26/10/2025
Foon Qulqulluu Isxifaanos Waggoota Baay’een Booda Argame.
💫💫💫💫💫💫💫💫💫💫💫💫💫💫💫💫💫
Qulqulluun Isxifaanos akkuma wareegameen kiristaanonni foonsaa fudhatanii awwaallatan.
Foonsa kanan raajiiwwan baay’een raawwachaa waan turaniif Yihudonni akkuma fannoo Gooftaa
keenyaa taasisan foonsa fageessanii awwaalun kosiin akka irratti gatamu taasisanii waggoota
dhibba sadiif haala kanaan ture. Turtii waggoota kana booda bara bilisummaa mana kiristaanaatti
garuu guyyaan isaa yeroo ga’u bakka awwaalamee ture baafamee kabajaan mana kiristaanaa
maqaa isaan ijaarame keessa kaa’ameera. Innis akkas ture.
Bara mooticha Qusxinxiniyoos manni kiristaanaa bilisummaa argattee manneen xaa’otii yeroo
cufaman ture. Guyyaa tokko Qulqulluun Isxifaanos naannoo Iyyerusaalem bakka foonsa jiru
jiraachaa kan ture namicha Luukiyanos jedhamutti mul’ataan argamee, “ani Isxifaanosidha, foon
koo bakka kanatti awwaalamee waan jiruuf akka baasaniif ajaji” jedhe.
Luukiyaanosis gara
Phaaphasii Iyyerusaalem deemee itti himun bakkicha yeroo qofforan raajii addaan sanduuqa
foonsa qabatee jiru argatan. sanduqa kana keessa foolii baay’ee namatti tolutuu ba’a ture.
Qulqulloonni ergamootni Waaqayyos bakka kanatti osoo farfaatanii sagaleen isaanii dhagahame.
Kana booda ephis qophoosonni fi luboonni mana kiristaanaa kabaja fi faarfannaan fuudhanii kaa’an.
Kana boodas akkas ta’e. Iyyerusaalem keessa jiraachaa kan ture dhalataa Qusxinxiniyaa kan ta’e Illeksenderiyoos kan jedhamu nama tokkotu ture.
innis qulqulluu Isxinfaanosiif mana kiristaanaa
ijaaree foonsa achi keessa kaa’an. Waggaa shanii booda Illekseenderiyosis du’ee haati manaa isaa foon Qulqulluu Isxifaanos cinaatti awwaalte.
Haati manaa isaa kun waggoota shanii booda garaQusxinxiniyaatti deebi’uf jettee foon abbaa manaashee fudhattee deemuf yeroo jettu fedha Waaqayyoon foon Qulqulluu Isxifaanos fudhattee hanga magaalaa Asqaalan jedhamtutti geessitee
doonin ce’uun Qusxinxiniyaa geesse.
Doonii irras osoo deemtuu sanduqa sana keessa faarsaa ergamootaa dhageesssee foon sun kan Qulqulluu Isxifaanos ta’uu beekte.
Gara Iyyerusaalemitti deebi’uus waan hin dandeenyeef waanti kunis Waaqayyon kan raawwatee ta’uu hubattee fudhattee
Qusxinxiniyaatti galte.
Achi yeroo geessus fedha Waaqayyoon foon Qulqulluu Isxifaanos fiddee akka dhufte phaaphaasii magaalichatti ergite. Luboonni fi kiristaanonni magaalichas faarfannaa fi
galatoon ba’ani simatan. Foon isaa irraas raajiiwwan baay’een osoo hojjetamuu argan. Kana booda foonsa gaariin harkisaa osoo deemanii bakka Qusxaanxinoos jedhamu yeroo ga’an gaangeen sun deemu dide.
Isaanis Waaqayyo foon Qulqulluu Isxifaanos bakka kana akka jiraatuf akka eyyeme
hubatan. Itti aansus gaangeen sun afaan baasee, “foon Qulqulluu Isxifaanos bakka kana jiraachisaa” jedhee dubbate.
Kanumaanis raajii Waaqayyo dinqisiifachuun isa galateeffatanii
mootiin magaalichaa bakka sanatti mana kiristaanaa ijaarsisee achi keessa jiraachisan.
Manni kiristaanaa keenya ayyaanota Qulqulluu Isxifaanos kanneen armaan gadii waggaan ni kabajji.
Amajji 1 guyyaa dhalannaa isaa fi dhagaan waraanamee wareegamuu isaa, onkoloolessa 17 guyyaa muudama isaa fi fulbaana 15 guyyaa itti foonsa waggoota 300f awaalamee ture itti argamedha.
Eebbi Hangafa Wareegamtootaa Qulqulluu Isxifaanos hunda keenyarra haa bulu.
Galanni Waaqayyoof haa ta'u Ameen!
