዚአብሔር አገልጋዮች ናቸው(ሮሜ 13፡4)፣ ሐዋሪያትና ተከታዮቻቸውየእግዚእብሔር አገልጋዮች ተብለዋል(1ኛ ተሰ 3፡2)፣ ደግሞም የከርስቶስ እገልጋዮች(ሮሜ 15፡15-16)፣ የወንጌል አገልጋዮች(ኤፌ 3፡7)፣ የአዲስ ኪዳን አገልጋዮች(2ኛ ቆሮ 3፡6) የቤተክርስቲያን አገልጋዮች ናቸው። (ቆላ 1፡25)።

! የአማኞች ሕይወት በዚህች ምድር ላይ እጅግ ሰልፍ ነው:: በዚህ ሁሉ ግን የምዋጋላቸው አምላክ ስላሌ ሁል ጊዜም ድል እየነሱ ይጓዛሉ:: አማኞች በብዙ ፈተናዎች ሲያልፉ ሊያደርጉ የሚገባቸው...
17/08/2026

!

የአማኞች ሕይወት በዚህች ምድር ላይ እጅግ ሰልፍ ነው:: በዚህ ሁሉ ግን የምዋጋላቸው አምላክ ስላሌ ሁል ጊዜም ድል እየነሱ ይጓዛሉ:: አማኞች በብዙ ፈተናዎች ሲያልፉ ሊያደርጉ የሚገባቸውን ነገሮችን እነሆ።

​1. ከእግዚአብሔር ጋር ያለዎትን ግንኙነት ያጠናክሩ

​ፈተና ሲመጣ፣ አንዳንዴ ከእግዚአብሔር ለመራቅ ወይም ለመናደድ ሊፈትነን ይችላል። ሆኖም፣ መፍትሄው ወደ እሱ መቅረብ ነው።

#ጸሎት: በፈተና ውስጥ ሲሆኑ፣ ስሜትዎን፣ ፍርሃትዎን እና ተስፋ መቁረጥዎን ለእግዚአብሔር ያፍሱ። እሱ ይሰማል እና ይረዳል። ፊልጵስዩስ 4:6-7 እንዲህ ይላል፦ “በምንም ነገር አትጨነቁ፤ ነገር ግን በጸሎትና በምልጃ ሁሉ ከምስጋና ጋር በእግዚአብሔር ዘንድ ልመናችሁን አስታውቁ። የእግዚአብሔርም ሰላም አእምሮን ሁሉ የሚያልፍ ነው፤ ልባችሁንና አሳባችሁን በክርስቶስ ኢየሱስ ይጠብቃል።”

: መጽሐፍ ቅዱስ እንደ በረሃ ውስጥ ውሃ ነው። የእግዚአብሔርን ተስፋዎች፣ ታማኝነቱን እና ፍቅሩን የሚያስታውስዎትን ጥቅሶች ያንብቡ። መዝሙር 119:50 “በመከራዬ ጊዜ የሚያጽናናኝ ይህ ነው፤ ቃልህ ሕያው አድርጎኛል።” ይላል።

#ዝማሬ: የእግዚአብሔርን ታላቅነትና መልካምነት የሚያወድሱ መዝሙሮችን ማዳመጥ ወይም መዘመር ልብዎን ሊያበረታታ ይችላል። መዝሙር 42:5 “ነፍሴ ሆይ፥ ስለ ምን ታዝኛለሽ? ስለ ምንስ በውስጤ ትረበሻለሽ? በእግዚአብሔር ታመኚ፤ ፊቱን የሚያድነው መድኃኒቴ አምላኬን ገና አመሰግነዋለሁና።”

​2. ትክክለኛውን አመለካከት መያዝ

​ፈተና የጥንካሬያችን እና የእምነታችን መለኪያ አይደለም። ይልቁንም፣ ለእምነታችን መፈተኛ እና ለበለጠ ክብር ዝግጅት ሊሆን ይችላል።



ያዕቆብ 1:2-4 “ወንድሞቼ ሆይ፥ ልዩ ልዩ ፈተና ሲደርስባችሁ እንደ ሙሉ ደስታ ቍጠሩት፤ የእምነታችሁም መፈተን ትዕግሥትን እንዲያደርግ ታውቃላችሁና። ትዕግሥትም ፍጹም ሥራ ይሁንለት፥ ምንም የሚጎድላችሁ ሳይኖር ፍጹማንና ሙሉዎች ትሆኑ ዘንድ።” ይላል። ፈተናዎች ልባችንን ለማጣራት እና ወደ ክርስቶስ ለመምሰል ይረዱናል።

:

እግዚአብሔር ፈጽሞ አይጥላችሁም። 1ኛ ቆሮንቶስ 10:13 “ለሰው ሁሉ ከሚገባው በቀር ፈተና አልደረሰባችሁም፤ እግዚአብሔርም የታመነ ነው፥ ከምትችሉት በላይ ትፈተኑ ዘንድ አይፈቅድም፤ ነገር ግን ፈተናውን ከትዕግስት ጋር መውጫውን ደግሞ ያዘጋጅላችኋል፤ እንድትችሉ ትችሉ ዘንድ።”



አሁን ያለብዎት ፈተና ጊዜያዊ ነው። 2ኛ ቆሮንቶስ 4:17-18 “የጊዜውም ቀላል መከራችን የክብር ብዛት ከሁሉ የሚልቅ የዘላለምን ከፍታ ያደርግልናልና፤ የምናየው የጊዜው ነውና፥ የማናየው ግን የዘላለም ነውና፤ የሚታየውን ነገር አናስተውልም፤ የማይታየውን ግን እናስተውላለን።”

​3. እርዳታን መቀበል

​በብቸኝነት መሄድ አያስፈልግም። እግዚአብሔር ቤተ ክርስቲያንን እንደ ቤተሰብ ሰጥቶናል።
​ከሌሎች አማኞች ጋር ይተባበሩ: ሀሳብዎን እና ፈተናዎን ለታመኑ ወንድሞች እና እህቶች ያካፍሉ። እርስ በርሳችን እንድንደጋገፍ ተጠርተናል። ገላትያ 6:2 “የእርስ በእርስን ሸክም ተሸከሙ፤ በዚህም መንገድ የክርስቶስን ሕግ ትፈጽማላችሁ።”

#በማጠቃለል፣ አማኝ በፈተና ውስጥ ሲያልፍ፣ ከሁሉ በላይ በእግዚአብሔር ላይ ያለውን እምነት ማጠናከር፣ ፈተናውን በትክክለኛ አመለካከት ማየት፣ እና ከሌሎች አማኞች ጋር መተባበር አለበት። ይህ ሁሉ የእግዚአብሔር ቃል የሚሰጠን ጥልቅ ማጽናኛ እና መመሪያ ነው።

ማድረጋችሁንም አትርሱ ተባረኩ!!
True Gospel for Life 👈👈👈

Address

Addis Ababa

Telephone

+251941947471

Website

Alerts

Be the first to know and let us send you an email when True Gospel for Life posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to True Gospel for Life:

Shortcuts

Share

Category